यादां फौजा दियां

फौजियां दियां जिंदगियां दे बारे च असां जितणा जाणदे, तिसते जादा जाणने दी तांह्ग असां जो रैंह्दी है। रिटैर फौजी भगत राम मंडोत्रा होरां फौजा दियां अपणियां यादां हिंदिया च लिखा दे थे। असां तिन्हां गैं अर्जी लाई भई अपणिया बोलिया च लिखा। तिन्हां स्हाड़ी अर्जी मन्नी लई। हुण असां यादां दी एह् लड़ी सुरू कीती है, दूंई जबानां च। पेश है इसा लड़िया दा उण्ताह्ळमां मणका।

पिछले मणके च तुसां पढ़या भई मंडोत्रां होरां लोकनाथने जो सुधारने ताईं अपणा रनर बणाई लया। हुण पढ़ा भई तिन्हां लोकनाथने पर नजर किञा रखी। 

....................................................................

समाधियाँ दे परदेस च

थोड़ी कि देरा परंत लोकनाथनें आयी नै मिंजो सेल्यूट कित्ता कनै दस्सेया कि सूबेदार मेजर साहब होराँ तिस्सेयो मिंजो रिपोर्ट करने ताँईं गलाह्या। मैं तिस्सेयो इक होर कुर्सी मेरे टेबल दे खब्बे पासैं लगाणे ताँईं  ग्लाया। कुर्सी लगी जाणे ते परंत मैं तिस्सेयो तिसा पर बैठणे जो ग्लाया। पहले ताँ सैह् कुर्सिया पर बैठणे ते झिज्किया अपर जाह्लू मैं जोर देयी नै ग्लाया ताँ सैह चुपचाप बैठी गिया। मैं बोलणा शुरू कित्ता, "दिक्खा लोकनाथन, अज ते बाद तुसाँ मिंजो कन्नै रैह्णा है। तुसाँ मेरे इलावा कुसी होरसी दे हुक्म पर नीं चलणा है। जेकर कोई मिंजो ते सीनियर तुसाँ जो हुक्म दिंदा है ताँ मिंजो दस्सी करी तिस पर अमल करना है। तुसाँ जो शायद इस गल्ल दा पता नीं कि तुसाँ कुस मुसीबत च आयी फसेह्यो हन्न। मैं चाँहदा कि तुसाँ फौज ते पेन्शन लई करी जा। पेन्शना बाह्जी तुसाँ अपणा टब्बर किञा पाळना है? तुसाँ तगड़े जरूर हन्न अपर शराब दे अग्गैं तुसाँ हारी चुकेह्यो हन्न। मैं चाँहदा कि तुसाँ शराब दी आदत कन्नै लड़ा कनै जित हासिल करा। तुसाँ इक बद्धिया खिलाड़ी हन्न। तुसाँ जो जित्तणा ओंदा है। बस तुसाँ मिंजो शराब ते जित्ती नै दस्सा। जेकर तुसाँ इस लड़ाई च हारी गै ताँ तुसाँ दी बीबी कनै बच्चेयाँ भुक्खेयाँ रैह्णा है। तुसाँ दा टब्बर बिखरी जाणा है। मैं रिस्क लई नै तुसाँ दी जिम्मेदारी लइह्यो है नीं ताँ तुसाँ जो पेन्शना बाह्जी घर जाणा पोंदा।”  मेरियाँ इन्हाँ गल्लाँ जो सुणी करी लोकनाथन रोयी पिया था। मैं चुप होयी गिया कनै अपणे कम्में लगी पिया था।  सैह् भी थोड़ी कि देरा परंत शांत होयी गिया था।  

सैह् लोकनाथन जेह्ड़ा शराब पी करी, नशे च चार-पंज जुआनाँ दे काबू नीं ओंदा था, बेवस होयी नै चुपचाप मिंजो साह्म्णे बैठी रैंह्दा था। मिंजो तिस पर तरस ओंदा था। नशा आदमी जो कुत्थी दा भी नीं छडदा है। तिसदे किछ मित्र जुआन कनैं खिलाड़ी तिस्सेयो शराब पीणे ताँईं पलकेह्रदे थे। सैह् जाणे-अणजाणे च तिसदी बरबादी दी वजह बणदे जाह्दे थे। 

मैं तिस्सेयो होळैं-होळैं 'रनर' दे तौर पर इस्तेमाल करना शुरू करी दित्ता। मैं जेह्ड़ा भी कम्म तिस्सेयो दिंदा सैह् तिसजो तंरत करी नै मिंजो व्ह्ली आयी करी कुर्सिया पर बैठी जाँदा था। मिंजो जाह्लू भी टैम मिलदा मैं तिसदा हौंसला बद्धांदा रैंह्दा। मैं तिस्सेयो अपणी कहाणी सुणायी थी कि किंञा मैं 35-36 बह्रियाँ परंत बीड़ी-सिगरेट पीणे दी लत छड्डी थी। टैम बीतणे कन्नै मिंजो तिस च सुधार सुझणा लगे थे। सैह् खुश रैह्णा लगी पिया था। 

लोकनाथन जुआनाँ दिया बैरका च रैंह्दा था कनै मैं यूनिट ते चार किलोमीटर दूर पोणे वाळी फैमिली एकोमोडेशन च अपणे परिवारे कन्नै। मैं शराब ते दूर रैह्णे वाळे दो भरोसेमंद जुआनाँ जो तिस पर नजर रखणे ताँईं गलाह्या था। सैह् जुआन मिंजो भ्यागा दी पीटी (फिजिकल ट्रेनिंग) दे बग्त लोकनाथन दियाँ पिछलिया राती दियाँ हरकताँ दी रिपोर्ट दिंदे थे। जदैह्ड़ी मैं पीटी च नीं ओंदा था तदैह्ड़ी मैं तिन्हाँ जो बारी-बारी सद्दी करी दफ्तर ते बाहर मिली लैंदा था। 

जिंञा कि मैं पहलैं भी जिक्र कित्तेह्या लोकनाथन हॉकी कनै फुटबॉल दा इक बद्धिया प्लेयर था। सैह् इन्हाँ  दूंहीं खेलाँ च अपणी यूनिट जो रिप्रेजेंट करदा था। फौज दियाँ यूनिटां च खिलाड़ियाँ जो खास तवज्जो दित्ती जाँदी है। तिन्हाँ जो बख-बख खेल मुकाबलेयाँ ताँईं तैयारी करने वास्ते एक्स्ट्रा खुराक दे तौर पर दुद्ध बगैरा खरीदणे ताँईं यूनिट दे कमांडिंग ऑफिसर रेजिमेंटल फंड ते पैसा खर्चणे दी मंजूरी अक्सर दिंदे रैंह्दे हन्न। यूनिट दे खिलाड़ियाँ कनै एथलीटां जो यूनिट दे कूणे पर मौजूद इक अलग-थलग बैरक च रक्खेया जाँदा है, जित्थू सैह् इक मनमाने ढंगे दा जीण जींदे हन्न। तिन्हाँ पर कोई खास रोक-टोक नीं होंदी है। सैह् जित्थू मरजी दौड़ने दे बहाने घूमी-फिरी सकदे हन्न। अपणी परफॉर्मेंस बेहतर करने ताँईं खिलाड़ी अपणी जेब ते भी खुली नै खर्च करदे हन्न। तिन्हाँ च किछ ताँ कई तरहाँ दे नशे भी करना शुरू करी दिंदे हन्न। लम्मे समै तिकर तिस आजाद माहौल च रैंह्दे होये तिन्हाँ च किछ नशेड़ी बणी जाँदे हन्न। लोकनाथन तिन्हाँ च इक था। सैह् इक अल्कोहलिक था। 

शराब पीणे दियें आदतैं तिसदी घरेलू जिंदगी जो भी अस्तव्यस्त करी रक्खेह्या था। जाह्लू मैं तिस्सेयो समझाणा लगदा था ताँ सैह कई बरी रोणा लगी पोंदा था। इक बरी रोंदें-रोंदें तिन्नी मिंजो दस्सेया था कि जेकर सैह् नौकरी छड्डी नै घर गिया ताँ तिसदी घरेवाळिया अपणे दूंहीं बच्चेयाँ कन्नै अपणी जान देई देणी है। मैं तिसते तिसदी घरेलू जिंदगी दे बारे च कई बरी जाणने दी कोशिश कित्ती थी अपर सैह् कोई जवाब नीं दिंदा था। बस बच्चेयाँ साहीं रोणा लगी पोंदा था। मैं अनुमान लगायी सकदा था कि तिस बरगे शराबी दा घरेलू जीण कदेहा हुंगा। 

तिन्नी शराब सचमुच छड्डी दित्तिह्यो थी। मैं तिस ताँईं दिन भर दा इक टाइम-टेबल बणायी रक्खेह्या था। सैह् भ्यागा उठी नै तैयार होयी करी पीटी च शामिल होंदा। तिसते परंत ब्रेकफास्ट करी नै दफ्तर च आयी जाँदा कनै मेरा टेबल, कुर्सी, अलमारी, साह्म्णे लगिह्यो इक कुर्सी कनै अपणी कुर्सिया जो कपड़े नै खरा की साफ करदा। दोपहर जो मैं तिस्सेयो साढ़े बारह बजे खाणा खाणे ताँईं भेजी दिंदा। खाणा खायी करी सैह् तरंत मिंजो व्ह्ली दफ्तर च आयी जाँदा।  जाह्लू दोपहर डेढ़-दो बजे दे करीब दफ्तर बंद होंदा ताँ सैह् अपणी बैरक च जाई करी चारपाइया पर आराम करदा था।  जाह्लू दूजे जुआन गेम परेड बास्ते फॉल-इन होणे ताँईं निकळदे ताँ सैह् दफ्तर च आयी करी अपणी कुर्सिया पर बैठी जाँदा था। ताह्लू तिकर मैं भी ऑफिस च आयी जाँदा था। संझा दफ्तर बंद होणे ते परंत सैह् नोंह्दा कनै मेरी सलाह दे मुताबिक रात दा खाणा सबेला ही खायी लैंदा कनै फिरी यूनिट दे सूचना एवं मनोरंजन कक्ष च चली जाँदा था।  जाह्लू राती दस बजे मनोरंजन कक्ष बंद होयी जाँदा, सैह् बैरक च आयी नै चुपचाप अपणिया चारपाइया पर सोयी जाँदा था। 

