पहाड़ी भाषा दी नौई चेतना .

Wednesday, March 6, 2024

 


फौजियां दियां जिंदगियां दे बारे च असां जितणा जाणदेतिसते जादा जाणने दी तांह्ग असां जो रैंह्दी है। रिटैर फौजी भगत राम मंडोत्रा होरां फौजा दियां अपणियां यादां हिंदिया च लिखा दे थे। असां तिन्हां गैं अर्जी लाई भई अपणिया बोलिया च लिखा। तिन्हां स्हाड़ी अर्जी मन्नी लई। हुण असां यादां दी एह् लड़ी सुरू कीती हैदूंई जबानां च। पेश है इसा लड़िया दा क्ताह्ळुआं मणका। 

(चित्र : सुमनिका, कागजे पर सॉफ्ट पेस्टल रंग कनै पेंसिल) 

...................................................................

समाधियाँ दे परदेस च

मेरे कमाण अफसर होराँ मेरी तिस वैधानिक शिकायत जो लई करी आर्टिलरी रिकॉर्डस, नासिक रोड कैम्प दे कमाण अफसर कन्नै मिल्ले।  मेरी तैनातियाँ दे बारे च होइयाँ भुल्लाँ ताँईं  आर्टिलरी रिकॉर्डस ही खास करी नै जवाबदेह था किञा कि तित्थू ते ही जेसीओ दी पोस्टिंग दी प्रपोजल आर्टिलरी डायरेक्टरेट दी मंजूरी ताँईं भेजी जाँदी थी कनै मंजूर होणे पर ऑर्डर भेजी दित्ते जाँदे थे। मेरिया शिकायता पढ़ी करी आर्टिलरी रिकॉर्डस दे कमाण अफसर होराँ जो अपणे ऑफिस ते होइयाँ भुल्लाँ सुज्झियाँ हौंगियाँ। तिन्हाँ बखेड़े ते बचणे ताँईं मेरे कमाण अफसर जो सलाह दित्ती कि सैह् 15 दिन दे अंदर मेरे पोस्टिंग ऑर्डर फील्ड एरिया ताँईं जारी करी दिंह्गे बस मिंजो अपणी वैधानिक शिकायत वापस लैणे ताँईं राजी करी लिया जाये। मेरे कमाण अफसर होराँ आर्टिलरी रिकॉर्डस ते वापस आयी करी मिंजो अपणे ऑफिस च सद्दी नै बोल्या, “तुसाँ दी मंग 15 दिनाँ दे अंदर पूरी होयी जाणी। तुसाँ  जो होर क्या चाहीदा?  हुण स्‍टैचट्‌रि कंप्लेंट जो अग्गै बद्धाणे दा क्या फायदा? इसा जो वापस लयी लिया।” मिंजो अपणे कमाण अफसर दी सलाह मनणे च अपणा भला सुज्झेया कनै मैं अपणी सैह् वैधानिक शिकायत वापस मोड़ी लई थी।

किछ दिनाँ परंत मेरे पोस्टिंग आर्डर अरुणाचल प्रदेश च ‘तेजू’ नाँयें दिया इक ठाहरी पर तैनात आर्टिलरी दी इक फील्ड रेजिमेंट ताँईं आयी गै थे। इसते पहलैं मैं अरुणाचल प्रदेश दी उत्तर-पश्चिमी हद च पौणे वाळे ‘लुम्पो’ च रिहा था। इसा बारिया मिंजो अरुणाचल प्रदेश दे सुदूर पूर्वी हिस्से च जाणा था। बेशक एह् बहोत दूर दी फील्ड पोस्टिंग थी। मिंजो गुवहाटी ते गाँह  ट्रेना च तिनसुकिया नाँयें दिया जगह जायी करी तित्थू ते तेजू ताँईं फौजी काफिले कन्नै ब्रह्मपुत्र नदी जो पार करदे होयाँ तेजू जाणा था। तित्थू ब्रह्मपुत्र 8-9 किलोमीटर चौड़ी है। 

तिस दौरान अपणे बेटे दी कॉलेज दी पढ़ाई दे सिलसिले च मिंजो दो दिन दी छुट्टी लई करी भोपाल जाणा पिया था। मेरिया तिसा छुट्टिया दे दौरान लोकनाथनैं मेरा सारा कीतेया-कराया बिगाड़ी नै रखी दित्ता था। 

मिंजो अपणी इक गलती जो सुधारने ताँईं  अपने बेटे ताँईं क्षेत्रीय शिक्षा संस्थान, भोपाल (आर.आई.ई. भोपाल जिस्सेयो पहलैं क्षेत्रीय शिक्षा महाविद्यालय, भोपाल दे नाँ ते जाणेया जाँदा था) च दाखिला दुआणा जरूरी होयी गिया था।  दरअसल जद मेरे बेटैं केंद्रीय विद्यालय, देवलाली ते बद्धिया नंबर लई करी दसमीं दा म्तिहान पास करने दी मिंजो खबर दित्ती थी ताँ मैं तिसते पुच्छेया था कि सैह् अग्गैं क्या पढ़ना  चांह्दा है। तिन्नी दस्सेया था कि तिसदी पसंद ‘कॉमर्स’ है। मैं गुस्सैं होयी नै तिस्सेयो ग्लाया था, “तू ‘साइंस’ कैंह् नीं  पढ़ना चांह्दा? तेरी बैह्ण भी ताँ साइंस पढ़दी है।”  तिन्नी डरी करी साइंस पढ़ने ताँईं हामी भरी लई थी कनै बाद च ठीक-ठाक नंबर लई करी जमा दो दा म्तिहान भी पास करी लिया था अपर ग्रेजुएशन दी डिग्री ताँईं मैथ्स पढ़ने ताँईं तिन्नी साफ नाँह् करी दित्ती थी। इस करी नै मैं नाशिक दे इक कॉलेज च फिज़िक्स, केमिस्ट्री कनै बायोलॉजी कन्नै  तिस्सेयो दाखिला दुआयी दित्ता था। मेरी बेटी तिस वक्त नाशिक च इक दूजे कॉलेज च फिज़िक्स, केमिस्ट्री कनै मैथ्स कन्नै  ग्रेजुएशन दे त्रीये साल च पढ़ा दी थी।  बेटियैं मिंजो दस्सेया था कि फिज़िक्स कन्नै ग्रेजुएशन करना तिसा दे भाउये दे बस च नीं लगदा। 

