पांगी-घाटी च दो संझां

 

चैणी पास, संझका बेला।

पांगी-घाटी च दो संझां  :  साच-खास दे नाएं पर

हिमाचल प्रदेश दी पांगी घाटी बड़ी दुर्गम जगह है। लेखक रमेश चंद्र मस्ताना कनै प्रभात शर्मा होरां पिछले म्हीनें इक बरी फिरी इसा जगह दा फेरा लाई आए। कनै आई नै रमेश चंद्र मस्ताना होरां असां ताईं खास करी नै एह् लेख लिखया है।  

म्हाचल प्रदेसे दा चम्बा जिला, कुसी अजूबे ते घट नीं है, तांईं तां  "चम्बे यो अचम्भा" बी बोल्या जांन्दा है। इस जिले च कुदरती नजारेयां सौगी-सौगी लोक-संस्कृतिया दे दे-देह् अथाह भंडार हन, जिन्हां यो दिक्खी नैं, तिन्हां दे बारे च सुणी नैं "अचम्भा" तां हुन्दा ही, मनैं-यो बड़ी शान्ति-चैन कनैं खुशी बी बेथाह् बझोन्दी। इस ही चम्बा जिले दा भरमौर उपमंडल कनैं पूरी दी पूरी पांगी-घाटिया यो  म्हारिया केन्द्र सरकारा दुआरा संविधाने दिया पंजमिया अनुसूचिया मुताबक कबायली इलाका घोषित करी, ओत्थू दे रैह्णे आल़ेयां यो जनजातीय दा दर्जा दित्ता गेया है। 

कुमार नाले पर बना
घाटी का सबसे लम्बा वैली-ब्रिज।

चम्बा जिले दी पांगी-घाटी पीर पंजाल कनैं जांस्कर दिया लम्मिंयां-उच्चियां प्हाड़ी चोटियां दियां छाऊंआं-च रस्सेया-बस्सेया इक इदेहा इलाका है, जेह्ड़ा इक्की पास्सें जम्मू-कश्मीर दे गुलाबगढ़-पाड्डर दे संसारी नाल़ा, दूएं पास्सें लौहल़ दे कड़ू नाला कनैं त्रिंएं पास्सें चम्बा दे बैरागढ़ कनैं सतरुंडी ते अग्गैं समुन्दर तले ते चौउदह् हजार, सत्त सौ, अट्ठतर फुट ऊच्चे साच पास ते गांह तिकर फैल्या है। पन्द्रह सौ तिन्न वर्ग किलोमीटर च फैल्यो इस कबायली इलाके च जित्थू 55 देह् ग्रां हन, जित्थू लोक बसदे कनैं 106 देह् ग्रां हन जित्थू कोई बी नीं रैहन्दा-बैंहन्दा है। एह सारा इलाका चन्द्रभागा नदिया दे उआर-पार रस्सेया-बस्सेया है कनैं इस च पंगवाल़े कनैं बुद्ध धर्म यो मन्नणे आल़े भोट लोक रैंहन्दे हन। पांगी च सत्त बस्सयो ग्रां चन्द्रभागा दे उस पार हन कनैं अट्ठताल़ी ग्रां इस पार हन, जिन्हां च पांगी-घाटी दा हैड-कुआटर किलाड़ बी शामिल है। इन्हां अट्ठताल़ियां ग्रां च ही घाटिया दे बक्खरे-बक्खरे पंज कूंणेयां पर पंज ग्रां इदेह हन जिन्हां च भोट लोक बस्सदे कनैं इन्हां बसदियां यो भटोरियां बोल्या जांन्दा है। एह भटोरियां हन :  सुराल भटोरी, हुडान भटोरी, हिलु-टुआन भटोरी कनैं चस्क भटोरी। इन्हां सारियां ही भटोरियां च चस्क भटोरी सभनां ते ऊच्ची तकरीबन तेरह हजार फुट ते जिआदा ऊंच्चाइया पर बस्सियो है कनैं एत्थू दे भोट लोक सारेयां ते ही जिआदा कठन जींण जींणे यो मजबूर हन। पांगी-घाटिया च परयावरण दे लिहाजे नैं एह बी बड़ी बड्डी कनैं खुशिया आल़ी गल्ल है जे एत्थू दे पूरे इलाके च सिर्फ अट्ठारह परसेंट हिस्से च ही ग्रां, बसदियां कनैं खेतीबाड़ी करणे तांईं खेतर-जमीन है कनैं बाकी ब्यासी परसैंट हिस्से च वण-जंगल, नदियां-नाल़े, चरांन्द कनैं बड़े-बड़े प्हाड़ जां चट्टानां ही हन। पांगी-घाटी जित्थू 1966 च केन्द्र सरकारा दिया तरफा ते कबायली इलाका कनैं पंगवाल़ेयां सौगी-सौगी भोटां यो जनजातीय दा दर्जा दित्ता गेया था, तित्थू 15 अप्रैल 1986 ते एत्थू दी सारी दी सारी तरक्की बास्तैं इकहैरी प्रशासन प्रणाली "सिंगल लाइन एडमिनिस्ट्रेशन" शुरू कित्ता गेया था कनैं पूरियां पावरां आल़ी इक पोस्ट आवासीय आयुक्त दी दित्ती गेई थी कनैं किलाड़ यो हैड-कुआटर बणाई दित्ता गेया था। 

