 |
फौजियां दियां जिंदगियां दे बारे च असां जितणा जाणदे, तिसते जादा जाणने दी तांह्ग असां जो रैंह्दी है। रिटैर फौजी भगत राम मंडोत्रा होरां फौजा दियां अपणियां यादां हिंदिया च लिखा दे थे। असां तिन्हां गैं अर्जी लाई भई अपणिया बोलिया च लिखा। तिन्हां स्हाड़ी अर्जी मन्नी लई। हुण असां यादां दी एह् लड़ी सुरू कीती है, दूंई जबानां च। पेश है इसा लड़िया दा चाह्ळुुआं मणका।
...................................................................
समाधियाँ दे परदेस च
मिंजो
अप्पू गास भरोसा होणा लगी पिह्या था कि मैं लोकनाथन जो सुधारने च कामयाब होयी जाणा
है अपर मिंजो एह् भी पक्का पता था कि मैं तिसा यूनिटा च लम्मे टैम तिकर रैह्णे दी हालत
च नीं था। मिंजो फिक्र लगी पिह्या था होणा कि मेरे जाणे ते परंत लोकनाथने
दा क्या होंगा। तिसा यूनिटा कन्नै मेरी सर्विस
दा टैम मुक्की गिह्या था कनै तोपखाना रिकार्ड ते मेरे होरसी जगह ताँईं आर्डर आयी रक्खेह्यो
थे। मैं अपणे परिवार कनै बच्चेयाँ दे भले ताँईं
देवलाली च किछ महीने होर गुजारना चाँह्दा था। इसते लोकनाथन जो सुधरने ताँईं मेरा साथ किछ होर मिली जाणे वाळा था। फौज च पोस्टिंग दे आर्डर जो अमल च लाणे ते रोकणा
आमतौर पर मुमकिन नीं होंदा है अपर मेरे कमांडिंग ऑफिसर होराँ जो भी मिंजो भेजणे दी
काहळी नीं थी।
मिंजो उधमपुर च तैनात तोपखाने दी इक मीडियम रेजिमेंट च जाणा था। तित्थू मैं जिन्हाँ सूबेदार साहब होराँ जो रिलीव करना था सैह् मिंजो जाणदे थे। असाँ दोह्यो तकरीबन दस साल पहलैं हौळदार दे रैंक च इक ब्रिगेड हैडक्वार्टर च सौगी-सौगी कम्म करी चुकेह्यो थे। असाँ दोह्यो इक दूजे दे टच च नीं थे अपर जाह्लू तिन्हाँ अपणे रिलीवर दे तौरे पर मेरा नाँ दिक्खेया ताँ तिन्हाँ मेरे बारे च अपणे कमांडिंग अफसर होराँ जो जेह्ड़ा किछ दस्सेह्या था तिसते तिन्हाँ दे कमांडिंग अफसर होराँ इम्प्रेस होह्यो लगदे थे। जाह्लू मैं तिन्न-चार महीनेयाँ तिकर तिस यूनिट च नीं गिया ताँ तिन्हाँ कमांडिंग ऑफिसर होराँ देवलाली औआ दे अपणे इक जेसीओ जो मिंजो नै मेरी यूनिट च आयी करी मिलणे ताँईं बोल्या। सैह् जेसीओ मिंजो कन्नै आयी करी मिल्ले। तिन्हाँ मिंजो दस्सेया कि तिन्हाँ दे सीओ साहब जाणना चाँहदे हन्न कि मैं तिन्हाँ दी यूनिट च औणा चाँहदा कि नीं। तिन्हाँ मिंजो एह् भी दस्सेया कि जेकर मैं तिन्हाँ दी यूनिट च औणा चाँहदा ताँ तिन्हाँ दे सीओ साहब किछ होर समै तिकर मिंजो देवलाली च रैह्णे दा मौका देयी सकदे हन्न। मैं तिस जेसीओ जो साफ-साफ दस्सी दित्ता था कि मैं पर्सनल वजहाँ ते तिन्हाँ दी यूनिट च नीं औणा चाँहदा इस ताँईं सीओ साहब मिंजो माफ करी देण।
मैं एह् सब्भ किछ बज्जी-गज्जी नै इंञा ही नीं करा दा था। मैं जे किछ भी करा दा था तिस पिच्छैं मिंजो व्ह्ली इक सॉलिड बचाओ था। मिंजो व्ह्ली इक चाल थी जिसा जो मैं आखिर च चलणा चाँहदा था। तिस दे इलावा, सब्भ ते उप्पर, मेरी फेवर च एह् गल्ल थी कि मेरे तदकणे सीओ साहब मिंजो अपणी यूनिट ते तौळी विदाई देणे दे हक च नीं थे।
