कांगड़ा कलम चित्रकार ओपी टाक
पिछ्ल्याँ पंजाह सालां ते कांगड़ा शैली दी लघु चितर कला दा झंडा अपणे मूंढयाँ पर चकणे वाले ओ.पी. टाक होरां दा 29 सितंबर 2014 जो देहांत होई गिया। पंज हजार कृतियाँ दे चितेरे वजीराबाग(पाकिस्तान) दे मूल बसिंदे कनै धर्मशाला जो अपणा घर बणाणे वाले टाक होरां दी गुलाबा राम जी ने 1960 च कांगड़ा शैली ने पछेण कराई।
इस ते परंत कांगड़ा शैली जो समर्पित टाक होरां इसा दे आकार कनै शैली दा साथ नी छडया। कांगड़ा चितर कला च हिन्दू देवी-देवतयां
कनै मिथकां चितरणे दी परम्परा है। टाक होरां गुरु ग्रन्थ साहिब, इस्लाम कनै इसाईत पर भी कांगड़ा कलम चलाई।
टाक होरां दा जाणा कांगड़ा कला ताएँ बडा सदमा है इन्हां दी भरपाई मुश्कल है। कांगड़ा लघु
चित्रकला सिखणा आणे वाले नोयाँ कलाकारां दे बारे च टाक होरां दा गलाणा था कि एह शैली रोज़ अठ ते दस घंटे दी मेहनत मंगदी इस ताएँ नोयें होनहार कलाकार ओंदे कला दे गुर सिखदे कनै अमूरत कला दे बखें मुड़ी जांदे।
पहाड़ी कांगड़ा शैली दे इस अनूठे चितेरे जो पहाड़ी दयार दी
श्रद्धाजंली।
