पहाड़ी भाषा दी नौई चेतना .

Sunday, September 20, 2015

मेरा लाल टुकड़ा


अकबर पदमसी तेल रंग
अरुंधती सेठी दी अंग्रेजी कवता माई पीस आॅफ रेड कनै तेज सेठी दा पहाड़ी कनै हिंदी अनुवाद


मेरा ला टुकड़ा

लाल अम्बर
मढ़ेया 
रात्ती समैँ दीया खिड़किया च

हुँदा कदी-कदायीं

इक्क् टोट्टा टि:ह्रिया
बचपने दे ड्रॉणे सुपने 'च ते

कनै कदी-कदोयैं

इक्क दमघोट्टू
पसङ्गार
मिटियाई ति:यो तरेयां दा
कनै निगळी छड्डेयो हुआई झाज्जां दा

कदी कदी
एह दे:ह्या होई जाँदा ठल्ल
लगदा यह फोड़ा ह्या
तणोईईया पीड़ा कनै

कड़ी-कदोयैं
एह जानदार हुँदा
अपर घट्ट ही

लगभग हमेशा
हुँदा  धुस्सड़ लाल

ल:हुयें सा:ह्यी
बौहत बौहत पुराणेयां समेयां दा।
---------



मेरा लाल टुकड़ा

रक्तिम आसमान
ढ़ा हुआ
मेरी रात्रि समय की खिड़की में

होता है कभी कभी

एक टुकड़ा गिरा हुआ
बचपन के एक भयानक स्वप्‍न से

और कभी कभी 

एक दमघोटू विस्तार 
मिटा दिये गये तारकों का
और निगले गये वायुपोतों का

कभी कभी 

यह हो जाता इतना स्थिर
लगता है यह फोड़ा है
तना हुआ दर्द से 

कभी कभी 
यह हो जाता जीवन्त 

पर यदा कदा

परंतु यह लगभग सर्वदा 
होता है धूसर लाल
लहू की तरह 
बहुत बहुत पूर्व समय का-
--------


My Piece of Red

The red sky
Framed in my
Night-time window

Is sometimes

A piece fallen
Out of a childhood nightmare.

And sometimes

A suffocating
Expanse
Of erased stars
And swallowed air crafts.

Sometimes,
It is so still
It seems it is sore
And taut in pain.

Sometimes,
It is alive.
But barely.

But it is almost always
A dull red.

Like blood
Of a long long time ago.

Wednesday, September 16, 2015

असां ता भई ऐह देहे हन। जॉर्ज बर्नार्ड शॉ (1856 – 1950)










58 नाटक लीखी ने नोबल पुरस्‍कार हासल करने वाळे जॉर्ज बर्नार्ड शॉ दा बचपन बड़ीया गरीबीया च बीतया। इन्‍हां जो जेबी खरचे ताई़  6 पेंस मिलदे थे जिन्‍हां ने एह बड़ीया मुश्‍कला ने दिन कडदे  थे। इक दिन फुटपाते  पर एक कताब दिखी- 6 पेंस च दिन कियां गुजारना। बड़ीया मुश्‍कला ने कई दिनां तिक इक-इक धेला बचाई इन्‍हां सैह कताब खरीदी। कताब पढ़दें  ही पटकी ती साळा एही ता मैं रोज करदा। मेरयां ही तजरबयां पर कताब लिखी कनै मिंजो ही .....


इकी संपादकें  इन्‍हां जो अपणया दस समकालीन  लिखारीयां दे नां दसणे ताईं गल्‍लाया ता इन्‍हां  अपणा  ही नां दसां तरीकयां ने लीखी करी देई ता।

कुसकी जो इन्‍हां  10 पाउंड देणे थे। बर्नार्ड   होरां इक-इक पाउंडे दे दस चेक कटी ने  देई ते। तिन्‍नी  भले माणसें  पुछया भई तुसां  इक चेक देर्इ  ने भी कम्‍म चलाई सकदे थे। जवाब मिला एह दस चेक तैं कैश कराई ले ता तिजो दस ही पाउंड मिलणे कनै  नीं कराये ता बादे मेरयां ऑटोग्राफां बेची सैकड़ों पाउंड कमाई सकदा।

प्रसिद्ध होई जाणे ते बाद सैह इंटरव्यू देणे दे  पैसे लैंदे थे।

सेंट जोंस नाटक साढे तिनां घंटयां दा था  तिस फैरे च लोकां दा या ता नाटक छुटी जांदा था या अखीरी ट्रेन।  जाहलु तिन्‍हां जो गलाया गिया कि सैह नाटके किछ छोटा करी देन ता ठीक होई जाणा तिन्‍हा  तुनकी ने जवाब दिता अखीरी ट्रेना देरिया ने चलाणे दे बारे च वचार करा।

नोबल पुरस्‍कार  देरा ने मिलणे पर जनाब बड़बड़ाये थे- जाह्लु तारु कनारे पर पुजी गिया ता तिसजो सेफ्टी बेल् दिती जा दी।

तिन्‍हां दा गल्‍लाणा था कि मरदां जो जितणा होई सके देरिया ने कनै जणासां जो जितणी जलदी होई सके ब्‍याह  करना चाही दा।