लोकनाथन च आह्यो बदलाओ सब्भना जो साफ सुज्झा दे थे। मैं भगवाने अग्गैं प्रार्थना करदा था कि सैह् मिंजो कुसी तरह इक जिंदगी कनै इक परिवार जो बरबाद होणे ते बचाणे ताँईं ताकत देण। मेरी तिस यूनिट दे उप्पर मेरे पोस्टिंग ऑर्डर जो अमल च लियोणे ताँईं हायर हैडक्वार्टर ते दबाओ बद्धदा जाह्दा था। मेरे कमांडिंग ऑफिसर होराँ चुप थे। सैह् शायद हालात दा जायजा लै दे थे। जाह्लू मैं दिक्खेया कि तिस मामले च हालात मेरे कमांडिंग ऑफिसर होराँ ताँईं मुश्किल होंदे जाह्दे ताह्लू मैं अपणा आखिरी दाव खेली दित्ता था।
फौज च दो किस्म दी लिखित शिकायताँ करी सकदे हन्न ― वैधानिक शिकायत (स्टैचट्रि कंप्लेंट) कनै गैर वैधानिक शिकायत (नॉन स्टैचट्रि कंप्लेंट)। मैं इक ब्योरेवार ‘वैधानिक शिकायत’ अपणे कमांडिंग ऑफिसर होराँ जो देई दित्ती। मेरी तिस शिकायत दा निचोड़ था, “मेरी ठाई सालाँ दी फौजी सर्विस च मिंजो जरूरी समै ताँईं फील्ड कनै हाई-एल्टीट्यूड इलाकेयाँ च सर्विस करने दा मौका नीं दित्ता गिया जिसते रिटायरमेंट दे बग्त ऑनरेरी कमीशन जाँ रैंक लैणे ताँईं जरूरी नंबर जुटाणे च कामयाब होणे दे मेरे चाँस बड़े घट रही गै। मिंजो कन्नै बेइंसाफी होयी। हुण भी मिंजो उधमपुर दे जिस हिस्से च जाणे ताँईं आर्डर दित्ते गैह्यो सैह् इलाका भी ‘पीस स्टेशन’ है। इस ताँईं मेरी अरज है कि मेरे हुणकणे पोस्टिंग आर्डर जो तरंत रद्द करी नै मिंजो येहो जेही जगह भेजा जाए जित्थू मैं एक्स्ट्रा नंबर लई सकूं।”
मिंजो
भली भांति पता था कि मेरी सैह् ‘वैधानिक शिकायत’ मिंजो तिस मुद्दे कन्नै जुड़ेह्यो अफसराँ दी नाराजगी झेलणे
दी वजह बणने वाळी है। मेरी हालत पाणिए च रही
नै मगरमच्छ कन्नै बैर मुल लैणे साँहीं थी।
मैं जेह्ड़ा ‘पंगा’ लिह्या था तिसदे मुमकिन नतीजेयाँ दा मिजों सही-सही इल्म
था। ज्यादा ते ज्यादा मिंजो इक मुश्किल इलाके च पोस्टिंग मिलणे वाळी थी जिस ताँईं में
तैयार था। तिसते इलावा मेरा किछ भी नीं बिगड़ने वाळा था। मिंजो एह् भी पता था
कि मेरी सैह् अखीरी फील्ड जाँ
हाई-एल्टीट्यूड पोस्टिंग मेरे कुसी कम्म नीं औणे वाळी थी अपर मिंजो इस गल्ल दा यकीन
था कि सैह् चाल चली नै मैं देवलाली च तिन्न-चार महीने बेधड़क गुजारी सकदा था। वैधानिक
शिकायत (स्टैचट्रि कंप्लेंट) ब्रह्मास्त्र साँही होंदी है। जाह्लू तिकर शिकायत
करने वाळे जो अपणी शिकायता पर आखिरी फैसला नीं मिली जाँदा ताह्लू तिकर सैह् उपरा पासैं
पैड़ियाँ चढ़दी जाँदी है। जेसीओ कनै जुआनाँ
दी वैधानिक शिकायत दी आखिरी पैड़ी ‘आर्मी हैडक्वार्टर’ होंदी है यानि कि शिकायता पर
आखिरी फैसला थलसेनाध्यक्ष दा होंदा है। गब्भैं
जेकर कोई कंपिटेन्ट अफसर शिकायत करने वाळे जो राहत देई दिंदा है ताँ शिकायत दी फाइनल
डिस्पोजल तिस हैडक्वार्टर च ही होई जाँदी है।
मिंजो
बाद च इस गल्ल दा पता चल्लेया था कि मेरी तिस ‘वैधानिक शिकायत’ ते मेरे कमांडिंग ऑफिसर मिंजो ते सख्त नाराज
