फौजियां दियां जिंदगियां दे बारे च असां जितणा जाणदे, तिसते जादा जाणने दी तांह्ग असां जो रैंह्दी है। रिटैर फौजी भगत राम मंडोत्रा होरां फौजा दियां अपणियां यादां हिंदिया च लिखा दे थे। असां तिन्हां गैं अर्जी लाई भई अपणिया बोलिया च लिखा। तिन्हां स्हाड़ी अर्जी मन्नी लई। हुण असां यादां दी एह् लड़ी सुरू कीती है, दूंई जबानां च। पेश है इसा लड़िया दा नौंमा मणका।
........................................................................
सहीदां
दियां समाधियां दे परदेसे च (नौमीं कड़ी)
बोमडिला ते थल्लें उतरी करी असां दिरांग आई रैह् थे। दिरांग बोमडिला ते तकरीबन 42 किलोमीटर अग्गें पौंदा है। तिसदे परंत सेंगे दी चढ़ाई लगी पोंदी है। दिरांग ते सेंगे तकरीबन 37 किलोमीटर दूर है। इस दिरांग च, सन् 1962 दे भारत चीन जंग दे दौरान, चीनी फौज़ें सेला दे डिफेंस च लगेयो पिच्छें हटदे म्हारे इन्फेंट्री ब्रिगेड जो बड़ा भारी नुकसान पजाया था। मैं दिलें ही दिलें तिन्हां सहीदां जो मत्था टेक्केया था।
मिंजो अपणी फौज़ी सर्विस दे दौरान अरुणाचल प्रदेश च तिन्न बरी जाणे दा मौका मिल्लेया था। पहली बरी सन् 1989-1991 दे दौरान मैं तवांग ते अग्गें लुम्पो नां दिया जगह रिहा था जिसदा ज़िकर एत्थू होआ दा। दूइया बारिया सन् 2002-2003 च मिंजो दूर पूर्वे पासें तेजू कनै वालोंग च रैह्णे दा मौका नसीब होया था कनै खीरी बारिया सन् 2003-2005 दा वक्त मैं दोहंग च कट्टेया था। तिन्न-तिन्न बारी अरुणाचल प्रदेश च जाणे दिया बजह ते मेरा जाण जम्मू-कश्मीर च नीं होई सक्केया था। मिंजो सांहीं, देहा कोई ही जाई नै होंगा, जिन्नी 32 साल फौज़ी सर्विस कित्ती होए कनै कदी भी जम्मू-कश्मीर च नीं गया होए।
थोड़ी कि देरा परंत सेंगे दी चढ़ाई लगी पई थी। संझ ढळा दी थी। सर्पे सांहीं टेढ़िया-मेढ़िया चढ़ाइया चढ़दे वक्तें काह्ली-काह्ली पहाड़ां दियां चोटियां गास धुप नज़र आई जांदी थी। ताह्ली चाणचक मौसमें ब्याट मारी ती थी कनै बरखा दा छैह्बर पईया था। गड्डिया दे अग्गें हैड लाइटां जळियां थियां पर मिंजो सड़क नज़र नीं औआ दी थी। मैं हैरान था कि नायक याद राम यादव गड्डिया जो किंञा चलादे थे। गड्डिया दे सीह्से दे अंदरले पासें जम्मेयो भाफे जो पूंह्जणे तांईं मैं खीह्से ते रुमाल कड्ढी करी इस्तेमाल कित्ता था पर तिसते भी कोई फैदा नीं होया था। बाहर किछ भी नीं सुज्झा दा था अपर नायक यादव गड्डिया जो चलांदे ही जा दे थे। मिंजो डर लगा दा था कि कुतह्की गड्डी संगड़िया सड़का ते खिसकी करी थल्ले जो नीं चली जाए कनै असां दा सफ़र तित्थू ही नीं ख़त्म होई जाऐ। जाह्लू मैं तिन्हां जो ग्लाया था कि सड़क तां सुज्झा दी ही नीं, कैंह् नीं असां खड़ोई करी बरखा दे ठमकौणे जो निहागी लैंण तां तिन्हां जवाब दित्ता था, 'सर, तुसां रति भर भी फिकर मत करा, सड़का दे इक पासें ढाब है मैं तिसा दे सहारें सड़का दा अनुमान लगाई सकदा। अज्ज मैं तुसां जो सेंगे पजाई नै ही छड़णा है।' मैं चुपचाप हाखीं मिट्टी करी बैठह्या-बैठह्या भगुआने नै परारथना करदा जा दा था कि नायक यादव होरां दा अंदाजा कुतह्की गलत नीं होई जाए।