मिंजो अपणे बेटे दिया पढ़ाइया जो लई करी फिक्र लगेह्या था। मैं सोचदा था काश! मैं तिसदी पसंद मुताबिक दसमीं ते परंत तिस्सेयो कॉमर्स पढ़ना दित्तेया होंदा। हुण मैं किछ भी नीं करी सकदा था किञा कि हुण तिकर गोदावरी च बहोत पाणी गुजरी चुक्केह्या था। 

इक दिन मेरी नजर आर.आई.ई. भोपाल दे इक इश्तहार पर पई जिस च चार साल दे ‘बीएससी बीएड कोर्स’ च इक कॉम्बिनेशन केमिस्ट्री, बायोलॉजी कनै जियोलॉजी भी था जेह्ड़ा मेरे बेटे ताँईं सही था। आर.आई.ई. भोपाल दे तहत महाराष्ट्र, छत्तीसगढ़, दादरा कनै नगर हवेली, दमन कनै दीव, गोवा, गुजरात कनै मध्य प्रदेश औंदे थे। (देश च पंज क्षेत्रीय शिक्षा संस्थान हन्न। चंडीगढ़, हरियाणा, हिमाचल प्रदेश, जम्मू कनै कश्मीर, राष्ट्रीय राजधानी क्षेत्र दिल्ली, पंजाब, राजस्थान, उत्तर प्रदेश कनै उत्तराखंड दे स्टूडेंटां ताँईं क्षेत्रीय शिक्षा संस्थान, अजमेर है।)  मेरा बेटा महाराष्ट्र दे कोटे ते हकदार था। मैं तिस ताँईं एप्लीकेशन भेजणेयो देर नी कित्ती। बेटा मेरिट दी वेटिंग लिस्ट च दूजे नंबरे पर आया। मैं टेलीफोन दे जरिये आर.आई.ई. भोपाल कनै मेल-मिलाप कित्ता ताँ तिन्हाँ मिंजो दस्सेया कि इक सीट है जेकर तय वक्त तिकर वेटिंग लिस्ट च पहले नंबर वाळा उम्मीदबार नीं आया ताँ मेरे बेटे जो एडमिशन मिली सकदी है। मैं अपणे कमांडिंग अफसर ते भोपाल जाणे ताँईं दो दिन दी छुट्टी मंगी जो तिन्हाँ मंजूर करी दित्ती। मैं बेटे जो लई करी भोपाल गिया अपर तित्थू दो दिनाँ च कम्म नीं होया। जाह्लू मैं टेलीफोना पर अपणे सीओ नैं छुट्टी बद्धाणे दी गल्ल कित्ती ताँ तिन्हाँ ग्लाया, “साहब, तुसाँ अपणा कम्म करी नैं औआ, जितणे दिन लगदे हन्न तितणी तुसाँ दी छुट्टी  बद्धाई दित्ती  जाँह्गी।” 

मैं अपणे बेटे जो तित्थू एडमिशन दुआणे च कामयाब रिहा अपर लोकनाथन दे मामले च हारी गिया था।  लोकनाथन जो पता था कि मैं दो दिनाँ दी छुट्टी गिह्या था अपर जाह्लू मैं दो दिनाँ परंत डियुटी पर हाजिर नीं होया ताँ पलटण च अफवाह फैली गयी कि हैड साहब (हैड क्लर्क साहव) पोस्टिंग चली गैह्यो हन्न।  लोकनाथन जो दिक्खी नैं हर कोई कुसी न कुसी बहाने सैही गल्ल दोहरा दा था। तिन्नी जिञा-तिञा ऑफिस च मेरी खाली कुर्सी दे बक्खैं बैठी करी इक दिन गुजारेया। जाह्लू अगले दिन भी मैं ड्यूटी पर हाजिर नी होया ताँ लोकनाथने जो पक्का जकीन होयी गिया कि मैं पोस्टिंग चली गिह्या। तैह्ड़ी ‘रम इशू डे’ था।  लोकनाथन दा हौसला टुटी गिया तैह्ड़कणिया संझा तिन्नी जुगाड़ लगायी करी रम दे पंज-सत पेग घड़ोपी करी राती पलटण च खूब हंगामा कित्ता।  तिस पर काबू पाणे ताँईं राती अफसराँ जो यूनिट च औणा पिया।  जाह्लू तिकर तिसदा नशा नीं उतरेया ताह्लू तिकर तिस्सेयो इक दरखते कनै खड़ेरी करी मजबूत रस्सियों कन्नै बन्हीं करी रक्खेया गिया। नशा उतरने पर तिस्सेयो कमाण अफसर दे ऑर्डर पर हिरासत च लई लिया गिया।  काश! तिन्हाँ दिनाँ च मोबाइल फोन होंदे जिस ते मेरी कनै लोकनाथन दी गल्लबात मुमकिन होयी सकदी। 

