पहाड़ी भाषा दी नौई चेतना .

Sunday, December 19, 2021

गल सुणा

 

असां दोस्तां दियां कताबां खरीदी नै पढ़दे

कुसी भी समाजे दी भाषा सिर्फ गलबात करने ताईं ई नीं हुंदी; सिर्फ सूचनां दा भंडार ई नीं हुंदी; भाषा सभ्यता-संस्कृति दियां परतां भी खोलदी। साहित्य कनै दूइयां कलां, दर्शन, इतिहास असां जो अपणे होणे दी पछाण करांदे। इसा पछाणा दा जरिया बणदियां कताबां। कताबां दी जरूरत सदा ते रही है। इस बारे च अनूप सेठी होरां बोला दे मेरी गल सुणा। एह गल दस दिसंबर जो नव भारत टाइम्स च छपियो है। उपरली फोटो नीलमणि पोद्दार होरां दी है।   


हिन्दी प्रदेशां दियां नाटक मंडलियां जो आम शिकायत रैंह्दी भई लोक टिकट खरीदी नै नाटक दिखणा नीं औंदे। हर कोई मुफ्ते दे सादेयां निहाळदा। एही स्हाब कताबां दा है। इक ता सैह्रां च कताबां दियां दुकानां नीं हुंदियां, जेह्ड़ियां हुंदियां भी तिन्हां च  सिर्फ सलेबसां दियां कताबां ई मिलदियां। साहित्य दियां कताबां ताईं कोई जगह नीं हुंदी। बड-बडेयां सैह्रां च जेह्ड़ियां दुकानां हन तिन्हां जो उंगळियां पर गिणी सकदे। तिन्हां व्हाल अंगरेजी पुथन्ने ढेरां-ढेर हुंदे, हिंदुस्तानी भाषां दियां कताबां सिर्फ दस्णौकिया जो रखियां हुंदियां। दुकानदारां भी क्या करना? तिन्हां सैही चीज रखणी जेह्ड़ी बिकै। असां लोकां जो कताबां खरीदणे दी आदत नीं है। जिन्हां जो लिखणे-पढ़णे च दिलचस्पी हुंदी, सैह् तोपदे पोथियां। तिन्हां चा ते भी जदातर इसा ताका च रैंह्दे भई भेंट-पुरस्कार मिली जाऐ, जेब ढिल्ली न करना पौऐ। पर एह् गल भी पूरी सच नीं है। पुस्तक मेल्यां दी भीड़ दसदी भई साहित्य दे पाठक हन।        

इक जमाना था धर्मयुग पत्रिका तकरीबन हर पढ़ेयो लिखयो घरैं औंदी थी। लोक घरां च अपणी लाइब्रेरी भी बणांदे थे। हिंदी पॉकेट बुक्स कनै राजकमल प्रकाशन दी घरेलू लाइब्रेरी योजना हुंदी थी। मैं जदूं पढ़दा था, मतलब 1978-80 च, तां यूएसएसआर दे प्रगति प्रकाशन दियां बड़ियां जरूरी बताबां मिली जांदियां थियां। कनै सस्तियां। दुनिया दा श्रेष्ठ साहित्य। सैह् भी हिन्दिया च। भारत भवन भोपाल आळेयां कई मैग्जीनां चलाइयां। बिहार अकादमी नै बड़ी बधिया कताबां छापियां। राजर्षि टंडन अकादमी लखनऊ व्हाल भी बड़ा खजाना हुंदा था। इक बरी असां जो मुंबई पुस्तक मेले च इन्हां दियां कताबां मिली गइयां। दूए बक्खें इक बंदा देह्या भी टकरेया जेह्ड़ा पंजांह् दी कताब पंजां सौआं च बेचा दा था।

कताबां ता हिमाचल कला भाषा अकादमी नै भी छापियां हन। केंद्रीय साहित्य अकादमी, नेशनल बुक ट्रस्ट कनै प्रकाशन विभाग दे बारे च ता सारे ई जाणदे। एह् बड्डे इदारे अपणियां कताबां बेची लैंदे। पर राज्य  सरकारां दियां अकादमियां सरकारी सोतड़पणे दियां शिकार होई जांदियां। मार्केटिंग करने दे बारे च कोई जादा नीं सोचदा। मार्केटिंग दे बारे च ता प्राइवेट सेक्टर दे प्रकाशक भी नीं सोचदे। सैह् कताबां लाइब्रेरियां च ही थपदे। हुण तकनीक सस्ती होई गई ता लेखक अप्पू ही छापणा लगी पेह्यो। पर तिन्हां दे साम्हणें भी यक्ष प्रश्न है भई कताबां कुस जो कनै कुनी बेचणियां। मैं इक बरी मक्लोडगंज दिक्खया इक तिबती नौजुआन सड़का कंढै अपणिया कवतां दिया कताबा बेचा दा था। असां देह्ई हिम्मत कदूं करनी है?          

हिमाचली पहाड़िया दे हाल ता होर भी मंदे हन। मेरा नीं ख्याल कोई ऐसा प्रकाशक है जेह्ड़ा हिमाचलिया दियां कताबां छापदा कनै बेचदा होऐ। मतलब सरकारी मैह्कमेयां ते अलावा। लेखकां अपणे ई प्रकाशन खोल्यो। या तिन्हां जो खोलना पइ गेयो। उपरा ते पता नीं असां दे कितणे-क लोक खरीदी नै कताबां पढ़दे। पाठक ता छड्डा, लेखक भी। किछ कताबां अकादमी खरीददी हुंगी। सुणेया राजा राम मोहन राय पुस्तकालय योजना च भी सुरंग कढोइयो। हसाब-कताबे च माहिर लेखक इस रस्तैं अपणा खर्चा-पाणी कड्ढी लैंदे हुंगे। पर सैह् कताबां जांदियां कुतांह्। स्कूलां, कालजां कनैं जिला लाइब्रेरियां च। तिन्हां जो पढ़दा कुण हुंगा। नौजवान पीढ़ी पहाड़ी बोली नै राजी नीं, कताबां किञा पढ़णियां। सैह् भी पहाड़िया दियां।

इसा कमिया ताईं सारा दोस मोबाइलां कनै कंप्यूटरां जो नीं दयी सकदे। असां अपणे अंदर झाकी नै दिखिए, असां दिया जिंदगिया च कताबां दी कितणी क जगह है। कनैं अपणा कितणा बजट कताबां-मैग्जीनां ताईं रखदे। जे होर खर्चे करी सकदे ता कताबां पर भी करना चाहिदा। घरैं कताबां रखोइयां होन ता याणेयां जो भी चा होई सकदा। असां जो मुफ्ते च कताबां लैणे- देणे दे बारे च भी संजीदगिया नै सोचणा चाहिदा। लेखकां जो इक्की दुए दी मदद करनी चाहिदी। मेरा कविता संग्रह छपया ता मैं इक मराठी दोस्ते जो गलाया भई मैं कताब भेजदा। तिन्हां गलाया, ‘‘असां दोस्तां दियां कताबां खरीदी नै पढ़दे। फिकर मत करा, मैं मंगुआई लैंह्गा।’’ मैं सोच्या देह्-देह्ई सद्बुद्धि हिन्दिया कनै हिमाचलिया दे पाठकां जो भी आई जाऐ ता नजारा बदलोई जाऐ।


असां दोस्ता दियां कताबां खरीदी नै पढ़दे : अखबारा दा लिंक 


Monday, December 6, 2021

यादां फौजा दियां

 

नूरानॉंग झरना

फौजियां दियां जिंदगियां दे बारे च असां जितणा जाणदेतिसते जादा जाणने दी तांह्ग असां जो रैंह्दी है। रिटैर फौजी भगत राम मंडोत्रा होरां फौजा दियां अपणियां यादां हिंदिया च लिखा दे थे। असां तिन्हां गैं अर्जी लाई भई अपणिया बोलिया च लिखा। तिन्हां स्हाड़ी अर्जी मन्नी लई। हुण असां यादां दी एह् लड़ी सुरू कीती हैदूंई जबानां च। पेश है इसा लड़िया दा चौदुह्आं मणका।

.....................................................................

सहीदाँ दियाँ समाधियाँ दे परदेसे च 

 

जसवंत गढ़ दे निचलैं पासैं जंग नाँएं दी इक जगह पोंदी है।  जंग तवाँग-चू दे किनारे पर बस्सेह्या इक ग्राँ है। इत्थू तवाँग-चू बहोत डुग्घिया खाइया च बग्दी नजर ओंदी है।  इसा जगहा च तित्थू दे मूल वासियाँ दी आबादी है। जंग, से-ला ते तवाँग दे पासैं तकरीबन चौताळी किलोमीटर दूर उतराइया च पोंदा है। 

जंग दे बक्खैं-बक्खैं गुजरदिया सड़का ते तकरीबन अद्धा किलोमीटर उपरले पासैं  नूरानाँग झरना है। इत्थू नूरानाँग नदी, से-ला (दर्रे) दी उत्तरी ढलाण ते निकळी नै, नूरानाँग होंदी होई, तकरीबन सौ मीटर उपरा ते पई करी, तवाँग-चू (नदी) च मिलदी है। एह् बहोत बड्डा झरना दिखणे जो बड़ा छैळ लगदा है।  अरुणाचल प्रदेश च नूरानाँग वॉटरफॉल जो बोंग बोंग भी बोल्या जाँदा है। एह् भारत दे सब्भते खूबसूरत झरनेयाँ च इक है। हुण ताँ सुणेह्या, तित्थू इक छोटा हाइड्रो पावर प्लाँट भी बणी गिह्या है। राकेश रोशन दी सन् 1997 च बणाइह्यो शाहरुख खान कनै माधुरी दीक्षित दी फिल्म  'कोयला' दे इक सीन च इस झरने दी इक झलक दिखणे जो मिलदी है। इस्सेयो जंग दा झरना भी ग्लाँदे हन्न। जंग ते तवाँग जाणे ताँईं, जरा कि दरेडैं, तवाँग-चू पर एक छोटा पुळ पार करना पोंदा है। तिस बग्त सैह् पुळ संगड़ा जेहा था।  सन् 1962 दी भारत-चीन जंग दे दौरान, चीनी फौज दा रस्ता रोकणे ताँईं, इस पुळ जो भारत दिऐं फौजैं तोड़ी दित्ता था। 

तवाँग जंग ते तकरीबन उणत्ती किलोमीटर दूर दूजे पासैं उचाइया पर पोंदा है। तवाँग-चू दा पुळ पार करने ते किछ देरा परंत आबादी सुरू होई जाँदी है तवाँग ते किछ दूर पहलैं बोमड़ीर ओंदा है। तिस बग्त तवाँग जाणे वाळी फौजी गडियाँ दे काफले बोमड़ीर च ही रुकदे थे कनै तित्थू ते ही वापिस असम दे तेजपुर कनै गुहाटी मुड़ने वाळी फौजी गडियाँ चला करदियाँ थियाँ। 

असाँ दियाँ गडियाँ तवाँग बाजारे ते बाहरैं-बाहरैं होंदियाँ होइयाँ तकरीबन दो किलोमीटर उप्पर चढ़ाइया पर पोंणे वाळी चूजे जीजी' नाँएं दिया ठाहरी जाई खड़ोतियाँ।   नायक याद राम यादव नै मिंजो दस्सेया कि असाँ अपणिया मंजिला पर पोंह्ची गैह्यो थे। तिसा ठाहरी पर मेरी नोंईं रेजिमेंट दा रियर' (पिछला हेस्सा) तैनात था। रेजिमेंट दियाँ गडियाँ दे बेड़े कन्नै सारे डरैवर तिसा जगह च ही रैंह्दे थे। रेजिमेंट दा मेन अगला हेस्सा, अग्गैं लुम्पो नाँएं दिया जगहा च था कनै इक बैटरी लुम्पो ते भी अग्गैं  नीलिया'  नाँएं दिया ठाह्री तैनात थी। 