होई गैह्यो थे। तिन्हाँ अपणी नाराज़गी जो तरंत जाहिर नीं होणा दित्ता था अपर बाद च मिंजो
तिसदा खामियाजा भुगतणा पिया था। मैं सोचह्या था कि मेरी तिस शिकायत ते कमांडिंग ऑफिसर
होराँ जो मिंजो भेजणे दे दबाओ ते राहत मिलणी अपर होया उलट था। तिन्हाँ दियाँ नजराँ
च, तिसते तिन्हाँ दी परेशानी बद्धी गयी थी। मैं हुण सोचदा काश! मैं ‘वैधानिक
शिकायत’ देणे ते पहलैं कमांडिंग ऑफिसर साहब होराँ कन्नै गल्ल करी लइह्यो हुंदी। अपणा
भला सोचणे वाळेयाँ कन्नै, तिन्हाँ कन्नै जुड़ेह्या कोई कम्म करने ते पहलैं, सलाह मशविरा
करना सही रैंह्दा है। एह् जरूरी नीं कि दूंहीं दा नजरिया इक्को जेहा होये। इस नै मिलदी
जुलदी इक घटणा मिंजो कन्नै पहलैं भी घटी चुकिह्यो थी अपर तिसते मिलेह्यो सबक पर मैं
अमल नीं कित्ता था। शायद इसते पिच्छैं मसलेयाँ जो सुलझाणे ताँईं ‘लिखित’ जो ‘संवाद’
पर तरजीह देणे दी मेरी सोच रही थी।
गल्ल सन् 1991 दी है। मेरी तदकणी यूनिट अरुणाचल
प्रदेश दे लुम्पो नाँ दे हाई-एल्टीट्यूड एरिया ते प्रयागराज (तदी इलाहाबाद) आई गइह्यो
थी। मैं फैमिली अकमडेशन दी अलाटमेंट ताँईं
अपणा नंबर लगाई दित्तेह्या था। तिस बग्त मेरी घरवाली हिमाचल प्रदेश दे हमीरपुर च किराये
दा मकान लई नै दूंहीं बच्चेयाँ जो तित्थू दे सेंट्रल स्कूल च पढ़ा दी थी। तिस जमाने
च तोपखाने च कम्म करने वाळे क्लर्क इक यूनिट कन्नै मात्र तिन्न साल तिकर ही रैंह्दे
थे जद कि यूनिट दे बाकी जुआन अक्सर यूनिट दे कन्नै ही रैंह्दे थे। मैं तिस यूनिट च दो साल गुजारी चुकेह्या था। हालत
एह् थी कि जाह्लू तिकर अकमडेशन दी अलाटमेंट
ताँईं मेरा नंबर औणा था ताह्लू तिकर मेरी तित्थू दी टेन्योर पूरी होई जाणी थी। इस करी
नै मैं अकमडेशन दी तौळी अलाटमेंट ताँईं कोशिश
करने दी ठाणी लई थी। मेरे तदकणे कमांडिंग अफसर
साहब कन्नै खरे ताल्लुकात थे। तिस बग्त मैं अपणी तिस यूनिट दे हैडक्वार्टर च ‘ए’ ब्राँच
जो संभाळा दा था। मेरा कम्म सिद्धा यूनिट एडजुटेंट
दे अंडर औंदा था। यूनिट एडजुटेंट मेरी कम्म
करने दी कपैसिटी ते इम्प्रेस्सड थे। सैह् मिंजो
हर मामले च तरजीह दिंदे थे। सैह् यूनिट एडजुटेंट
होणे दे कन्नै-कन्नै यूनिट दी ‘हैडक्वार्टर बैटरी’ दे कमांडर भी थे। एडमिनिस्ट्रेटिव
तौर पर मैं ‘हैडक्वार्टर बैटरी’ च औंदा था यानी कि फैमिली अकमडेशन दी अलाटमेंट मिंजो
‘हैडक्वार्टर बैटरी’ दे जरिये होणे वाळी थी।
एडजुटेंट साहब होराँ कन्नै नेडपण होणे दे बावजूद मैं तिन्हाँ नै अपणी फैमिली अकमडेशन दे बारे च गल्ल नीं कित्ती कनै ‘हैडक्वार्टर बैटरी’ दे बैटरी कमांडर जो इक एप्लिकेशन देइती जिस च मैं अपणे ताँईं अकमडेशन दी तौळी अलाटमेंट ताँईं अर्ज कित्तिह्यो थी। जाह्लू मेरी एप्लिकेशन परोपर चैनल ते होंदी होयी कमांडिंग ऑफिसर व्ह्ली पोंह्ची तिन्हाँ एडजुटेंट साहब यानी कि ‘हैडक्वार्टर बैटरी कमांडर’ जो सद्दी नै निर्देश दित्ते कि मिंजो तरंत अकमडेशन