तंगी दे दिनां जॉर्ज बर्नार्ड शॉ होरां घोस् राइटिंग भी कितीयो।

तिन्‍हां दा पंज पेज रोज़ लिखणे दा नियम था। ना घट ना जादा।

महात्‍मा गांधी जी दी हत्‍या दी खबर सुणी जनाब ने फरमाया इट इज टू बैड टू बी टू गुड।  बड़़ा खरा  होणा भी खरा  नीं होंदा।

इक बरी इक अति सुंदर जनानां  इन्‍हां ने गल्‍लाया असां ब्‍याह करी लेन ता, असां दे बच्‍यां दा दमाग तुसां साही तेज  कनै तिन्‍हा मिंजो साही सुंदर होणा। भोळे भंडारी बर्नार्ड होरां पुछया जे  पुठा होई गिया ता।

दरअसल बर्नार्ड होरां चेचक दे दागां छपाणे ताईं दाढ़ी रखईयो थी। सैही इन्‍हां दी पछैण बणी गयी।

सैह लंदन स्‍कूल  ऑफ इकानामिक्  दे संस्‍थापकां च शामल थे।

एह अपणे प्रचार ताईं भी कुसी पर निर्भर नीं थे। घर ते निकलदे ही प्रेस जो फोन करी दसी दिंदे थे- मैं फलाणीया  जगह चलया। फोटोग्राफरे भेजी देया।

बर्नार्ड शॉ दी जितणे भी किस्‍से हन, सब  जादातर इन्‍हां अपुं ही उड़ायो।


प्रस्‍तुती: सूर प्रकाश
पहाड़ी अनुवाद : कुशल कुमार 

Thursday, September 10, 2015

म्हारे ग्रांएं च आई जनेत

नवीन हल्दूनवीं होरां 1974च एह् कवता लीखी थी l

अज चाल़ी साल बाद भी इसा कवता जो लोग पसंद करदे।



म्हारे ग्रांएं आई जनेत
                
म्हारे   ग्रांएं    आई   जनेत l
होइगे   किट्ठे  सब्बो   घरेत ll

लाड़े दा ताऊ खऊं-खऊं खंग्घा दा,
निक्कुए ते घुट शराबा दा मंग्गा दा;
नच्चा दा दिक्खा ओह् कुड़िया दा जेठ l

कुड़मां-कुड़मां दी मिलणी जे होई,
नाई वचारा सैह् गेआ पथोई ;
परोह्त परतोया सैह् पग्गा समेत l

मामे नैं मामा भाउए नैं भाऊ ,
चाचे नैं चाचू ताउए नैं ताऊ ;
दादू बी देआ दा पग्गा पल़ेस l

जनेता दे मुंडू जौंगल़ ते भौंछी ,
सूट्टा लगाई गल्ल करै झौंफी ;
  भई चूंडे खलारी बणेयों परेत l

रात  जे  होई  भत्त   खुआया ,
लगनां ते पैह्लैं लाड़ा नुहाया ;
बौह्णे जो बछाया वेदी खेस l

भ्याग जे होई टौहरां बणांदे ,
चौल़ थे कच्चे सब्बो गलांदे ;
सैह् पकड़ी के ढिड दुआंदे सेक l

चाई नैं दित्ता मिठाइया रा डून्ना,
ते भंगू दे पकौड़े दा इक नमून्ना ;
पे  इक्की  झुटारैं  मंजे  दे     हेठ l

भोज सबेल्ला ते तल़ी ले भटूरू ,
मठड़ी कनैं मधरा बणांदा भूरू;
रसोइया बी मंग्गा दा खट्टे जो तेल l

मंग्गदा रुल़िया दुरबा दा नोट ,
नगारची नगारे मारा दा  चोट ;
लाड़े दा बब्ब अज्ज लग्गा दा सेठ l

नाई-परोह्त हत्थां जो रंग्गा दे ,
टिक्का लुआई जनेतां ते मंग्गा दे;
खाणे जो सैह्- करा दे पछेत l

भई  भोजे  परंत  धाम  खुआई ,
जनेत तां खट्टे नैं दित्ते नुहाई ;
लबड़ां जो लग्गा पिपल़ीं दा सेक l

अहा! छैल़ रसो$ बणी पेटू गलांदे,
पंज   परोसे   चौल़ां  दे   खांदे ;
सैह् खाई बरंजा पकड़ा दे पेट l

जणास्सां दा लैंह्गा कनैं झूंड तरीरा ,
कुड़िया जो दिक्खा पुआदियां कलीरा ;
सरगुंदिया जो होआ दी तांईं पछेत l

करी चज्जां-चारां जुआई सदाया,
सस्सू नैं टिक्का-तमोल़ लुआया ;
रोई बोल्लै मां धीए! जा अपणे देस l

प्यारे दित्ता कुड़िया जो दाज़ ,
जनेतां की दच्छणा लाड़े जो राज़;
समझ'नवीन' दुनियांदारी दा भेतl

म्हारे    ग्रांएं      आई   जनेत l
होइगे   किट्ठे   सब्बो    घरेत ll

 नवीन हलदूणवी