फौज च हप्ते च तिन्न बरी संझा जो नान-वेज बणदा है। तिस दिन पेमेंट पर शराब भी बंडी जाँदी है। बंडी जाणे वाळी शराब दी मात्रा आमतौर पर इक पेग यानि कि 60 मिलीलीटर ते ज्यादा नीं होंदी है। शराब खरीदणे वाळे हर जुआन दा नाँ बाकायदा इक रजिस्टर च दर्ज कित्ता जाँदा है। शराब तिस दिन दे ड्यूटी अफसर दी निगरानी च बंडी जाँदी है। अंत च रजिस्टर च शराब दी बंड दी इक समरी दर्ज कित्ती जाँदी है जिस च इस चीज दा जिक्र होंदा है कि कितणियाँ बोतलाँ यूनिट रन कैंटीन (यू आर सी) ते निकाळियाँ गइयाँ थिंयाँ, कितणेयाँ जुआनाँ शराब खरीदी, कितणे पैसे, कितणी भरियाँ कनै कितणियाँ खाली बोतलाँ यूनिट रन कैंटीन च वापस जमा कित्तियाँ गइयाँ। तिस समरी जो ड्यूटी अफसर साइन करदा है। अगले दिन सैह् रजिस्टर सूबेदार मेजर साहब ते होंदा होया कमांडिग अफसर तिकर जाँदा है।  

अक्सर यूनिट डयूटी अफसर जेसीओ रैंक दे होंदे थे। मिंजो पता होंदा था कि कुस खास दिन दा डयूटी अफसर कुण है फिर भी मैं, मचला बणी ने, शराब बंडोणे वाळे दिन अक्सर लोकनाथन ते जाणीबूझी करी पुछदा, "लोकनाथन, अज दा ड्यूटी अफसर कुण है? सैह् तरंत मिंजो तैह्ड़कणे डियूटी अफसर दा नाँ दसी दिंदा था। "जा, तिन्हाँ जो गला मैं तिन्हाँ जो याद करा दा।" मैं तिस्सेयो आर्डर दिंदा। लोकनाथन तरंत जाँदा कनै डयूटी अफसर जो सद्दी लियोंदा। मैं एह् सब्भ लोकनाथन दे सब्र दा टेस्ट लैणे ताँईं करदा था। मैं जाणीबूझी नै तिस जो शराब बंडोणे दिया जगहा च भेजदा था। मिंजो व्ह्ली डयूटी अफसर कन्नै डिस्कस करने ताँईं कोई न कोई मुद्दा जरूर होंदा था चाहे तिसदा ताल्लुक तिस कन्नै होये जाँ चाहे तिसदे अंडर जुआनाँ कन्नै। 

यूनिट दे जुआन लोकनाथन जो शराब बंडणे वाळी जगह पर ओंदा दिक्खदेयाँ ही जोरे नै चिलाणा लगी पोंदे थे, "आयी-जा लोकनाथन, इक पेग लगायी लैह् यार, हेड क्लर्क साहब जो कोई पता नीं लगणा।" मैं लुक्की नै दिक्खदा था। सैह् शराबे पासैं दिक्खदा भी नीं था कनै उल्टे पैरां मिंजो व्ह्ली आयी नै बैठी जाँदा था। तिस बग्त तिस पर क्या गुजरदी होंगी तिसदा अंदाजा इक भुग्तभोगी ही लगायी सकदा है। 

दिन, हप्ते गुजरना लगे। सैह् सुधरदा गिया। मैं कनै यूनिट कमांडिंग अफसर दिन भर च घट ते घट दो-तिन्न बरी आमणे-साह्म्णे होयी नै मिलदे थे। तिन्हाँ कदी भी मिंजो ते लोकनाथन दे बारे च गल्लबात नीं कित्ती अपर तिन्हाँ जो तिस च आये सुधार दियाँ खबराँ, सूबेदार मेजर कनै दूजे साधनाँ दे जरिये बरोबर मिला दियाँ थियाँ। लोकनाथने कन्नै शराब पीणे वाले कनै कई दूजे हिरखी जेसीओ कनै जुआन तिस्सेयो सुधरदा दिक्खी नै खुश नीं थे। सेह् चाँह्दे थे कि लोकनाथन फिरी शराब पीये कनै यूनिट च हंगामा करै। तिन्हाँ ताँईं लोकनाथन महज इक तमाशे दा साधन था। तिसदी जिंदगी कनै परिवार कन्नै तिन्हाँ जो कोई हमदर्दी नीं थी। किछ गैरजिम्मेदार स्वभाव दे लोकां दिया तरफा ते तिसदे मने दी ताकत तोड़ने दियाँ लगातार कोशिशां होआ दियाँ थियाँ। मिंजो तिन्हाँ लोकां च कइयां जो दफ्तर च सद्दी करी वार्निंग भी देणा पई थी। 

(बाकी अगलिया कड़िया च….)

 

....................................................................

समाधियों के प्रदेश में (उनतालीसवीं कड़ी)

कुछ देर बाद लोकनाथन ने आकर मुझे सेल्यूट किया और बताया कि सूबेदार मेजर साहब ने उसे मुझे रिपोर्ट करने को कहा है। मैंने उसे एक अतिरिक्त कुर्सी मेरे टेबल के बायीं ओर लगाने के लिए कहा। कुर्सी लग जाने के बाद मैंने उसे उस पर बैठने के लिए कहा।  पहले तो वह कुर्सी पर बैठने से हिचकिचाया परंतु जब मैंने जोर देकर कहा तो वह चुपचाप बैठ गया।  मैंने कहना शुरू किया, "देखो लोकनाथन, आज से आप मेरे साथ रहोगे। आप मेरे इलावा किसी और के आदेश पर नहीं चलोगे। अगर कोई मुझ से सीनियर आपको कोई आदेश देता है तो मुझे बता कर फिर उसका पालन करोगे। आपको शायद इस बात का पता नहीं कि आप किस मुसीबत में आ फंसे हो। मैं चाहता हूँ कि आप फौज से पेंशन ले कर जाओ। बिना पेंशन के आप अपने परिवार को कैसे पालोगे? आप ताकतवर ज़रूर हो परंतु शराब के आगे हार चुके हो। मैं चाहता हूँ कि आप शराब की आदत से लड़ो और जीत हासिल करो। आप एक अच्छे खिलाड़ी हो। जीतना आपको अच्छी तरह से आता है। बस मुझे शराब से जीत कर दिखा दो। अगर आप इस लड़ाई में हार गये तो आपके बीबी और बच्चे भूखे रहेंगे। आपका परिवार बिखर जायेगा। मैंने रिस्क लेकर आपकी जिम्मेदारी ली है, नहीं तो आपको बिना पेंशन के घर जाना पड़ता।" मेरी यह बातें सुन कर लोकनाथन रो पड़ा था। मैं चुप हो गया और अपने काम में लग गया था। वह भी कुछ देर बाद शांत हो गया था। 

वह लोकनाथन जो शराब पीकर, नशे में चार-पांच जवानों के वश में नहीं आता था, विवश होकर चुपचाप मेरे सामने बैठा रहता था। मुझे उस पर तरस आता था। नशा आदमी को कहीं का भी नहीं छोड़ता है। उसके कुछ साथी जवान और खिलाड़ी उसे शराब पीने के लिए उकसाते थे। वे जाने-अनजाने में उसकी बरबादी की वज़ह बनते जा रहे थे। 

धीरे-धीरे मैंने उसे 'रनर' के तौर पर इस्तेमाल करना शुरू कर दिया। मैं जो भी काम उसे देता वह उसे तुरंत करके मेरे पास आकर कुर्सी पर बैठ जाता। मुझे जब भी समय मिलता मैं उसका मनोबल बढ़ाता रहता। मैंने उसे अपनी कहानी सुनायी थी कि कैसे मैंने 35-36 बर्ष के बाद बीड़ी-सिगरेट पीने की लत को छोड़ा था। समय बीतने के साथ मुझे उसमें कई सुधार नजर आने लगे थे। वह खुश रहने लगा था। 

लोकनाथन जवानों की बैरक में रहता था और मैं यूनिट से चार किलोमीटर दूर स्थित एक आवासीय परिसर में अपने परिवार के साथ। मैंने शराब से दूर रहने वाले दो विश्वसनीय जवानों को उस पर नजर रखने के लिए कह रखा था। वे जवान मुझे सुबह की पीटी (फिजिकल ट्रेनिंग) के दौरान लोकनाथन की पिछली रात की गतिविधियों की रिपोर्ट देते थे। जिस दिन मैं पीटी में नहीं आता था उस दिन मैं उन्हें बारी-बारी बुला कर ऑफिस के बाहर मिल लेता था। 

जैसे कि मैंने पहले भी जिक्र किया है लोकनाथन हॉकी और फुटबॉल का एक बढ़िया खिलाड़ी था। वह इन दोनों खेलों में अपनी यूनिट का प्रतिनिधित्व करता था। थलसेना की यूनिटों में खिलाड़ियों को विशेष महत्व दिया जाता है। उन्हें विभिन्न खेल प्रतियोगिताओं के लिए तैयारी करने के लिए अतिरिक्त खुराक के तौर पर दूध इत्यादि खरीदने के लिए यूनिट के कमांडिंग ऑफिसर रेजिमेंटल फंड से पैसा खर्चने की मंजूरी अक्सर देते रहते हैं। यूनिट के खिलाड़ियों और एथलीटों को यूनिट के किनारे पर स्थित एक अलग-थलग बैरक में रखा जाता है, जहाँ पर वे एक स्वछंद जीवन जीते हैं। उन पर कोई विशेष रोक-टोक नहीं होती है। वे जहाँ चाहें दौड़ने के बहाने घूम-फिर सकते हैं।  अपना प्रदर्शन बेहतर करने के लिए खिलाड़ी अपनी जेब से भी खुल कर खर्च करते हैं। उन में से कुछ तो कई प्रकार के नशे भी करना शुरू कर देते हैं। लंबे समय तक उस स्वछंद वातावरण में रहते हुए उनमें से चंद-एक लोग नशेड़ी बन जाते हैं। लोकनाथन उन्हीं में से एक था। वह एक अल्कोहलिक  था। 

शराब पीने की आदत ने उसके परिवारिक जीवन को भी अस्तव्यस्त कर रखा था। जब मैं उसे समझाने लगता था तो कई बार रोने लग पड़ता था। एक बार रोते-रोते उसने मुझ से कहा था कि अगर वह नौकरी छोड़ कर घर गया तो उसकी पत्नी अपने दोनों बच्चों के साथ अपना जीवन समाप्त कर लेगी। मैंने उससे उसके परिवारिक जीवन के बारे में कई बार विस्तार से जानने का प्रयास किया था पर वह कोई उत्तर नहीं देता था। बस बच्चों की तरह रोने लग पड़ता था। मैं अनुमान लगा सकता था कि उस तरह के शराबी का परिवारिक जीवन कैसे होगा। 