मेरी नोंईं यूनिट दी मेन जिम्मेदारी, फौज दे पंजमें माउंटेन डिवीज़न दे अंडर पोंणे वाळे 77 माउंटेन ब्रिगेड (चिंडिट) दियाँ, भारत-चीन सरहदा पर तैनात, तिन्न इन्फेंट्री बटालियनाँ जो, ज़रूरत पोंणे पर, आर्टिलरी फायर स्पोर्ट देणा थी।  तिस बग्त लुम्पो सड़क दे रस्तें तवाँग कन्नै  जुड़ेह्या नीं था।  तवाँग ते संगड़ी देही इक सड़क लुम्पो ते तिन्न-चार किलोमीटर पिच्छैं घुरसम नाँएं दिया इक जगह तिकर ही जांदी थी। तिसा सड़का च मात्र जीप/जोंगा कनै छोटे ट्रक वन टन ही मुस्कला नै ओंद-जाँद करी सकदे थे किंञा कि सैह् सड़क कच्ची कनै उबड़-खाबड़ भी थी। इसा बजह ते यूनिट दियाँ गडियाँ दा बेड़ा तवाँग दे उपरले हेस्से चूजे जीजी च रखणा पोंदा था। 

अरुणाचल प्रदेश च मतियाँ जगहाँ दे नाँए कन्नै जीजी जुड़ेह्या होंदा है जिंञा कि चूजे जीजी। जीजी अंग्रेजी भासा दे अखराँ ग्रेजिंग ग्राउंड' दा निक्का रूप है जिन्हाँ दा मतलब हैचारांद यानि कि सैह् जगहाँ याकाँ दे चाराँद होंदे हन्न। 

फौज दी हर टुकड़ी (यूनिट) जो लीड करने कनै बंदोबस्त करने ताँईं पिरामिड नुमा ढाँचे च कठेरेया जाँदा है। आमतौर पर सब्भ किसमाँ दियाँ टुकड़ियाँ दा सब्भते छोटा हेस्सा सेक्शन होंदा है। तिसदे उप्परले हेस्से जो  अलग-अलग किसमाँ दियाँ फौजी टुकड़ियाँ च अलग-अलग नाँ ते जाणेया जाँदा है जिंञा कि टैंकाँ वाळी फौज (आर्म्ड कोर) च कनै  बड्डियाँ तोपाँ वाळी फौज (आर्टिलरी) च सेक्शन ते उप्पर ट्रूप होंदा है जिस च इक ते ज्यादा सेक्शन होंदे हन्न। पैदल फौज (इन्फेंट्री) च इस्सेयो प्ळटून (प्लाटून) दे नाँ ते जाणेया जाँदा है।  ट्रूप जाँ प्ळटून ते उप्पर आर्म्ड कोर चस्क्वाड्रनहोंदा है, आर्टिलरी चबैटरीहोंदी है कनै इन्फेंट्री चकंपणीहोंदी है। इस ते उप्पर रेजिमेंट जाँ बटालियन होंदी है। 

उप-कमाण अफसर होराँ, सड़का दे उपरले पासैं यूनिट दे अफसराँ ताँईं बणिह्यो बंकरनुमा रिहाइशा बक्खी चली गै।  मिंजो सड़का दे निचले पासैं इक झोंपड़े दे पिछले हेस्से च अपणा सामान लई जाणे ताँईं बोल्या गिया।  मैं दिक्खेया कि तिस झोंपड़े जो टिन दियाँ चादराँ लगाई करी दो हेस्सेयाँ च बंडेया गिह्या था। झोंपड़े दा पिछला हेस्सा तकरीबन तिसदा इक चौथाई हेस्सा था जिसदा दरवाजा सड़का पासैं खुलदा था। अगला तिन्न चौथाई हेस्सा तवाँग बाजार कनै तवाँग दे मसहूर बौद्ध मठ दे पासैं खुलदा था कनै तिस च तिरपाल बिछेह्या था। मैं दिक्खी करी एह् अंदाजा लगाया कि सैह् फौजियाँ ताँईं समै-समै पर चलणे वाळियाँ कलासाँ दे कम्में ओंदा होंगा। 

मैं अपणे ठहरने दिया जगहा पर नजर मारा दा ही था कि तिसा रेजिमेंटा च कम्म करने वाळे  सेना शिक्षा कोर दे इक हौळदार भी अपणा सामान लई करी तित्थू मिंजो व्ह्ली आई गै। तिन्हाँ मिंजो दस्सेया कि तिन्हाँ जो मिंजो कन्नै रैह्णे ताँईं भेज्या गिह्या था।  तिसा जगह च कुसी दा किह्ले रैह्णा, खास करी नै राती जो, सेफ नीं मन्नेयाँ जाँदा था। इस ताँईं तिन्हाँ जो मिंजो सोगी रैह्णे जो भेज्या गिह्या था। उहिंञा भी फौज च साथी व्यवस्था' (Buddy system) होंदी है। हर फौजी दा इक जोड़ीदार होंदा है जेह्ड़ा सुख-दुख च, खास करी नै जंग च हेस्सा लैंदे बग्त, तिसदा साथ दिंदा है।  

इक दूजे कन्नै बाकमी करी नै असाँ किछ ही देरा च मित्र बणी गै। मैं तिन्हाँ जो 'मास्टर जी' करी नै बुलाँदा कनै सैह् मिंजो 'बाबू जी' बोली करी पुकारदे। मास्टर जी हरियाणा दे रैह्णे वाळे थे।  तिस बग्त तवाँग च बिजली नीं आइह्यो थी।  असाँ रम दी खाली बोतला दे ढक्कण च छींडा करी नै तिस च फटेह्यो कपड़े दी बत्ती बणाई करी पाई दित्ती। इंञा बोतला च मिट्टिया दा तेल भरी करी जरूरत पोंणे पर राती  लो करने दा इंतजाम होई गिया। 


.....................................................................

शहीदों की समाधियों के प्रदेश में (चौहदवीं कड़ी)

 जसवंत गढ़ से नीचे की ओर जंग नामक स्थान आता है। जंग तवाँग-चू के किनारे पर बसा एक गाँव है। यहाँ पर तवाँग-चू बहुत नीचे खाई में बहती नज़र आती है। इस स्थान में वहाँ के मूल वासियों की आबादी है। जंग, से-ला से तवाँग की ओर लगभग 44 किलोमीटर दूर उतराई में नीचे की तरफ पड़ता है। 

जंग के नजदीक गुजरती हुई सड़क से लगभग आधा किलोमीटर ऊपर की ओर नूरानाँग झरना है। यहाँ पर नूरानाँग नदी, से-ला (दर्रे) की उत्तरी ढलान से निकल कर नूरानाँग होती हुई, लगभग 100 मीटर की ऊंचाई से गिर कर, तवाँग-चू (नदी) में मिलती है। यह बहुत बड़ा झरना देखते ही बनता है।  अरुणाचल प्रदेश में नूरानाँग वॉटरफॉल को बोंग बोंग भी कहा जाता है। यह भारत के सबसे खूबसूरत झरनों में से एक है। सुना है अब वहाँ एक छोटा हाइड्रो पावर प्लाँट भी बन गया है। राकेश रोशन द्वारा सन् 1997 में निर्मित शाहरुख खान और माधुरी दीक्षित द्वारा अभिनीत कोयला' फिल्म के एक दृश्य में भी इस झरने की एक झलक देखने को मिलती है। इसे जंग का झरना भी कहते हैं। जंग से तवाँग जाने के लिए थोड़ी दूरी पर तवाँग-चू पर एक छोटा पुल पार करना पड़ता है। उस समय वह पुल संकरा सा था। सन् 1962 के भारत-चीन युद्ध के दौरान, चीनी सेना का मार्ग अवरुद्ध करने के लिए, इस पुल को भारतीय सेना द्वारा ध्वस्त कर दिया गया था।  

तवाँग जंग से लगभग 29 किलोमीटर की दूरी पर दूसरी ओर ऊंचाई पर स्थित है। तवाँग-चू का पुल पार करने के कुछ देर बाद आबादी शुरू हो जाती है। तवाँग से कुछ दूर पहले बोमड़ीर आता है। उस समय तवाँग जाने वाले सेना की गाड़ियों के काफले बोमड़ीर में ही रुकते थे और वहीं से ही वापिस असम के तेजपुर और गुहाटी लौटने वाली सैनिक गाड़ियाँ चला करतीं थीं। 

हमारी गाड़ियाँ तवाँग बाजार के बाहर-बाहर से होती हुईं लगभग 2 किलोमीटर ऊपर चढ़ाई पर स्थित चूजे जीजी' नामक स्थान पर जा  कर खड़ी हो गईं।  नायक यादव ने मुझे बताया कि हम मंजिल पर पहुंच चुके थे। यहाँ पर मेरी नई रेजिमेंट का रियर' (पिछला भाग) स्थित था। रेजिमेंट की गाड़ियों के बेड़े के साथ चालक दल उसी स्थान पर रहता था। रेजिमेंट का मुख्य अग्रिम भाग आगे लुम्पो नामक स्थान में था और एक बैटरी लुम्पो से भी आगे नीलिया में तैनात थी। 

मेरी नई यूनिट का मुख्य कार्य सेना के पाँचवें माउंटेन डिवीज़न के अधीन 77 माउंटेन ब्रिगेड (चिंडिट) की  भारत-चीन सीमा पर स्थित तीन इन्फेंट्री बटालियनों को, ज़रूरत पड़ने पर, आर्टिलरी फायर स्पोर्ट देना था।  उस समय लुम्पो सड़क मार्ग से तवाँग से जुड़ा हुआ नहीं था।  तवाँग से संकरी सी एक सड़क लुम्पो से तीन-चार किलोमीटर पीछे घुरसम नामक स्थान तक ही जा पाती थी। उस सड़क पर मात्र जीप/जोंगा और छोटे ट्रक वन टन ही मुश्किल से आवाजाही कर पाते थे क्योंकि वह सड़क कच्ची और उबड़-खाबड़ भी थी। इसी बजह से यूनिट की गाड़ियों का मुख्य बेड़ा तवाँग के ऊपरी भाग चूजे जीजी में रखना पड़ता था। 

अरुणाचल प्रदेश में बहुत से स्थानों के नामों के साथ जीजी जुड़ा हुआ मिलता है जैसे कि चूजे जीजी। जीजी अंग्रेजी भाषा के शब्दों ग्रेजिंग ग्राउंड' का छोटा रूप है जिनका अर्थ हैचारागाह अर्थात ये स्थान याकों की चारागाह होते हैं। 

सेना की हर टुकड़ी (यूनिट) को नेतृत्व और प्रबंधन के लिए पिरामिड नुमा ढाँचे में संगठित किया जाता है। प्रायः सभी प्रकार की टुकड़ियों की सबसे छोटी इकाई अनुभाग (सेक्शन) होती है। उसके ऊपर की इकाई को  विभिन्न प्रकार की सैनिक टुकड़ियों में विभिन्न नामों से जाना जाता है जैसे टैंकों से सज्जित सेना (आर्म्ड कोर) में और बड़ी तोपों से सज्जित सेना (आर्टिलरी) में सेक्शन के ऊपर ट्रूप होता है जिसमें एक से अधिक अनुभाग (सेक्शन) होते हैं। पैदल सेना (इन्फेंट्री) में इस इकाई को प्लाटून के नाम से सम्बोधित किया जाता है। ट्रूप अथवा प्लाटून के ऊपर आर्म्ड कोर मेंस्क्वाड्रनहोता है, आर्टिलरी मेंबैटरीहोती है और इन्फेंट्री मेंकंपनीहोती है। इसके ऊपर रेजिमेंट अथवा बटालियन होती है। 

उप-कमान अधिकारी महोदय सड़क के ऊपर की तरफ यूनिट के अफसरों के लिए बने बंकरनुमा आवास में चले गए।  मुझे सड़क के नीचे की ओर एक झोंपड़े के पिछले भाग के अंदर अपना सामान ले जाने के लिए कहा गया। मैंने देखा उस झोंपड़े को टिन की चादरें लगा कर दो भागों में बांटा गया था। झोंपड़े का पिछला भाग लगभग उसका एक चौथाई भाग था जिसका दरवाज़ा सड़क की ओर खुलता था। अगला तीन चौथाई भाग तवाँग बाजार और तवाँग के प्रसिद्ध बौद्ध मठ की दिशा में खुला था और उसमें तिरपाल बिछा था। मैंने देख कर अंदाजा लगाया कि यह सैनिकों के लिए समय-समय पर चलने वाली कक्षाओं के लिए काम आता होगा। 

मैं अपने ठहरने के स्थान का निरीक्षण कर ही रहा था कि उसी रेजिमेंट में सेवारत सेना शिक्षा कोर के एक हवलदार भी अपना सामान लेकर वहाँ मेरे पास आ गए। उन्होंने मुझे बताया कि उन्हें मेरे साथ ठहरने के लिए भेजा गया है।  वहाँ पर किसी का अकेले रहना, बिशेषकर रात को, सुरक्षित नहीं माना जाता था।  इसीलिए उन्हें मेरे साथ रहने के लिए भेजा गया था।  बैसे भी सेना में साथी व्यवस्था' (Buddy system) होती है। हर सैनिक का एक जोड़ीदार होता है जो सुख-दुख में, खास करके युद्ध में भाग लेते समय, उसका साथ देता है।  