जाह्लू असां सेंगे पुज्जे घुप नेह्रा होई गिह्या था। तिन्हां दिनां च सेंगें फौज़ा दा इक ट्रांजिट कैम्प होआ करदा था। जाह्लू असां कैम्प दे गेटे पर पुज्जे बरखा चुक्की गइयो थी। मैं गड्डिया ते लोही करी संतरिए ते पुच्छेया था कि असां राती जो कुत्थू रैह्णा था। मेरी गल्ल अणसुणी करदे होयां संतरिएं उल्टा मिंजो ते सुआल कित्तेया था, 'क्या तुसां हौळदार भगत राम हन?' मेरे हाँ बोळणे पर तिन्नी दस्सेया था, 'तुसां दे कर्नल साहब, जेह्डे एत्थू अफसर एकमोडेसन च ठहरेयो, घड़ियें-घड़ियें फोने करी नै तुसां दे औणे दे बारे च पुच्छा दे हन। लिया, पैह्लें तिन्हां कन्नै गल्ल करा।' एह् गलाई करी तिन्नी फोन मिलाई नै हैंड सेट मेरे हत्थें पकड़ाईता था। उप-कमाण अफसर होरां असां दा हालचाल पुच्छेया था कनै अगलिया भ्यागा दे सत बजे अग्गें कूच करने हुक्म दित्ता था।
सेंगे च होरती ते ठंड किछ जादा ही थी। उप-कमाण अफसर होरां ग्लाह्या था कि तिन्हां ट्रांजिट वाळेयां जो असां दा खाणा गरम रखणे तांईं बोलह्या था पर असां जो तित्थू ठंडा खाणा ही मिल्लेया था। एह् असां तांईं कोई नोंईं गल्ल नीं थी। जादातर फौज़ियां जो देहियां गल्लां झेलणे दी आदत होंदी है। फौज़ी जींण अपणे आपे च इक जोख़मा नै भरोया सफ़र होंदा है। इस सफ़रे च फौज़िए दिया जिंदगिया दा सुनहरा वक्त गुज़री जांदा है। जेह्ड़े लोक इस जोख़म भरे सफ़रे दा भरपूर नन्द लैंदे तिन्हां जो अपणी जिंदगी दा इक खास हिस्सा इस च गुज़ारने दा पछता कतई नीं होंदा है।
फ़ौजी बेसक इक मुस्कल जींण जींदे हन। सान जींण जीणे दी इच्छा रखणे वाळेयां जो फ़ौजी जीण कतई माफक नीं बैंह्दा। अरामपरस्त लोक फ़ौजा च जाई करी सिस्टम ते मेह्सा नराज़ रैंह्दे हन कनै फ़ौजा तांईं नासूर बणी जांदे हन। तिन्हां दी इक मिसाल अज्जकल सैह् नोजुआन हन जेह्ड़े फ़ौजा दे खाणे कनै होर सहूलतां दा रोणा रोंदे वीडियो वायरल करदे रैंह्दे हन। घरां च भी तां मती बरी खाणा खरा नीं बणदा पर तिसदा वीडियो वायरल नीं होंदा है। फ़ौज दियां बैरकां सच्चे फ़ौजिये दा घर ही होंदियां हन। मैं बत्ती साल फ़ौजा च कट्टे। तिस जमानें फ़ौजियां जो अज्जकल्ला ते घट सहूलतां मिलदियां थियां। मतियां मुस्कलां साह्मणे आइयां। इक दो मौकेयां पर फ़ौज छड्डी देणे दी गल्ल भी दिले च आई। अपर मैं फ़ौजा दिया नौकरिया जो इक एडवेंचर दे तौर पर लिया कनै इक गनर ते लई करी सूबेदार मेजर तिकर 32 बरहियां दा लम्मा सफर बड़े मजे कन्नै गाह्या। अज्ज मैं जाह्लू फ़ौजी बर्दिया च अपणे पराणे फोटू दिक्खदा तां तिन्हां जो सलूट करने जो दिल करदा कनै दिल इक बरी फिरी एक्टिव फ़ौजी जिन्दगी जीणे तांई कुह्कां मारदा।