दी अलाटमेंट कित्ती जाए अपर मिंजो अकमडेशन अलाट नीं होयी। तकरीबन 15 दिन परंत मैं इक होर एप्लिकेशन पायी दित्ती फिरी भी किछ नीं होया। तिसते परंत मैं तीजी एप्लिकेशन दित्ती फिरी भी अकमडेशन नीं मिल्ली। तिस दौरान जाह्लू मैं कमांडिंग ऑफिसर होराँ नै कुसी होरसी मामले दे बारे च मिलदा ताँ सैह् मिंजो ते पुछदे, “बच्चे लाणे ताँईं घर छुट्टी कदी जाह्दे?” “तौळा ही जाऊंगा, सर”, बोली करी मैं तिन्हाँ दे दफ्तर ते बाहर निकळी औंदा। मिंजो मामला समझ नीं औआ दा था।
तीजी एप्लिकेशन देणे ते परंत मैं ‘हैडक्वार्टर
बैटरी’ सीनियर जेसीओ जो ग्लाया कि मिंजो बैटरी कमांडर दा इंटरव्यू चाहीदा। जिंञा ही सीनियर जेसीओ होराँ इस मामले च बैटरी कमांडर/यूनिट
एडजुटेंट कन्नै गल्ल कित्ती, तिन्हाँ इंटरव्यू दी तरंत इजाजत देई दित्ती । उञा ताँ
मैं अपणे कम्म दे सिलसिले च एडजुटेंट साहब होराँ नै दिन भर च घट ते घट 15-20 बरी मिलदा
था अपर मेरी नजर च एह् मिलणा अलग था कनै पर्सनल था। मैं तिन्हाँ दे दफ्तर च दाखिल होंदेयाँ
ही सेल्यूट देणे परंत तिन्हाँ ते पुच्छेया, “श्रीमान जी, मिंजो फैमिली क्वार्टर कैंह्
नी दित्तेया जाह्दा?”
सैह् शांत सुर च बोले, “मैं एडजुटेंट है कनै
तुसाँ मेरे स्टाफ दे खास मेंबर हन्न। मैं तुसाँ दा वेलफेयर नीं दिक्खणा ताँ होर कुसदा
वेलफेयर दिक्खणा। तुसाँ जो एप्लिकेशन लिखणे दी जरूरत कजो पई? तुसाँ इक बरी मिंजो बोलदे
तुसाँ जो क्वार्टर तरंत मिली जाँदा। तुसाँ ताँईं मैं इक बद्धिया क्वार्टर खाली रक्खेह्या
है। तुसाँ चौथी एप्लिकेशन लिखी करी पहली तिन्नों एप्लिकेशनाँ जो वापस लई लिया, तुसाँ
जो तिस बग्त ही क्वार्टर दी चाबी मिली जाणी।”
“सर, अगर तुसाँ मेरे बोलणे पर मिंजो मेरी बारी
औणे ते पैह्लैं क्वार्टर दिंदे ताँ तुसाँ पर इक बैटरी कमांडर दे तौर पर भाई-बंदी
करने दा तोहमत लगदा। मैं लिक्खिह्यो एप्लिकेशन अपणे बैटरी कमांडर दी सहूलियत ताँईं दित्ती थी।”
“खैर जे भी है तुसाँ तिन्हाँ एप्लिकेशनाँ जो
वापस लई लिया,” बोली करी एडजुटेंट साहब अपणे साह्म्णे रखी फ़ाइल जो दिक्खणे च बिजी होयी
गै थे।
मिंजो समझ नीं औआ दा था मैं कुत्थू गलत होयी गिह्या था। मैं तिन्हाँ दे दफ्तर ते निकळी करी अपणी मेज पर आयी नै हत्थे कनै दो लैणी दी इक एप्लिकेशन लिक्खी करी तिन्हाँ जो देई दित्ती थी कनै तिस बग्त ही मिंजो क्वार्टर दी चाबी मिली गयी थी।
कई साल बीती जाणे परंत तिस नयी यूनिट च पोस्टिंग दे मामले च “बैधानिक शिकायत” पायी नै मैं अपणे ताँईं फिरी सैही हालात पैदा करी लै थे। मेरे कमांडिंग ऑफिसर होराँ दबे सुर च बोली दित्ता था, “जेकर फील्ड पोस्टिंग ही चाहीदी थी ताँ मिंजो ग्लाँदे, मैं दुआई दिंदा। स्टैचट्रि कंप्लेंट डालने दी क्या जरूरत थी।”
लोकनाथन
जो मेरे पोस्टिंग ऑर्डर दे बारे च जाणकारी थी किंञाकि सैह् ऑफिस च मिंजो कन्नै ही रैंह्दा
था। इक बरी तिन्नी मिंजो ते पुच्छेया था, “सर, तुसाँ चली गै ताँ मेरा क्या होंगा?”