एक दूसरे का परिचय पाकर हम कुछ ही देर में मित्र बन गए। मैं उनकोमास्टर जीकरके संबोधित करता और वो मुझेबाबू जीकह कर पुकारते। मास्टर जी हरियाणा के रहने वाले थे।  उस समय तवाँग में बिजली की व्यवस्था नहीं थी। हमने रम की खाली बोतल के ढक्कन में छेद करके उसमें फटे कपड़े की बत्ती बना कर डाल दी। इस तरह बोतल में मिट्टी का तेल भर कर ज़रूरत पड़ने पर रात में  रोशनी करने का इंतज़ाम हो गया। 

     भगत राम मंडोत्रा हिमाचल प्रदेश दे जिला कांगड़ा दी तहसील जयसिंहपुर दे गरां चंबी दे रैहणे वाल़े फौज दे तोपखाने दे रटैर तोपची हन।  फौज च रही नैं बत्ती साल देश दी सियोआ करी सूबेदार मेजर (ऑनरेरी लेफ्टिनेंट) दे औद्धे ते घरे जो आए। फौजी सर्विस दे दौरान तकरीबन तरताल़ी साल दिया उम्रा च एम.. (अंग्रेजी साहित्य) दी डिग्री हासिल कित्ती। इस ते परंत सठ साल दी उम्र होणे तिकर तकरीबन पंज साल आई.बी. , 'असिस्टेन्ट सेंट्रल इंटेलिजेंस अफसर' दी जिम्मेबारी निभाई।

      लिखणे दी सणक कालेज दे टैमें ते ही थी। फौज च ये लौ दबोई रही पर अंदरें-अंदरें अग्ग सिंजरदी रही।  आखिर च घरें आई सोशल मीडिया दे थ्रू ये लावा बाहर निकल़ेया।

     हाली तिकर हिमाचली पहाड़ी च चार कवता संग्रह- जुड़दे पुल, रिहड़ू खोळू, चिह्ड़ू-मिह्ड़ू, फुल्ल खटनाळुये दे, छपी चुक्केयो। इक्क हिंदी काव्य कथा "परमवीर गाथा सेकंड लेफ्टिनेंट अरुण खेतरपाल - परमवीर चक्र विजेता" जो सर्वभाषा ट्रस्ट, नई दिल्ली ते 'सूर्यकांत त्रिपाठी निराला साहित्य सम्मान 2018' मिली चुकेया।

    हुण फेस बुक दे ज़रिये 'ज़रा सुनिए तो' करी नैं कदी-कदी किछ न किछ सुणादे रैंहदे हन।


Saturday, November 6, 2021

यादां फौजा दियां

 


फौजियां दियां जिंदगियां दे बारे च असां जितणा जाणदेतिसते जादा जाणने दी तांह्ग असां जो रैंह्दी है। रिटैर फौजी भगत राम मंडोत्रा होरां फौजा दियां अपणियां यादां हिंदिया च लिखा दे थे। असां तिन्हां गैं अर्जी लाई भई अपणिया बोलिया च लिखा। तिन्हां स्हाड़ी अर्जी मन्नी लई। हुण असां यादां दी एह् लड़ी सुरू कीती हैदूंई जबानां च। पेश है इसा लड़िया दा तेरुह्आं मणका।


........................................................................ 


सहीदाँ दियाँ समाधियाँ दे परदेसे च  

सन् 1962 दे भारत-चीन जंग दिया बजह ते ही अरुणाचल प्रदेश 'सहीदाँ दियाँ समाधियाँ दा प्रदेश' बणेह्या था। औआ, अग्गें बद्धणे ते पहलैं सरासरी इक नज़र तिस जंग दे पिच्छे देयाँ हालाताँ गास पाँदे चलदे। 

असाँ वचपणे ते सुणदे आएसच्च कनै तथ्य छुपाणे ते नीं छुपदे।  भारत-चीन जंग दी असलियत जो बड़े घट्ट माह्णू जाणदे हन्न कनै जेह्ड़े माह्णू तिस असलियत जो जाणदे हन्न सैह् तिस जो मनणे ते झिझकदे हन्न।  सरकाराँ अपणे देस देयाँ वसिंदेयाँ जो सैही दसदियाँ जाँ पढ़ांदियाँ हन्न जेह्ड़ा तिन्हाँ दे सियासी भले ताँईं मुफ़ीद हौंदा है। दो देसाँ दे बिच घटिह्यो इक्को ही घटणा जो तिन्हाँ देसाँ दिया पब्लिका साह्म्णे लग्ग-लग्ग तरीके कन्नै परींह्देया जाँदा है।  सन् 1962 दे भारत-चीन जंग दिया असलियता दे मामले च भी एह् गल्ल खरी उतरदी है। 

अंग्रेजाँ भारत पर अपणे सदियाँ दे राज दे दौरान भारत-चीन दी सरहद तय करने दे कम्म पासैं ध्यान नीं दित्ता था। असाँ दा अज्ज दा अरुणाचल प्रदेश सदियाँ तिकर तिब्बत दे प्रभाओ च रिहा।  अंग्रेज भी एही मनदे रैह् अपर सन् 1914 च मैकमोहन लाइन खिंजी करी तवाँग दे मसहूर बौद्ध मठ समेत सारे अरुणाचल प्रदेश जो अपणे पासें करी लिया। नक्से पर एह् बाउंड्री लाइन इक गड्डमड्ड जेही लाइन है जिसा जो धरती पर तोपणा सान कम्म नीं है। चीनियाँ कदी भी मैकमोहन लाइना जो मंजूर नी कित्ता। 

एत्थू इक विरोधाभास जेहा उठी खड़ौंदा है।  चीन तिब्बत जो अपणे देस दा हेस्सा मनदा है, जिस कन्नै भारत भी रजामंद रिहा है।  चीन अरुणाचल प्रदेश जो भी तिब्बत दा दक्खणी हेस्सा मन्नी करी तिस पर अपणा दौआ करदा है जेह्ड़ा भारत जो मंजूर नीं। 

गल्ल होर बिगड़ी जाह्लू चीनियाँ म्हारे देस दे जम्मू कनै कश्मीर दे उत्तरी-पूर्वी हेस्से च पौणे वाळे लद्दाख इलाके दे इक इक बड्डे टुकड़े, जिस जो अक्साई-चिन ग्लाँदे हन्न, पर अपणा दौआ ठौकी दित्ता। दरअसल चीन अक्साई -चिन इलाके ते हौई नै अपणे सूबे शिंकियाँग कन्नै तिब्बत जो जोड़णे वाळा हाई-वे बणाणा चाँह्दा था। पूर्वी तुर्केस्तान सूबे च लम्मे समैं ते  चीन दे खलाफ बगावत भड़कदी रैंह्दी थी। दूंहीं सूबेयाँ दिया सरहदा पर  पौणे वाळी बड़ी मुस्कल कुनकुन पहाड़ लड़िया पर तिस हाई-वे जो बणाणा नामुमकिण था। इस ताँईं चीनियाँ  गुपचुप तिस जो भारत दे इलाके अक्साई चिन ते होई करी बणाई लिया। 

अक्साई-चिन भारत दा इक देहा इलाका है जित्थू कुत्थी भी कोई बसती नीं थी। शैद इस ताँईं तदकणी  भारत सरकार जो तिस इलाक़े दी रत्ति भी परुआह नीं थी। तिस इलाके दे  हालाताँ दा जायजा लैणे ताँईं  तित्थू कदी कोई हिंदोस्तानी गश्ती पार्टी नीं भेजी गई। नतीजा एह् होया कि भारत सरकार जो पता ही नीं लग्गेया कि अक्साई-चिन पर कब्जा करी नै चीन तित्थू हाई-वे बणाई चुक्केह्या था। जाह्लू एह् घटा दा था असाँ दे नेता "हिन्दी चीनी भाई-भाई"  दा नारा  लगाह्दे थे। 

भारत सरकार जो ज़ोरे दा झटका तिस बग्त लग्गेया जिस बग्त इक चीनी अख़बारें हाई-वे बणी जाणे दी कहाणिया जो  फोटुआँ समेत छाप्पेया।  तिस हाई वे जो उच्चे हिमालय च चीन दी इंजीनियरिंग दा करिश्मा करार दित्ता गिया था। तिसा खबरा छपणे दे परंत मामला भारत दी संसद च भी उट्ठेया अपर तदकणी सरकार सच्चाई जो मनणे ते झिझकदी रही। 

तिस दे परंत लम्मिया नींदरा ते जगिह्यो भारत सरकारें कई सिद्धे-पुट्ठे कम्म कमाए जिन्हाँ दा सिलसिलेवार ब्यौरा मसहूर पत्रकार प्रेम शंकर झा होराँ 'द वायर' 5 जून सन् 2020 जो "1962 च क्या हौया था, एह् जाणना भारतीयाँ ताँईं लाज़मी कज़ो है?" हैडिंग ते अंग्रेजी च छपे अपणे लेख च दित्तेह्या है।  तिसदे मिलदे हेस्से दा तर्जुमा एत्थू पेश है। 

प्रेम शंकर झा होराँ लिक्खदे हन्न, "एक जुआन, गौरवान्वित राष्ट्र दे लोकाँ ताँईं कोई भी हार सान नीं हौंदी है।  अपर 1962 कन्नै समझौता करना खास करी नै मुस्कल रिहा है किंञा कि इसदी बजहाँ जो बाद दियाँ सारियाँ सरकाराँ लोकाँ ते छुपाह्या है।  देहा तिन्हाँ, हार दियाँ बजहाँ दी, भारत दी फ़ौज दी, अपणी जाँच-परख दी रिपोर्ट, जिस्सेयो भारत दी फ़ौज दे दो सच्चे-सुच्चे अफसराँ, लेफ्टिनेंट जनरल टी.बी. हेंडरसन ब्रूक्स कनै विक्टोरिया क्रॉस जित्तू ब्रिगेडियर प्रेम भगत नै तियार कित्तेह्या था, जो सब्भना ताँईं जाहिर न करी नै कित्ता। इसते हिन्दोस्तानियाँ दियाँ तिन्न पीढ़ियाँ जो तिस जाणकारी ते महरूम करी दित्ता गिया जिस जो तिन्हाँ ताँईं  समझणा जरूरी था।  नतीजा एह् निकळेया, हिंदोस्तानी ये मनदे हन्न कि चीन हमलावर था कनै तिन्हाँ  हिमालय दी पूरी लम्माई च 140,000 वर्ग किलोमीटर भारत दे इलाके पर अपणा दौआ कित्ता था कनै 1954 ते ही तिस्सेयो थोड़ा-थोड़ा कुतरणा सुरू करी दित्ता था। 

तिस ते पच्छैणकियां बरिह्याँ च, इक आधिकारिक कताब लिक्खी नै इस दा खंडण करने वाळे इकमात्र आदमी ऑस्ट्रेलियाई पत्रकार कनै लंदन टाइम्स दे भारत संवाददाता, नेविल मैक्सवेल थे जिन्हाँ जो, जिंञा कि बाद च पता चल्लेया, हेंडरसन ब्रूक्स-भगत रिपोर्ट दी इक नक़ल इसा शर्ता पर मिल्लिह्यो थी कि सैह् तिसदी सामग्री दा इस्तेमाल  करह्गे अपर तिसदा ज़िक्र कदी भी नीं करह्गे। 