अगले दिनै भ्यागा असां दत्तैलू करी ने दस्सिह्या ठाहरी जाई रैह् थे कनै फिरी लेफ्टिनेंट कर्नल होरां दिया जोंगा पिच्छें-पिच्छें चली पै थे। थोड़ी कि देर गुआही चढ़णे दे परंत असां वैसाखी पोंह्ची गै थे। वैसाखी सेंगे ते तकरीबन 12 किलोमीटर उपरले पासें पोंदी है। तिन्हां दिनां च तित्थू तोपखाने दी इक फील्ड रेजिमेंट दा ठकाणा होंदा था। असां तित्थू थोड़ी कि देर रुके थे। तिन्हां असां जो चाह्यी कन्नै गर्मागर्म पकौड़े परोसे थे, जेह्ड़े असां मज़े नै सुआद लगाई करी खाह्दे थे। वैसाखी ते सड़कें-सड़कें 14 किलोमीटर तिकर चढ़ाई चढ़नें परंत असां सेला दिया चूंडिया गास पोंह्चणा था।
तित्थू ते विदा लई करी असां अपणा सफ़र ज़ारी रक्खेया था। मील पत्थर दसदे जा दे थे कि सेला दर्रे दी दूरी लगातार घटदी जा दी थी। मिंजो सेला दर्रे पर पूजणे दी कनै तित्थू दा नज़ारा दिक्खणे दी काह्ळी लगियो थी। उतणिया उच्चाइया गास होणे दा नन्द मैं जिंदगी च पहली बरी लैणे वाळा था।
तकरीबन 11 बजे असां दी वन टन गड्डी सेला दे टॉप पर थी। मैं नायक यादव होरां जो गड्डी रोकणे तांईं ग्लाया था। गड्डिया रुकदिया ही मैं छाळ मारी नै थल्लें उतरी गिया था। मनमोहणे वाळा बड़ा छैळ नज़ारा था। देहा बझोआ था कि मैं हत्थ उप्पर करी बदळां जो छूई सकदा था। उप-कमाण अफ़सर होरां दी जोंगा सेला दे दूजे पासे दिया टेढ़िया-मेढ़िया लुआह्इया उतरदी नूरानांग बक्खी जांदी साफ नज़र औआ दी थी। सेला पर बर्फ दा नसाण तिकर नीं था। चौंह् पासें मनमोह्णी रिहाली थी, जुलाई दा महीना जे था। मैं खुस होई नै सैला उप्पर 20-25 मीटर सण्हूट लगाई दित्ती थी। ऑक्सीजन दी घाट होणे दिया बजह नै मेरा साह फुल्ली गिया तां मैं लक्के पर अपणे दोयो हत्थ रक्खी करी खड़ोई नै चौंह पासें नज़र मारी थी। तित्थू ही कुह्तकी 1962 दे भारत-चीन जंग च सहीद होयो ब्रिगेडियर होशियार सिंह होरां दा ब्रिगेड हैडकुआटर होंदा था।
नायक यादव मेरियां तिन्हां हरकतां जो दिक्खी नै हैरान थे। किछ देरा परंत मैं अपणिया सीटा पर आई बैठेया था कनै नायक यादव होरां गड्डी गेअरा च पाई दित्ती थी। तिन्हां मिंजो खबरदार कित्ता था कि मिंजो तिसा उच्चाइया पर बगैर अक्लाइमटाइज़ेशन ते उतणी तेज दौड़ नीं लगाणी चाहिदी थी। नायक यादव जो पता नीं था कि मैं इक पहाड़ी मुंडा था।
अरुणाचल प्रदेश दे दो जिलेयां, पच्छमी कामेंग कनै तवांग दिया हद्दा पर सेला (Sela) दर्रा तवांग जाणे दे रस्ते च 13700 ते किछ ज्यादा उंच्चाइया पर पौंदा है। तित्थू ते गजरने वाळी सड़क तवांग जो दिरांग कनै गुवाहाटी कन्नै जोड़दी है। सेला गुवाहाटी ते 340 किलोमीटर दूर है कनै तवांग शहर सेला ते 78 किलोमीटर अग्गें है।
सेला दिया चोटिया दे नेडें उत्तर दिशा च इक झील है। बौद्ध धर्म दे मुताबक एह झील तिस इलाके च पौणे वाळियां तकरीबन 101 पवित्र झीलां च इक है। तित्थू स्याळें बड़ी भारी बर्फबारी होंदी है। जेकर बरसाती दे दिनां च ल्हाए पोणे दिया बजह ते रस्ते च रुकावट नीं पोए तां एह् दर्रा सारा साल खुल्ला रैंह्दा है। गर्मियां कनै बरसाती दे मौसमां च झील दे अक्खे-बक्खे दा हरा-भरा इलाका याकां दी चारागाह दे कम्में औंदा है।
........................................................................