स्हांजो घुमक्कड़ी करणे दा शौक तां शुरू ते ही रेहया है कनैं जाह्लू बी कदीं कोई मौका मिलदा, कोई ब्हाना बणदा, कुसी बैगे च समान पाई नैं चली पौन्दे थे। सन्  2012-13 च रटैर हुणे ते परन्त परांणे दोस्त कनैं प्रशासनिक अधिकारी प्रभात शर्मा होरां दा साथ क्या मिल्ला, दोयो ही मितर ते साहित्तिक-मितर बी बणी नैं घुमक्कड़ बी बणी गे कनैं जाहलू बी जित्थू दा मन करदा, उट्ठि नैं चलणा लगी पे। इन्हां सारियां ही जातरां च असां तकरीबन तिन्हां ही इलाकेयां यो बसां च जां पैदल ही नापदे रेह, जेह्ड़े दूरदराज दे कठन प्हाड़ी इलाके जां देसे-प्रदेसे दी सीमां पर बस्सयो इलाके थे। साहित्तिक परोगरामां बास्तैं तां देसे कनैं प्रदेसे दे बक्खो-बक्खरे शैहरां च गे ही गे, म्हाचले दे दूरदराजे दे इलाकेयां सौगी-सौगी उत्तराखंड दे उत्तरकाशी कनैं रूपन-सूपन दियां वैलियां सौगी जम्मू-कश्मीर दे राजौरी-पुंच्छ कनैं डोडा, किश्तबाड़, गुलाबगढ़ कनैं भद्रवाह बगैरा-बगैरा इलाकेयां यो भी नेड़े तिकर जाई नैं दिक्खणे दा मौका बी मिल्ला कनैं तित्थू दिया लोक-संस्कृतिया यो समझणे दा मकसद बी पूरा होय्या। 

इयां तां चम्बा जिले की कबायली घाटी पांगी यो चार-पंज बरी प्रभात होरां सौगी दिक्खणे कनैं घुम्मणे दा मौका मिली चुकेया था पर इसा लम्मिंया-चौड़िया घाटिया यो टिकी-टकाई नैं दिक्खणे-पढ़ने बास्तैं दिन तां क्या म्हीने कनैं बरहियां बी घट्ट हन। एत्थू दे छैल़ नजारे, हरे-भरे बण-जंगल, डुग्गी-डुग्गी बगदी चन्द्रभागा कनैं पंगवाल़ेयां कनैं भोटां दी रीतां-प्रीतां भरियो लोक-संस्कृति यो दिक्खी-दिक्खी मन भरोन्दा ही नीं है। दूई खास गल्ल एह बी है जे प्रभात शर्मा होरां पांगी दे हैड-कुआटर किलाड़ च तकरीबन दस साल ते जिआदा वक्त 1986 ते लेई नैं 2008 तिकर बक्खरे-बक्खरे टैंमें नायब तहसीलदार, तहसीलदार, एस डी एम (सिविल) कनैं इक बरी आवासीय आयुक्त दा पदभार भी सम्हाल़ेया था, इस बास्तैं ओत्थू देयां सारेयां ही लोकां नैं इन्हां दा गूढ़ कनैं गैहरा रिश्ता बणी चुकेया है कनैं जितणी बरी बी असां दोयो पांगी-घाटी च पुजदे, लोक पूरा दा पूरा आदरमान बी दिन्दे कनैं आवभगत बी करदे। 

पिछले म्हीने ही करोना-कोविड दी दूंह सालां दी काल़ी छाया ते निपटणे ते परन्त इक बरी फिरी पांगी जांणे दा मन बणाया कनैं मनाली हुन्दे होए, छैल़-बांकी अटल टनल यो लंघी नैं लाहौल हुन्दे होए पांगी-घाटी च असां जाई पुज्जे। 

जांन्दे ही इक दिन असां दोयो मुसाफर सुगलवास रैस्ट हाऊस च ठैह्रे कनैं संझा-तरकाल़ां तिकर रुआंह्-परांह् शुभचिंतकां नैं मिल्ले-गिल्ले। सुगलवास दे हाई स्कूले च बी गे पर टूर्नामेंट कनैं इक लोकल मेला-जातर हुणे करी नैं नां पूरे बच्चे ही मिल्ले कनैं नां ही मास्टर-लोक ही। असां जित्थू बी जांन्दे, तित्थू इलाके दे बड्डे बजुर्गां नैं मिल्लणें सौगी-सौगी असां नेड़े-तेड़े दे स्कूलां-कालजां च जाई नैं मास्टरां-बच्चेयां नैं बी गल्ल बात जरूर करदे। दूंए दिनैं भ्यागा ही नाश्ता-पाणी करणे ते परन्त पुरथी पंचायत दे पराणे प्रधान कनैं ठेकेदार सतीश शर्मा होरां अपणी गड्डी भेजी कनैं मिन्धल माता दे दरशन करुआई नैं संझा यो स्हांजो साच खास दे रैस्ट हाऊस च पजाई दित्ता। साच खास ग्रां पांगी दा इक खास ग्रां है कनैं कुमार-परमार, सेचू सौगी-सौगी हिलु-टुआन, शूण कनैं चस्क भटोरी बगैरा-बगैरा बास्तैं इक खास ठाह्र है। एत्थू इक बड़ा पराणा रैस्ट हाऊस बी है कनैं बक्खैं ही इक नौआं रैस्ट हाऊस बी बणा करदा है। असां दी बुकिंग किलाड़ ते होई चुकियो थी कनैं असां तित्थू अपणा डेरा जमाई दित्ता। 