अपणी खूब पढ़ी जाणे वाळी कताब,  'इंडियाज़ चाइना वॉर' (1971 च छप्पिह्यो) च मैक्सवेल नै साफ तौर ते भारत पर जंग छेड़ने दा तोहमत लगाया।  मैक्सवेल नै जवाहरलाल नेहरू पर इक 'साम्राज्यवादी' होणे दा इल्जाम भी जड़ेया, जिन्हाँ अंग्रेजाँ दी तिब्बत च खिंज्जिह्यो इकतरफा सरहदाँ दी फ्हाज़त करने ताँईं इक 'फॉरवर्ड पालिसी' अपणाई  कनै शक-शुबहा दे हलाताँ च  तिन्हाँ सरहदाँ दे पच्छम कनै दक्खण पासें पौणे वाळे चीन दे कब्जे वाळे इलाक़ेयाँ ते तिन्हाँ जो "बगैर जबर-जोर" ते बेदखल करने दी कोसस कित्ती। तिन्हाँ (मैक्सवेल) दा दौआ है कि चीनी तिन्हाँ (नेहरू) दे मनसूबेयाँ जो देरिया ते समझे कनै 1961 दे खीर तिकर एह् मनदे रैह् कि तिन्हाँ हिमालय दियाँ सरहदाँ दे बारे च साँतिया नै गल्ल-बात करनी है।  भारत दी हमलावर गश्त कनै सरहद दी परिभाषा दे कन्नै-कन्नै कई चौकियाँ दी स्थापना ते सैह् सिर्फ अपणिया बेवकूफिया ते हिली करी रही गै थे।  इस ते मैक्सवेल नै 1962 दी जंग च भारत जो हमलावर कनै चीन जो सिकार क़रार दित्ता। 

भारत देयाँ विदुआनाँ कनै विश्लेषकाँ मैक्सवेल दी थीसिस दा खंडण करने दी कोसस कित्ती, अपर हेंडरसन ब्रूक्स-भगत रिपोर्ट कनै चीनी विदेश दफ़्तर तिकर दी पौंह्च दी कमी ते संगीनी तौर पर महरूम, सैह् असली सबूताँ पर भरोसा करने ताँईं मजबूर होई गै कनै सैह् (मैक्सवेल) दे दौए दे कनारेयाँ पर मात्र घरोड़ भर लगाणे च कामयाब रैह्।  नतीजतन, भारत दे लोकाँ अपणी शर्मनाक हार दे अध्याय जो अजहें भी बंद नीं कित्तेह्या है।  इस दे बजाय, जिंञा पहली आलमी जंग च चाणचक बेवजह  ते हौई  हार दे परंत जर्मनाँ कन्नै होया, जख्म लगातार डुग्घा होंदा जाह्दा है।  अज्ज,  गुज़रे बग्त दी म्हारी अद्धकचरी समझ म्हारे औणे वाळे बग्त च ज़हर  घोळणा लग्गिह्यो है। 

मैक्सवेल नै जारी कित्ती रिपोर्ट 

बड़भाग म्हारे कि असाँ ताँईं फरवरी 2014 च मैक्सवेल नै अपणी वेबसाइट पर हेंडरसन ब्रूक्स-भगत रिपोर्ट दा पहला हेस्सा जारी करी दित्ता।  नई दिल्ली नै तरंत तिन्हाँ दी  वेबसाइट जो ब्लॉक करी दित्ता अपर रिपोर्ट दियाँ कई कॉपियाँ पहलैं ही डाउनलोड होई करी इंटरनेट पर उपलब्ध हौई गइयाँ थियाँ।  तिस ते असाँ जो गुज़रेह्यो बग्त जो समझणे कनै तिस्सेयो अपणे पिच्छैं रखणे दा मौका मिल्लेया जाह्लू असाँ जो तिसदी सख्त ज़रूरत है। 

रिपोर्ट जंग दियाँ राजनीतिक वज़हाँ पर अटकळ नीं लगाँदी है।  इसदा दायरा पूरी तरहाँ, खासकरी नै, नॉर्थ-ईस्ट फ्रंटियर एजेंसी (हुणकणा अरुणाचल प्रदेश) दे कामेंग डिवीजन च फ़ौजा दी झेलिह्यो हार दियाँ वज़हाँ दी "ऑपरेशन जाच-परख" करना था। इसदे संदर्भ दियाँ शर्तां थियाँ— "थल्लैं लिक्खेह्यो च क्या गलत होया: 1. सिखलाई;  2.  स़ाज समान;  3. कमाण दे तौर-तरीके;  4. फ़ौजियाँ दी जिस्मानी फिटनेस;  कनै 5.  सारेयाँ लेवलाँ पर कमाँडराँ दी अपणे थल्ले दे जुआनाँ पर असर पाणे दी काबिलियत" 

लेकिण ब्रूक्स कनै भगत तौळे ही इस नतीजे पर पौंह्ची गै थे कि दित्तेयो कम्मे जो पूरा करने ताँईं सब्भते पहलैं तिन्हाँ  जो जंग सुरू हौणे दे पहले दे हालाताँ कनै वाक्याँ दे कन्नै-कन्नै फ़ौज दे बैलेंस, रुख कनै ताकत दी जाँच करने दी ज़रूरत थी।  तिन्हाँ दे नकाळेह्यो नचोड़ डरौणे थे। 

तिसें रिपोर्टें एह् तसदीक कित्ता कि जंग दरअसल भारत दी  "फॉरवर्ड पॉलिसी' दी बजह  ते सुरू होई  थी कनै तिसा पॉलिसिया दी निंदा कित्ती कैंह् कि  तिसा च जुद्ध कला दे हर उसूल दी ख़िलाफ़वर्ज़ी हौई कनै नालायकी दियाँ नौंइयाँ उच्चाइयाँ जो  छुया गिह्या था।  अपर तिसते एह् भी साफ हौई गिया कि नेहरू सरकारें दिसंबर 1961 च ही इसा पॉलिसिया जो लागू कित्ता था। तिसते पहलैं तिन्हाँ इक डिफेंसिव पॉलिसी अपणाई थी जिस दा मकसद  हिमालय च पहलकणे हालात बणाई रखणा कनै जित्थू तिकर हौई सके लड़ाई ते बचणा था।  तिसा ते एह् भी पता चल्लेया कि मैक्सवेल नै अपणी कताब च चीन दे जंग दे नज़रिए जो अणजाणे च कुस हद तिकर निगळी लिह्या था। 

1959 दे खीर तिकर, भारत-तिब्बत सरहद साँत बणिह्यो रही थी। फ़ौज तिसा दिया निगरानिया च भी सामल नीं थी - एह् कम्म भारत-तिब्बत सीमा पुलिस पर छड्डेह्या  था।  लेकिन दो खूंनीं झड़पाँ, पहली अगस्त 1959 च नेफा (हुण अरुणाचल प्रदेश) दे पच्छमी छोर पर लोंगजू च कनै  दूजी अक्टूबर च कश्मीर- शिनजियाँग सरहद पर कोंगका-ला च, तिसा जो 'लाइव' सरहद च बदळी दित्ता।

 

फ़ौज जो "लद्दाख च भारत दे इलाके च कुसी होर चीनी दखल जो रोकणे ताँईं " कनै "मैकमोहन लाइन ते अपणे पासें अपणा हक़ जमाणे कनै होर घुसपैठ जो रोकणे ताँईं" सरकार दे हुक्म थे।  ये दोह्यो हुक्म तिसा फॉरवर्ड पॉलिसिया ते बहोत दूर थे, जिसा दा मैक्सवेल ने दौआ कित्तेह्या था कि नेहरू नै 1950 दी दहाई दी शुरुआत ते गब्भे तिकर अपणाह्या था। 

फ़ौजें लई जिम्मेदारी 

सरहद दी निगरानी दी जिम्मेदारी फ़ौज जो देणे दे परंत आर्मी हेडकुआटर ते दूंही इलाकेयाँ च चीनी फ़ौज दे खुफिया भाओ-तोल दा ब्यौरा जारी कित्ता गिया।  तिस ते परंत दिसंबर 1959 च पूर्वी कमाण जो कनै फरवरी 1960 च पश्चिमी कमाण जो ऑपरेशनल ऑर्डर दित्ते गै। लद्दाख च, खुफिया भाओ-तोल ते अंदाज़ा लग्गा कि चीनी इक रेजिमेंट कनै किच्छ टैंक तैनात करी सकदे थे।  तिस दे आधार पर, आर्मी हेडकुआटरें नतीजा नकाळेया कि "औणे वाळे बग्त च कुसी भी टकराओ च कंपनी जाँ बटालियन दी नफरी ते ज्यादा जुआनाँ जो सामल करनें दी जरूरत नीं पौणी है"  इस करी नै चीनी तैनाती दा मुकाबला करने ताँईं तिन्हाँ पच्छमी कमाण जो सिर्फ इक ब्रिगेड कनै दो जम्मू-कश्मीर मिलिशिया दियाँ बटालियनाँ तैनात करने जो ग्लाया।  दरअसल, एह् इलाका इतणा मुस्कल था कि 1960 दे अंत तिकर, पच्छमी कमाण सिर्फ इक इन्फेंट्री बटालियन (इक ब्रिगेड दा इक तिहाई) कनै जम्मू-कश्मीर मिलिशिया जो तैनात करने च कामयाब होई सकी।  यह शैद ही इक हमलावर तैनाती थी। 

पूर्वी इलाके च, 1959 च तैयार कित्तेह्यो खुफिया भाओ-तोल ते अंदाजा लगाया गया कि चीन व्ह्ली सिक्किम कनै भूटान दे साह्म्णे इक डिवीजन था, पच्छमी नेफा च मैकमोहन लाइन पर दो रेजिमेंट तिकर कनै पूर्वी नेफा च इक रेजिमेंट थी।  हालाँकि एह् नतीजा निकाळेया गिया कि चीन हमला करने दी हालत च नीं था कैंह् कि सैह् अतिह्यें भी "तिब्बत पर अपणी पकड़ मजबूत करा दे थे"  इस तांईं पूर्वी कमाण नै अरुणाचल प्रदेश च सिर्फ इक इन्फैंट्री डिवीजन जो तैनात कित्ता। 

दूंहीं कमाँडाँ ताँईं ऑपरेटिंग हिदायताँ भी इक्को जेहियाँ थियाँचौकियाँ बणाणियाँ;  गभले इलाकेयाँ च गश्त करनी;  झंडा दस्सणा, अपर टकराओ ते बचणा।  पूर्वी इलाके च हिदायताँ साफ थियाँमैकमोहन लाइन ते दो-तिन्न मील दे नेडें कोई गश्त नीं हौणी थी।  कुसी भी मामले च कोई हमलावर कार्रवाई नीं हौणी थी;  जेकर चीनी गश्ती दल लाइन दे दक्खण दे पासें मिली जाह्ण ताँ तिन्हाँ जो वापस जाणे ताँईं बोल्या जाणा था।  फ़ौजियाँ जो सिर्फ अपणी फ्हाजत ताँईं  गोळी चलाणी थी। 

मैक्सवेल नै नेहरू दे साम्राज्यवाद दे सबूत दे तौर पर कोंगका-ला झड़प दे परंत बिह् किलोमीटर तिकर फ़ौज दी अप्पू च वापसी दी चीनी तजवीज़ जो भारत दुआरा ठुकराए जाणे दा हवाला दित्ता, लेकि हेंडरसन-भगत रिपोर्ट इसदी अलग व्याख्या करदी है।  कोंगका-ला तिस इलाके दे पैंह्ट-अस्सी किलोमीटर अंदर था जिस जो भारत अपणा मनदा है।  इस तरहाँ, इस बिंदु ते बिह् किलोमीटर दी दूरिया पर रज़ामंद हौणा बाकी इलाके जो चीन जो देई देणे दे बरोबर हौंदा।  हालाँकि, व्यवहार च, भारत नै तिस मंग जो मंजूर करी लिया।  इक बिंदु (डेमचोक) जो छड्डी करी, तिन्हाँ अपणे फ़ौजियाँ जो चीनी दौए दे पच्छम च रक्खेया, इक लाइन जिसा जो चीनियाँ 1954 च तजवीज़ कित्ता था लेकिन तदी भारत दुआरा मंजूर नीं कित्ता गिया था। इसदे अलावा, दूंहीं देसाँ अपणी फ़ौजाँ दे बिच इक बड्डा-सारा फासला छड्डणे दा ध्यान रक्खेया  था। 

झोउ एनलाई दी दिल्ली जात्रा 

अपणी बुनियादी ज़रूरताँ जो पूरा करने दे परंत, चीनियाँ  समझौते दी गल्ल-बात ताँई अपणी इच्छा परगट करनें ताँईं मता किच्छ कित्ता।  सैह्  जिस हद तिकर जाणे ताँईं तियार थे सैह् झोउ एनलाई दे फरवरी 1960 दे दिल्ली दौरे दे दौरान दिक्खणे च आया जद दरअसल तिन्हाँ नेहरू पर अपणी गल्ल मनवाणे ताँईं ज़ोर पाया कि जेकर सैह् (नेहरू) अक्साई चिन च तिस बग्त दी सरहद जो मन्नी लैंह्ण ताँ सैह् (झोउ एनलाई) उत्तर-पूर्व च मैकमोहन लाइन जो मनणे जो तियार हन्न।  सैह्  सब्भना दी इक राय बणाणे दिया कोससा च भारत दे इक कैबिनेट मंत्री दे घर ते दूजे दे घर गै, तिस बग्त बेवजह  नेहरू लीड करने च नाकामयाब रैह्। 