उसने शराब को सचमुच छोड़ दिया था। मैंने उसके लिए एक दिनचर्या बना रखी थी। वह सुबह उठ कर तैयार होकर पीटी में सम्मिलित होता। उसके बाद ब्रेकफास्ट करके दफ्तर में आ जाता और मेरा टेबल, कुर्सी, अलमारी, सामने लगी एक कुर्सी और अपनी कुर्सी को कपड़े से अच्छी तरह से साफ करता। दोपहर को मैं उसे साढ़े बारह बजे खाना खाने के लिए भेज देता। खाना खाकर वह तुरंत मेरे पास दफ्तर में आ जाता। जब दोपहर डेढ़-दो बजे के करीब दफ्तर बंद होता तो वह अपनी बैरक में जाकर चारपाई पर आराम करता था। जब अन्य जवान गेम परेड के लिए फॉल-इन होने के लिए निकलते तो वह दफ्तर में आकर अपनी कुर्सी पर बैठ जाता था। तब तक मैं भी ऑफिस में आ जाता था। शाम को दफ्तर बंद होने के बाद वह नहाता और मेरी सलाह के अनुसार रात का खाना जल्दी खा लेता और फिर यूनिट के सूचना एवं मनोरंजन कक्ष में चला जाता था। जब रात को दस बजे मनोरंजन कक्ष बंद हो जाता, वह बैरक में आकर चुपचाप अपनी चारपाई पर सो जाता था। 

सेना में सप्ताह में तीन बार शाम को नान-वेज बनता है। उस दिन पेमेंट पर शराब भी वितरित की जाती है। बांटी जाने वाली शराब की मात्रा आमतौर पर एक पेग अर्थात 60 मिलीलीटर से अधिक नहीं होती है। शराब खरीदने वाले हर जवान का नाम बाकायदा एक रजिस्टर में दर्ज किया जाता है। शराब का वितरण उस दिन के ड्यूटी अफसर की निगरानी में होता है। अंत मे रजिस्टर में शराब वितरण की एक समरी दर्ज की जाती है जिसमें इस बात का उल्लेख होता है कि कितनी बोतलें यूनिट रन कैंटीन (यू आर सी) से निकाली गयी थीं, कितने जवानों ने शराब खरीदी, कितने पैसे, कितनी भरी और कितनी खाली बोतलें यूनिट रन कैंटीन में वापस जमा की गयीं। उस समरी को ड्यूटी अफसर हस्ताक्षरित करता है। अगले दिन वह रजिस्टर सूबेदार मेजर साहब से होता हुआ कमांडिग अफसर तक जाता है।  

आमतौर पर यूनिट ड्यूटी अफसर जेसीओ रैंक के होते थे। मुझे पता होता था कि किसी विशेष दिन का ड्यूटी अफसर कौन है फिर भी मैं मदिरा वितरण वाले दिन अक्सर लोकनाथन से जानबूझ कर अनजान बनकर पूछता, "लोकनाथन, आज के ड्यूटी अफसर कौन हैं? वह तुरंत मुझे उस दिन के ड्यूटी अफसर का नाम बता दिया करता था। "जाओ उनसे कहो मैं उन्हें याद कर रहा हूं।" मैं उसे आदेश देता। लोकनाथन तुरंत जाता और ड्यूटी अफसर को बुला लाता। मैं यह सब लोकनाथन के धैर्य की परीक्षा लेने के लिए करता था। मैं जानबूझ कर उसे शराब वितरण की जगह पर भेजता था। मेरे पास ड्यूटी अफसर से डिस्कस करने के लिए कोई न कोई मुद्दा जरूर होता था चाहे उसका ताल्लुक उससे हो या चाहे उसके अधीन जवानों से। 

यूनिट के जवान लोकनाथन को शराब बंटने वाली जगह पर आता देख चिल्ला कर कहते, "आ जाओ लोकनाथन, एक पेग लगा लो यार, हेड क्लर्क साहब को कोई पता नहीं चलेगा।" मैं छुप कर देखता था। वह शराब की तरफ देखता तक नहीं था और उल्टे पांव मेरे पास आकर बैठ जाता था। उस समय उस पर क्या गुजरती होगी उसका अंदाजा एक भुग्तभोगी ही लगा सकता है। 

दिन, सप्ताह गुजरने लगे। वह सुधरता चला गया। मैं और यूनिट कमांडिंग अफसर दिन भर में कम से कम दो-तीन बार आमने-सामने होकर मिलते थे। उन्होंने कभी भी मुझ से लोकनाथन के बारे में बातचीत नहीं की परंतु उन्हें उसमें आये सुधार की खबरें, सूबेदार मेजर और अन्य स्रोतों के माध्यम से बराबर मिल रहीं थीं। लोकनाथन के शराबी साथी और कई अन्य ईर्ष्यालु जेसीओ व जवान उसे सुधरता देखकर खुश नहीं थे। वे चाहते थे कि लोकनाथन फिर से शराब पीये और यूनिट में हंगामा करे। उनके लिए लोकनाथन मात्र एक मनोरंजन का साधन था। उसके जीवन और परिवार से उन्हें कोई सहानुभूति नहीं थी। कुछ गैरजिम्मेदाराना प्रकृति के लोगों की ओर से उसका मनोबल तोड़ने के प्रयास निरंतर हो रहे थे। मुझे उन लोगों में से कइयों को दफ्तर में बुला कर चेतावनी भी देनी पड़ी थी। 

(शेष अगली कड़ी में…..)

हिमाचल प्रदेश के जिला काँगड़ा से संबन्ध रखने वाले भगत राम मंडोत्रा एक सेवानिवृत्त सैनिक हैं। उनकी  प्रकाशित पुस्तकें हैं ―
     
 जुड़दे पल, रिह्ड़ू खोळू, चिह्ड़ू मिह्ड़ू, परमवीर गाथा.., फुल्ल खटनाळुये दे, मैं डोळदा रिहा, सूरमेयाँ च सूरमे और
हिमाचल के शूरवीर योद्धा।
यदाकदा 'फेस बुक' पर 'ज़रा सुनिए तो' करके कुछ न कुछ सुनाते रहते हैं।

मिठिया भाषा च पारंपरिक कविता

 

रमेशचंद्र 'मस्ताना' होरां दे पहाड़ी कविता संग्रह झांझर छणकै, पखरू बोलै ते बाद पहाड़ी कवतां दी नौई कताब मेरया मितरा हाल च ही छपी है। कवि लेखक कुशल कुमार होरां इसा कताबा दे बारे च चर्चा करा दे हन। 

 

रमेश चंद्र मस्‍ताना जी दा पहाड़ी कवता संग्रह मेरया मितरा, मितरां दे ब्‍हाने सारे समाजे कनैं इसा टेडिया दुनिया दे सारे छल़ां, कपटां, टुच्‍चयां सोचां, तिकड़मां कनैं जुगाड़ां दा खुल्‍ला चिट्ठा है। कवतां दा मुख स्‍वर पारंपरिक ही है कि बुरा जमाना आई गिया। कविए दी कसीदाकारी, पहाड़ी भासा दी मठास अपणिया पूरिया सुंदरता च मौजूद है। मितरा तकिया कलाम दे दोहराब दे बावजूद इक जबर्दस्‍त लय है। जेह्ड़ा सारियां कवतां जो जोड़दा चल्ला दा। कुत्‍थी भी लय कनैं गल टुटा दी नीं। 

प्रिय प्रकाशन,
मस्त कुटीर, नेरटी, रैत, 
जिला कांगड़ा, (हि. प्र.)
मूल्य रु. 400/-

बल्‍ले नीं बल्‍ले तेरे क्‍या कैंह्णे मितरा।

इक नथ नीं है बाकी सारे गैंह्णे मितरा।।

संस्‍कार सारे-न मुकदे जा दे,

रीत-रुआजे वी घटदे जा दे।

नूंहां नीं जेकर पल्‍लू लैंणा,

सौह्रैं ही मुंह लुकांणा मितरा।।  

कवि मितरां जो सलाह देआ दा जरा बची नैं चलना। इसा दुनिया च‍ जीणा सोखा नीं है। कवि दुनिया दे जिस दोगलेपण, ऐबां, सिफ्तां, रोगां कनैं सुआरथां दियां तस्‍वीरां कवतां च पेड़ा दा, एह् सिफ्तां असां दे व्‍यावहारिक समाज कनैं दुनिया च हर जगह कनैं हर माह्णुए च तूही-तूही ने भरोईयां मिलदियां। स्‍यापा एह् है कि एह् एब दुअे च त बुरे लगदे पर अपणे नीं सुझदे। ताहीं ता क‍बीर गलाई गिया – बुरा जो देखन मैं चला...। 

दुनिया तां लुह्ड़-कंजूस है मितरा,

पूरी एह मक्‍खी-चूस है मितरा।

दुनिया दी भुक्ख तां रोह्ज बद्धा दी,

भरोआ नीं करदी जेब है मितरा।

कलहा-कलेश वी ओत्‍थू ही बदधे

जित्‍थू भी पेई जरेब मितरा।।

हौलें कनैं हिरखें हन सारे ही जल़ा दे।

भरोसे आल़ा कुत्‍थू बसुआस है मितरो।। 

पैह्लिया कवता च असूलां दा जींण्‍डा पुटणे ते लई आखर च हर हर गंगे होणे तिकर कवतां दुनियादारी दे नड़ीनुएं दे फैरे च फसयो माह्णूए जो सलाहां देआ दियां। इसा जातरा च उमरा दे जंजाल़ हन, करमां दे फल हन या जमाने दी चाल कनैं चाळे हन। नौक्‍खयां रंगां वाळी एह् दुनिया रंग बरंगी होणे कनैं-कनैं नखरीली, सुआदू, जुगाड़ू कनैं बड़ी कप्‍पती है। बैपैंदयां लोटयां, फसली बटेरेयां, मतलबी लोंकां दे मतलबां बिच जळबां ने भरोईयो जिंदा लई इसा दुनिया च कियां जिंद जीणी।

वग्‍त होया बड़ा बमार ओ मितरा,

अज्‍ज मांह्णू मांह्णू-मार ओ मितरा।

 

दुनियां दी दौड़ बद्ध दी जा दी,

नखरे सभनां दे न्‍यारे मितरो।।

 

अपणेयां सुआरथां दुनियां उलझी

पेइयो है मारो-मार ओ मितरा।। 

क्‍या करिए सब कर्मां दे फल़ हन। भोलेपणे नैं जीणां औक्‍खा है। एत्‍थू मेंहगाई पटराळयां मारा दी। मुफ्त खोरां दी मौज है, वग्‍त बड़ा बमार है। बतीरा बिगड़ी गेया बर्हले बड्ढी लोक चणे दिया चूंडिया चढ़ी नैं सुक्‍खी जिंदू दे सुपने दिक्‍खा दे। एह् ठीक नीं है। सबरा दे फल ही सुखी जिंदगी दे तत हन। नेकी पर ही टिकेया है जमाना। जे इस च मौजा नैं जीणा बत नीं बगाड़नीं। सारयां दा सौंह्णा बाबू बणी जीणा। 