अगले दिनैं संझा जो मैं भोपाल ते वापस आयी गिया। जाह्लू मैं भ्यागा दफ्तर पुज्जेया ताँ तकरीबन तिस टैमें ही कमाण अफसर होराँ अपणे दफ्तर च आयी करी अपणे ‘स्टिक अर्दली’ दे जरिये मिंजो अपणे साह्म्णे तरंत हाजिर होणे दा ऑर्डर दित्ता था। तिन्हाँ कन्नै होयी गल्लबात दा जिक्र मैं इस सीरीज दी सैंतीसमी कड़ी च करी आह्या, पेश हन्न तिसदे अंश  

………. जिञा ही मैं तिन्हाँ जो सेल्यूट कित्ता तिन्हाँ तरंत पुच्छेया, “साहब जिस कम्मे ताँईं तुसाँ छुट्टी गैह्यो थे सैह् कम्म होयी गिया?”

“हाँ सर, होयी गिया” मैं भी तरंत जवाब दित्ता था।

"गुड" तिन्हाँ अपणे साह्म्णे खुल्लिह्यो फाइला ते नजराँ हटाये बगैर बोल्या था। “अच्छा साहब एह् दस्सा, असाँ लोकनाथन जो कितणे दिनाँ दे अंदर घर भेजी सकदे हन्न?" कर्नल साहब होराँ दा अगला सुआल था।

“सर, लोकनाथन जो ….. तिस्सेयो तुसाँ ..…

“बस साहब, मैं होर किछ नीं सुणना चाँह्दा। तुसाँ एह् दस्सा तिस्सेयो डिसमिस करी नै कितणे दिनाँ दे अंदर घर भेजी सकदे हन्न?”

तिन्हाँ मेरी गल्ल पूरी होणे ते पहलैं ही उच्ची उआज च अपणा सुआल दोहराया। तिन्हाँ दे तेवर दिक्खी नै मिंजो हिम्मत नीं होयी कि अपणी गल्ल पूरी कराँ। तिन्हाँ दे सुआले दे जवाब च मैं हौळैं कि ग्लाया,

“सर, तिस्सेयो असाँ अज्ज ते अठमे दिन घर भेजी सकदे हन्न।”

“इसते तौळा कैंह् नीं?”

“सर, तुसाँ जो तिस्सेयो वजह दसणे दा नोटिस (कारण बताओ नोटिस) देणा पौणा कनै तिस्सेयो जवाब देणे ताँईं ठीक-ठाक वक्त भी देणा पौणा।  एह् वक्त सत्त दिनाँ दा ताँ होंणा ही चाहीदा।  तिसदा जवाब औणे दे परंत जेकर तुसाँ जो लगदा है कि तिस्सेयो घर भेजणा ही पौणा ताँ भेजी सकदे हन्न। जेकर सैह् अपणा जवाब तौळा देई दिंदा है कनै तुसाँ जो तिसते तसल्ली नीं होंदी है ताँ तिसदे अगलैं दिनैं भी भेजी सकदे हन्न।"

मैं अपणी गल्ल ग्लाँदा गिया,

"अपर मेरी तुसाँ नै इन्सानियत दे तौर पर इक विनती है कि तिस्सेयो तनखाह देणे ते परंत ही घर भेज्या जाए किञा कि तिस व्ह्ली घर जाणे ताँईं ट्रेन टिकट खरीदणे जो पैसे भी ताँ होणा चाहीदे।  इस तरीके नै डिसमिस करने ते परंत तिसदी घर जाणे ताँईं  फ्री रेलवे वारंट जाँ कन्सेशन वाउचर दी हकदारी नहीं रैंह्दी।”

“ठीक है साहब, अज्ज उन्नी तरीहै। त्रेयी तरीजो मेरे साइन करवायी नै तिस्सेयो तुसाँ कारण बताओ नोटिस देई दिया। अपर ध्यान रैह् कि नोटिस देणे ते पैह्लैं तिस्सेयो इस गल्ल दा पता नीं लगणा चाहीदा नीं ताँ तिन्नी हल्ला करना।" 

(बाकी अगलिया कड़िया च….)

 

...................................................................

समाधियों के प्रदेश में (इकतालीसवीं कड़ी)

मेरे कमान अधिकारी साहब मेरी उस वैधानिक शिकायत को लेकर तोपखाना अभिलेख, नासिक रोड कैम्प के कमान अधिकारी से मिले।  मेरी तैनातियों से संबंधित भूलों के लिए ‘तोपखाना अभिलेख’ ही मुख्य रूप से जवाबदेह था क्योंकि वहाँ से ही जेसीओ की पोस्टिंग की प्रपोजल तोपखाना निदेशालय की स्वीकृति के लिए भेजी जाती थीं और स्वीकृत होने पर आदेश जारी कर दिये जाते थे।  मेरी शिकायत पढ़ कर तोपखाना अभिलेख के कमान अधिकारी को अपने कार्यालय द्वारा की गयी भूलों का एहसास हुआ होगा।  उन्होंने बखेड़े से बचने के लिए मेरे कमान अधिकारी को परामर्श दिया कि वे 15 दिन के भीतर मेरी पोस्टिंग फील्ड एरिया के लिए जारी कर देंगे बस मुझे अपनी वैधानिक शिकायत वापस लेने के लिए मना लिया जाए।  मेरे कमान अधिकारी ने तोपखाना अभिलेख से लौट कर मुझे अपने ऑफिस में बुलाया और कहा, “आपकी मांग 15 दिन के भीतर पूरी हो जाएगी। आपको और क्या चाहिए? अब स्‍टैचट्‌रि कंप्लेंट को आगे बढ़ाने का क्या फायदा? इसे वापस ले लो।” मुझे अपने कमान अधिकारी की सलाह मानने में ही अपनी भलाई नज़र आयी और मैंने अपनी वह वैधानिक शिकायत वापस ले ली थी। 