तिस गैर मामूली ऑफर दा फ़ायदा उठाणे च नेहरू दी नाकामयाबी जो भारत दी सब्भते बड्डी कनै हुण तिकर  दी सब्भते महंगी, कूटनीतिक भुल्ल गिणेया जाणा चाहीदा।  झोउ नै जिस वरोध दा साह्म्णा कित्ता कनै मोरारजी देसाई जेहाँ मंत्रियाँ दे हत्थें तिन्हाँ जो जिस बेइज्जती जो झेलणा पिया, तिसते तक़रीबन पक्के तौर पर पूर्व कनै पच्छम च चीनी फ़ौज दे जमावड़े दी तेजिया कनै बढ़ोतरी हौई, जिस दिया बजह ते नेहरू कनै तिन्हाँ देयाँ सलाहकाराँ, 'फॉरवर्ड पालिसी' अपणाई नै,  अपणी दूई  गलती करी दित्ती। 

झोउ दी नाकामयाब दिल्ली यात्रा दे परंत चीनियाँ दूंहीं सेक्टराँ च अपणी फ़ौज दा जमावड़ा बधाणा शुरू करी दित्ता।  अक्टूबर 1960 तिकर, तिन्हाँ व्ह्ली सपोर्टिंग आर्मर्ड समेत लद्दाख च इक ते ज्यादा डिवीजन थे कनै तिन्हाँ अपणियां सारियाँ पच्छमी चौकियाँ तिकर सड़काँ कनै पगडंडियाँ जो बणाई लिह्या था, जिसते तिन्हाँ दी, शॉर्ट नोटिस पर,  कुमक पौंह्चाणे दी छमता च काफी सुधार हौया।  पूर्वी सेक्टर च होर भी ज्यादा हैरान करने वाळा असंतुलन पनपी पिया।  जुलाई 1961 तिकर, रिपोर्ट दे मुताबिक, चीनियाँ व्ह्ली  नेफा च  आर्मर्ड कनै पहाड़ी तोपखाने दी सपोर्ट वाळे पूरे तिन्न  डिवीजन थे, दो पच्छम च कनै इक पूर्व च। 

लेकिन कुसी वज़ह ते रिपोर्ट दी छाणबीण नीं कित्ती गई, तिन्हाँ जो कुसी भी साइज दी इक भी फ़ालतू यूनिट नीं मिल्ली। इस तरहाँ दिसंबर 1961 च पच्छमी कमाण व्ह्ली  अक्साई चिन च चीन दे तिन्न डिवीज़नाँ दा साह्मणा  करने ताँईं सिर्फ इक रेगुलर कनै दो जम्मू-कश्मीर लाइट इन्फैंट्री दियाँ बटालियनाँ बगैर आर्मर्ड दे, बिण मोर्टार कनै मध्यम मशीनगनाँ ते कनै बगैर पौंहच सड़काँ ते थियाँ जिन्हाँ ताँईं सप्लाई पूरी तरहाँ पहाड़ां दियाँ पगडंडियों ते हौई करी पैदल जाँ हौआई रस्ते पर निर्भर थी। 

पूर्वोत्तर च भी इसा किस्मा दा असंतुलन पुंगरी पिया।  मई 1959 , पूर्वी कमाण नै इक इमरजेंसी विस्तार योजना पेस कित्ती थी जिस च हिमालयी सरहद दे बक्ख-बक्ख हेस्सेयाँ ताँईं पंज होर डिवीजन खड़ेरने सामल थे।  अपर हालाँकि सैह् अगले दो सालाँ तिकर नई दिल्ली पर होर सैनिकाँ ताँईं ज़ोर पाँदे रैह्, लेकिन तिन्हाँ जो किच्छ भी नीं मिल्लेया।  इस तरहाँ तिब्बत दे कन्नै नेफा दी नौ सौ किलोमीटर दी सरहद दी फ्हाजत ताँईं  तित्थू इक डिवीजन माइनस इक ब्रिगेड थी जिस जो लग्ग करी नै नागालैंड भेज्या गिह्या था। 

'फॉरवर्ड पॉलिसी' जिसदे कारण जंग हौया 

नवंबर 1961 च एह् गंभीर असंतुलन था जाह्लू सरकारें  'फॉरवर्ड पॉलिसी' जो अपनाणे दा फैसला कित्ता।  दिल्ली च आर्मी हेडकुआटर ते पूर्वी कनै पच्छमी कमाणां जो नौंइयां चौकियाँ बणाणे कनै लद्दाख च भारत दी मन्निह्यों सरहद कनै नेफा च मैकमोहन लाइन दे जितणा नेड़ैं जाई नै मुमकिन होई सकै गश्त करने दा हुक्म दित्ता गिया।  अपर दूंहीं कमाणा जो इक भी जुआन होर  दित्ते बगैर देहा करने जो बोल्या गिया। 

नई दिल्ली दियाँ हिदायताँ सैह्यो रहियाँलड़ाई ते बचणा कनै सिर्फ अपणी फ्हाजत ताँईं फैर करना, लेकिन हेंडरसन ब्रूक्स-भगत रिपोर्ट पाठकाँ ताँईं इस च कोई शक नीं छडदी है कि 'फॉरवर्ड पॉलिसी' फ़ौजी नज़रिए ते गैर-जिम्मेदार कनै लागू नीं करने लाइक थी।  तिस ते लद्दाख च चौकियाँ दी गिणती बद्धि नै सट्ठ हौई गई कनै तिन्हाँ च ज्यादातर जो अक्साई चिन ते गुजरने वाळी चीनी सड़क दी अणदेखी करी नै बणाह्या गिह्या था।  एह् इक ऐसी हालत थी जिस्सेयो बीजिंग दुआरा बर्दाश्त नीं करना लगभग पक्का तय था। तिन्हाँ भारतीय चौकियाँ दे साह्म्णे कनै ज़्यादातर भारतीय चौकियाँ दे अक्खें-बक्खें अपणियाँ चौकियाँ बणाई करी तिस्सेयो दस्सेया।  तिस दे कारण पंज बरी हथियारबंद टकराओ होए।  सबते घोर हादसा गलवान नदी पर होया। 

मई 1962 , पच्छमी कमाण दे एतराज़ जो दरकिनार करदेयाँ  आर्मी हेडकुआटर नै तिन्हाँ जो गलवान नदी पर इक चौकी बणाणे दा हुक्म जारी कित्ता।  जद तिस्सेयो जुलाई च बणाया गिया ताँ, हेंडरसन ब्रूक्स-भगत रिपोर्ट दे मुताबिक, सह्त्तर (अज्जकल दी तरहाँ दो सौ ते तिन्न सौ नीं) चीनी सैनिकाँ तिसा जो तुरंत घेरी लिया था।  पच्छमी कमाण नै पोस्ट जो ज़मीनी रस्ते ते सप्लाई नीं करनें कनै सिर्फ हौआई रस्ते ते देहा करने दी सलाह दित्ती, अपर नई दिल्ली नै तिस्सेयो इक बार फिरी ख़ारिज करी दित्ता कनै तिन्हाँ जो ज़मीनी रस्ते दा इस्तेमाल करने दा हुक्म दित्ता।  चीनियाँ चार दिनाँ तिकर लगातार सप्लाई टुकड़ियाँ जो वापस मुड़णे ताँईं मजबूर कित्ता।  कुल मिलाई नै गलवान चौकी दी घेराबंदी बारह दिनाँ तिकर चल्ली। 

नेफा च पूर्वी कमाण नै चौबी नौंइयाँ चौकियाँ बणाइयाँ।  तिन्हाँ च कई अपणे बेस ते चौदा दिनाँ दी पैदल दूरी पर थियाँ।  उस ते ढुलाई संबन्धी इक बुरा सुपना साह्म्णे आई खड़ौता कनै फ़ौजियाँ जो जोखम, बमारी कनै भुखमरी दे जरिए मौत दे खतरे च धकेली दित्ता गिया।  चीनियाँ भारत दियाँ चौकियाँ दे साह्म्णे चौकियाँ बणाई नै जवाब दित्ता।  जिस ते फ़ौजाँ हाखीं नै हाखीं  मिलाई करी  टकराओ वाळी हालत च जाई खड़ोतियाँ।  इस बजह ते 1962 दियाँ गर्मियाँ दे मुकणे तिकर, पूरी सरहद बारूद दा डब्बा बणी करी रही गई थी। 

हालाँकि ब्रूक्स कनै भगत ने अपणिया तरफा ते कोई भी फैसला नीं देणे दी पूरी कोसस कित्ती, लेकिन तिन्हाँ जो देहा करना नामुमकिन लग्गेया।  तिन्हाँ दा निकाळेह्या निचोड़ डरौणा था :  

"बढ़दे फ़ौजी नुकसान दे सारे सबूताँ कनै तिन्हाँ सारियाँ चेतावणियाँ दे वाबजूद, जेह्डियाँ चीनियाँ असाँ जो गालवान कनै ढोला जेहियाँ कार्रवाइयाँ ते दित्तियाँ थियाँ, सरकारें खुद जो दिलासा देई लिह्या था कि जाह्लू भारत दे खिलाफ जंग करने कनै पिच्छे हटणे दे बिच चुणने ताँईं मजबूर होणा पिया, ताँ चीनियाँ वापस पिच्छें हटी जाणा है।" 

तिन्हाँ दा लाँछन साहित्य दियाँ उच्चाइयाँ तिकर पौंह्चदा है: "जुद्ध दी कला असाँ जो दुश्मण दे नीं औंणे दी संभावना  पर नीं बल्कि तिस दा साह्म्णा करने दी म्हारी मुस्तैदी पर भरोसा करना सिखाँदी है;  तिस दे हमला नीं करने दे इत्तफ़ाक़ पर नीं बल्कि इस असलियत पर कि असाँ अपणी पुजीसन जो अजेय बणाई लिह्या है। 

अंत च, एह् नई दिल्ली थी जिन्नै जंग ताँईं माहौल तियार कित्ता।  फॉरवर्ड पॉलिसी दे हेस्से दे तौर पर, आर्मी हेडकुआटर नै भूटान, भारत कनै तिब्बत सरहद दे ट्राई जंक्शन पर अपणी इक अगली चौकी बणाणे दा फैसला कित्ता, अपर अगस्त 1962 च पूर्वी कमाण नै एह् दस्सेया  कि हालाँकि मैकमोहन लाइन मोटे तौर पर वाटरशेड दे कन्नै-कन्नै जाँदी है, ट्राई जंक्शन तिस पर नीं, बल्कि तिस दे दक्खण च तिन्न-चार मील दी दरेड़ पर पौंदा था।  नक्शे पर दस्सेह्यो  ट्राई-जंक्शन तिकर  चीनी गश्ती दल वाटरशेड दे दक्खण च औआ दे थे, इस लई नई दिल्ली नै अपणी ढोला पोस्ट जो चार मील उत्तर पासें वाटरशेड च ट्राई-जंक्शन पर बदळनें दा फैसला कित्ता।  हालाँकि, "सब्भ ताल्लुक  रक्खणे वाळेयाँ दे शक कनै सुआलाँ ते बचणे ताँईं तिन्हाँ तिस्सेयो पराणे ट्राई-जंक्शन दा मैप रेफ्रेंस देणा जारी रक्खणे दा फैसला लिया।  8 सितंबर जो छे सौ चीनियाँ  ढोला चौकी जो घेरी लिया।