खाह्म-खाह् ही सलांही देई नैं,

मगज़ नीं अपणा खपाणा मितरा।।

छड्डी सारी ही तेरी छाह् मितरा,

चलदी रख तूं खसमां यो खाह् मितरा।

जे कुसी गल्‍ला पर गौर नीं करणी,

खट्टी कढ़ी तूं ठूठे-च खाह् मितरा।।    

एह् इस संग्रह दियां कवतां दे शीर्षकां कनैं कवतां जो जोड़ी नैं कवतां पर गल करने दी इक कोशिश थी। इस संग्रह दियां कवतां पढ़दिया बारिया पढ़ने वाळे जो एह् ख्‍याल बी आई सकदा कि इतणियां खराबियां वाळी एह् दुनिया कैत पाणी। एह् सब दिक्‍खी नैं कविए जो वी एही लगा दा ताईं ता सैह अपणियां कवतां च गला दा। 

रमेश मस्ताना
झांझर छणकै, पखरू बोल्लै
(पहाड़ी कविता),
कागज के फूलों में
(हिंदी कविता),
आस्था के दीप,
लोकमानस के दायरे,
 पांगी घाटी की पगडंडियां एवं परछाइयां,
मिटिया दी पकड़ (गद्य साहित्य)

सुखी जिन्‍दू दे सुपनें अज्‍ज चूर-चूर ‘मस्‍ताना’।  

फी-वी जीणे दां सारेयां पर दबाव है मितरो।।

 

कोई भी नीं गल्‍ल सुणा दा,

दस मितरा क्‍या करिए।     

कुण कुसदी सुणदा दुनिया दी एही रीत है, माह्णू इन्‍हां कनैं ही जींदा ओआ दा। जिन्‍हां बण-बण दियां पखैनां, सणोणियां, बालियां कनैं मैंजरां नैं कविएं अपणियां कवतां दियां माळां परोईयां। एह् सब असां जो कनैं कविए जो पिछले वग्‍ते कनैं पीढ़ियां ते बरासता च मिलियां। कुछ असां दी पीढ़ी भी जोड़ा दी। 

बगानैं सिरैं जूं दुस्‍सी जांन्‍दी

अपणे पर नीं घोड़ा।

दुखां-ज़ल़बां कियां जिन्‍द कटोणी,

गठ्ठ-त्रुप कितणी सींणी-परोणी।

जे मनैं रति भ़र चैंन नां होएं,

क्‍या करणे पींघ झुटारे मितरो।।

जो सुख छज्‍जु दे चुबारे मितरो,

नां ही बल्‍ख नां बुखारे मितरो।

जे मुकदा जल़बे नैं मुकदा,

कम्‍मैं नैं मुकदा मितरा। 

एह् जिंदगी कनैं दुनिया दे सिक्‍के दा मूहरला पासा है। जै‍ह्ड़ा दुनियादारी दे छळां कपटां च खुरदरा लगा दा पर इस दे दुअे पासें बांका, छेळ कनैं पिआरा सौह्णा बाबू है। कवि चांह्दा कि दुनिया च सारियां बुराईयां ते बावजूद  एह् सौह्णा बाबू सौह्णा ही बणी रेह।  

बुराइयां बेश‍क हन ‘मस्‍ताना’

किछ नेकी पर टिकेया जमानां।

फलां भरेया डालू लफदा,

सुक्‍का कुत्‍थू झुकदा मितरा।।

कुशल कुमार

मुठ भर अंबर 

द्विभाषी कविता संग्रह 

दे चर्चित कवि कनै

अनुवादक 

 

यादां फौजा दियां

 

फौजियां दियां जिंदगियां दे बारे च असां जितणा जाणदे, तिसते जादा जाणने दी तांह्ग असां जो रैंह्दी है। रिटैर फौजी भगत राम मंडोत्रा होरां फौजा दियां अपणियां यादां हिंदिया च लिखा दे थे। असां तिन्हां गैं अर्जी लाई भई अपणिया बोलिया च लिखा। तिन्हां स्हाड़ी अर्जी मन्नी लई। हुण असां यादां दी एह् लड़ी सुरू कीती है, दूंई जबानां च। पेश है इसा लड़िया दा ठतुह्आं मणका।

....................................................................

समाधियाँ दे परदेस च 

 इक दिन जाह्लू मैं दोपहराँ परंत दफ्तर दे लम्मे बराँडे च घुमा दा था ताँ लोकनाथन जो साह्म्णे फुल्लाँ दियाँ क्यारियाँ च कम्म करदे दिक्खेया। मैं तिस्सेयो इंञा ही अप्पू व्ह्ली सद्दी लिया कनै तिस कन्नै गल्लाँ करना लग्गा। सैह् सावधान होयी नै खड़ोह्तेया था। मैं तिस्सेयो आरामे नै खड़ोणे ताँईं ग्लाया। मिंजो सैह् इक तमीजदार कनै डिसिप्लिंड जुआन लग्गेया अपर तिसदे 'चाल-चलण पत्र' (कंडक्ट सीट) च लिक्खिह्यो कहाणी मेरे तिस बग्त दी असेस्मेंट ते उल्ट थी। 

मैं तिसते तिसदे टब्बरे दे बारे च पुच्छेया। तिसदे परिवार च तिसदी घरवाळी, इक बिट्टी, इक जागत कनै विधमा माँ थी। दोह्यो बच्चे प्राइमरी स्कूल च पढ़दे थे। परिवार दी ओंदणी दा इकमात्र जरिया तिसदी तनख्वाह था। मैं तिस्सेयो समझाँदे होयें ग्लाया था, “दिक्ख लोकनाथन असाँ सारे अपणे कनै अपणे परिवार ताँईं नौकरी करा दे हन्न। जिंञा मैं कनै तुसाँ। मैं तुसाँ जो एह् दसणा चाँह्दा कि तुसाँ दी नौकरी काह्ली भी जायी सकदी है। तुसाँ जो पता नीं पर फौज दा इक रूल है कि जिसदियाँ तिन्न रेड इंक एंट्रियाँ होयी जाह्ण तिस्सेयो सीओ साहब काह्ली भी घर भेजी सकदे हन्न। तुसाँ दियाँ तिन्न रेड इंक एंट्रियाँ होयी चुक्किह्याँ हन्न। तुसाँ संभळी जा।”

“सर, मिंजो बचायी लैह्नेयो” सैह् हत्थ जोड़ी नै गिड़गिड़ाया।

“दिक्खा, इक ही आदमी है जेह्ड़ा तुसाँ जो बचायी सकदा है कनै सैह् तुसाँ ही हन्न। तुसाँ दी सर्विस तेरह साल ते उप्पर होयी गइह्यो है। आरामे नै पन्द्रह साल दी नौकरी पूरी करी पेंशन लई नै घर चली जा।’’ 

“ठीक है सर, मैं संभळी जाँह्गा। मिंजो तुसाँ बचायी लैह्नेयो।”

तिन्नी फिरी हत्थ जोड़ीते। इतणे च ही मेरी टेबल पर रक्खेह्यो फ़ौजी टेलीफोन दी घंटी बजणा लगी पई कनै मैं लोकनाथन जो तित्थू ही छड्डी करी अंदर आयी गिया। 

लोकनाथन जो तिसदे अनुशासनहीन बर्ताव ताँईं फौज दी नौकरी ते बर्खास्त कित्ता जायी सकदा था, मैं एह् गल्ल कमांडिंग अफसर जो नीं दस्सी। मैं जाणी बुझी करी अणजाण बणी गिया था। दरअसल मैं चाँह्दा था कि लोकनाथन जो कम से कम 15 साल दी नौकरी पूरी करी नै पेंशन लई करी घर जाणे ताँईं जितणा मेरे बस च था सैह् मैं जरूर कराँ। 

अपर अजेहियाँ गल्लाँ जो ज्यादा समै तिकर छुपाणा मुसकल होंदा है। फौज च हर जुआन दियाँ पर्सनल कनै फौजी सर्विस कन्नै जुड़िह्याँ सारियाँ घटनाँ तिसदी यूनिट दे 'पार्ट 2 ऑर्डर' च छापियाँ जाँदियाँ हन्न जिंञा कि ब्याह् करना, बच्चा पैदा होणा, कुसी कोर्स जो पास करना, प्रमोशन होणा, सजा होणा, बगैरा। जाह्लू लोकनाथन दी लेटेस्ट सजा दी खबर 'पार्ट 2 ऑर्डर' दे जरिये तोपखाना रिकॉर्ड ऑफिस जो लग्गी, तित्थू ते फौरन कमाण अफसर जो इक चिट्ठिया कन्नै दस्सेया गिया कि लोकनाथन जो आर्मी एक्ट दियाँ बख-बख सेक्शनाँ दे तहत जितणियाँ सजाँ होयी चुक्किह्याँ हन्न, तिंन्हाँ दे मद्देनज़र तिस्सेयो आर्मी सर्विस च बणाये रखणा सही नीं है इस ताँईं तिस्सेयो आर्मी सर्विस ते निकाळने दी कारवाई जळ्दी शुरू करने दी जरूरत है। 

जिंञा ही त्हैड़का डाक फोल्डर कमाण अफसर दे साह्म्णे गिया तिन्हाँ तिस चिट्ठी जो पढ़देयाँ ही अपणे स्टिक अर्दली जो भेजी करी मिंजो सद्देया। मैं सीओ साहब दे दफ्तर च दाखिल होंदयाँ ही दिक्खेया, यूनिट दे सूबेदार मेजर भी तिन्हाँ दे साहम्णे खड़ोह्तेयो थे। तिन्हाँ मिंजो तिसा चिट्ठिया च लिक्खोइयाँ गल्लाँ दी विस्तार च व्याख्या करने ताँईं ग्लाया। मिंजो लग्गेया कि सैह् चिट्ठिया पढ़ी चुकह्यो थे कनै तिसा पर सूबेदार मेजर साहब होराँ नै चर्चा भी करी चुकह्यो थे। मैं तिन्हाँ जो दस्सेया कि लोकनाथन दे बारे च एह् इक आम चिट्ठी है। जेकर कमांडिंग अफसर सही समझण ताँ लोकनाथन दे चालचलण जो ध्यान च रक्खी करी तिस्सेयो घर भेजी सकदे हन्न अपर कमांडिंग अफसर साहब एह् कारवाई करने ताँईं मजबूर नीं हन्न। मैं तिन्हाँ जो दस्सेया कि सैह इजाजत देण ताँ मैं तिन्हाँ जो तिस मामले नै ताल्लुक रखणे वाळे कानूनाँ कनै रूलाँ जो दस्सी सकदा। तिन्हाँ मिंजो तिन्हाँ कानूनाँ कनै रूलाँ जो दस्सणे ताँईं ग्लाया। मिंजो पता था कि मिंजो ते इस मामले च पुच्छेया जाणा है। मैं मोटी-मोटी किताबां दे संबंधित वरकेयाँ पर फ्लैग लगायी करी तिन्हाँ जो अप्पू कन्नै ही लई आह्या था। मैं तिन्हाँ किताबां जो सीओ साहब दे दफ्तर दे दरवाजे ते बाहर इक पासैं लग्गेह्यो स्टूले पर रक्खी आया था ताकि जरूरत पोंणे पर मैं तिन्हाँ जो सीओ साहब जो तरंत दस्सी सकां। 