शहीदों
की समाधियां के प्रदेश में (नौवीं कड़ी)
बोमडिला से नीचे उतर कर हम दिरांग पहुंचे थे। दिरांग बोमडिला से लगभग 42 किलोमीटर की दूरी पर स्थित है। उसके बाद सेंगे की चढ़ाई प्रारम्भ हो जाती है। दिरांग से सेंगे की दूरी लगभग 37 किलोमीटर है। इसी दिरांग में सन् 1962 के भारत-चीन युद्ध के दौरान चीनियों ने सेला की रक्षा के लिये तैनात पीछे हटते हुए हमारे इन्फेंट्री ब्रिगेड को बहुत नुकसान पहुंचाया था। मैंने दिल ही दिल में उन शहीदों को नमन किया था।
मुझे अपने सैन्य सेवाकाल के दौरान अरुणाचल प्रदेश में तीन बार जाने का अवसर प्राप्त हुआ था। पहली बार सन् 1989-1991 के दौरान मैं तवांग से आगे लुम्पो में रहा था जिसकी यात्रा का ज़िक्र यहां हो रहा है। दूसरी बार सन् 2002-2003 में मुझे सुदूर पूर्व में तेजू और वालोंग में रहने का सौभाग्य प्राप्त हुआ था और अंतिम बार सन् 2003-2005 का समय मैंने दोहंग में व्यतीत किया था। अरुणाचल प्रदेश में तीन-तीन बार जाने के कारण मेरा जम्मू और कश्मीर में जाना नहीं हो पाया था। मेरी तरह बिरला ही कोई सैनिक होगा जिसने 32 वर्ष सैन्य सेवा की हो और कभी जम्मू और कश्मीर में न गया हो।
कुछ ही देर में सेंगे के लिए चढ़ाई शुरू हो गयी थी। शाम ढल रही थी। सर्पाकार सड़क को चढ़ते हुए कभी-कभी धूप पर्वत शिखरों पर दिख जाती थी। तभी अचानक मौसम ने अंगड़ाई ली थी और मूसलाधार बारिश शुरू हो गयी थी। गाड़ी के आगे हैड लाईटें जली होने के बावजूद मुझे सड़क नज़र नहीं आ रही थी। मुझे ताज्जुब हो रहा था कि नायक यादव गाड़ी कैसे चला रहे थे। गाड़ी की विंड शील्ड के अंदर की ओर जमी भाप को साफ करने के लिए मैंने जेब से अपना रुमाल निकाल कर इस्तेमाल किया था पर उस से भी पारदर्शिता में कोई खास बढ़ोतरी नहीं हुई थी पर नायक यादव गाड़ी चलाते ही जा रहे थे। मुझे डर लग रहा था कि कहीं गाड़ी संकरी सड़क से फिसल कर नीचे न चली जाए और सफर वहीं न समाप्त हो जाए। मैंने जब उन्हें बताया था कि सड़क तो दिख नहीं रही। क्यों न हम रुक कर बारिश थमने का इंतजार करें। तब उन का जवाब था, "सर, आप ज़रा भी फिक्र न करें मैं सड़क के एक तरफ जो पहाड़ है उसका सहारा लेकर रोड का अंदाजा लगा सकता हूँ। मैं आपको आज सेंगे ज़रूर पहुंचाऊंगा।" मैं चुपचाप आँखें बंद करके बैठे-बैठे भगवान से प्रार्थना करता जा रहा था कि नायक यादव का अंदाजा कहीं चूके न।
जब हम सेंगे पहुँचे तो घुप अंधेरा हो चुका था। उन दिनों सेंगे में सेना का एक ट्रांजिट कैंप हुआ करता था। जब हम कैंप के गेट पर पहुंचे, बारिश थम गई थी। मैंने गाड़ी से उतर कर वहां तैनात संतरी से पूछा था कि हमें रात को कहां ठहरना था। संतरी ने मेरी बात अनसुनी करते हुए उल्टा मुझ से प्रश्न किया था, "क्या आप हवलदार भगत राम हैं?" मेरे हाँ कहने पर उसने बताया, "आपके कर्नल साहव, जो यहां अफ़सर एकमोडेशन मैं ठहरे हैं, बार-बार फोन कर के आपके आने के बारे में पूछ रहे हैं। पहले आप उनसे बात कीजिये।" यह कह कर उसने फोन मिला कर हैंड सेट मेरे हाथ में थमा दिया था। उप-कमान अधिकारी ने हमारी कुशल क्षेम पूछी थी और अगली सुबह के सात बजे आगे कूच करने के निर्देश दिए थे।