कुछ दिनों के उपराँत मेरे पोस्टिंग ऑर्डर अरुणाचल प्रदेश के ‘तेजू’ नामक एक स्थान पर तैनात आर्टिलरी की एक फील्ड रेजिमेंट के लिए जारी हो गए। इससे पहले मैं अरुणाचल प्रदेश की उत्तर-पश्चिमी सीमा पर स्थित ‘लुम्पो’ में रहा था। इस बार मुझे अरुणाचल प्रदेश के सुदूर पूर्वी भाग में जाना था।  निःसंदेह यह बहुत दूर की फील्ड पोस्टिंग थी। मुझे गुवहाटी से आगे ट्रेन से तिनसुकिया नामक स्थान में जाकर वहाँ से तेजू के लिए सेना के काफ़िले के साथ ब्रह्मपुत्र नदी को पार करते हुए तेजू जाना था। वहाँ ब्रह्मपुत्र 8-9 किलोमीटर चौड़ी है। 

उसी दौरान अपने बेटे की कॉलेज की पढ़ाई के सिलसिले में मुझे दो दिन की छुट्टी लेकर भोपाल जाना पड़ा था। मेरी उस छुट्टी के दौरान लोकनाथन ने मेरा सारा किया-धरा बिगाड़ कर रख दिया था। 

मुझे अपनी एक गलती को सुधारने के लिए अपने बेटे के लिए क्षेत्रीय शिक्षा संस्थान, भोपाल (आर.आई.ई. भोपाल जिसे पहले क्षेत्रीय शिक्षा महाविद्यालय, भोपाल के नाम से जाना जाता था) में प्रवेश दिलाना ज़रूरी हो गया था। दरअसल जब मेरे बेटे ने केंद्रीय विद्यालय, देवलाली से अच्छे अंक लेकर दसवीं की परीक्षा पास करने की मुझे सूचना दी थी तो मैंने उससे पूछा था कि वह आगे क्या पढ़ना चाहता है। उसने बताया था कि उसकी रुचि ‘कॉमर्स’ में है। मैंने क्रोधित होकर उसे कहा था, “तुम ‘साइंस’ क्यों नहीं पढ़ना चाहते? तुम्हारी बहन भी तो साइंस पढ़ती है।”  उस ने डर कर साइंस पढ़ने के लिए हामी भर ली थी और बाद में ठीक-ठाक अंक लेकर जमा दो की परीक्षा भी पास कर ली थी लेकिन स्नातक की डिग्री के लिए गणित पढ़ने के लिए उसने साफ मना कर दिया था। अतः मैंने नाशिक स्थित एक कॉलेज में फिज़िक्स, केमिस्ट्री और बायोलॉजी के साथ उसे प्रवेश दिला दिया।  मेरी बेटी उस समय नाशिक स्थित एक दूसरे कॉलेज में फिज़िक्स, केमिस्ट्री और मैथ्स के साथ स्नातक की डिग्री के तृतीय वर्ष में पढ़ रही थी। बेटी ने मुझे बताया था कि फिज़िक्स के साथ ग्रेजुएशन करना उसके भाई के बस में नहीं लगता। 

मैं बेटे की पढ़ाई को लेकर चिंतित था। मैं सोचता था काश! मैंने उसकी रुचि के अनुसार दसवीं के बाद उसे कॉमर्स पढ़ने दिया होता। अब मैं कुछ नहीं कर सकता था क्योंकि अब तक गोदावरी में बहुत पानी बह चुका था। 

एक दिन मेरी नज़र आर.आई.ई. भोपाल के एक विज्ञापन पर पड़ी जिसमें चार वर्ष के ‘बीएससी बीएड कोर्स’ में एक कॉम्बिनेशन केमिस्ट्री, बायोलॉजी और जियोलॉजी भी था जो मेरे बेटे के लिए उपयुक्त था। आर.आई.ई. भोपाल के अन्तर्गत महाराष्ट्र, छत्तीसगढ़, दादरा और नगर हवेली, दमन और दीव, गोवा, गुजरात और मध्य प्रदेश आते थे। (देश में पांच क्षेत्रीय शिक्षा संस्थान हैं। चंडीगढ़, हरियाणा, हिमाचल प्रदेश, जम्मू और कश्मीर, राष्ट्रीय राजधानी क्षेत्र दिल्ली, पंजाब, राजस्थान, उत्तर प्रदेश एवं उत्तराखंड के छात्रों के लिए क्षेत्रीय शिक्षा संस्थान, अजमेर है।)  मेरा बेटा महाराष्ट्र के कोटे से पात्र था।  मैंने तुरंत आवेदन पत्र भेज दिया।  बेटा मेरिट की प्रतीक्षा सूची में नंबर दो पर आया।  मैंने टेलीफोन के माध्यम से आर.आई.ई. भोपाल से सम्पर्क किया तो उन्होंने बताया कि एक सीट है अगर नियत समय तक प्रतीक्षा सूची में नंबर एक के स्थान वाला अभ्यार्थी नहीं आया तो मेरे बेटे को प्रवेश मिल सकता है।  मैंने अपने कमांडिंग अफसर से भोपाल जाने के लिए दो दिन का अवकाश मांगा जो उन्होंने मंजूर कर दिया।  मैं बेटे को लेकर भोपाल गया लेकिन वहाँ दो दिन में काम नहीं हुआ। जब मैंने टेलीफोन पर अपने सीओ से छुट्टी बढ़ाने के लिए बात की तो उन्होंने कहा, “साहब, आप अपना काम करके आइये, जितने दिन लगते हैं उतनी आपकी छुट्टी  बढ़ा दी जाएगी।” 