“लोकनाथन,
इक ताँ मैं इतणा तौळा जाणे वाळा नीं है कनै जेकर मिंजो जाणा भी पिया ताँ मैं तुसाँ
दा किछ न किछ बंदोबस्त करी नै जाँह्गा। तुसाँ हौसला रक्खा कनै अपणा मनोबल बणायी रक्खा।”
बोलणे
जो ताँ मैं एह् सब्भ किछ बोली दित्ता था अपर मिंजो भी पता नीं था कि मैं क्या बंदोबस्त
करने वाळा था। मेरे तदकणे सीओ साहब, जिन्हाँ
मेरे सुझाओ पर लोकनाथन जो सुधरने दा मौका दित्ता था, दा तिस यूनिट कन्नै टेन्योर तकरीबन
इक साल ही बाकी रही गिह्या था। आमतौर पर कोई भी कमांडिंग ऑफिसर लोकनाथन जेहे फौजी जो
अप्पू कन्नै रखणा नीं चाँह्दा।
(बाकी
अगलिया कड़िया च….)
...................................................................
समाधियों के प्रदेश में (चालीसवीं कड़ी)
मुझे स्वयं पर भरोसा होने लगा था कि मैं लोकनाथन को सुधारने में सफल हो जाऊंगा परंतु मुझे यह भी भली-भांति पता था कि मैं उस यूनिट में अधिक समय तक रहने की स्थिति में नहीं था। मुझे चिंता होने लगी थी कि मेरे जाने के बाद लोकनाथन का क्या होगा। उस यूनिट के साथ मेरा कार्यकाल समाप्त हो चुका था और तोपखाना अभिलेख से मेरी अन्यत्र पोस्टिंग के आदेश आ रखे थे। मैं अपने परिवार और बच्चों के हित में देवलाली में कुछ महीने और गुजारना चाहता था। इससे लोकनाथन को सुधरने के लिए मेरा साथ कुछ और मिल जाने वाला था। सेना में पोस्टिंग के आदेश को अमल में लाने से रोकना आमतौर पर संभव नहीं होता है परंतु मेरे कमांडिंग ऑफिसर भी मुझे भेजने की जल्दी में नहीं थे।
मुझे उधमपुर में तैनात तोपखाने की एक मीडियम रेजिमेंट में जाना था। वहाँ मैंने जिन सूबेदार साहब को रिलीव करना था वे मुझे जानते थे। हम दोंनो तकरीबन दस वर्ष पहले हवलदार के रैंक में एक ब्रिगेड मुख्यालय में साथ-साथ काम कर चुके थे। हम दोंनो एक दूसरे के संपर्क में नहीं थे लेकिन जब उन्होंने अपने रिलीवर के रूप में मेरा नाम देखा तो उन्होंने मेरे बारे में अपने कमांडिंग ऑफिसर को जो कुछ बताया था उससे उनके कमांडिंग ऑफिसर प्रभावित हुए प्रतीत होते थे। जब मैं तीन-चार महीने तक उस यूनिट में नहीं गया तो उन कमांडिंग ऑफिसर ने देवलाली आ रहे अपने एक जेसीओ को मुझ से मेरी यूनिट में आकर मिलने के लिए कहा। वह जेसीओ मुझसे आकर मिले। उन्होंने मुझे बताया कि उनके सीओ साहब जानना चाहते हैं कि मैं उनकी यूनिट में आना चाहता हूं कि नहीं। उन्होंने मुझे यह भी बताया कि अगर मैं उनकी यूनिट में आना चाहता हूं तो उनके सीओ साहब कुछ और समय तक मुझे देवलाली में रहने का अवसर दे सकते हैं। मैंने उन जेसीओ को स्पष्ट बता दिया था कि मैं निजी कारणों से उनकी यूनिट में नहीं जाना चाहता अतः सीओ साहब मुझे क्षमा करें।
मैं यह सब कुछ इतने आत्मविश्वास के साथ यूं ही नहीं कर रहा था। मैं जो कुछ कर रहा था उसके पीछे मेरे पास पर्याप्त बचाव था। मेरे पास एक चाल थी जिसे में अंत में चलना चाहता था। उसके इलावा, सब से ऊपर, मेरे हित में यह बात थी कि मेरे तत्कालीन सीओ साहब मुझे अपनी यूनिट से शीघ्र विदाई देने के पक्ष में नहीं थे।