सेंगे में अपेक्षाकृत अधिक सर्दी थी। उप-कमान अधिकारी ने कहा था कि उन्होंने ट्रांजिट कैम्प वालों को हमारा खाना गर्म रखने के लिये बताया था पर हमें वहां ठंडा खाना ही मिला था। ये हमारे लिए कोई नई बात नहीं थी। सैनिक आमतौर पर ऐसी बातें झेलने के आदी होते हैं। सैनिक जीवन अपने आप में एक जोखिम भरी यात्रा होता है। इस यात्रा में सैनिक के जीवन का स्वर्णकाल गुज़र जाता है। जो व्यक्ति इस जोखिम भरे सफर का भरपूर आनंद लेते है उन्हें अपनी जिंदगी के महत्वपूर्ण वर्ष इसमें गुजारने का कतई पछतावा नहीं होता है।
सैनिक निःसन्देह एक कठिन जीवन जीते हैं। सुगम जीवन जीने की चाह रखने वालों के लिए सैनिक जीवन कदापि उपयुक्त नहीं होता। आरामपरस्त लोग सेना में जाकर सिस्टम से हमेशा नाराज़ रहते हैं और सेना के लिए नासूर बन जाते हैं। इनका एक उदाहरण आजकल वे नोजवान हैं जो सेना के खाने और सुविधाओं का रोना रोते हुए वीडियो वायरल करते रहते हैं। कई बार घर में भी तो खाना अच्छा नहीं बनता है पर उसका कोई वीडियो वायरल नहीं होता है। सेना की बैरकें एक सच्चे सैनिक का दूसरा घर होती हैं। मैंने 32 वर्ष सेना में गुज़ारे। उस जमाने में सैनिकों को आज की तुलना में कम सुविधाएं उपलब्ध थीं। कई कठिनाईयों से गुजरना पड़ा। एक दो मौकों पर फ़ौज छोड़ देने की बात भी मन में आई पर मैंने सैनिक जीवन को एडवेंचर के तौर पर लिया और गनर से लेकर सूबेदार मेजर तक का 32 वर्ष लम्बा सफर खुशी-खुशी तय कर लिया। आज मैं जब वर्दी में अपने पुराने फ़ोटो देखता हूँ तो उन्हें सेल्यूट करने को मन करता है और हृदय में वो जीवन एक बार फिर से जीने की ललक उमड़ती है।
अगले दिन सुबह हम ब्रेकफास्ट करके निर्धारित स्थान पर पहुँच गए थे और लेफ्टिनेंट कर्नल महोदय की जोंगा के पीछे-पीछे चल दिए थे। कुछ देर चढ़ाई चढ़ने के उपरांत हम वैसाखी पहुंच गए थे। वैसाखी सेंगे से लगभग 12 किलोमीटर ऊपर की ओर पड़ती है। उन दिनों वहां पर तोपखाने की एक फ़ील्ड रेजिमेंट का ठिकाना हुआ करता था। हम वहां कुछ देर रुके थे। उन्होंने हमें चाय के साथ गर्मागर्म पकौड़े खिलाए थे। जिनका हमने भरपूर आनंद लिया था। वैसाखी से सड़क की 14 किलोमीटर तक और चढ़ाई तय कर के हमें सेला की चोटी पर पहुंचना था।
वहां से रुखसत हो कर हमने आगे की यात्रा जारी रखी थी। मील पत्थर बताते जा रहे थे कि सेला दर्रे की दूरी निरंतर कम होती जा रही थी। सेला दर्रे पर पहुंचने और वहां का नज़ारा देखने की मेरी उत्सुकता बढ़ती जा रही थी। उतनी ऊंचाई पर होने का आनंद मैं जीवन में पहली बार लेने वाला था।