मैं अपने बेटे को वहाँ प्रवेश दिलाने में सफल रहा परंतु लोकनाथन के मामले में हार गया था।  लोकनाथन को पता था कि मैं दो दिन की छुट्टी गया था लेकिन जब मैं दो दिन के बाद ड्यूटी पर हाजिर नहीं हुआ तो यूनिट में अफवाह फैल गयी कि हैड साहब (हैड क्लर्क साह) पोस्टिंग चले गये हैं।  लोकनाथन को देख कर हर कोई किसी न किसी सन्दर्भ में  यही बात दोहरा रहा था। उसने किसी न किसी तरह ऑफिस में मेरी खाली कुर्सी के पास बैठ कर एक दिन गुजारा। जब अगले दिन भी मैं ड्यूटी पर हाजिर नहीं हुआ तो लोकनाथन को पक्का यकीन हो गया कि मैं पोस्टिंग चला गया हूँ।  उस दिन ‘रम इशू डे’ था।  लोकनाथन का मनोबल टूट गया और उस शाम को उसने जुगाड़ लगा कर रम के पांच-सात पेग गटक कर रात को यूनिट में खूब हंगामा किया। उस पर काबू करने के लिए रात को अफसरों को यूनिट में आना पड़ा।  जब तक उसका नशा नहीं उतरा तब तक उसे एक पेड़ के साथ खड़ा करके मज़बूत रस्सियों के साथ बांध कर रखा गया। नशा उतरने पर उसे कमान अधिकारी के आदेश पर हिरासत में ले लिया गया। काश! उन दिनों मोबाइल फोन होते जिससे मेरी और लोकनाथन कि बातचीत मुमकिन हो पाती। 

अगले दिन की संध्या को मैं भोपाल से लौट आया। जब मैं प्रातः कार्यालय में पहुंचा तो लगभग उसी समय कमान अधिकारी महोदय ने अपने कार्यालय में पहुंच कर अपने ‘स्टिक अर्दली’ द्वारा मुझे उनके सामने तुरंत हाजिर होने के लिए आदेश दिया था। उनसे हुई बातचीत का उल्लेख मैं इस शृंखला की सैंतीसवीं कड़ी में कर आया हूँ, प्रस्तुत हैं उसके अंश  

……जैसे ही मैंने उन्हें सेल्यूट किया उन्होंने तपाक से पूछा, “साहब जिस काम के लिए आप छुट्टी गये थे वो काम हो गया?”

“हाँ सर, हो गया” मैंने भी तुरंत जवाब दिया था।

"गुड" उन्होंने अपने सामने खुली फ़ाइल से नजरें हटाये बिना कहा था।

“अच्छा साहब ये बताओ, हम लोकनाथन को कितने दिनों के अंदर घर भेज सकते हैं?" कर्नल साहब का अगला प्रश्न था।

“सर, लोकनाथन को….. उसे तो आपने…..”

“बस साहब, मैं और कुछ नहीं सुनना चाहता। आप बताओ उसे डिसमिस कर के कितने दिन के अंदर घर भेज सकते हैं?”

उन्होंने मेरी बात पूरी होने से पहले ही ऊंचे स्वर में अपना प्रश्न दोहराया। उनके तेवर देखते हुए मुझे हिम्मत नहीं हुई कि अपनी बात पूरी करूं। मैंने उनके प्रश्न के जवाब में धीमे से कहा, “सर, उसे हम आज से आठवें दिन घर भेज सकते हैं।”

“इससे जल्दी क्यों नहीं?”

“सर, आपको उसे कारण बताओ नोटिस देना होगा और उसको जवाब देने के लिए उपयुक्त समय भी देना होगा। ये समय सात दिन का होना चाहिए। उसका जवाब आने के बाद अगर आपको लगता है कि उसे घर भेजना ही होगा तो भेज सकते हैं। अगर वो अपना जवाब जल्दी दे देता है और आप संतुष्ट नहीं होते हैं तो उसके अगले दिन भी उसे भेजा जा सकता है।”

मैंने अपनी बात जारी रखते हुए कहा, “पर मेरी आपसे ह्यूमेनिटेरियन ग्राउंड पर रिक्वेस्ट है कि उसे तनखाह देने के बाद ही घर भेजा जाए क्योंकि उसके पास  घर जाने के लिए ट्रेन टिकट खरीदने के लिए पैसे भी तो होने चाहिए। इस तरीके से डिसमिस करने के बाद उसकी घर जाने के लिए फ्री रेलवे वारंट या कन्सेशन वाउचर की हकदारी नहीं रहती।”

“ठीक है साहब, आज उन्नीस तारीख है। तेईस तारीख को मेरे साइन करवा कर उसे आप कारण बताओ नोटिस जारी कर दीजिए। परंतु ध्यान रहे, नोटिस जारी होने से पहले उसे इस बात का पता नहीं चलना चाहिए नहीं तो वह हंगामा करेगा।”

 (शेष अगली कड़ी में…)


हिमाचल प्रदेश के जिला काँगड़ा से संबन्ध रखने वाले भगत राम मंडोत्रा एक सेवानिवृत्त सैनिक हैं। उनकी
  प्रकाशित पुस्तकें हैं 
     
 
जुड़दे पलरिह्ड़ू खोळूचिह्ड़ू मिह्ड़ूपरमवीर गाथा..फुल्ल खटनाळुये देमैं डोळदा रिहासूरमेयाँ च सूरमे और
हिमाचल के शूरवीर योद्धा।
यदाकदा 
'फेस बुकपर 'ज़रा सुनिए तोकरके कुछ न कुछ सुनाते रहते हैं।