मैं तिन्हाँ किताबां जो लियाई करी तिन्हाँ साह्म्णे रक्खी दित्ता। पढ़ने ते परंत जाह्लू तिन्हाँ जो तसल्ली होयी गयी कि इस मामले च सैह् अपणी मर्जी मुताबिक कारवाई करी सकदे हन्न ताँ तिन्हाँ लोकनाथन दे मामले च मिंजो ते मेरी रै (राय) पुच्छी। मैं तिन्हाँ जो दस्सेया कि मेरी रै (राय) च असाँ जो लोकनाथन जो समझाणा चाहीदा कि तिन्नी अप्पू जो कितणे खतरनाक हालात च लियाई नै खड़ेरीतेया है कनै तिस्सेयो पेंशन जोगी सर्विस पूरी करने दा मौका देणा चाहीदा। इसदे परंत तिन्हाँ सूबेदार मेजर साहब ते तिन्हाँ दी रै (राय) पुच्छी। सूबेदार मेजर साहब दी रै मेरी रै ते उळट थी कैंह् कि लोकनाथन दा बर्ताव पलटन दी व्यवस्था कनै अनुशासन ताँईं नुकसानदेह था। तिसदा दूजे जुआनाँ दे बर्ताव पर बुरा असर पोणे दा डर था। सूबेदार मेजर साहब सारी पलटन दे भले दी सोचा दे थे। सैह् अपणिया जगहा पर सही भी थे अपर मैं इन्सानियत दे नजरिये ने लोकनाथन दी जिंदगी कनै परिवार दे बारे च सोचा दा था। तिसदे परिवार दा भरण-पोषण तिसदी तनख्वाह कन्नै मुश्किला नै होयी पांदा था किञा कि सैह् हर महीने अपणी तकरीबन अद्धे ते ज्यादा तनख्वाह शराब च बरबाद करी दिंदा था। तिस्सेयो आसानिया नै फौजी नौकरी ते निकाळेया जायी सकदा था अपर मैं चाँह्दा था कि तिस्सेयो सुधरने दा इक आखिरी मौका जरूर दित्ता जाणा चाहीदा था। 

कमांडिंग अफसर साहब मिंजो नै इकमत होंदे बझोआ दे थे। ताह्लू सूबेदार मेजर साहब होराँ बोलणा लग्गे,

"सर, लोकनाथन असाँ दे कुसी कम्म दा नीं जेकर तिस्सेयो रखणा है ताँ हेडक्लर्क साहब अपणे ऑफिस च ही रखण।" कमांडिंग अफसर साहब इस पर मेरा जवाब जाँणने ताँईं मिंजो व्ह्ली दिखणा लग्गे। मैं सूबेदार मेजर साहब दी गल्ल दा जवाब दित्ता,

"ठीक है साहब, तिस्सेयो मिंजो देई दिया। मैं तिस जो अपणे 'रनर' दे तौर पर इस्तेमाल करी लैंह्गा, अपर सैह् ऑफिस दा एडिशनल 'रनर' होंगा। पहले ते डिटेल्ड 'रनर' जो हटाया नीं जाए।" 

इस पर सूबेदार मेजर साहब तरंत बोली पै, "ठीक है साहब, मंजूर है।"

"ताँ ठीक है साहब, लोकनाथन जो ऑफिस च भेजी दिया,"

कमांडिंग अफसर साहब, सूबेदार मेजर साहब दे पासैं दिक्खी नै बोले थे, "हुण तुसाँ जायी सकदे हन्न।"

फिरी सैह् मेरे पासैं दिक्खी नै ग्लाणा लग्गे थे, "साहब, मिंजो उम्मीद है, तुसाँ जो पता है तुसाँ क्या करना लग्गेह्यो हन्न।"

"हाँ सर," मैं आत्मविश्वास नै भरपूर आवाज च उत्तर दित्ता था।

"ठीक है, हुण तुसाँ जा। याद रखणा जेकर किछ गलत घटेया ताँ तिसदा नतीजा तुसाँ जो भी भुगतणा पोणा है।"

मैं कमांडिंग अफसर को सैल्यूट करी नै तिन्हाँ दे ऑफिस ते निकळी आया था। 

मैं अपणे ऑफिस दे पासैं जाँदा होया सोचदा जा दा था कि किछ गलत होणे पर मिंजो क्या नतीजे भुगतणा पई सकदे हन्न। ताह्लू मिंजो एह् ही लग्गा था कि हो न हो कमांडिंग अफसर दा इशारा मेरी सालाना गुप्त रिपोर्ट दी ग्रेडिंग डाउन करने दे पासैं होये। मिंजो सूबेदार मेजर बणने ताँईं तिस साल इक 'ऑउट स्टैंडिंग एनुअल कोंफिडेंश्यिल रिपोर्ट' दी सख्त जरूरत थी, नीं ताँ मेरिट लिस्ट च मेरा नाँ ओंणे दी उम्मीद बड़ी घट थी। 

(बाकी अगलिया कड़िया च….)

  

....................................................................

समाधियों के प्रदेश में (अड़तीसवीं कड़ी)

 एक दिन जब मैं दोपहर बाद ऑफ़िस के लम्बे बरामदे में टहल रहा था तो लोकनाथन को सामने फूलों की क्यारियों में काम करते देखा। मैंने उसे यूं ही अपने पास बुला लिया और उससे बातें करने लगा। वह सावधान की मुद्रा में खड़ा था मैंने उसे आराम से खड़ा होने के लिए कहा। मुझे वह एक शालीन और अनुशासित सैनिक लगा परंतु उसके 'चाल-चलन पत्र' (कंडक्ट सीट) में लिखी कहानी मेरे तत्कालीन आकलन के विपरीत थी। 

मैंने उससे उसके परिवार के बारे में पूछा। उसके परिवार में उसकी पत्नी, एक बेटी, एक बेटा और विधवा माँ थी। दोनों बच्चे प्राथमिक पाठशाला में पढ़ते थे। परिवार की आय का एकमात्र स्रोत उसका वेतन था।  मैंने उसे समझाते हुआ कहा, “देखो लोकनाथन, सभी अपने और अपने परिवार के लिए नौकरी करते हैं। जैसे मैं और आप। मैं आप को यह बताना चाहता हूँ कि आपकी नौकरी किसी भी क्षण जा सकती है। आपको पता नहीं पर फ़ौज में एक नियम है कि जिसकी तीन रेड इंक एंट्री हो जाएं उसे सीओ साहब कभी भी घर भेज सकते हैं। आपकी तीन रेड इंक एंट्री हो चुकी हैं। आप संभल जाओ।”

“सर, मुझे बचा लेना” वह हाथ जोड़ कर गिड़गिड़ाया था।

“देखो, एक ही आदमी है जो आपको बचा सकता है और वो आप ही हो। आपकी सर्विस तेरह साल से ऊपर हो गई है। आराम से पन्द्रह साल नौकरी पूरी कर के पेंशन ले कर घर चले जाओ।"

“ठीक है सर, मैं संभल जाऊंगा। मुझे आप बचा लेना।” उसने फिर हाथ जोड़ दिए थे। इतने मैं ही मेरी टेबल पर रखे फ़ौजी टेलीफोन की घंटी बजने लगी पड़ी और मैं लोकनाथन को वहीं छोड़ कर अंदर आ गया। 

लोकनाथन को उसके अनुशासनहीन आचरण के लिए सैन्य सेवा से बर्खास्त किया जा सकता था, मैंने यह बात कमांडिंग अफ़सर को नहीं बतायी। मैं जानबूझ कर अनजान बन गया था। दरअसल मैं चाहता था कि लोकनाथन को कम से कम 15 साल की सैन्य सेवा पूरी करके पेंशन लेकर घर जाने के लिए जो कुछ मेरे बस में था वह मैं जरूर करूं। 

लेकिन ऐसी बातों को लम्बे समय तक छुपाया नहीं जा सकता है। सेना में हर सैनिक की निजी व सैन्य सेवा से जुड़ी घटनाओं को संबंधित सैन्य यूनिट के 'भाग 2 आदेश' के रूप में प्रकाशित किया जाता है जैसे विवाह करना, बच्चा पैदा होना, किसी पाठ्यक्रम को पास करना, पदोन्नति होना, सजा होना, इत्यादि। जब लोकनाथन की नवीनतम सजा की सूचना 'भाग 2 आदेश' के जरिये तोपखाना अभिलेखागार में पहुंची, वहाँ से तत्काल कमान अधिकारी को एक पत्र द्वारा सूचित किया गया कि लोकनाथन को सेना अधिनियम की विभिन्न धाराओं के तहत जितनी सज़ाएँ हो चुकी हैं उनके मद्देनज़र उसे सैन्य सेवा में बनाए रखना अवांछनीय है अतः उसकी सैन्य सेवा को समाप्त करने की प्रक्रिया शीघ्र शुरू करने की आवश्यकता है। 

जैसे ही उस दिन का डाक फोल्डर कमान अधिकारी के समक्ष गया उन्होंने उस पत्र को पढ़ते ही अपने स्टिक अर्दली को भेज कर मुझे बुलाया। मैंने सीओ साहब के कार्यालय में दाखिल होते ही देखा, यूनिट के सूबेदार मेजर साहब भी उनके सामने खड़े थे। उन्होंने मुझे उस पत्र में लिखित बातों की विस्तृत व्याख्या करने के लिए कहा। मुझे लगा कि वे पत्र को पढ़ चुके थे और उस पर सूबेदार मेजर साहब से विचार-विमर्श भी कर चुके थे। मैंने उन्हें बताया कि लोकनाथन के बारे में वह एक सामान्य पत्र है। यदि कमांडिंग अफ़सर उचित समझें तो लोकनाथन के आचरण को ध्यान में रखते हुए उसे घर भेज सकते है परंतु कमांडिंग अफसर साहब ये कार्रवाई करने के लिए बाध्य नहीं हैं। मैंने उन्हें बताया कि वे आज्ञा दें तो मैं उन्हें संबंधित क़ानूनों और नियमों को दिखा सकता हूँ। उन्होंने मुझे उन कानूनों और नियमों को उन्हें दिखाने के लिए कहा। मुझे पता था कि मुझ से इस विषय में पूछा जाना है अतः मैं मोटी-मोटी किताबों के संबंधित पृष्ठों पर फ्लैग लगा कर उन्हें अपने साथ ले लाया था। मैंने उन किताबों को सीओ साहब के दफ्तर के दरवाजे के बाहर एक तरफ लगे स्टूल पर रखा था ताकि आवश्यकता पड़ने पर मैं उन्हें सीओ साहब को तुरंत दिखा सकूं। 