पत्थर के रूप में लोक देवता।

रैस्ट हाऊस दें बक्खें ही पूरे ग्राएं कनैं प्रजा दा इक मेला ग्राउंड कनैं पंजनाग देवता दा मन्दर बी बणेया है। संझोकणे बेलें तित्थू काफी चैह्ल-पैह्ल दुस्सणा लग्गी कनैं एह सुणी-जाणी नैं बड़ी खुशी होई जे दूंए दिनैं तिस मन्दरे कनैं मेला ग्राउंडे च जातर कनैं मेले दा आयोजन था, जिसियो साच-जाच दे नाएं नैं जाणेया जांन्दा है।  किछ मर्द जातरा दे परबन्धे च लगयो थे तां किछ लंगर-भंडारे दी त्यारी करा करदे थे। किछ दुकानदार अपणियां दुकानां सजा दे थे तां कुड़ियां-मुंडुआं-बच्चेयां च इक नोक्खा ही चाअ था। संझा बेलें जियां ही सूरज डुब्बा दा था, साह्मणे चैणी पास दियां चोटियां पर सूना ही सूना बिखरेया दुस्सा दा था कनैं इक नोक्खे ही नजारे दे दरशन होआ दे थे। फिलहाल तिकर चैणी पास दा रस्ता चम्बे दे देवीकोठी ते सारेयां ते घट्ट दूरी आल़ा पैदल रस्ता है कनैं जे इस पास दे थल्लैं-थल्लैं सुरंग निकल़ी जाऐ तां बारहा म्हीने लोक आसानियां नैं घाटिया च पुज्जी सकदे हन। एह डिमांड लोकां दी वाजिब बी है, बड़ी पराणी बी है कनैं जरूरी बी है पर कदूं पूरी हुंगी, एह कोई पता नीं है। 

दूएं दिनैं भ्यागा ही दल़िए दा नाश्ता करी असां पैदल ही कुमार-परमार ग्राएं यो चली पे कनैं जाहलू जे असां कुमार नाल़े पर बणेयो घाटिया दे सारेयां ते लम्मे पुळे ते किछ पचांह् थे तां बस आई गेई, जिसा दा स्हांजो पता नीं था। कुमार ग्राएं च जाई नैं इक शुभचिंतक दिलाराम जी, जेह्ड़े पंचायत इन्सपैक्टर थे, तिन्हां दा कनैं बादे च तिन्हां दी धर्मपत्नी दा बी सुरगवास होई चुकेया था, तिन्हां दे घरें जाई शोक-सनेहे दैंणे ते परन्त असां आंगनबाड़ी केंद्र कनैं प्राइमरी स्कूले सौगी-सौगी हाई स्कूले च बी गे कनैं तिस ते परन्त पैदल ही साच खास यो चली-पे। रस्ते च पुल़े दें पिच्छैं ही थे कनैं मैं पुल़े दे फोटू लेया दा था, ताह्लू ही पचांह ते इक कार आई गेई, जेह्ड़ी इक साईंस मास्टर दी थी कनैं सैह किलाड़ कुसी सरकारी कम्में बास्तैं चलयो थे, तिन्हां कार रोकी स्हांजो बठैळी लेया कनैं असां वापस साच रैस्ट हाऊस च पुज्जी गे। 

पंगवाली वेशभूषा में
एक पंगवालन 

दपैहरां ते ही मेले-जातरा दियां रौणकां बद्धा करदियां थियां।  मर्द कनैं किछ जुआन मुंडू कनैं बच्चे ग्राएं ते किछ उपर नाग देवता दे थड़े पर जातरा दे रूपे च जांणे यो त्यार बैठयो थे तां जणांसा-कुड़ियां कनैं किछ बच्चे मेला ग्रौउण्डे च मेले दा नन्द लेया दे थे। थोड़ी देरा परन्त बड्डेयां ढोलां, जिन्हां यो ढौंस बोल्या जांन्दा है, दी धमक सणोणा लग्गी।  रणसिंगे, तुरही कनैं बांसुरिया दिया धुनां कनैं कंसियां-खड़तालां दिया थापां नैं चेलयां अपणी पंगवाल़ी पैहरावे, जिस च चिट्टा मोटा पंगवाल़ी ऊनी कोट, तिस पर लाल पट्टिया दा मझींन कमरबन्द, सिरे पर चिट्टी पंगवाल़ी टोपी कनैं पैरां च एल़ो जौंआं दियां बणियां खास पूलां पैहनी नैं हत्थे च फुल्ल कनैं मूंहण्डे पर सौंगल़ रखी नैं जातरा दा श्रीगणेश होय्या। पूरे विधि-विधान नैं नाग देवता दे थड़े पर जातर देई जातरा दा जलूस वापस हटी नैं मेला ग्राउंडे च पुज्जी गेया। तिह तिकर असां बी रैस्ट हाऊस ते निकली करी ग्राउंडे च पुज्जी गेयो थे कनैं साच खास दे किछ शुभचिंतकां चैनसिंह, दीनानाथ, नेकराम, प्रेम सिंह बगैरा नैं स्हाड़ा सुआगत बी कित्ता कनैं मेला-ग्राउंडे दें गब्बें देइया, उसा जगहा पर जित्थू ते सारा नजारा असानियां नैं दुसी जांन्दा, पक्किया बणियां अट्टल़िया पर स्हांजो बी बठैल़ेया कनैं अप्पूं बी सौगी बैठी गे। जलूस जियां ही पंजनाग मन्दर दे साह्मणे पुज्जा तां गांह्-गांह् पंगवाल़ी वाद्ययंत्रां आळे, पिच्छैं-पिच्छैं चेले सौंगळ कनैं त्रिशूल, जिन्हां पर लाल चुन्नियां कनैं फुल्ल लपेटयो थै, लेई नैं  तिन्हां दे पिच्छैं मते सारे भगत लोक संजल नाएं दे रुक्खे दियां लम्मिंयां-उच्चियां डालियां पर फुल्ल, सेब कनैं चौलाई दे लाल-लाल डालू सजाई नैं नच्चदे-गांन्दे मस्त होई नैं चलयो थे। इक चेला गांह् कनैं तिस दे पिच्छैं दो-दो चेले, इक सिद्धा कनैं इक पुट्ठा, इक पैर पैह्लें सज्जें पास्सें फिरी किछ पचांह् कनैं फिरी खब्बें पास्सें रखी-रखी करी इक खास अन्दाजे दी नाटी पाई नैं गोल दायरे च पूरे ग्राउंडे दे चक्कर बी लगा दे थे कनैं मुख मन्दरे सौगी-सौगी होरनां छोटेयां मन्दरां कनैं थड़ेयां पर स्थापत देवतेयां पर फुल्ल चढ़ाई-सुट्टी नैं मत्था टेकदे जा करदे थे। इन्हां चेलयां सौगी इक आदमी देया बी था, जेह्ड़ा अपणे हत्थें इक खास किस्मां दा फरसा  "शैण" लेई नैं नच्चा करदा था। एह शैण बी बड़ा पवितर कनैं खास मन्नेया जांन्दा है कनैं नच्चदें-नच्चदें एह हत्थे ते भूइयां बिल्कुल नीं डिग्गणा चाहिदा। 