Sunday, February 18, 2024

पंजाबी कविता

 


सन 1980-81 च मैं गुरु नानक देव यूनिवर्सिटी अमृतसर ते एम फिल कीती। कताबां लैणे ताईं असां हाल बजार च रवि साहित्य प्रकाशन जांदे थे। तिन्हां व्हाल हिंदिया कनै पंजाबिया दियां कताबां हुंदियां थियां। बाद बिच भी जदूं भी अमृतसर जाणा होया, रवि साहित्य प्रकाशन दा फेरा जरूर पाया। रविंदर रवि होरां दा एह् कविता संग्रह गंढां तिन्हां ई फेरयां दा हासिल है। 2003 च यूटीआई छड्डेया तां समाने सौगी कई कताबां भी घरैं भेजी तियां। एह् कताब भी वाया मुंबई धर्मसाळा पूजी। किछ चिर पैह्लें तेज भाई होरां एह् टोळी लई कनै कुछ कवतां दी गठ पहाड़िया च खोली। मैं कोसस कीती पंजाबिया ते हिंदिया च करने दी। रवि होरां गठां दी महिमा लग-लग तरीके नै गाइयो है। कइयां जगहां मेह्ते गठ ना खुल्लै। मैं अंबरसरे दे पुराणे साथी राज ऋषि होरां ते गठ खुलाह्ई। कइयां कवतां चा ते दो अज पेश हन।  - अनूप सेठी

मूल पंजाबी - रविंदर रवि, पहाड़ी - तेज कुमार सेठी, हिंदी - अनूप सेठी     


गट्ठां दा चक्करव्यूह

दित्यालुये  'च ऑमलेट

गट्ठ बणी नै बैठेया ।

 

तार, तार उळ्झियो

डबल रोटी

 

छुरिया दे तिक्खेयां दन्देयां हेठीयें

जो वी बची निकळदा

कांटे बिच्च,

गट्ठी सांह्यीं,

उळझी जान्दा ।

 

गट्ठां जो गट्ठां

खाअ दींयां ।

 

गट्ठां जो गट्ठां

धिया दीयां ।

 

गट्ठां जो गट्ठां

बचाअ दींयां ।

 

गट्ठां जो गट्ठां

जमाअ दींयां ।

 

इक मुद्दता ते लाड़ी

गट्ठड़ीया सांह्यीं बज्झी नै बैठीयो -

खुह्लदी ही नीं

अणजमिया धीया दे संकल्पे विहारे बिच्च उळझीयो ।

 

पुत्तर

गळ  गट्ठड़ूये सांह्यीं

बाह्रीयें हासदे खुह्लदे भी

अन्दरीयें घुटेयो, बटोह्यो बैहट्ठेयो ।

 

 

 

गट्ठ ही मा

गट्ठ ही बुढ़ा है ।

 

गट्ठ हर रिस्ता,

आप कनै  अनापा है।

 

गट्ठ वातावरण है,

वर है, स्राप है।

 

गट्ठ ही है रब, धर्म,

सबद गट्ठ जाप है।

 

गट्ठ पिण्ड, बह्मण्ड,

गर्भगर्भ-पात है।

 

गट्ठ राजनीत है, कनै

सत्ता- संताप   है ।

 

गट्ठां गट्ठीं सौग्गी

फेरे लई लै !

गट्ठां जो गट्ठीं दे

झगड़े पई गै !

 

गट्ठां बिच्च गट्ठीं

फुल्ली पईयां !

 

गट्ठां च ते निकळदियाँ

गट्ठां दा इक अनन्त सिलसिला -

चक्रव्यूहे संह्यीयें,

मेरैं आळे दुआळैं

फैल्लीय्या !

 

 गट्ठां

गट्ठ- त्रुप्पी च बीतै जिन्दड़ी

गट्ठीं-त्रुप्पेयां बिच्च सब रिस्ते

तने बिच्च गट्ठीं, मने बिच्च गट्ठीं

गट्ठीं बस्तर, गट्ठां वाणी

गट्ठीं हेठ अल्प है वस्तु

गट्ठीं च पळचोईयो सारी क्हाणी

 

गट्ठीं बिच्च घटोह्येया आप्पा

गट्ठीं बिच्च बज्झीयो अज़ादी

गळे बिच्च गट्ठीं, जीब्भा च गट्ठीं

दिले बिच्च गट्ठीं, सोच्चा च गट्ठीं

गट्ठीं दी जून भुगतदे   प्राणी

सुफने गट्ठीं , होस्सा च गट्ठीं

 

हुण जाल्हू जे तेरा चेत्ता औयै

गट्ठीं बद्धेया जिस्म दुह्स्सै बस

तू  कुती भी नज़री नी औयै

तेरैं अन्दर :  हीरा'च गट्ठीं

घरे आळीया दे खमीरा  'च गट्ठीं

तेरिया हरिक तस्वीरा   'च गट्ठीं

*

धरतू कनै अस्माणे छूआ करदे

सीह्स्सेयां दे इस बणैं अन्दर

गट्ठीं 'चा ते गट्ठीं  फुट्टणे सांह्यीं

बिम्बां ' चा ते बिम्ब निकळदे औह्न

गट्ठो- गट्ठीं चलदे जाइये

फुटदे, टुटदे, भुरदे जाइए

 