मैंने उन किताबों को लाकर उनके सामने रख दिया। पढ़ने के उपराँत जब उन्हें तसल्ली हो गयी कि इस मामले में वे स्वेच्छा से कार्रवाई कर सकते हैं तो उन्होंने लोकनाथन के मामले मेरी निजी राय पूछी। मैंने उन्हें बताया कि मेरी राय में हमें लोकनाथन को समझाना चाहिए कि उसने खुद को कितनी विकट परिस्थिति में ला कर खड़ा कर लिया है और उसे पेंशन योग्य सर्विस पूरी करने का मौका देना चाहिए। इसके उपरांत उन्होंने सूबेदार मेजर साहब से उनकी राय पूछी। सूबेदार मेजर साहब की राय मेरी राय से उलट थी क्योंकि लोकनाथन का व्यवहार पलटन की व्यवस्था व अनुशासन के लिए हानिकारक था। उसका दूसरे जवानों के आचरण पर प्रतिकूल प्रभाव पड़ने की आशंका थी। सूबेदार मेजर साहब समस्त पलटन के हित में सोच रहे थे। वे अपनी जगह पर सही भी थे पर मैं मानवीय दृष्टिकोण से लोकनाथन के जीवन और परिवार के बारे में सोच रहा था। उसके परिवार का भरण-पोषण उसके वेतन से मुश्किल से हो पाता था क्योंकि वह हर महीने अपना लगभग आधे से अधिक वेतन शराब पर नष्ट कर देता था। उसे आसानी से सैन्य सेवा से निकाला जा सकता था परंतु मैं चाहता था कि उसे सुधरने का एक अंतिम मौका जरूर दिया जाना चाहिए। 

कमांडिंग अफसर साहब मुझ से सहमत होते प्रतीत हो रहे थे। तभी सूबेदार मेजर साहब कहने लगे, "सर, लोकनाथन हमारे किसी काम का नहीं अगर उसे रखना है तो हेडक्लर्क साहब अपने ऑफिस में ही रखें।"

कमांडिंग अफसर साहब इस पर मेरी प्रतिक्रिया जानने के लिए मेरी तरफ देखने लगे। मैंने सूबेदार मेजर साहब की बात का जवाब दिया, "ठीक है साहब, उसे मुझे दे दीजिए। मैं उसे अपने 'रनर' के तौर पर इस्तेमाल करूंगा, परंतु वह ऑफिस का एडिशनल 'रनर' होगा। पहले से डिटेल्ड 'रनर' को हटाया नहीं जाए।"

इस पर सूबेदार मेजर साहब तुरंत बोल पड़े, "ठीक है साहब, मंजूर है।" 

"तो ठीक है साहब, लोकनाथन को ऑफिस में भेज दो,"

कमांडिंग अफसर साहब सूबेदार मेजर साहब की तरफ देख कर बोले थे, "अब आप जा सकते हैं।"

फिर वे मेरी तरफ मुखातिब हो कर कहने लगे थे, "साहब, मुझे उम्मीद है, आप को पता है आप क्या करने जा रहे हैं।"

"हाँ सर," मैंने आत्मविश्वास से भरपूर आवाज में उत्तर दिया था। 

"ठीक है, अब आप जाओ। याद रखना अगर कुछ गलत हुआ तो उसके परिणाम आप को भी भुगतने होंगे।"

मैं कमांडिंग अफसर को सैल्यूट कर के उनके ऑफिस से निकल आया था। 

मैं अपने ऑफिस की ओर जाता हुआ सोचता जा रहा था कि कुछ गलत होने पर मुझे क्या परिणाम भुगतने पड़ सकते हैं। तब मुझे यही लगा था कि हो न हो कमांडिंग अफसर का इशारा मेरी वार्षिक गोपनीय रिपोर्ट की ग्रेडिंग डाउन करने की तरफ हो। मुझे सूबेदार मेजर बनने के लिए उस बर्ष एक 'ऑउटस्टैंडिंग एनुअल कोंफिडेंश्यिल रिपोर्ट' की सख्त जरूरत थी, नहीं तो  मेरिट लिस्ट में मेरा नाम आने की संभावना बहुत कम थी। 

(शेष अगली कड़ी में……)

मुख चित्र: संजय श्रीवास्तव की चित्रकृति

हिमाचल प्रदेश के जिला काँगड़ा से संबन्ध रखने वाले भगत राम मंडोत्रा एक सेवानिवृत्त सैनिक हैं। उनकी  प्रकाशित पुस्तकें हैं ―
     
 जुड़दे पल, रिह्ड़ू खोळू, चिह्ड़ू मिह्ड़ू, परमवीर गाथा.., फुल्ल खटनाळुये दे, मैं डोळदा रिहा, सूरमेयाँ च सूरमे और
हिमाचल के शूरवीर योद्धा।
यदाकदा 'फेस बुक' पर 'ज़रा सुनिए तो' करके कुछ न कुछ सुनाते रहते हैं।

यादां फौजा दियां

 

फौजियां दियां जिंदगियां दे बारे च असां जितणा जाणदे, तिसते जादा जाणने दी तांह्ग असां जो रैंह्दी है। रिटैर फौजी भगत राम मंडोत्रा होरां फौजा दियां अपणियां यादां हिंदिया च लिखा दे थे। असां तिन्हां गैं अर्जी लाई भई अपणिया बोलिया च लिखा। तिन्हां स्हाड़ी अर्जी मन्नी लई। हुण असां यादां दी एह् लड़ी सुरू कीती है, दूंई जबानां च। पेश है इसा लड़िया दा सैंतुह्आं मणका।

....................................................................

समाधियाँ दे परदेस च 

मैं तैह्ड़ी चोंह् दिनाँ दी छुट्टी कटणे ते परंत अपणी यूनिट च हाजिर होया था।  भ्यागा दफ्तर आयी नै कुर्सिया पर बैठया ही था कि कमांडिंग अफ़सर साहब दे स्टिक अर्दलिएं आयी करी चुस्त सेल्यूट मारेया कनै ग्लाया, “साहब, तुसाँ जो सीओ साहब याद करा दे हन्न”। “ठीक है,” मैं बोल्या, “मैं आया।” स्टिक अर्दली चला गिया। मैं कंधा नै लग्गिह्यो कीलणिया कन्नै टंगोहि्यो अपणी टोपी तुआरी करी पहनी, अपणा पेन कनै नोट पैड संभाळेया कनै कमांडिंग अफ़सर होराँ दे दफ्तरे पासें चली पिया। तिन्हाँ दा ऑफिस दो कमरे छड्डी करी त्रीये कमरे च, बराँड़े दे दूजे किनारे पर था। तित्थू पुज्जी करी जिंञा ही मैं तिन्हाँ जो सेल्यूट कित्ता तिन्हाँ तरंत पुच्छेया, “साहब जिस कम्मे ताँईं तुसाँ छुट्टी गैह्यो थे सैह् कम्म होयी गिया?” “हाँ सर, होयी गिया” मैं भी तरंत जवाब दित्ता था। "गुड" तिन्हाँ अपणे साह्म्णे खुल्लिह्यो फाइला ते नजराँ हटाये बगैर बोल्या था। 

“अच्छा साहब एह् दस्सा, असाँ लोकनाथन जो कितणे दिनाँ दे अंदर घर भेजी सकदे हन्न?" कर्नल साहब होराँ दा अगला सुआल था। 

“सर, लोकनाथन जो….. तिस्सेयो तुसाँ..… 

“बस साहब, मैं होर किछ नीं सुणना चाँह्दा। तुसाँ एह् दस्सा तिस्सेयो डिसमिस करी नै कितणे दिनाँ दे अंदर घर भेजी सकदे हन्न?” तिन्हाँ मेरी गल्ल पूरी होणे ते पहलैं ही उच्ची उआज च अपणा सुआल दोहराया। तिन्हाँ दे तेवर दिक्खी नै मिंजो हिम्मत नीं होयी कि अपणी गल्ल पूरी कराँ। तिन्हाँ दे सुआले दे जवाब च मैं हौळैं कि ग्लाया, “सर, तिस्सेयो असाँ अज्ज ते अठमें दिन घर भेजी सकदे हन्न।” 

“इसते तौळा कैंह् नीं?” 

“सर, तुसाँ जो तिस्सेयो वजह दसणे दा नोटिस (कारण बताओ नोटिस) देणा पोंणा कनै तिस्सेयो जवाब देणे ताँईं ठीक-ठाक बग्त भी देणा पोंणा। एह् बग्त सत्त दिनाँ ताँ होंणा ही चाहीदा। तिसदा जवाब ओंणे दे परंत जेकर तुसाँ जो लगदा है कि तिस्सेयो घर भेजणा ही पोणा ताँ भेजी सकदे हन्न। जेकर सैह् अपणा जवाब तौळा देई दिंदा है कनै तुसाँ जो तिसते तसल्ली नीं होंदी है ताँ तिसदे अगलैं दिनैं भी भेजी सकदे हन्न।" मैं अपणी गल्ल ग्लाँदा गिया, "अपर मेरी तुसाँ नै इन्सानियत दे तौर पर इक विनती है कि तिस्सेयो तनखाह देणे ते परंत ही घर भेज्या जाए किञा कि तिस व्ह्ली घर जाणे ताँईं ट्रेन टिकट खरीदणे जो पैसे भी ताँ होणा चाहीदे। इस तरीके नै डिसमिस करने ते परंत तिसदी घर जाणे ताँईं फ्री रेलवे वारंट जाँ कन्सेशन वाउचर दी हकदारी नहीं रैंह्दी।” 

“ठीक है साहब, अज्ज उन्नी तारीख है। त्रेयी तारीख जो मेरे साइन करवायी नै तिस्सेयो तुसाँ कारण बताओ नोटिस देई दिया। अपर ध्यान रैह् कि नोटिस देणे ते पैह्लैं तिस्सेयो इस गल्ल दा पता नीं लगणा चाहीदा नीं ताँ तिन्नी हल्ला करना।" 

मैं कर्नल साहब होराँ जो सेल्यूट कित्ता कनै भारी मनैं नै अपणी कुर्सिया पर आयी करी बैठी गिया। इक बड़े हाल जितणे दफ्तर च मिंजो ते इलावा चार हवलदार कनै तिन्न नायक कम्म करदे थे। मेरा मेज इस तरहाँ लग्गेह्या था कि सारेयाँ पर मेरी नजर रैह् कनै सैह् भी मिंजो दिक्खी सकण। मेरे उदास चेहरे पर इक हारेयो आदमिये दे हाव-भाव दिक्खी करी तिन्हाँ च सब्भते सीनियर हवलदार मिंजो व्ह्ली आयी करी होळी आवाज च पुछणा लग्गे, “सर, क्या गल्ल है? तुसाँ उदास कजो हन्न?” 