पूर्वी कमाण दी तरंत जवाबी कार्रवाई आसपास दियाँ यूनिटाँ जो ढोला पोस्ट कन्नै "लिंक अप" करने ताँईं ऑर्डर भेजणा था यानी चीनी घेरे जो तोड़ी करी इक रस्ता बणाणा। तिस दे परंत नई दिल्ली च रक्षा मंत्री कृष्ण मेनन कनै असम दे तेजपुर च आर्मी चीफ दी चेयरमैनी च टॉप लेवल दी बैठकाँ दा दौर चल्लेया।  तिन्हाँ बैठकाँ च 33वीं कोर, जिसा व्ह्ली  नेफा दी तिस बग्त जिम्मेदारी थी, नै दक्खण ते ढोला दी घेराबंदी करा दे चीनियाँ जो घेरने ताँईं दो बटालियनाँ भेजणे दी सिफारिश कित्ती।  अपर इस समझदार कनै यथार्थवादी तजवीज़ जो दोन्हीं बैठकाँ च खारिज करी दित्ता गिया कनै फ़ौज जो ऑर्डर दित्ता गिया कि जेकर ज़रूरी हौऐ ताँ ताकत दा इस्तेमाल करी नै चीनियाँ जो बाहर कढी दित्ता जाए।  जाह्लू हिंदोस्तानी फ़ौजियाँ तिस खुदकसी करने वाळे ऑर्डर जो अंजाम देणे दी कोसस कित्ती, ताँ तिन्हाँ चीन जो तिस ताकत कन्नै हमला करने दी न्यून्दर देई दित्ती जिसा जो सैह् निहाळा दे थे। 

अज्जकल कन्नै रिपोर्टा दा नाता 

हेंडरसन ब्रूक्स-भगत रिपोर्ट च कित्तेह्यो खुलासे ते भारत दी जनता जो क्या सिखणा चाहीदा?  सब्भते खास गल्ल ताँ एह् है कि चीनियाँ 1962 दे जंग दी सुरुआत नीं कित्ती थी।  असाँ इक हमलावर, विस्तारवादी राष्ट्र दे रूप च चीन दी छवि दे चलदेयाँ, देहा कित्ता जिसदा अमरीका नै प्रचार करने ताँईं अपणे लेवल पर भरपूर कोसस कित्ती।  चीनियाँ अपणे  विस्तारवादी इरादे दी कमी दा मुजाहिरा न सिर्फ लद्दाख च उन्हाँ जगहाँ पर बापस मुड़ी करी कित्ता जेह्ड़ियाँ जंग ते पहले दियाँ जगहाँ ते बहोत ज्यादा दूर नीं थियाँ बल्कि तवाँग दा इलाका, जिस च तिब्बती बौद्ध धर्म दा दूजा सब्भते खास मठ है, ते पिच्छें हटी करी कुत्थी होर ज्यादा साफ तरीके कन्नै कित्तालाजिमी तौर पर असाँ जो  तवाँग वापस देई करी। 

रिपोर्ट ते एह् भी पता चलदा है कि चीन समझौते तांईं तय कित्तियां गइयां शर्तां दे मामले च दिक्खणे लाइक ढंग ते अटल रिहा है।  लद्दाख च 1993 दे समझौते दे मुताबिक मान्यता प्राप्त सरहदी इलाक़ा तकरीबन  तिसा पहलकणियां हालता सांह्ईं ही है जेह्ड़ी भारत दुआरा फॉरवर्ड पॉलिसी जो अपनाणे ते पैह्लें 1960 च हौंदी आई थी। 

इस ताँईं सरकार दुआरा हेंडरसन ब्रूक्स-भगत रिपोर्ट दे प्रकाशन दी लम्मे समै ते निहाळ  है।  एह् सिर्फ इस ताँईं नीं है, कैंह् कि सैह् म्हारे सब्भते  खास कनै मुमकिण तौर पर सब्भते ख़तरनाक पड़ोसी कन्ने म्हारे रिस्तेयाँ च बैलेंस लई औंह्गा, बल्कि इस ताँईं भी कि सैह् अखीर च असाँ जो  सेकंड राजपूत दे मेजर बी.सी. पंत, कुमाऊं रेजिमेंट दे मेजर शैतान सिंह जेहे अफसराँ कनै सैकड़ेयाँ दिया गिणतिया च बहादुर जुआनाँ दी न्यारी बहादुरी जो पच्छैणनें कनै श्रद्धांजलि देणे दी जाज़त दिंह्गा जिन्हाँ हथियार छडणे मंजूर नीं कित्ते कनै अखीरी गोळी तिकर लड़े, एह् जाणदे होए कि सिर्फ मौत तिन्हाँ जो निहाह्गा दी थी, हार दी धुंधळी लेकिण कौड़ी चमक दा सुआद लैए बगैर,  जेह्ड़ी अज्ज भी तिस जंग दे अक्खें-बक्खें मंड़राँदी है।" 

 


........................................................................ 


शहीदों की समाधियों के प्रदेश में (तेरहवीं कड़ी)

 

1962 के भारत-चीन युद्ध के परिणामस्वरूप ही अरुणाचल प्रदेश 'शहीदों की समाधियों का प्रदेश' बना था।  आइए, आगे बढ़ने से पहले उस युद्ध की पृष्ठभूमि पर एक सरसरी नज़र डालते चलें। 

हम वचपन से सुनते आए हैंसत्य और तथ्य छुपाने से नहीं छुपा करते।  भारत-चीन युद्ध की हक़ीक़त को बहुत कम लोग जानते हैं और जो लोग उस हकीकत को जानते हैं वह उसको मानने से झिझकते हैं।  सरकारें अपने देशवासियों को वही बताती अथवा पढ़ाती हैं  जो उनके राजनीतिक हित के अनुरूप होता है। दो देशों के बीच घटी  एक ही घटना को उन दोनों देशों की जनता के समक्ष अलग-अलग ढंग से परोसा जाता है।  सन् 1962 के  भारत-चीन युद्ध के तथ्यों के सम्बन्ध में भी यह बात खरी उतरती है। 

अंग्रेजों ने भारत पर अपने शताब्दियों के शासन के दौरान  भारत-चीन सीमा रेखा तय करने के कार्य पर ध्यान नहीं दिया।  हमारा आज का अरुणाचल प्रदेश सदियों से तिब्बत के प्रभाव में रहा। अंग्रेज भी यही मानते रहे पर सन् 1914 में मैकमोहन रेखा खींच कर तवांग के प्रसिद्ध बौद्ध मठ समेत सारे अरुणाचल प्रदेश को अपनी ओर कर लिया। नक्शे पर यह सीमा रेखा एक अस्पष्ट सी रेखा है जिसको ज़मीन पर खोजना सरल काम नहीं है।  चीन ने कभी भी मैकमोहन रेखा को स्वीकार नहीं  किया। 

यहां पर एक विरोधाभास सा उठ खड़ा होता है। चीन तिब्बत को अपना भू भाग मानता है, जिससे भारत भी सहमत रहा है।  चीन अरुणाचल प्रदेश को भी तिब्बत का दक्षिणी भाग मानकर उस पर अपना दावा करता है जो भारत को स्वीकार नहीं है। 

बात और बिगड़ी जब चीन ने हमारे देश के जम्मू और कश्मीर के उत्तरी-पूर्वी भाग में स्थित लद्दाख क्षेत्र के एक भाग, जिसको अक्साई चिन  कहते हैं, पर अपना दावा ठोक दिया। दरअसल चीन अक्साई  चिन क्षेत्र से होकर अपने प्रांत शिंकियांग से तिब्बत को जोड़ने वाला राज मार्ग (हाई वे) बनाना चाहता था। पूर्वी तुर्केस्तान प्रांत में दीर्घ काल से चीन के विरुद्ध विद्रोह भड़कता रहता था। दोनों प्रांतों की सीमा पर स्थित दुर्गम कुनकुन पर्बत शृंखला पर उस राजमार्ग को बनाना असंभव था। इसलिये चीन ने गुपचुप उसे भारतीय क्षेत्र अक्साई चिन से होकर बना लिया। 

अक्साई-चिन भारत का एक ऐसा भू भाग है जहां पर कहीं भी कोई आबादी नहीं थी। शायद इसलिये तत्कालीन भारत सरकार को  उस क्षेत्र की तनिक भी परवाह नहीं थी। उस क्षेत्र की स्थिति का जायजा लेने के लिए वहां कभी कोई भारतीय गश्ती दल नहीं भेजा गया। परिणाम स्वरूप भारत सरकार को पता ही नहीं था कि अक्साई-चिन पर कब्जा करके चीन वहां राज मार्ग बना चुका था। जब यह घटित हो रहा था हमारे नेता "हिन्दी चीनी भाई-भाई"  का राग आलाप रहे थे। 

भारत सरकार को ज़ोर का झटका उस समय लगा जब एक चीनी अख़बार ने राज मार्ग  बन जाने की  गाथा को चित्रों सहित छापा। उस राज मार्ग को ऊँचे हिमालय में चीन की इंजीनियरिंग का चमत्कार करार दिया गया था। उस खबर के छपने के बाद बात भारतीय संसद में भी उठी पर तत्कालीन सरकार सच्चाई को मानने से झिझकती रही। 

तदोपरांत चिर निद्रा से जागी तत्कालीन भारत सरकार ने कई सही गलत कदम उठाए जिनका सिलसिलेवार ब्यौरा सुप्रसिद्ध पत्रकार प्रेम शंकर झा ने 'द वायर' में 5 जून सन् 2020 को "1962 में क्या हुआ था, यह जानना भारतीयों के लिए क्यों जरूरी है?" शीर्षक से अंग्रेजी में छपे अपने लेख में दिया है।  उसके संबद्धित भाग का अनुवाद यहां पर प्रस्तुत है। 

प्रेम शंकर झा लिखते हैं, "एक युवा, गौरवान्वित राष्ट्र के लोगों के लिए कोई भी हार आसान नहीं होती है।  लेकिन 1962 के साथ समझौता करना विशेष रूप से कठिन रहा है क्योंकि इसके कारणों को हर बाद की सरकार ने लोगों से छुपाया है।  ऐसा उन्होंने, हार के कारणों के भारतीय सेना के अपने आकलन, जिसे भारतीय सेना के दो निर्विवाद अधिकारियों, लेफ्टिनेंट जनरल टी.बी. हेंडरसन ब्रूक्स और विक्टोरिया क्रॉस विजेता ब्रिगेडियर प्रेम भगत ने तैयार किया था, को सार्वजनिक न करके किया। इससे भारतीयों की तीन पीढ़ियों को उस जानकारी से वंचित कर दिया गया जिसे उनके लिए समझना जरूरी था।  परिणामस्वरूप, भारतीय ये मानते हैं कि चीन आक्रमणकारी था और उसने हिमालय की पूरी लंबाई में 140,000 वर्ग किलोमीटर भारतीय क्षेत्र पर अपना दावा किया था और 1954 से ही उसे थोड़ा-थोड़ा कुतरना शुरू कर दिया था। 

इसके बाद के वर्षों में, एक आधिकारिक पुस्तक लिख कर इसका खंडन करने वाले एकमात्र व्यक्ति ऑस्ट्रेलियाई पत्रकार और लंदन टाइम्स के भारत संवाददाता, नेविल मैक्सवेल थे जिन्हें, जैसा कि बाद में पता चला, हेंडरसन ब्रूक्स-भगत रिपोर्ट की एक प्रति इस शर्त पर मिली थी कि वह उसकी सामग्री का उपयोग करेंगे लेकिन उसका उल्लेख कभी नहीं करेंगे। 

अपनी व्यापक रूप से पढ़ी जाने वाली पुस्तक, 'इंडियाज़ चाइना वॉर' (1971 में प्रकाशित) में मैक्सवेल ने स्पष्ट रूप से भारत पर युद्ध छेड़ने का आरोप लगाया।  मैक्सवेल ने जवाहरलाल नेहरू पर एक 'साम्राज्यवादी' होने का आरोप जड़ा, जिन्होंने अंग्रेजों द्वारा तिब्बत में खींची गई एकतरफा सीमाओं की रक्षा करने के लिए एक 'फॉरवर्ड पालिसी' अपनाई और संदिग्ध रूप से इन सीमाओं के पश्चिम और दक्षिण में पड़ने वाले चीन अधिकृत क्षत्रों से उसे 'अहिंसक बल' से बेदखल करने का प्रयास किया। उनका दावा है कि चीनी उनके मनसूबों को देरी से समझे और 1961 के अंत तक यह मानते रहे कि वे हिमालय की सीमाओं पर शांतिपूर्वक बातचीत करेंगे।  भारत की आक्रामक गश्त और सीमा की परिभाषा के साथ कई चौकियों की स्थापना से वे केवल अपनी मूर्खता से हिल कर रह गए थे।  इससे मैक्सवेल ने 1962 के युद्ध में भारत को हमलावर और चीन को शिकार घोषित किया। 