लोकनाथन में आये बदलाव सबको स्पष्ट नज़र आ रहे थे। मैं भगवान से प्रार्थना करता था कि वे मुझे किसी तरह एक जिंदगी और एक परिवार को बरबाद होने से बचाने के लिए सक्षम बनायें। मेरी उस यूनिट पर मेरे पोस्टिंग ऑर्डर के क्रियान्वयन के लिए उच्च हेडक्वॉर्टर से दबाव बढ़ता जा रहा था। मेरे कमांडिंग ऑफिसर चुप थे। वे सम्भवतः स्थिति का आकलन कर रहे थे। जब मैंने देखा कि उस विषय में हालात मेरे कमांडिंग ऑफिसर के लिए कठिन होते जा रहे हैं तो मैंने अपना आखिरी दाव खेल दिया था।
फौज में दो तरह की लिखित शिकायतें की जा सकती हैं ― वैधानिक शिकायत (स्टैचट्रि कंप्लेंट) और गैर वैधानिक शिकायत (नॉन स्टैचट्रि कंप्लेंट)। मैंने एक विस्तृत ‘वैधानिक शिकायत’ अपने कमांडिंग ऑफिसर को सौंप दी। मेरी उस शिकायत का संक्षेप में सार था, “मेरे अठाईस वर्ष के सैन्य सेवाकाल में मुझे प्रचुर अवधि के लिए फील्ड और हाई एल्टीट्यूड क्षेत्रों में सेवा करने का मौका नहीं दिया गया जिससे मुझे सेवानिवृत्ति के समय मानद कमीशन अथवा मानद रैंक प्राप्त करने के लिए अपेक्षित अंक जुटाने में सफलता मिलने की संभावनायें बहुत कम रह गयीं हैं। मेरे साथ अन्याय हुआ है। यहाँ तक कि मुझे उधमपुर के जिस भाग में जाने के लिए आदेश जारी हुए हैं वह इलाका भी ‘पीस स्टेशन’ है। अतः मेरी प्रार्थना है कि मेरे वर्तमान पोस्टिंग आर्डर को तत्काल प्रभाव से रद्द करके मुझे ऐसी जगह भेजा जाए जहाँ मैं अतिरिक्त अंक अर्जित कर सकूं।”
मुझे भली भांति पता था कि मेरी वह ‘वैधानिक शिकायत’ मुझे संबंधित अधिकारियों के कोप भाजन का पात्र बना देने का कारण बनने वाली है। मेरी स्थिति जल में रह कर मगरमच्छ के साथ बैर मोल लेने जैसी थी। मैंने जो ‘पंगा’ लिया था उसके संभावित परिणामों की मैंने सटीक परिकल्पना कर रखी थी। अधिक से अधिक मुझे एक कठिन क्षेत्र में पोस्टिंग मिलने वाली थी जिसके लिए मैं तैयार था। उसके इलावा मेरा कुछ भी बिगड़ने वाला नहीं था। मुझे यह भी पता था कि मेरी वह अंतिम फील्ड अथवा हाई एल्टीट्यूड पोस्टिंग मेरे किसी काम आने वाली नहीं थी लेकिन मुझे इस बात का पक्का यकीन था कि वह चाल चल कर मैं देवलाली में तीन-चार माह बेधड़क गुजार सकता था। वैधानिक शिकायत (स्टैचट्रि कंप्लेंट) ब्रह्मास्त्र की तरह होती है। जब तक शिकायतकर्ता को अपनी शिकायत पर अतिंम फैसला नहीं मिल जाता तब तक वह ऊपर की ओर सीढियाँ चढ़ती जाती है। जेसीओ और जवानों की वैधानिक शिकायत की अंतिम सीढ़ी ‘सेना मुख्यालय’ होती है अर्थात शिकायत पर अंतिम निर्णय थलसेनाध्यक्ष का होता है। बीच में अगर कोई सक्षम अधिकारी शिकायतकर्ता को राहत दे देता है तो शिकायत का निस्तारण उसी मुख्यालय में हो जाता है।
मुझे बाद में इस बात का पता चला था कि मेरी उस ‘वैधानिक शिकायत’ से मेरे कमांडिंग ऑफिसर मुझ से निहायत नाराज़ हो गये थे। उन्होंने अपनी नाराज़गी को तत्काल प्रकट नहीं होने दिया था परंतु बाद में मुझे उसका खामियाजा भुगतना पड़ा था। मैंने सोचा था कि मेरी उस शिकायत से कमांडिंग ऑफिसर को मुझे भेजने के दबाव से राहत मिलेगी परंतु हुआ उलट था। उनकी नजर में, उससे उनकी परेशानी बढ़ गयी थी। अब सोचता हूँ काश! मैंने ‘वैधानिक शिकायत’ डालने से पहले कमांडिंग ऑफिसर साहब से बात कर ली होती। अपने शुभचिंतकों के साथ, उनसे संबंधित कोई काम करने से पहले, विचार विमर्श कर लेना सही रहता है। यह जरूरी नहीं कि दोनों का दृष्टिकोण एक जैसा ही हो। इससे मिलती जुलती एक घटना मेरे साथ पहले भी घट चुकी थी परंतु उससे मिली सीख पर मैंने अमल नहीं किया था। संभवतः इसके पीछे समस्यायों को सुलझाने के लिए ‘लिखित’ को ‘संवाद’ पर तरजीह देने की मेरी अवधारणा थी।