दरे बिच्च वी, दुआल्लां   'च गट्ठीं

मन्दर, गुरुद्वारे   'च गट्ठीं

सिस्टम उळ्झेयो, उळ्झियो नीति

बैह्सां 'च वीबचारां ' च गट्ठीं

हर प्राणी  गट्ठीं  दा  गुम्बद

उळ्झी गेह्या संसारे  'च गट्ठीं ।

गांठों का चक्रव्यूह

नाश्ते में ऑमलेट

गांठ बना बैठा है

 

तार, तार उलझी हुई

डबलरोटी

 

छुरी के तीखे दांतों में से

जो भी बच निकला है

कांटे में

गांठ सरीखा

उलझ जाता है

 

गांठों को गांठें

खा रही हैं

 

गांठों को गांठें

अराध रही हैं

 

गांठों को गांठें

बचा रही हैं

 

गांठों को गांठें

जमा रही हैं

 

एक मुद्दत से पत्नी

गठड़ी जैसी बनी बैठी है-

खुलती ही नहीं

अजन्मी बेटी के संकल्प लिए व्यवहार में उलझी

 

बेटा

गल-गांठ की तरह

बाहर हंसतेखुलते भी

अंदर घुटे, बटे हुए बैठे हैं

 

 

 

गांठ ही मां

गांठ ही बाप है

 

गांठ हर रिश्ता

आप और अनाप है

 

गांठ वातावरण है

वर है, श्राप है

 

गांठ ही है रब, धर्म

सबद गांठ जाप है

 

गांठ पिंड ब्रह्मांड

गर्भ, गर्भपात है

गांठ राजनीति है और

सत्ता-संताप है

 

गांठों ने गांठों संग

फेरे ले लिए

गांठों को गांठों के

झगड़े पड़ गए

 

गांठों में गांठों पर

फूल पड़ गए

 

गांठों में से निकलता है

गांठों का एक अनंत सिलसिला

चक्रव्यूह की तरह

मेरे आसपास

फैल गया है

 

 

गांठें

गांठ-जोड़ में बीते जिंदगी

गांठ-जोड़ में सब रिश्ते

तन में गांठें, मन में गांठें

गांठ हैं कपड़े, गांठें वाणी 

गांठों तले अल्प है वस्तु 

गांठों में उलझी सकल कहानी

 

गांठों बीच घट गया आपा

गांठों बीच बंधी आजादी

गले में गांठें, जीभ में गांठें

दिल में गांठें, सोच में गांठें

गांठ की यानी भोग रहे प्राणी

सपने में गांठें, होश में गांठें

 

अब तेरी याद जो आए

गांठों में बंधा शरीर दिखे बस

तू कहीं भी पजर न आए

तेरे अंदर : हीर में गांठें

पत्नी के खमीर में गांठें

तेरी हरेक तस्वीर में गांठें

 

धरती और असमान छू रहे

शीशों के इस जंगल अंदर

गांठों से गांठों के अंकुर जैसे

बिंब से बिंब नकलते आएं

गांठ गांठ चलते जाएं

फूटते, टूटते, झरते जाएं

 

दर के बीच दीवार में गांठें

मंदिर, गुरुद्वारे में गांठें

सिस्टम उलझे हैं, है उलझी नीति

वाद में भी, विचार में गांठें 

हर प्राणी गांठों का गुम्बद

उलझ गया, संसार में गांठें ।

ਗੰਡਾਂ ਦਾ ਚੱਕਰਵਯੂਹ

ਨਾਸ਼ਤੇ  ' ਆਮਲੇਟ

ਗੰਢ ਬਣੀ ਬੈਠਾ ਹੈ

 

ਤਾਰ, ਤਾਰ ਉਲਝੀ ਹੈ

 ਡਬਲ ਰੋਟੀ

 

ਛੁਰੀ ਦੇ ਤਿੱਖੇ ਦੰਦਿਆਂ ਹੇਠੋਂ

ਜੋ ਵੀ ਬਚ ਨਿਕਲਦਾ ਹੈ,

ਕਾਂਟੇ ਵਿਚ,

ਗੰਢ ਵਾਂਗ,

ਉਲਝ ਜਾਂਦਾ ਹੈ !

 

ਗੰਢਾਂ ਨੂੰ ਗੰਢਾਂ

ਖਾ ਰਹੀਆਂ ਹਨ !

 

ਗੰਢਾਂ ਨੂੰ ਗੰਢਾਂ

ਧਿਆ ਰਹੀਆਂ ਹਨ !

 

ਗੰਢਾਂ ਨੂੰ ਗੰਢਾਂ

ਬਚਾ ਰਹੀਆਂ ਹਨ !

 

ਗੰਢਾਂ ਨੂੰ ਗੰਢਾਂ

ਜਮਾ ਰਹੀਆਂ ਹਨ !

 

ਇਕ ਮੁੱਦਤ ਤੋਂ ਪਤਨੀ

ਗੱਠੜੀ ਵਾਂਗ ਬੱਝੀ ਬੈਠੀ ਹੈ

ਖੁੱਲ੍ਹਦੀ ਹੀ ਨਹੀਂ

ਅਜਨਮੀਂ ਧੀ ਦੇ ਸੰਕਲਪੇ ਵਿਹਾਰ ਵਿੱਚ ਉਲਝੀ

 

ਪੁੱਤਰ,

ਗੱਲ ਗੰਢ ਵਾਂਗ,

ਬਾਹਰੋਂ ਹੱਸਦੇ, ਖੁੱਲ੍ਹਦੇ ਵੀ

ਅੰਦਰ ਘੁਟੇ, ਵੱਟੇ ਬੈਠੇ ਹਨ !

 

 

ਗੰਢ ਹੀ ਮਾਂ,

ਗੰਢ ਹੀ ਬਾਪ ਹੈ !