मेला ग्राउंड में चेले प्रेम सिंह व अन्य गणमान्य व्यक्तियों
के साथ लेखक द्वय  

सारेयां गाजेयां-बाजेयां सौगी सारे चेले कनैं बाकी लोक नाग देवता अग्गैं सिरे यो झुकाई-झुकाई, फुल्ल चढ़ाई नैं मत्था टेकदे होऐ नाटी पाई नैं फेरियां लगा करदे थे। थोड़ी देरा परन्त चेलयां यो खेला बी आई कनैं सैह संगलां खड़काई, पिट्ठी पर बजाई देवता दी वाणी यो सारेयां यो दस्सा बी करदे थे। एह बी दिक्खी नैं हैरानी होई जे बादे च इकनी चेलें अपणे इक्की पतल़े त्रिशूले दे नुकीले सिरे यो मुंहें ते पाई खाखा ते बाहर कड्डी-ता कनैं तियां ही सैह दौड़दा-दौड़दा फेरी लगांन्दा रेहया। इस दौरान ही कोई पांणी पिआ दा था तां कोई कोल्ड-ड्रिंक बी पिआ दा था। बादे च पांगी-घाटी दा सोमरस अराख़/पातर बी, जेह्ड़ा लैंणा चांहन्दे थे, उन्हां यो बंडी गेई। पूरी पांगी-घाटी च पातर इक इदेहा पेय-पदार्थ है, जिसदा हरेक रीत-परम्परा च कनैं लोक-संस्कृतिया च खासमखास महत्व है। 

साच खास का रैस्ट हाऊस। 

संझा-तरकाल़ां तिकर एह जाच मेला ग्राउंड च पूरी आस्था कनैं श्रद्धा नैं लोकां पूरी कित्ती कनैं सारेयां लोक-देवी-देवतेयां अग्गैं एह प्रार्थना कित्ती जे तिन्हां दें घरें-घरें कनैं पूरी प्रजा च सुख-शांति-चैन म्हेशा बणी रैह।  कोई बी आपदा कुसी पर बी नां औऐ। पूरी ही पांगी-घाटी च बक्खो-बक्खरेयां मन्दरां कनैं तित्थू दियां प्रजां, जेह्ड़ियां बी इस तरीके दे जाच मनांन्दियां, सभनां दा एह बसुआस रैहन्दा जे तिन्हां दैं घरें, ग्राएं कनैं प्रजा च कुसी बी तरीके दी भूत-प्रेती आत्मा दी छाया-झपरेट नीं पौन्दी है। जातरा-जाच दी पूरी पूजा कनैं पूरा विधि-विधान खत्म हुणे पर जिन्हां बी संजल दियां डालियां सजाइयां हुन्दियां, सैह मन्दर मत्था टेकणे ते बाद तिन्हां डालियां यो अपणे-अपणे कोठे पर रखी दिन्दे हन। इस नैं बी एह मन्नेया जांन्दा है जे इसा डालिया यो कोठे पर रखणे ते बाद साल भर तिस घरे पर कुसी बी भूत-प्रेती छाया दा कोई असर नीं हुन्दा है। इस तरीके नैं नेह्रा हुणे तिकर असां बी पूरी जातर दिक्खी कनैं लोक बी इस जाच-मेले दा सारे ही नन्द लैंन्दे रेह कनैं सारा ही म्हौल आस्था कनैं वसुआसे नैं भरोया रेहया।

1955 में जन्मे रमेश मस्ताना पहाड़ी के जाने माने लेखक हैं।  पहाड़ी भाषा की मान्यता के लिए संघर्षशील। प्रमुख कृतियां: झांझर छणकै, पखरू बोल्लै (पहाड़ी कविता), कागज के फूलों में (हिंदी कविता), आस्था के दीप, लोकमानस के दायरे, पांगी घाटी की पगडंडियां एवं परछाइयां, मिटिया दी पकड़ (गद्य साहित्य) ।

यादां फौजा दियां

 

फौजियां दियां जिंदगियां दे बारे च असां जितणा जाणदे, तिसते जादा जाणने दी तांह्ग असां जो रैंह्दी है। रिटैर फौजी भगत राम मंडोत्रा होरां फौजा दियां अपणियां यादां हिंदिया च लिखा दे थे। असां तिन्हां गैं अर्जी लाई भई अपणिया बोलिया च लिखा। तिन्हां स्हाड़ी अर्जी मन्नी लई। हुण असां यादां दी एह् लड़ी सुरू कीती है, दूंई जबानां च। पेश है इसा लड़िया दा चौबह्उआं मणका।

.....................................................................