बात सन् 1991 की है मेरी तत्कालीन यूनिट अरुणाचल प्रदेश के लुम्पो नामक हाई एल्टीट्यूड स्थान से प्रयागराज (तब इलाहाबाद) आ गयी थी। मैंने पारिवारिक आवास के आबंटन के लिए अपना नंबर लगा दिया था। उस समय मेरी पत्नी हिमाचल प्रदेश के हमीरपुर में किराये का मकान लेकर दोनों बच्चों को वहाँ स्थित केंद्रीय विद्यालय में पढ़ा रही थीं। उस जमाने में तोपखाने में सेवारत क्लर्क एक यूनिट के साथ मात्र तीन वर्ष तक रहते थे जब कि यूनिट के शेष जवान अक्सर यूनिट के साथ ही रहते थे। मैं उस यूनिट के साथ लगभग दो वर्ष गुजार चुका था। स्थिति यह थी कि जब तक आवास आबंटन के लिए मेरा नंबर आना था तब तक मेरा वहाँ का कार्यकाल भी समाप्त हो जाना था। अतः मैंने आवास के शीघ्र आबंटन के लिए प्रयास करने की ठान ली। मेरे तत्कालीन कमांडिंग अफसर साहब के साथ अच्छे संबन्ध थे। उस समय मैं अपनी उस यूनिट के मुख्यालय में ‘ए’ ब्राँच को संभाल रहा था। मेरा काम सीधे यूनिट एडजुटेंट के अधीन आता था। यूनिट एडजुटेंट मेरी कार्यक्षमता से प्रभावित थे। वे मुझे हर मामले में तरजीह देते थे। वे यूनिट एडजुटेंट होने के साथ-साथ यूनिट की ‘हैडक्वार्टर बैटरी’ के कमांडर भी थे। प्रशासनिक तौर पर मैं ‘हैडक्वार्टर बैटरी’ में आता था अर्थात् पारिवारिक आवास का आबंटन मुझे ‘हैडक्वार्टर बैटरी’ द्वारा किया जाना था।
एडजुटेंट साहब से नजदीकियाँ होने के बावजूद
मैंने उनसे अपने आवास के बारे में बात नहीं की और ‘हैडक्वार्टर बैटरी’ के बैटरी कमांडर
को एक आवेदन पत्र दे दिया जिसमें मैंने अपने लिए आवास का शीघ्र आबंटन
करने की प्रार्थना की थी। जब मेरा आवेदन पत्र
उचित चैनल से होता हुआ कमांडिंग ऑफिसर के पास पहुंचा तो उन्होंने एडजुटेंट साहब अर्थात्
‘हैडक्वार्टर बैटरी कमांडर’ को बुला कर निर्देश दिए कि मुझे तुरंत आवास आबंटित
किया जाए लेकिन मुझे आवास आबंटित नहीं हुआ। तकरीबन 15 दिन के बाद मैंने एक
और आवेदन पत्र डाल दिया फिर भी कुछ नहीं हुआ।
उसके बाद मैंने तीसरा आवेदन पत्र दिया फिर भी मुझे आवास नहीं मिला। इस दौरान जब मैं कमांडिंग ऑफिसर से किसी अन्य विषय
में मिलता तो वे मुझ से पूछते, “बच्चे लाने के लिए घर छुट्टी
कब जा रहे हो?”
“जल्दी ही जाऊंगा, सर”, कह कर मैं उनके दफ्तर से बाहर निकल आता। मुझे मामला समझ नहीं आ रहा था।
तीसरा आवेदन पत्र देने के बाद मैंने हैडक्वार्टर
बैटरी सीनियर जेसीओ से कहा कि मुझे बैटरी कमांडर का इंटरव्यू दिया जाए। जैसे ही सीनियर
जेसीओ ने इस विषय में बैटरी कमांडर/यूनिट एडजुटेंट से बात की, उन्होंने इंटरव्यू की
तुरंत स्वीकृति दे दी। वैसे तो मैं अपने काम के सिलसिले में एडजुटेंट साहब से दिन भर
में कम से कम 15-20 मिलता था परंतु मेरी नजर में वह मिलना अलग था और व्यक्तिगत था।
मैंने उनके दफ्तर में प्रवेश करते ही सेल्यूट देने के उपराँत उनसे सवाल किया, “श्रीमान
जी मुझे फैमिली क्वार्टर क्यों नहीं दिया जा रहा है?”