 

ਗੰਢ ਹਰ ਰਿਸ਼ਤਾ,

ਆਪ ਤੇ ਅਨਾਪ ਹੈ .

 

ਗੰਢ ਵਾਤਾਵਰਨ ਹੈ,

ਵਰ ਹੈ, ਸਰਾਪ ਹੈ !

 

ਗੰਢ ਹੀ ਹੈ ਰੱਬ, ਧਰਮ,

ਸ਼ਬਦ ਗੰਢ ਜਾਪ ਹੈ

 

ਗੰਢ ਪਿੰਡ, ਬ੍ਰਹਿਮੰਡ,

ਗਰਭ, ਗਰਭ-ਪਾਤ ਹੈ !

 

ਗੰਢ ਰਾਜਨੀਤੀ ਹੈ, ਤੇ

ਸੱਤਾ-ਸੰਤਾਪ ਹੈ !

 

ਗੰਢਾਂ ਨੇ ਗੰਢਾਂ ਨਾਲ

ਫੇਰੇ ਲੈ ਲਏ !

ਗੰਢਾਂ ਨੂੰ ਗੰਢਾਂ ਦੇ

ਝੇੜੇ ਪੈ ਗਏ !

 

ਗੰਢਾਂ ਵਿੱਚ ਗੰਢਾਂ

ਫੁੱਲ੍ਹ ਪਈਆਂ!

 

ਗੰਢਾਂ ਵਿੱਚੋਂ ਨਿਕਲਦੀਆਂ

ਗੰਢਾਂ ਦਾ ਇੱਕ ਅਨੰਤ ਸਿਲਸਿਲਾ--

ਚੱਕਰਵਯੂਹ ਵਾਂਗ,

ਮੇਰੇ ਆਲੇ ਦੁਆਲੇ

ਫੈਲ ਗਿਆ ਹੈ!

 

 

ਗੰਢਾਂ

ਗੰਢ-ਤੁੱਪ ਦੇ ਵਿਚ ਬੀਤੇ ਜੀਵਨ

ਗੰਢ-ਤੁੱਪ ਵਿਚ ਸਭ ਰਿਸ਼ਤੇ

ਤਨ ਵਿਚ ਗੰਢਾਂ, ਮਨ ਵਿਚ ਗੰਢਾ

ਗੰਢਾਂ ਵਸਤਰ, ਗੰਢਾਂ ਵਾਣੀ

ਗੰਢਾਂ ਹੇਠ ਅਲਪ ਹੈ ਵਸਤੂ

ਗੰਢੀ ਉਲਝੀ ਸਗਲ ਕਹਾਣੀ

 

ਗੰਢਾਂ ਦੇ ਵਿਚ ਘੱਟਿਆ ਆਪਾ

ਗੰਢਾਂ ਵਿਚ ਬੱਝੀ ਹੈ ਆਜ਼ਾਦੀ

ਗਲ ਵਿਚ ਗੰਢਾਂ, ਜੀਭ ' ਗੰਢਾਂ

ਦਿਲ ਵਿਚ ਗੰਢਾਂ, ਸੋਚ ' ਗੰਢਾਂ

ਗੰਢ ਦੀ ਜੂਨ ਭੁਗਤਦੇ ਪ੍ਰਾਣੀ

ਸੁਫ਼ਨੇ ਗੰਢਾਂ, ਹੋਸ਼ ' ਗੰਢਾਂ

 

ਹੁਣ ਜਦ ਤੇਰਾ ਚੇਤਾ ਆਵੇ

ਗੰਢੀ ਬੱਝਾ ਜਿਸਮ ਦਿਸੇ ਬੱਸ

ਤੂੰ ਕਿਧਰੇ ਵੀ ਨਜ਼ਰ ਨਾ ਆਵੇ

ਤੇਰੇ ਅੰਦਰ : ਹੀਰ ' ਗੰਢਾਂ

ਪਤਨੀ ਦੇ ਖਮੀਰ ' ਗੰਢਾਂ

ਤੇਰੀ ਹਰ ਤਸਵੀਰ ' ਗੰਢਾਂ

 

ਧਰਤੀ ਤੋਂ ਅਸਮਾਨ ਛੂਹ ਰਹੇ

ਸ਼ੀਸ਼ਿਆਂ ਦੇ ਇਸ ਜੰਗਲ ਅੰਦਰ

ਗੰਢ 'ਚੋਂ ਗੰਢ ਦੇ ਫੁੱਟਣ ਵਾਂਗੂੰ

ਬਿੰਬ 'ਚੋਂ ਬਿੰਬ ਨਿਕਲਦੇ ਆਵਣ

ਗੰਢ ਗੰਢੀ ਤੁਰਦੇ ਜਾਈਏ

ਘੁੱਟਦੇ, ਟੁੱਟਦੇ, ਭੁਰਦੇ ਜਾਈਏ

 

ਦਰ ਵਿਚ ਵੀ, ਦੀਵਾਰ ' ਗੰਢਾਂ

ਮੰਦਰ, ਗੁਰੂ-ਦਵਾਰ ' ਗੰਢਾਂ

ਸਿਸਟਮ ਉਲਝੇ, ਉਲਝੀ ਨੀਤੀ

ਵਾਦ ' ਵੀ, ਵਿਚਾਰ ' ਗੰਢਾਂ

ਹਰ ਪ੍ਰਾਣੀ ਗੰਢਾਂ ਦਾ ਗੁੰਬਦ

ਉਲਝ ਗਿਆ, ਸੰਸਾਰ ' ਗੰਢਾਂ


रविंदर रवि का ब्लॉग  


तेजकुमार सेठी     ०  अनूप सेठी   ०     रविंदर रवि