समाधियाँ दे परदेस च 

किंञा कि रेजिमेंट जाँ कोर दा वेतन लेखा कार्यालय, जेसीओ कनै जुआनाँ दी तनख्वाह कनै भत्तेयाँ दा ब्यौरा तिन्न-तिन्न महीनेयाँ दे हिसाबे नै भेजदा था इस करी नै हर महीने ताँईं दित्ती जाणे वाळी रकम लग्ग-लग्ग होंदी थी।  तिसदी खास वजह पिछली तिमाही दे क्रेडिट जाँ डेबिट दी एडजस्टमेंट करना होंदी थी। पिछले महीने दी तनख्वाह बंडे जाणे परंत, हर ट्रेड जाँ सेक्शन जो अपणे जुआनाँ दी लगदे महीने दी तनख्वाह दी मंग लिखी करी दफ्तर च देणे ताँईं गलाया जाँदा था। तिस तनख्वाह दे मंग पत्र च हर जेसीओ जाँ जुआन दे नाँ दे अग्गे इक रकम लिखी होंदी थी जिस जो सैह् तिस महीने दी तनख्वाह दे तौर पर लैणा चाँह्दा था।  कई जुआन जिन्हाँ जो तिस महीने पैसे दी जरूरत नीं होंदी थी, तिन्हाँ दे नाँ दे अग्गैं बहोत घट जाँ जीरो रकम लिखियो होंदी थी अपर मते सारे जुआन बढ़ाई-चढ़ाई नै पैसे दी मंग करदे थे। 

पे क्लर्क, पिछले तिमाही लेखा विवरण दी बुनियाद  पर, जोड़ी-घटाई नै हर आदमी दी सही तनख्वाह निकाळदा था कनै जेकर कुसी दी मंगिह्यो रकम तिसदी सही हकदारी ते ज्यादा होंदी थी ताँ मंगिह्यो रकम जो कट्टी नै जाँ तिस पर गोळ घेरा खिंजी करी तिस दे अग्गैं सही तनख्वाह दी रकम लिखी दिंदा था। जिन्हाँ दी तनख्वाह दी मंग तिन्हाँ दी सही हकदारी ते घट होंदी थी, तिस रकम जो तितणा ही रैह्णा दित्ता जाँदा था।   सारे जेसीओ कनै जुआनाँ ताँईं इस तरहाँ निकाळी गई रकम दा जोड़ करी नै पे क्लर्क तिस च अपणे तज़ुर्बे दी बुनियाद पर इक होर लग्ग रकम जोड़ी दिंदा था। सैह लग्ग रकम जेसीओ कनै जुआनाँ दी तनख्वाह नै ताल्लुक रखणे वाळी चाणचक पोणे वाळी जरूरताँ कन्नै निपटणे ताँईं पे क्लर्क, तनख्वाह बंडे जाणे दे दिन तिकर, अपणे हत्थ च रखदा था कनै तनख्वाह दे भुगताण दे बग्त बंडी जाणे वाळी रकम च एडजस्ट करी दिंदा था।  तिस रकम जो एडजस्ट करदे बग्त पे  क्लर्क इस गल्ल दा ध्यान रखदा था कि कुसी जो फालतू भुगतान नीं होये। 

फाइनल रकम जो ‘पे रिक्यूजीशन फॉर्म' च भरी करी कनै यूनिट दे कमाडिंग अफसर दे दस्तखत करवाई नै नियंत्रक रक्षा लेखा जो भेजी दित्ता जाँदा था। सैह्  रिक्यूजीशन फॉर्म इक कंट्रोल्ड फॉर्म होया करदा था। नियंत्रक रक्षा लेखा तिसदे हर पन्ने दा हिसाब मंगदा था। जेकर कोई पन्ना, कुसी वजह ते, रद्द करना पई जाँदा  था ताँ तिसदी खबर नियंत्रक रक्षा लेखा जो देणी पोंदी थी।  नियंत्रक रक्षा लेखा दे दफ्तर च कमांडिंग अफसर दे दस्तखताँ दा नमूना रखेया रैंह्दा था।  नियंत्रक रक्षा लेखा, दस्तखताँ दा मिलाण करी नै, मंगिह्यो रकम दा चेक, यूनिट दे इम्प्रेस्ट एकाउंट दे नाँ पर जारी करी दिंदा था।  यूनिट दा इम्प्रेस्ट एकाउंट, आमतौर पर, भारतीय स्टेट बैंक दी नजदीकी ब्राँच च खोलेह्या होंदा था।  सैह् चेक तिस खाते च जमा करी दिंदे थे कनै इक मुकर्रर बग्त ते अंदर तिस ते नकदी कड्ढी करी जुआनाँ जो बंडी दित्ती जाँदी थी। बैंक ते नकदी, इक बड्डे ट्रंक च भरी नै, हथियारबंद गार्द दी फ्हाजत च इक अफसर दे जरिये फौज दी गड्डी च लियाई जाँदी थी। 