भारतीय विद्वानों और विश्लेषकों ने मैक्सवेल की थीसिस का खंडन करने की कोशिश की, लेकिन हेंडरसन ब्रूक्स-भगत रिपोर्ट और चीनी विदेश कार्यालय तक की पहुंच की कमी से गंभीर रूप से वंचित, वे वास्तविक सबूतों पर भरोसा करने के लिए मजबूर हुए और उनके दावे के किनारों को मात्र खरोंच भर लगाने में कामयाब रहे।  नतीजतन, भारतीयों ने अपनी अपमानजनक हार के अध्याय को अभी भी बंद नहीं किया है।  इसके बजाय, जैसा कि प्रथम विश्व युद्ध में अचानक अस्पष्टीकृत हार के बाद जर्मनों के साथ हुआ, घाव लगातार बढ़ता जा रहा है।  आज, अतीत की हमारी अधूरी समझ हमारे भविष्य में जहर घोल रही है। 

मैक्सवेल ने जारी की रिपोर्ट 

सौभाग्य से हमारे लिए फरवरी 2014 में मैक्सवेल ने अपनी वेबसाइट पर हेंडरसन ब्रूक्स-भगत रिपोर्ट का पहला भाग जारी कर दिया।  नई दिल्ली ने तुरंत उनकी वेबसाइट को ब्लॉक कर दिया लेकिन रिपोर्ट की कई प्रतियां पहले ही डाउनलोड हो कर इंटरनेट पर उपलब्ध हो गई थीं।  इस ने हमें अतीत को समझने और उसे अपने पीछे रखने का मौका दिया जब हमें इसकी सख्त ज़रूरत है। 

रिपोर्ट युद्ध के राजनीतिक कारणों पर अटकल नहीं लगाती है।  इसका कार्य क्षेत्र पूरी तरह विशेष रूप से नॉर्थ-ईस्ट फ्रंटियर एजेंसी (अब अरुणाचल प्रदेश) के कामेंग डिवीजन में सेना द्वारा झेली गई पराजय के कारणों की 'ऑपरेशन समीक्षा' करना था।  इसके संदर्भ की शर्तें थी 'निम्नलिखित में क्या गलत हुआ: 1. प्रशिक्षण;  2. उपकरण;  3. कमान की प्रणाली;  4. सैनिकों की शारीरिक फिटनेस;  और 5. सभी स्तरों पर कमांडरों की अपने नीचे जवानों को प्रभावित करने की क्षमता' 

लेकिन ब्रूक्स और भगत बहुत पहले ही इस निष्कर्ष पर पहुंच गए थे कि दिए गए कार्य को पूरा करने के लिए  सर्वप्रथम उन्हें युद्ध शुरू होने से पहले के हालात और घटनाओं के साथ-साथ सेना के संतुलन, रुख और ताकत की जांच करने की आवश्यकता थी।  उनके निष्कर्ष डरावने थे। 

रिपोर्ट ने पुष्टि की कि युद्ध वास्तव में भारत की "फॉरवर्ड पलिसी' की बजह  से शुरू हुआ था और उस नीति की निंदा की क्योंकि इसमें युद्ध कला के हर सिद्धांत का उल्लंघन हुआ और अयोग्यता की नई ऊंचाइयों को छुआ गया।  लेकिन इसने यह भी स्पष्ट कर दिया कि नेहरू सरकार ने दिसंबर 1961 में ही इस नीति को अपनाया था। उससे पहले उसने एक रक्षात्मक नीति अपनाई थी जिसका उद्देश्य हिमालय में यथास्थिति बनाए रखना और यथासंभव संघर्ष से बचना था।  उसी से यह भी पता चला कि मैक्सवेल ने अपनी पुस्तक में चीन के युद्ध के नज़रिए को अनजाने में किस हद तक निगल लिया था। 

1959 के अंत तक, भारत-तिब्बत सीमा निष्क्रिय बनी हुई थी। सेना उसकी निगरानी में भी शामिल नहीं थीयह काम भारत-तिब्बत सीमा पुलिस पर छोड़ दिया गया था। लेकिन दो हिंसक झड़पों, पहली अगस्त 1959 में नेफा (अब अरुणाचल प्रदेश) के पश्चिमी छोर पर लोंगजू में और  दूसरी अक्टूबर में कश्मीर- शिनजियांग सीमा पर कोंगका-ला में, ने उसे 'लाइव' सीमा में बदल दिया। 

सेना को सरकार का निर्देश था 'लद्दाख में भारतीय क्षेत्र में किसी और चीनी दखल को रोकने के लिए' और 'मैकमोहन रेखा से अपनी तरफ अपना हक़ स्थापित करने और घुसपैठ को रोकने के लिए'  ये दोनों निर्देश उस फॉरवर्ड पॉलिसी से बहुत दूर थे, जिसका मैक्सवेल ने दावा किया था कि नेहरू ने 1950 के दशक की शुरुआत से मध्य तक अपनाया था। 

सेना ने ली जिम्मेदारी 

सेना द्वारा सीमा पर निगरानी की जिम्मेदारी संभाल लेने के बाद सेना मुख्यालय ने दोनों क्षेत्रों में चीनी सेना का खुफिया मूल्यांकन जारी किया।  इसके बाद दिसंबर 1959 में पूर्वी कमान को और फरवरी 1960 में पश्चिमी कमान को ऑपरेशनल निर्देश दिए गए। लद्दाख में, खुफिया मूल्यांकन से अनुमान लगा कि चीनी एक रेजिमेंट और कुछ टैंक तैनात करेंगे।  इसके आधार पर, सेना मुख्यालय ने निष्कर्ष निकाला कि 'भविष्य के किसी भी टकराव में कंपनी या बटालियन की नफरी से अधिक सैनिकों को शामिल नहीं किया जाएगा'  इसलिए चीनी तैनाती का मुकाबला करने के लिए उन्होंने पश्चिमी कमान को केवल एक ब्रिगेड और दो जम्मू-कश्मीर मिलिशिया की बटालियन तैनात करने के लिए कहा।  वास्तव में, यह क्षेत्र इतना दुर्गम था कि 1960 के अंत तक, पश्चिमी कमान केवल एक इन्फेंट्री बटालियन (एक ब्रिगेड का एक तिहाई) और जम्मू-कश्मीर मिलिशिया को तैनात करने में कामयाब हो पाई।  यह शायद ही एक आक्रामक तैनाती थी। 

पूर्वी क्षेत्र में, 1959 में तैयार किए गए खुफिया मूल्यांकन से अनुमान लगाया गया कि चीन के पास सिक्किम और भूटान के सामने एक डिवीजन था, पश्चिमी नेफा में मैकमोहन लाइन पर दो रेजिमेंट तक और पूर्वी नेफा में एक रेजिमेंट थी।  हालांकि यह निष्कर्ष निकाला गया कि चीन आक्रमण करने की स्थिति में नहीं था क्योंकि वह अभी भी "तिब्बत पर अपनी पकड़ मजबूत कर रहा था"  इसलिए पूर्वी कमान ने अरुणाचल प्रदेश में सिर्फ एक इन्फैंट्री डिवीजन को तैनात किया। 

दोनों कमांडों के लिए ऑपरेटिंग निर्देश भी समान थे: चौकियों की स्थापना करना;  बीच के क्षेत्रों में गश्त करना;  झंडा दिखाना, लेकिन टकराव से बचना।  पूर्वी क्षेत्र में आदेश स्पष्ट थे: मैकमोहन रेखा से 2-3 मील के करीब कोई गश्त नहीं होनी थी।  किसी भी मामले में कोई आक्रामक कार्रवाई नहीं होनी थी;  यदि चीनी गश्ती दल लाइन के दक्षिण की तरफ पाए जाएं  तो उन्हें वापस जाने के लिए कहा जाना था।  सैनिकों को केवल आत्मरक्षा में गोली चलानी थी। 

मैक्सवेल ने नेहरू के साम्राज्यवाद के प्रमाण के रूप में कोंगका-ला संघर्ष के बाद 20 किलोमीटर तक सेना की आपसी वापसी के चीनी प्रस्ताव को भारत द्बारा ठुकराए जाने का हवाला दिया, लेकिन हेंडरसन-भगत रिपोर्ट इसकी अलग व्याख्या करती है।  कोंगका-ला उस क्षेत्र के 65-80 किलोमीटर अंदर था जिसे भारत अपना मानता है।  इस प्रकार, इस बिंदु से 20 किलोमीटर की दूरी पर सहमत होना शेष क्षेत्र को चीन को सौंपने के समान होता।  हालांकि, व्यवहार में, भारत ने उस मांग को स्वीकार कर लिया।  एक बिंदु (डेमचोक) को छोड़कर, उन्होंने अपने सैनिकों को चीनी दावे के पश्चिम में रखा, एक लाइन जिसे चीन द्वारा 1954 में प्रस्तावित किया गया था लेकिन तब भारत द्वारा स्वीकार नहीं किया गया था।  इसके अलावा, दोनों देशों ने अपनी सेनाओं के बीच एक व्यापक अंतर छोड़ने का ध्यान रखा था। 

झोउ एनलाई की दिल्ली यात्रा 

अपनी बुनियादी ज़रूरतों को पूरा करने के बाद, चीन ने समझौता वार्ता के लिए अपनी इच्छा प्रदर्शित करने के लिए बहुत कुछ किया। वह जिस हद तक जाने के लिए तैयार थे वह झोउ एनलाई के फरवरी 1960 के दिल्ली दौरे के दौरान नज़र आया जब उन्होंने वस्तुतः नेहरू पर अपनी बात मनवाने के लिए ज़ोर डाला कि अगर वह (नेहरू) अक्साई चिन में मौजूदा सीमा रेखा को मान लें तो वह (झोउ एनलाई) उत्तर-पूर्व में मैकमोहन रेखा को मान्यता दे देंगे।  वह आम सहमति प्राप्त करने के प्रयास में एक भारतीय कैबिनेट मंत्री के घर से दूसरे के घर गए, तब नेहरू बेवजह नेतृत्व करने में विफल रहे। 

उस असाधारण प्रस्ताव का लाभ उठाने में नेहरू की विफलता को भारत की सबसे बड़ी, और अब तक की सबसे महंगी, कूटनीतिक भूल के रूप में गिना जाना चाहिए।  झोउ ने जिस विरोध का सामना किया, और मोरारजी देसाई जैसे मंत्रियों द्वारा उन्हें जिस अपमान का सामना करना पड़ा, उसने लगभग निश्चित रूप से पूर्व और पश्चिम में चीनी सेना के तेजी से जमाबड़े को गति दी, जिसके कारण नेहरू और उनके सलाहकारों ने अपनी दूसरी  गलती कर दी और 'फॉरवर्ड पॉलिसी' अपनाई। 

झोउ की असफल दिल्ली यात्रा के बाद, चीनियों ने दोनों सेक्टरों में अपनी सेना का जमावड़ा बढ़ाना शुरू कर दिया।  अक्टूबर 1960 तक उनके पास सपोर्टिंग आर्मर्ड सहित लद्दाख में एक से अधिक डिवीजन थे और उन्होंने अपनी सभी पश्चिमी चौकियों के लिए सड़कों और पगडंडियों का निर्माण कर लिया था, जिससे उनकी, अल्प सूचना पर,  कुमक पहुंचाने की क्षमता में काफी सुधार हुआ।  पूर्वी क्षेत्र में और भी अधिक आश्चर्यजनक असंतुलन विकसित हुआ।  जुलाई 1961 तक,  रिपोर्ट के अनुसार, चीन के पास नेफा में आर्मर्ड और पर्वतीय तोपखाने द्वारा समर्थित तीन पूर्ण डिवीजन थे, दो पश्चिम में और एक पूर्व में। 

लेकिन कारण वश रिपोर्ट का विश्लेषण नहीं किया गया, उन्हें किसी भी आकार की एक भी अतिरिक्त यूनिट नहीं मिली। इसलिए दिसंबर 1961 में पश्चिमी कमान के पास अक्साई चिन में चीन के तीन डिवीज़नों का सामना करने के लिए केवल एक नियमित और दो जम्मू-कश्मीर लाइट इन्फैंट्री बटालियन बिना आर्मर्ड के, बिना मोर्टार और मध्यम मशीनगनों के और बिना पहुंच सड़कों के थीं जिनके लिए आपूर्ति पूर्णतः पहाड़ की पगडंडियों से होकर पैदल या हवाई मार्ग पर निर्भर थी। 