वे शांत स्वर में बोले, “मैं एडजुटेंट हूँ और
आप मेरे स्टाफ के महत्वपूर्ण मेंबर हो। मैं आपकी भलाई नहीं देखूंगा तो और किसकी भलाई
देखूंगा। आपको एप्लिकेशन लिखने की ज़रूरत क्यों पड़ी? आप एक बार मुझ से बोल देते आपको क्वार्टर तुरंत
मिल जाता। आप के लिए मैंने एक अच्छा सा क्वार्टर खाली रख छोड़ा है। आप चौथी एप्लिकेशन
लिख कर पहली तीन एप्लिकेशनों को वापस ले लीजिए, आपको उसी समय क्वार्टर की चाबी
मिल
जाएगी। ”
“सर, अगर आप मेरे मौखिक रूप से कहने पर मुझे
अपनी बारी से पहले क्वार्टर दे देते तो आप पर एक बैटरी कमांडर के तौर पर भाई-बंदी करने
का आक्षेप लगता। मैंने लिखित एप्लिकेशन अपने बैटरी कमांडर की सुविधा के लिए दी थी।”
“खैर जो भी है आप उन एप्लिकेशनों को वापस ले
लीजिए,” कह कर एडजुटेंट साहब अपने सामने रखी फ़ाइल को देखने में व्यस्त हो गये थे।
मुझे समझ नहीं आ रहा था मैं कहाँ गलत हो गया था। मैंने उनके दफ्तर से निकल कर अपनी मेज पर आकर हाथ से दो लाइनों की एक एप्लिकेशन लिख कर उन्हें दे दी थी और उसी समय मुझे क्वार्टर की चाबी मिल गयी थी।
बर्षों
बीत जाने के बाद इस नयी यूनिट में पोस्टिंग के विषय में “वैधानिक शिकायत”
डाल कर मैंने अपने लिए फिर वही हालात पैदा कर लिए थे। मेरे कमांडिंग ऑफिसर ने दबे स्वर में कह दिया था, “अगर फील्ड पोस्टिंग ही चाहिए थी तो मुझ से
कहते, में दिला देता। स्टैचट्रि
कंप्लेंट डालने की क्या ज़रूरत थी।”
लोकनाथन
को मेरे पोस्टिंग ऑर्डर के बारे में जानकारी थी क्योंकि वह ऑफिस में मेरे साथ ही रहता
था। एक बार उसने मुझसे पूछा था, “सर, आप चले गये तो मेरा क्या होगा।”
“लोकनाथन,
एक तो मैं इतना जल्दी जाने वाला नहीं हूँ और अगर मुझे जाना भी पड़ा तो मैं आपका कुछ
न कुछ बन्दोबस्त करके जाऊंगा। आप हौसला रखिये और अपना मनोबल बनाये रखिये।”
कहने को तो मैंने यह सब कह दिया था परंतु मुझे भी पता नहीं था कि मैं जाने से पहले लोकनाथन का क्या बन्दोबस्त करने वाला था। मेरे तात्कालिक सीओ साहब, जिन्होंने मेरे सुझाव पर लोकनाथन को सुधरने का मौका दिया था, का उस यूनिट के साथ सेवाकाल एक वर्ष के आसपास ही शेष रह गया था। आमतौर पर कोई भी कमांडिंग ऑफिसर लोकनाथन जैसे सैनिक को अपने अधीन रखना नहीं चाहता। (शुरु में तस्वीर: देवलाली स्थित सेना संग्रहालय)
(शेष अगली कड़ी में…)
 |
हिमाचल प्रदेश के जिला काँगड़ा से संबन्ध रखने वाले भगत राम मंडोत्रा एक सेवानिवृत्त सैनिक हैं। उनकी प्रकाशित पुस्तकें हैं ― जुड़दे पल, रिह्ड़ू खोळू, चिह्ड़ू मिह्ड़ू, परमवीर गाथा.., फुल्ल खटनाळुये दे, मैं डोळदा रिहा, सूरमेयाँ च सूरमे और हिमाचल के शूरवीर योद्धा। यदाकदा 'फेस बुक' पर 'ज़रा सुनिए तो' करके कुछ न कुछ सुनाते रहते हैं। |