पे क्लर्क, अक्यूईटैंस रोल (Acquittance Roll) तैयार करदा था।  हर जेसीओ कनै जुआन दे निजी ब्यौरे दे अग्गैं तिसजो दित्ती जाणे वाळी रकम पेंसिल कन्नै लिखी दित्ती जाँदी थी कनै जेसीओ जाँ जवान दे दस्तखत करवाई करी तनख्वाह बंडणे वाळे अफसर दे साह्म्णे रखी दित्ती जाँदी थी।  तनख्वाह बंडणे वाळा अफसर पेंसिल कन्नै लिखिह्यो रकम जो पेन कन्नै लिखी करी तिस रकम दा भुगतान करी दिंदा था।  कई तरहाँ दियाँ व्यस्तताँ दिया वजह ते सारे दे सारे जेसीओ कनै जुआन तनख्वाह लैणे ताँईं खुद हाजिर नीं होयी पांदे थे।  इक अक्यूईटैंस रोल (Acquittance Roll) दी रकम इक जेसीओ जाँ जुआन जो देई दित्ती जाँदी थी जिसा जो सैह् अग्गैं होरनाँ जो बंडी दिंदा था। 

तिस बग्त अज्जकल दी तरहाँ हर महीने जेकर तनख्वाह दी इक मुकर्रर रकम जेसीओ कनै जुआनाँ दे बैंक खातेयाँ च अपणे आप आई जाँदी होंदी ताँ तनख्वाह कनै भत्तेयाँ दी अदायगी ताँईं इक लम्मी प्रक्रिया ते नीं गुजरना पोंदा‌। 

पैसे दी जरूरत ताँ सारेयाँ जो ही होंदी है।  महीने दी  20 तारीख ते परंत कई जुआन पे क्लर्क व्हाली आई नै अपणी तनख्वाह दी रकम बधाणे ताँईं खुशामद करदे थे।  तिसा हालता कन्नै निपटणा मिंजो बहोत मुश्किल लगदा था।  कुसी जो नाँह् करना भी बुरी लगदी थी कनै ज्यादा पेमेंट होई जाणे दिया वजह ते कुसी जेसीओ जाँ जुआन दी क्वार्टरली स्टेटमेंट ऑफ एकाउंट च ‘डेबिट' ओणे दा डर भी लगी रैंह्दा था किंञा कि ‘डेबिट' ताँईं पे क्लर्क जवाबदेह होंदा था। 

मेरे सैन्य सेवाकाल (2007) तिकर जेसीओ कनै जुआनाँ दे वेतन भत्तेयाँ दे भुगताण दी प्रक्रिया येहो जेही ही रही।  हाँ, सन् 2000 दे आसपास तिस च इक  छोटा जेहा बदलाव होया था जिस ते सैह प्रक्रिया होर जटिल होई गई थी।  यूनिट दे लेवल च जेसीओ कनै जुआनाँ जो नगद भुगतान न करी नै तिन्हाँ दे बैंक खातेयाँ दे जरिये पैसा देणा शुरू होई गिया था, बाकी प्रक्रिया च कोई बदलाव नीं आया था। 

तनख्वाह बंडणे च इक खास रोल नभाणे दिया वजह ते फौजी क्लर्क दी नाराज़गी खामख्वाह कोई खरीददा नीं था।  हकीकत च तिस बग्त दे फौजी क्लर्कां ते जेसीओ जुआन कनै अफसर, दोह्यो वर्ग, हिरख करदे थे किंञा कि सैह् दूजे जेसीओ कनै जवानाँ दे मुकाबले बेहतर हालत च होंदे थे कनै प्रशासनिक विषयाँ दे संबंध च लिखा-पढ़ी च सैह् अफसराँ ते कुत्थी बेहतर जाणकार होंदे थे।  नौंयें अफसराँ जो फौजी क्लर्क ते बहुत कुछ सिखणा पोंदा था। बग्त गुजरने पर सैह् सिक्खी नै क्लर्कां दियाँ गलतियाँ निकालने जोगे होई जाँदे थे। 

फौज दे क्लर्कां जो सिखलाई देणे ताँईं महाराष्ट्र दे औरंगाबाद च ‘आर्मी क्लर्क्स ट्रेनिंग' स्कूल होया करदा था जिसजो सन् 1993-94 दे आसपास डिसबैंड करी दित्ता गिया था।  तिस स्कूल च थलसेना दे सारे क्लर्क, अपणी रेजिमेंट जाँ कोर दे ट्रेनिंग सेंटर च बेसिक मिलिट्री ट्रेनिंग पूरी करने ते परंत अगली सिखलाई ताँईं भेजे जाँदे थे।  तित्थू  नौ महीने दी लम्मी सिखलाई होंदी थी।  तिस च सारे रंगरूटां जो ‘माइनर स्टाफ ड्यूटीज' पढ़ाइयाँ जाँदियाँ थियाँ।  अफसराँ ताँईं सैही ‘स्टाफ ड्यूटीज' स्टाफ कॉलेज दे सिलेबस च शामिल हन्न।   इसते इलावा तित्थू ‘मिलिट्री लॉ' कनै इंग्लिश पढ़ाई जाँदी थी कनै टाइपिंग सिखायी जाँदी थी।  यूनिट दी डॉक्यूमेंटशन दी विस्तार च जाणकारी कनै तिसदा गहन भ्यास करवाया जाँदा था। 

तिस बग्त दे फौजी क्लर्कां दे कई कम्म अज्जकल दे फौजी अफसर करदे हन्न। 

 

.....................................................................