पूर्वोत्तर में भी इसी तरह की विषमता विकसित हुई।  मई 1959 में, पूर्वी कमान ने एक आपातकालीन विस्तार योजना प्रस्तुत की थी जिसमें हिमालयी सीमा के विभिन्न हिस्सों के लिए पांच और डिवीजनों को खड़ा करना शामिल था।  लेकिन यद्यपि वे अगले दो वर्षों तक नई दिल्ली पर अधिक सैनिकों के लिए दबाव डालते रहे, लेकिन उन्हें कोई नहीं मिला।  इस तरह तिब्बत के साथ नेफा की 900 किलोमीटर की सीमा की रक्षा के लिए वहां एक डिवीजन माइनस एक ब्रिगेड थी जिसे अलग कर नागालैंड भेजा गया था। 

'फॉरवर्ड पॉलिसी' जिसके कारण युद्ध हुआ 

नवंबर 1961 में यह गंभीर असंतुलन था जब सरकार ने फॉरवर्ड पॉलिसी को अपनाने का फैसला किया।  दिल्ली में सेना मुख्यालय ने पूर्वी और पश्चिमी कमानों को नई चौकियों की स्थापना करने और लद्दाख में भारत-परिभाषित सीमा और नेफा में मैकमोहन लाइन के जितने समीप जाकर संभव हो सके गश्त करने का आदेश दिया।  लेकिन दोनों कमांडों को एक भी अतिरिक्त सैनिक के बिना ऐसा करने के लिए कहा गया। 

नई दिल्ली के निर्देश वही रहेलड़ाई से बचना और केवल आत्मरक्षा में फायर करना, लेकिन हेंडरसन ब्रूक्स-भगत रिपोर्ट पाठकों के लिए इसमें कोई संदेह नहीं छोड़ती है कि फॉरवर्ड पॉलिसी सैन्य दृष्टि से गैर-जिम्मेदार और असमर्थनीय दोनों थी।  उससे लद्दाख में चौकियों की संख्या बढ़कर 60 हो गई और उनमें से अधिकांश को अक्साई चिन से गुजरने वाली चीनी सड़क की अनदेखी करते हुए बनाया गया था।  यह एक ऐसी स्थिति थी जिसे बीजिंग द्वारा बर्दाश्त न करना  लगभग पक्का तय था। उन्होंने भारतीय चौकियों के सामने और अक्सर भारतीय चौकियों के आसपास अपनी चौकियाँ स्थापित करके इसका प्रदर्शन किया।  उसके कारण पांच सशस्त्र टकराव हुए।  सबसे गंभीर हादसा गलवान नदी पर हुआ। 

मई 1962 में, पश्चिमी कमान की आपत्तियों को दरकिनार करते हुए सेना मुख्यालय ने उसे गलवान नदी पर एक चौकी स्थापित करने का आदेश दिया।  जब उसे जुलाई में स्थापित किया गया तो हेंडरसन ब्रूक्स-भगत रिपोर्ट के अनुसार 70 (आजकल की तरह 200 से 300  नहीं) चीनी सैनिकों ने उसे तुरंत घेर लिया था।  पश्चिमी कमान ने पोस्ट को भूमि मार्ग से आपूर्ति न करने और केवल हवाई मार्ग से ऐसा करने के  सलाह दी, लेकिन नई दिल्ली ने उसे एक बार फिर से खारिज कर दिया और उसे भूमि मार्ग का उपयोग करने का आदेश दिया।  चीनियों ने चार दिनों तक लगातार आपूर्ति टुकड़ियों को वापस लौटने के लिए मजबूर किया।  कुल मिलाकर गलवान चौकी की घेराबंदी 12 दिनों तक चली। 

नेफा में पूर्वी कमान ने 24 नई चौकियों की स्थापना की।  उनमें से कई अपने बेस से 14 दिनों की पैदल दूरी पर थीं।  उससे ढुलाई संबन्धी एक दुःस्वप्न आ खड़ा हुआ और सैनिकों को जोखिम, बीमारी और भुखमरी के माध्यम से मौत के खतरे में डाल दिया गया।  चीनियों ने भारतीय चौकियों के विपरीत चौकियां बनाकर जवाब दिया।  उसने सैनिकों को आंख में आंख डालने वाली टकराव की स्थिति में ला खड़ा किया।  इसलिए 1962 की गर्मियों के अंत तक, पूरी सीमा बारूद का डिब्बा बन कर रह गई थी। 

यद्यपि ब्रूक्स और भगत ने अपनी और से कोई भी फैसला न देने का पूरा प्रयास किया,  लेकिन उन्हें ऐसा करना असंभव लगा।  उनका निष्कर्ष डरावना था: 

'बढ़ते सैन्य नुकसान के सभी सबूतों और उन सभी चेतावनियों के वाबजूद, जो चीन ने हमें गलवान और ढोला जैसी कार्रवाइयों से दी थीं, सरकार ने खुद को आश्वस्त कर लिया था कि जब भारत के खिलाफ युद्ध करने और पीछे हटने के बीच चयन करने के लिए मजबूर होना पड़ेगा, तो चीनी वापस पीछे हट जाएंगे।' 

उनका अभियोग साहित्य की ऊंचाइयों तक पहुंचता है: 'युद्ध की कला हमें दुश्मन के न आने की संभावना पर नहीं बल्कि उससे सामना करने की हमारी तत्परता पर भरोसा करना सिखाती है;  उसके आक्रमण न करने के इत्तेफ़ाक़ पर नहीं बल्कि इस हक़ीक़त पर कि हमने अपनी स्थिति को अजेय बना लिया है।' 

अंत में, यह नई दिल्ली थी जिसने युद्ध के लिए माहौल तैयार किया।  फॉरवर्ड पॉलिसी के हिस्से के रूप में, सेना मुख्यालय ने भूटान, भारत और तिब्बत सीमा के त्रि-जंक्शन पर अपनी एक अग्रिम चौकी स्थापित करने का निर्णय लिया था लेकिन अगस्त 1962 में पूर्वी कमान द्वारा यह सूचित किया गया था कि हालांकि मैकमोहन  रेखा मोटे तौर पर वाटरशेड का अनुसरण करती है, त्रि-जंक्शन उस पर नहीं, बल्कि उसके दक्षिण में 3-4 मील की दूरी पर स्थित था।  नक्शे पर दिखाए गए ट्राई-जंक्शन तक चीनी गश्ती दल वाटरशेड के दक्षिण में आ रहे थे, इसलिए नई दिल्ली ने अपनी ढोला पोस्ट को 4 मील उत्तर में वाटरशेड पर ट्राई-जंक्शन में स्थानांतरित करने का फैसला किया।  हालाँकि, 'सभी संबंधितों से शंका और प्रश्नों से बचने' के लिए, उन्होंने उसे पुराने ट्राई-जंक्शन का नक्शा संदर्भ देना जारी रखने का निर्णय लिया।  8 सितंबर को चीनियों ने 600 सैनिकों के साथ ढोला चौकी को घेर लिया। 

पूर्वी कमान की तत्काल प्रतिक्रिया स्थानीय यूनिटों को ढोला पोस्ट के साथ 'लिंक अप' करने के लिए आदेश भेजना थी यानी चीनी घेरे को तोड़ कर एक रास्ता बनाना। उसके बाद नई दिल्ली में रक्षा मंत्री कृष्ण मेनन और असम के तेजपुर में सेना प्रमुख की अध्यक्षता में शीर्ष स्तरीय बैठकों का दौर चला।  इन बैठकों में 33वीं कोर, जिसके पास नेफा की तत्काल जिम्मेदारी थी, ने दक्षिण से ढोला की घेराबंदी कर रहे चीनियों को घेरने के लिए दो बटालियन भेजने की सिफारिश की।  लेकिन इस समझदार और यथार्थवादी प्रस्ताव को दोनों बैठकों में खारिज कर दिया गया और सेना को आदेश दिया गया कि यदि आवश्यक हो तो बल प्रयोग करके चीनियों को बाहर निकाल दिया जाए।  जब भारतीय सैनिकों ने उस आत्मघाती आदेश को अंजाम देने का प्रयास किया, तो उन्होंने चीन को उस ताकत से हमला करने का निमंत्रण दिया जिसका वह इंतजार कर रहा था। 

रिपोर्ट की प्रासंगिकता आज 

हेंडरसन ब्रूक्स-भगत रिपोर्ट में निहित खुलासे से भारतीय जनता को क्या सीखना चाहिए?  सबसे महत्वपूर्ण बात यह है कि चीन ने 1962 के युद्ध की शुरुआत नहीं की थी।  हमने एक आक्रामक, विस्तारवादी राष्ट्र के रूप में चीन की छवि के चलते ऐसा किया जिसका अमेरिका ने प्रचार करने के लिए अपने स्तर पर भरपूर प्रयास किया।  चीनियों ने विस्तारवादी इरादे की कमी का प्रदर्शन न केवल लद्दाख में उन जगहों पर बापस लौट कर किया जो युद्ध से पहले की जगहों से बहुत ज्यादा अलग नहीं थी बल्कि तवांग क्षेत्र, जिसमें तिब्बती बौद्ध धर्म का दूसरा सबसे महत्वपूर्ण मठ है, से पीछे हटकर कहीं अधिक स्पष्ट रूप से कियाअनिवार्यत: हमें तवांग लौटा कर। 

रिपोर्ट से यह भी पता चलता है कि चीन समझौते के लिए तय की गई शर्तों के मामले में उल्लेखनीय रूप से अटल रहा है।  लद्दाख में 1993 के समझौते द्वारा मान्यता प्राप्त सीमा क्षेत्र लगभग उस यथास्थिति के समान है जो भारत द्वारा फॉरवर्ड पॉलिसी को अपनाने से पहले 1960 में स्थापित किया गया था। 

इसलिए सरकार द्वारा हेंडरसन ब्रूक्स-भगत रिपोर्ट का प्रकाशन लंबे समय से अपेक्षित है।  यह केवल इसलिए नहीं है क्योंकि यह हमारे सबसे महत्वपूर्ण और संभावित रूप से सबसे खतरनाक पड़ोसी के साथ हमारे संबंधों में संतुलन लाएगा, बल्कि इसलिए भी कि यह अंततः हमें 2 राजपूत के मेजर बी.सी. पंत,  कुमाऊं रेजिमेंट के मेजर शैतान सिंह जैसे अधिकारियों और सैकड़ों वीर सैनिक की अविश्वसनीय वीरता को पहचानने और श्रद्धांजलि देने की अनुमति देगा जिन्होंने आत्मसमर्पण करने से इनकार कर दिया और आखिरी गोली तक लड़े, यह जानते हुए कि केवल मौत उनका इंतजार कर रही थी, हार की धुंधली लेकिन कड़वी आभा का स्वाद लिए बिना, जो अभी भी उस युद्ध के आसपास मंड़राती है।"  


भगत राम मंडोत्रा हिमाचल प्रदेश दे जिला कांगड़ा दी तहसील जयसिंहपुर दे गरां चंबी दे रैहणे वाल़े फौज दे तोपखाने दे रटैर तोपची हन।  फौज च रही नैं बत्ती साल देश दी सियोआ करी सूबेदार मेजर (ऑनरेरी लेफ्टिनेंटदे औद्धे ते घरे जो आए। फौजी सर्विस दे दौरान तकरीबन तरताल़ी साल दिया उम्रा च एम.. (अंग्रेजी साहित्यदी डिग्री हासिल कित्ती। इस ते परंत सठ साल दी उम्र होणे तिकर तकरीबन पंज साल आई.बी, 'असिस्टेन्ट सेंट्रल इंटेलिजेंस अफसरदी जिम्मेबारी निभाई।

      लिखणे दी सणक कालेज दे टैमें ते ही थी। फौज च ये लौ दबोई रही पर अंदरें-अंदरें अग्ग सिंजरदी रही।  आखिर च घरें आई सोशल मीडिया दे थ्रू ये लावा बाहर निकल़ेया।

     हाली तिकर हिमाचली पहाड़ी च चार कवता संग्रहजुड़दे पुलरिहड़ू खोळूचिह्ड़ू-मिह्ड़ूफुल्ल खटनाळुये देछपी चुक्केयो। इक्क हिंदी काव्य कथा "परमवीर गाथा सेकंड लेफ्टिनेंट अरुण खेतरपाल - परमवीर चक्र विजेताजो सर्वभाषा ट्रस्टनई दिल्ली ते 'सूर्यकांत त्रिपाठी निराला साहित्य सम्मान 2018' मिली चुकेया।

     हुण फेस बुक दे ज़रिये 'ज़रा सुनिए तोकरी नैं कदी-कदी किछ न किछ सुणादे रैंहदे हन।