“किछ नीं प्रभात, ओआ बैट्ठा” मैं हवलदार प्रभात सिंह जो अपणे मेज दे साह्म्णे लग्गिह्यो कुर्सिया पर बैठणे दा इशारा कित्ता। सैह् बैठी गै। 

“मेरी छुट्टिया दे दौरान क्या लोकनाथने किछ गड़बड़ कित्तिह्यो?” मैं हवलदार प्रभात सिंह ते पुच्छेया। 

“हाँ सर, परसूं संझा तिन्नी पता नीं कुत्थू ते खूब पी लई कनै रात भर हल्ला करदा रिहा। टू आई सी (उप-कमान अफसर) साहब कनै एडजुटेंट साहब भी राती जो आये थे। बड़ी मुश्किला नै लोकनाथन जो काबू करी नै ऑफिस दिया पिछ्याळिया वाळे रुक्खे नै बन्हेया गिया कनै अगलिया भ्यागा नशा उतरने ते परंत ही तिस्सेयो खोल्या गिया। 

एह् सुणी नै मैं सन्न होयी करी रही गिया। मेरे सब्भ कित्ते-कराये पर पाणी फिरी गिह्या था। 

“लोकनाथने मेरे विश्वास जो बुरी तरह तोड़ी तेया है। मिंजो तिसते अजेही उम्मीद नीं थी। प्रभात, मिंजो अफसोस है कि हुण मैं तिस्सेयो नीं बचायी सकदा।” मैं लम्बा साह लई करी बड़बड़ाया था। 

“सर, तुसाँ इक बड़ा रिस्क लई नै लोकनाथन जो बचाणे दी कोशिश कित्ती। दो महीनेंयाँ ते जेह्ड़ा सुधार तिस च आह्या था तिस पर सारे हैरान थे। तुसाँ जो दुखी नीं होणा चाहीदा। एह् तुसाँ दी नीं, लोकनाथन दी हार है।” 

मेरे मेज दे खब्बे पासैं सैह् कुर्सी तैह्ड़ी भी लग्गिह्यो थी जिसा पर बैठाळी करी मैं लोकनाथन जो समझांदा कनै तिसदा हौसला बधांदा था। हुण तिसा कुर्सिया जो तित्थू रखणे दी कोई जरूरत नीं थी। मैं ऑफिस रनर जो तिस कुर्सी जो तित्थू ते हटाणे ताँईं ग्लायी दित्ता। 

मैं तिस बग्त महाराष्ट्र दे नासिक जिले दे अंदर पोणे वाळे देवलाली कैंप च इक तोपखाना यूनिट च तैनात था। देवलाली कैंप भारत दी फौज दे तोपचियाँ दा तीर्थ स्थल है। एत्थू तोपखाना स्कूल है जिस च तोपची अफसराँ, जेसीओ कनै जुआनाँ जो तोपखाने दी भांत-भांत दी ट्रेनिंग दित्ती जाँदी है। तिसदे बक्खैं ही तोपखाना ट्रेनिंग सेंटर, नासिक रोड़ कैम्प है जित्थू तोपखाने देयाँ रंगरूटां जो ट्रेनिंग देई नै तोपची बणाया जाँदा है। तिसदे कन्नै ही तित्थू आर्टिलरी रिकॉर्ड ऑफिस है। बस इतणा ही नीं, नासिक दे लेखा नगर च तोपची जेसीओ कनै जुआनाँ दा 'वेतन कनै लेखा दफ्तर' भी है। 

जिंञा इक अस्पताल च डॉक्टर, नर्स, टेक्नीशियन सफाई वाळे, बगैरा कई तरहाँ दे आदमी होंदे हन्न तिंञा ही फौज च तरहाँ-तरहाँ दे कम्म करने वाळे बखरे-बखरे ट्रेड दे जुआन होंदे हन्न। ट्रेड चाहे कोई भी होये सारेयाँ फौजियाँ ताँईं इक्को जेही बेसिक ट्रेनिंग इक तयशुदा समै ताँईं चलायी जाँदी है जेह्ड़ी हर फौजी जो पास करना पोंदी है। खाणा बणाणे वाळा रसोइया जरूरत पोंणे पर राइफल चुक्की करी दुश्मण नै लोहा लई सकदा है। बेसिक ट्रेनिंग ते परंत जुआन अपणे-अपणे ट्रेड दी एडवांस ट्रेनिंग पांदे हन्न। 

मेरी सैह् यूनिट इक ‘निगरानी एवं लक्ष्य प्राप्ति’ मतलब साटा (सरवेलांस एंड टारगेट एक्वीजीशन) यूनिट थी। जिसदा मेन कम्म, जित्थू ते दुश्मण दी गोलाबारी औआ दी होये तिसा जगह दा पता करी नै तोपखाना ब्रिगेड हेडक्वार्टर च मौजूद 'फायर डायरेक्शन सेन्टर' (एफडीसी) जो जाणकारी देणा होंदा है ताँकि म्हारियाँ तोपां जवाबी गोलाबारी करी नै दुश्मण दियाँ तोपां जो चुप करायी सकण। इस किस्म दियाँ यूनिटां च इक ट्रेड होंदा है जिस्सेयो ओ.एफ.सी. (ऑपरेटर फायर कंट्रोल) दे नाँ ते जाणेया जाँदा है। लोकनाथन तिस ही ट्रेड दा जुआन था। 

उड़ीसा दे इक ग्राँ ते आह्या लोकनाथन तकरीबन 5 फुट 10 इंच लम्मा, गट्ठोह्यो जिस्म वाळा, 30-31 सालाँ दा नौजुआन था। सैह् यूनिट दी फुटबाल टीम दा इक बद्धिया खिलारी था। यूनिट दी हॉकी टीम च भी सैह् शामिल था। तकरीबन तिन साल पैह्लैं जाह्लू मैं तिस यूनिट च सूबेदार हेड क्लर्क दे तौर पर आया था ताँ लोकनाथन नायक दे रैंक च था। 

तकरीबन पंज महीने पहलैं जाह्लू नायक लोकनाथन, दो माह दी सालाना छुट्टिया पर घर गिया ताँ सैह् 15 दिन देरी ते यूनिट च हाज़िर होया था। ओंदे ही तिसदी ‘अपराध विवरणी’ (ओफ्फेन्स रिपोर्ट) जिस्सेयो आम बोलचाल दिया भाखा च ‘चार्ज शीट’ भी बोली दिंदे हन्न, बणी कनै कमाण अफसर होराँ तिस्सेयो सजा देई नै नायक ते सिपाही बणायी दित्ता था। जाह्लू मैं लोकनाथन दे ‘चाल-चलण पत्र’ (कंडक्ट शीट) पर नजर मारी ताँ पाया कि तिस च तिस सजा ते पहलैं भी तिन्न बरी सजा दित्ते जाणे दा जिक्र था। तिस च इक सजा काली स्याही कनै दो सजाँ लाल स्याही च दर्ज थियाँ। तिस्सेयो तिन्हाँ च इक सजा शराब पी करी झगड़ा करने ताँईं कनै बाकी दो सजाँ छुट्टी ते लेट ओंणे ताँईं मिल्लिह्याँ थियाँ। इस तरहाँ तिस सजा जो दर्ज करने परंत तिसदे 'चाल-चलण पत्र' (कंडक्ट सीट) च तिन्न लाल स्याही दियाँ एंट्रियाँ होयी चुक्किह्याँ थियाँ कनै तिन्नों बरी सजा दे तौर पर तिसदे रैंक टुटेह्यो थे। फौज दे कनूनां कनै नियमां च इस गल्ल दा साफ-साफ जिक्र है कि जुआनाँ दे 'चाल-चलण पत्र' (कंडक्ट सीट) च कुण जेही एंट्री लाल स्याही कन्नै होंगी कनै कुण जेही काळी/नीली स्याही नै होंगी। फौज च इक प्रॉविज़न है कि अगर कुसी जुआन दे 'चाल-चलण पत्र' (कंडक्ट सीट) च तिन्न जाँ तिन्न ते ज्यादा लाल स्याही च एंट्रियाँ होयी जाँदियाँ हन्न ताँ कमाण अफसर अपणे स्याणपे दा इस्तेमाल करदा होया तिस्सेयो फौज दी नौकरी  ते कड्ढी बाहर करी सकदा है। इस तरीके नै कड्ढे गै फौजी खुद-ब-खुद पेंशन जेहे फायदेयाँ ते महरूम होयी जाँदे हन्न। 

(बाकी अगलिया कड़िया च….)

  

....................................................................

समाधियों के प्रदेश में (सैंतीसवीं कड़ी)

 

मैं उस रोज़ चार दिन की छुट्टी काटने के बाद अपनी यूनिट में उपस्थित हुआ था। सुबह दफ्तर पहुंच कर कुर्सी पर बैठा ही था कि कमांडिंग अफ़सर साहब के स्टिक अर्दली ने आकर चुस्त सेल्यूट मारा और कहा, “साहब, आपको सीओ साहब याद कर रहे हैं”। “ठीक है,” मैंने कहा, “आता हूँ”। स्टिक अर्दली चला गया। मैंने दीवार में लगी हुक से टंगी अपनी टोपी निकाल कर पहनी, अपना पेन और नोट पैड संभाला और कमांडिंग अफ़सर के दफ्तर की ओर चल दिया। उनका ऑफ़िस दो कमरे छोड़ कर तीसरे कमरे में, बरामदे के दूसरे छोर पर था।  वहाँ पहुंच कर जैसे ही मैंने उन्हें सेल्यूट किया उन्होंने तपाक से पूछा, “साहब जिस काम के लिए आप छुट्टी गये थे वो काम हो गया?” “हाँ सर, हो गया” मैंने भी तुरंत जवाब दिया था। "गुड" उन्होंने अपने सामने खुली फ़ाइल से नजरें हटाये बिना कहा था। 

“अच्छा साहब ये बताओ, हम लोकनाथन को कितने दिनों के अंदर घर भेज सकते हैं?" कर्नल साहब का अगला प्रश्न था। 

“सर, लोकनाथन को…..उसे तो आपने…..” 