समाधियों के प्रदेश में (चौबीसवीं कड़ी) 

चूंकि रेजिमेंट अथवा कोर का वेतन लेखा कार्यालय, जेसीओ व जवानों के वेतन व भत्तों का ब्यौरा त्रैमासिक आधार पर उपलब्ध कराता था इसलिए हर महीने के लिए दी जाने वाली राशि अलग-अलग होती थी। इसका प्रमुख कारण पिछली तिमाही के क्रेडिट अथवा डेबिट का समायोजन करना था।  पिछले महीने का वेतन बंट जाने के उपराँत, हर ट्रेड अथवा सेक्शन को अपने जवानों की वर्तमान महीने के वेतन की मांग लिखित रूप में कार्यालय में देने के लिए कहा जाता था। उस वेतन मांग पत्र में हर जेसीओ अथवा जवान के नाम के आगे एक रकम लिखी होती थी जिसे वह उस महीने के वेतन के तौर पर लेना चाहता था।  कई जवान जिनको उस महीने पैसे की जरूरत नहीं होती थी, उनके नाम के आगे बहुत कम अथवा शून्य राशि लिखी होती थी परंतु अधिकतर जवान बढ़ा-चढ़ा कर पैसे की मांग करते थे।  

वेतन क्लर्क, पिछले त्रैमासिक लेखा विवरण के आधार पर, हर व्यक्ति के वेतन की गणना करता था और अगर किसी की मांगी गई राशि उसकी यथोचित हकदारी से अधिक होती थी तो मांगी गई राशि को  काट कर अथवा उस पर गोल चक्र खींच कर उसके आगे यथोचित हकदारी वाली राशि लिख देता था। जिनकी वेतन मांग उनकी यथोचित हकदारी से कम होती थी उस राशि को उतना ही रहने दिया जाता था।  सभी जेसीओ और जवानों के लिए इस तरह से निकाली गयी राशि को जोड़ करके वेतन क्लर्क उसमें अपने तज़ुर्बे के आधार पर एक अतिरिक्त राशि जोड़ देता था। वह अतिरिक्त राशि जेसीओ व जवानों की वेतन संबंधी आकस्मिक ज़रूरतों से निपटने के लिए वेतन क्लर्क, वेतन भुगतान वाले दिन तक, अपने हाथ में रखता था और वेतन भुगतान के समय देय राशि में समायोजित कर देता था।  उस राशि को समायोजित करते समय वेतन क्लर्क इस बात का ध्यान रखता था कि किसी को हकदारी से अधिक भुगतान न हो। 

अंतिम राशि को ‘पे रिक्यूजीशन फॉर्म' में भर कर और यूनिट के कमांडिंग ऑफिसर से हस्ताक्षर करवा कर नियंत्रक रक्षा लेखा को भेज दिया जाता था।  रिक्यूजीशन फॉर्म एक कंट्रोल्ड फॉर्म हुआ करता था। नियंत्रक रक्षा लेखा उसके हर पन्ने का हिसाब मांगता था। अगर कोई फॉर्म, किसी कारणवश, रद्द करना पड़ जाता था तो उसकी सूचना नियंत्रक रक्षा लेखा को देनी पड़ती थी।  नियंत्रक रक्षा लेखा के कार्यालय में कमांडिंग अफसर के हस्ताक्षरों का नमूना रखा रहता था।  नियंत्रक रक्षा लेखा, हस्ताक्षरों का मिलान करके, मांगी गयी राशि का चेक, यूनिट के इम्प्रेस्ट एकाउंट के नाम पर जारी कर देता था।  यूनिट का इम्प्रेस्ट एकाउंट, आमतौर पर भारतीय स्टेट बैंक की निकटवर्ती शाखा में खोला गया होता था।  वह चेक उस खाते में डाल दिया जाता था और निर्धारित समय सीमा के अंदर उस से नकदी निकाल कर जवानों में बाँट दी जाती थी। बैंक से नकदी, एक बड़े ट्रंक में भर कर, सशस्त्र गार्द की सुरक्षा में एक अफसर द्वारा सेना की गाड़ी में लाई जाती थी। 

वेतन क्लर्क अक्यूईटैंस रोल (Acquittance Roll) तैयार करता था।  हर जेसीओ व जवान के व्यक्तिगत ब्यौरे के आगे उसको देय राशि पेंसिल से लिख दी जाती थी और जेसीओ व जवान के हस्ताक्षर करवा कर  वेतन वितरण करने वाले अफसर के सामने प्रस्तुत कर दी जाती थी।   वेतन वितरण करने वाला अफसर पेंसिल से लिखी गई राशि को पेन से लिख कर उस राशि का भुगतान कर देता था।  नाना प्रकार की व्यस्तताओं के कारण सारे के सारे जेसीओ व जवान वेतन लेने के लिए व्यक्तिगत रूप से उपस्थित नहीं हो पाते थे।  एक अक्यूईटैंस रोल की राशि एक जेसीओ अथवा जवान को दे दी जाती थी जिसे वह आगे औरों को बाँट देता था। 

उस समय आजकल की तरह हर महीने अगर एक निर्धारित वेतन राशि जेसीओ व जवानों के बैंक खातों में स्वत: आ जाती होती तो वेतन व भत्तों की अदायगी के लिए एक लम्बी प्रक्रिया से नहीं गुजरना पड़ता। 

पैसे की जरूरत तो सभी को होती है। महीने की 20 तारीख के बाद कई जवान वेतन क्लर्क के पास आकर अपनी वेतन राशि बढ़ाने के लिए प्रार्थना करते थे।  उस स्थिति से निपटना मुझे बहुत कठिन लगता था।  किसी को इन्कार करना भी बुरा लगता था और अधिक अदायगी हो जाने के कारण किसी जेसीओ व जवान विशेष की क्वार्टरली स्टेटमेंट ऑफ एकाउंट में ‘डेबिट' दिखाए जाने का डर भी लगा रहता था क्योंकि ‘डेबिट' के लिए वेतन क्लर्क जवाबदेह होता था। 

मेरे सैन्य सेवाकाल (2007) तक जेसीओ व जवानों के वेतन भत्तों के भुगतान की प्रक्रिया यही रही। हाँ, सन् 2000 के आसपास उसमें एक छोटा सा बदलाव हुआ था जिसने उसे और जटिल बना दिया था।  यूनिट के स्तर पर जेसीओ व जवानों को नगद भुगतान न कर के उनके बैंक खातों के जरिए पैसा दिया जाने लगा था, शेष प्रक्रिया में कोई परिवर्तन नहीं किया गया था। 

वेतन वितरण में एक महत्वपूर्ण भूमिका निभाने के कारण सैनिक क्लर्कों की नाराज़गी कोई मोल नहीं लेता था।  हक़ीक़त में उस समय के सैनिक क्लर्कों से जेसीओ व जवान और अफसर, दोनों वर्ग, ईर्ष्या करते थे क्योंकि वह दूसरे जेसीओ व जवानों की तुलना में बेहतर स्थिति में होते थे और प्रशासनिक विषयों संबंधी लिखा-पढ़ी में वे अफसरों से कहीं बेहतर ज्ञान रखते थे।  नये अफसरों को सैनिक क्लर्कों से बहुत कुछ सीखना पड़ता था। कालांतर में वे सीख कर क्लर्कों की गलतियाँ निकालने योग्य हो जाते थे। 

सेना के क्लर्कों को प्रशिक्षित करने के लिए महाराष्ट्र के औरंगाबाद में ‘आर्मी क्लर्क्स ट्रेनिंग' स्कूल हुआ करता था जिसे सन् 1993-94 के आसपास विघटित कर दिया गया था।  उस स्कूल में थलसेना के समस्त क्लर्क, अपनी रेजिमेंट अथवा कोर के ट्रेनिंग सेंटर में बेसिक मिलिट्री ट्रेनिंग प्राप्त करने के उपराँत अग्रिम प्रशिक्षण के लिए भेजे जाते थे।  उस प्रशिक्षण की अवधि नौ महीने होती थी।  उसमें सभी प्रशिक्षणार्थियों को ‘माइनर स्टाफ ड्यूटीज' पढ़ाई जाती थीं।  अफसरों को यही ‘स्टाफ ड्यूटीज' स्टाफ कॉलेज में पढ़ाए जाने का प्रवधान है।  इसके अतिरिक्त वहाँ ‘मिलिट्री लॉ' और इंग्लिश पढ़ाई जाती थी और टाइपिंग सिखाई जाती थी।  यूनिट की डॉक्यूमेंटशन की विस्तृत जानकारी व उसका गहन अभ्यास करवाया जाता था। 

उस समय के सैनिक क्लर्कों के कई काम आजकल के सैन्य अधिकारी करते हैं।

       भगत राम मंडोत्रा हिमाचल प्रदेश दे जिला कांगड़ा दी तहसील जयसिंहपुर दे गरां चंबी दे रैहणे वाल़े फौज दे तोपखाने दे रटैर तोपची हन।  फौज च रही नैं बत्ती साल देश दी सियोआ करी सूबेदार मेजर (ऑनरेरी लेफ्टिनेंट) दे औद्धे ते घरे जो आए। फौजी सर्विस दे दौरान तकरीबन तरताल़ी साल दिया उम्रा च एम.ए. (अंग्रेजी साहित्य) दी डिग्री हासिल कित्ती। इस ते परंत सठ साल दी उम्र होणे तिकर तकरीबन पंज साल आई.बी. च, 'असिस्टेन्ट सेंट्रल इंटेलिजेंस अफसर' दी जिम्मेबारी निभाई।

      लिखणे दी सणक कालेज दे टैमें ते ही थी। फौज च ये लौ दबोई रही पर अंदरें-अंदरें अग्ग सिंजरदी रही।  आखिर च घरें आई सोशल मीडिया दे थ्रू ये लावा बाहर निकल़ेया।

     हाली तिकर हिमाचली पहाड़ी च चार कवता संग्रह- जुड़दे पुल, रिहड़ू खोळू, चिह्ड़ू-मिह्ड़ू, फुल्ल खटनाळुये दे, छपी चुक्केयो। इक्क हिंदी काव्य कथा "परमवीर गाथा सेकंड लेफ्टिनेंट अरुण खेतरपाल - परमवीर चक्र विजेता" जो सर्वभाषा ट्रस्ट, नई दिल्ली ते 'सूर्यकांत त्रिपाठी निराला साहित्य सम्मान 2018' मिली चुकेया।

    हुण फेस बुक दे ज़रिये 'ज़रा सुनिए तो' करी नैं कदी-कदी किछ न किछ सुणादे रैंहदे हन।