“बस साहब, मैं और कुछ नहीं सुनना चाहता। आप बताओ उसे डिसमिस कर के कितने दिन के अंदर  घर भेज सकते हैं?” उन्होंने मेरी बात पूरी होने से पहले ही ऊंचे स्वर में अपना प्रश्न दोहराया। उनके तेवर देखते हुए मुझे हिम्मत नहीं हुई कि अपनी बात पूरी करूं। मैंने उनके प्रश्न के जवाब में धीमे से कहा, “सर, उसे हम आज से आठवें दिन घर भेज सकते हैं।” 

“इससे जल्दी क्यों नहीं?” 

“सर, आपको उसे कारण बताओ नोटिस देना होगा और उसको जवाब देने के लिए उपयुक्त समय भी देना होगा। ये समय सात दिन का होना चाहिए। उसका जवाब आने के बाद अगर आपको लगता है कि उसे घर भेजना ही होगा तो भेज सकते हैं। अगर वो अपना जवाब जल्दी दे देता है और आप संतुष्ट नहीं होते हैं तो उसके अगले दिन भी उसे भेजा जा सकता है।” मैंने अपनी बात जारी रखते हुए कहा, “पर मेरी आपसे ह्यूमेनिटेरियन ग्राउंड पर रिक्वेस्ट है कि उसे तनखाह देने के बाद ही घर भेजा जाए क्योंकि उसके पास  घर जाने के लिए ट्रेन टिकट खरीदने के लिए पैसे भी तो होने चाहिए। इस तरीके से डिसमिस करने के बाद उसकी घर जाने के लिए फ्री रेलवे वारंट या कन्सेशन वाउचर की हकदारी नहीं रहती।” 

“ठीक है साहब, आज उन्नीस तारीख है। तेईस तारीख को मेरे साइन करवा कर उसे आप कारण बताओ नोटिस जारी कर दीजिए। परंतु ध्यान रहे, नोटिस जारी होने से पहले उसे इस बात का पता नहीं चलना चाहिए नहीं तो वह हंगामा करेगा।” 

मैंने कर्नल साहब को सेल्यूट किया और भारी मन से  अपनी कुर्सी पर आकर बैठ गया। बड़े से हालनुमा दफ्तर में मेरे इलावा चार हवलदार और तीन नायक काम करते थे। मेरा टेबल इस प्रकार लगा था कि इन सभी लोंगो पर मेरी नज़र रहे और वे सभी मुझे देख सकें। मेरे उदास चेहरे पर एक हारे हुए व्यक्ति के भाव देख कर उनमें सबसे सीनियर हवलदार मेरे पास आकर धीमी आवाज में पूछने लगे, “सर, क्या बात है? आप उदास क्यों हैं?” 

“कुछ नहीं प्रभात, बैठो” मैंने हवलदार प्रभात सिंह को अपने मेज के सामने लगी कुर्सी पर बैठने का संकेत किया। वे बैठ गये। 

“मेरी छुट्टी के दौरान क्या लोकनाथन ने कुछ गड़बड़ की है?” मैंने हवलदार प्रभात सिंह से पूछा। 

“हाँ सर, परसों शाम उसने पता नहीं कहाँ से खूब पी ली और रात भर हंगामा करता रहा। टू आई सी (उप-कमान अधिकारी) साहब और एडजुटेंट साहब भी रात को आये थे। बड़ी मुश्किल से लोकनाथन को काबू करके ऑफ़िस के पीछे वाले पेड़ के साथ बांधा गया और  अगली सुबह नशा उतरने के वाद ही उसे खोला गया।” 

यह सुनकर मैं सन्न होकर रह गया था।  मेरे सब किये-कराये पर पानी फिर गया था। 

“लोकनाथन ने मेरे विश्वास को बुरी तरह तोड़ दिया है। मुझे उससे ऐसी उम्मीद नहीं थी। प्रभात, मुझे अफसोस है कि अब मैं उसे नहीं बचा पाऊंगा।”  मैं लम्बी साँस ले कर बुदबुदाया था। 

“सर, आपने एक बड़ा रिस्क उठा कर लोकनाथन को बचाने की कोशिश की। दो महीने से जो उसमें सुधार आया था उस पर सभी हैरान थे। आपको दुखी नहीं होना चाहिए। यह आप की नहीं, लोकनाथन की हार है।” 

मेरे मेज की बायीं ओर वह कुर्सी उस दिन भी लगी हुई थी जिस पर बैठा कर मैं लोकनाथन को समझाता और उसका मनोबल बढ़ाता था।  अब उस कुर्सी को वहाँ रखने की कोई आवश्यकता नहीं थी।  मैंने ऑफिस रनर को उस कुर्सी को वहाँ से हटाने के लिए कह दिया था। 

मैं उन दिनों महाराष्ट्र के नासिक जिले के अंतर्गत आने वाले देवलाली कैंप में एक तोपखाना यूनिट में तैनात था। देवलाली कैंप भारतीय सेना के तोपचियों का तीर्थ स्थल है। यहाँ तोपखाना स्कूल है जिसमें तोपची अफसरों, जेसीओ और जवानों को विभिन्न स्तर की तोपखाना की विधाओं का प्रशिक्षण दिया जाता है।  उसके बगल में ही तोपखाना प्रशिक्षण केंद्र, नासिक रोड़ कैम्प है जहाँ तोपखाना के रंगरूटों को प्रशिक्षित कर के तोपची बनाया जाता है। उसके साथ ही वहाँ तोपखाना अभिलेख है। बस इतना ही नहीं नासिक के लेखा नगर  में तोपची जेसीओ और जवानों का 'वेतन व लेखा कार्यालय' भी है। 

जैसे एक अस्पताल में डॉक्टर, नर्स, टेक्नीशियन सफाई वाले इत्यादि कई प्रकार के व्यक्ति होते हैं वैसे ही सेना में विभिन्न कामों को करने वाले विभिन्न ट्रेड के सैनिक होते हैं। ट्रेड चाहे कोई भी हो सभी सैनिकों के लिए आधारभूत प्रशिक्षण एक समान एक निश्चित अवधि के लिए चलाया जाता है जिसे हर सैनिक को पास करना होता है। खाना बनाने वाला रसोइया ज़रूरत पड़ने पर राइफल उठा कर दुश्मन से लोहा ले सकता है। आधार भूत प्रशिक्षण के बाद सैनिक अपने-अपने ट्रेड का उन्नत प्रशिक्षण पाते हैं। 

मेरी वह यूनिट एक ‘निगरानी एवं लक्ष्य प्राप्ति’ अर्थात् साटा (सरवेलांस एंड टारगेट एक्वीजीशन) यूनिट थी। जिसका मुख्य कार्य दुश्मन की तरफ से आ रही गोलाबारी के उद्भव स्थान को ज्ञात करके तोपखाना ब्रिगेड मुख्यालय में स्थित 'फायर डायरेक्शन सेन्टर' (एफडीसी) को आवश्यक जानकारी मुहैया करवाना होता है ताकि हमारी तोपें जवाबी गोलाबारी करके दुश्मन की तोपों को शांत कर सकें। इस प्रकार की यूनिटों में एक ट्रेड होता है जिसे ओ.एफ.सी. (ऑपरेटर फायर कंट्रोल) के नाम से जाना जाता है। लोकनाथन उसी ट्रेड का सैनिक था। 

उड़ीसा के एक गांव से आया लोकनाथन तकरीबन 5 फुट 10 इंच लंबा सुडौल शरीर वाला 30-31 वर्ष का नौजवान था। वह यूनिट की फुटबाल टीम का एक बेहतरीन खिलाड़ी था। यूनिट की हॉकी  टीम में भी वह शामिल था। लगभग तीन वर्ष पहले जब मैं इस यूनिट में सूबेदार हेड क्लर्क के तौर पर आया था तो लोकनाथन नायक के रैंक में था। 

तकरीबन पांच महीने पहले जब वह दो माह के वार्षिक अवकाश पर घर गया तो 15 दिन देरी से यूनिट में हाज़िर हुआ था। आते ही उसकी ‘अपराध विवरणी’ (ओफ्फेन्स रिपोर्ट) जिसे आम बोलचाल की भाषा में ‘चार्ज शीट’ भी कह देते हैं, बनी और कमान अधिकारी ने उसे दंडित करके नायक से सिपाही बना दिया था। जब मैंने लोकनाथन के ‘चाल-चलन पत्र’ (कंडक्ट शीट) पर नज़र दौड़ाई तो पाया कि उसमें उस सजा से पहले भी तीन बार सजा दिए जाने का उल्लेख था। उसमें एक सजा काली स्याही और दो सजाएं लाल स्याही से दर्ज थीं। उसे उनमें से एक सजा शराब पी कर झगड़ा करने के लिए और शेष दो सजाएं छुट्टी से लेट आने के लिए  मिली थीं। इस प्रकार उस सजा को मिला कर उसके 'चाल-चलन पत्र' (कंडक्ट सीट) में तीन लाल स्याही की प्रविष्टियाँ हो गयी थीं और तीनों बार सजा के रूप में उसके रैंक तोड़े गये थे।  सेना से संबंधित अधिनियमों और नियमों में इस बात का स्पष्ट उल्लेख है कि सैनिकों के 'चाल-चलन पत्र' (कंडक्ट सीट) में कौन सी प्रविष्टि लाल स्याही से होगी और कौन सी काली/नीली स्याही से होगी। सेना में एक प्रावधान है कि अगर किसी सैनिक के 'चाल-चलन पत्र' (कंडक्ट सीट) में तीन या तीन से अधिक लाल स्याही में प्रविष्टियाँ हो जाती हैं तो कमान अधिकारी अपने विवेक का प्रयोग करते हुए उसे सैन्य सेवा से निकाल बाहर कर सकता है। इस तरह से निकाले गए सैनिक स्वतः पेंशन जैसे आर्थिक लाभों से वंचित हो जाते हैं। 

(शेष अगली कड़ी में….)                                                      मुख चित्र: संजय श्रीवास्तव की चित्रकृति

हिमाचल प्रदेश के जिला काँगड़ा से संबन्ध रखने वाले भगत राम मंडोत्रा एक सेवानिवृत्त सैनिक हैं। उनकी  प्रकाशित पुस्तकें हैं ―
     
 जुड़दे पल, रिह्ड़ू खोळू, चिह्ड़ू मिह्ड़ू, परमवीर गाथा.., फुल्ल खटनाळुये दे, मैं डोळदा रिहा, सूरमेयाँ च सूरमे और
हिमाचल के शूरवीर योद्धा।
यदाकदा 'फेस बुक' पर 'ज़रा सुनिए तो' करके कुछ न कुछ सुनाते रहते हैं।