लगभग 11 बजे हमारी वन टन गाड़ी सेला के शिखर पर थी। मैंने नायक यादव को गाड़ी रोकने के लिए कहा था। गाड़ी रुकते ही मैं नीचे उतरा था। अदभुत मनोरम दृश्य था। ऐसा लग रहा था कि मैं चहलकदमी करते बादलों को हाथ उठा कर छू सकता था। उप-कमान अधिकारी महोदय की जोंगा सेला के दूसरी और टेढ़ी-मेढ़ी सड़क से नीचे की ओर स्थित नूरानांग की ओर उतरती साफ-साफ नज़र आ रही थी। सेला पर बर्फ का निशान तक नहीं था। चारों और मनमोहक हरियाली थी, जुलाई का महीना जो था। मैंने सेला पर हर्षोन्माद में लगभग 20-25 मीटर की दौड़ लगाई थी। ऑक्सीजन की कमी के कारण सांस फूल गया तो दोनों हाथों से अपनी कमर पकड़ कर खड़े-खड़े चारों ओर नज़र दौड़ाई थी। यहीं कहीं 1962 के भारत-चीन युद्ध के दौरान, सेला की रक्षा के लिये तैनात, शहीद ब्रिगेडियर होशियार सिंह का ब्रिगेड हेड-क्वार्टर हुआ करता था।
नायक यादव मेरी उन हरकतों को देख कर आश्चर्य चकित मुद्रा में थे। कुछ क्षणों के बाद मैं वापस आकर अपनी सीट पर बैठ गया था और नायक यादव ने गाड़ी गियर में डाल दी थी। उन्होंने मुझे सावधान किया था कि मुझे उस ऊंचाई पर, बिना अक्लाइमटाइज़ेशन के उतनी तेज दौड़ नहीं लगानी चाहिए थी। नायक यादव को पता नहीं था कि मैं एक पहाड़ी मुंडा था।
अरुणाचल प्रदेश के दो जिलों, पश्चिमी कामेंग और तवांग, की सीमा पर स्थित सेला (Sela) दर्रा 13700 फुट से अधिक ऊँचा है और तवांग जाने के रास्ते में पड़ता है। यहां से गुजरने वाला मार्ग तवांग को दिरांग और गुवाहाटी से जोड़ता है। सेला गुवाहाटी से 340 किलोमीटर की दूरी पर स्थित है और तवांग शहर सेला से 78 किलोमीटर आगे है।
सेला के शिखर के समीप उत्तर दिशा में एक झील स्थित है। बौद्ध धर्म के अनुसार यह झील इस क्षेत्र में पड़ने वाली लगभग 101 पवित्र झीलों में से एक है। यहां सर्दियों में बहुत बर्फबारी होती है। अगर बरसात में भूस्खलन से मार्ग में बाधाएं न आएं तो यह दर्रा वर्ष भर खुला रहता है। ग्रीष्म और वर्षा ऋतुओं में झील के आसपास का हरा-भरा क्षेत्र याकों की चारागाह के तौर पर इस्तेमाल होता है। (सेला दर्रे का चित्र इंटरनेट से साभार)
भगत
राम मंडोत्रा हिमाचल प्रदेश दे जिला कांगड़ा दी तहसील जयसिंहपुर दे गरां चंबी दे रैहणे
वाल़े फौज दे तोपखाने दे रटैर तोपची हन। फौज च रही नैं बत्ती साल देश दी सियोआ
करी सूबेदार मेजर (ऑनरेरी लेफ्टिनेंट) दे
औद्धे ते घरे जो आए। फौजी सर्विस दे दौरान तकरीबन तरताल़ी साल दिया उम्रा च एम.ए. (अंग्रेजी साहित्य) दी डिग्री
हासिल कित्ती। इस ते परंत सठ साल दी उम्र होणे तिकर तकरीबन पंज साल आई.बी. च, 'असिस्टेन्ट सेंट्रल इंटेलिजेंस
अफसर' दी जिम्मेबारी निभाई।
लिखणे दी सणक कालेज दे टैमें
ते ही थी। फौज च ये लौ दबोई रही पर अंदरें-अंदरें अग्ग सिंजरदी
रही। आखिर च घरें आई
सोशल मीडिया दे थ्रू ये लावा बाहर निकल़ेया।
हाली तिकर हिमाचली पहाड़ी च चार
कवता संग्रह- जुड़दे पुल, रिहड़ू खोळू, चिह्ड़ू-मिह्ड़ू, फुल्ल खटनाळुये दे, छपी
चुक्केयो। इक्क हिंदी काव्य कथा "परमवीर गाथा सेकंड लेफ्टिनेंट
अरुण खेतरपाल - परमवीर चक्र विजेता" जो सर्वभाषा ट्रस्ट, नई दिल्ली ते 'सूर्यकांत त्रिपाठी निराला साहित्य सम्मान 2018' मिली
चुकेया।
हुण फेस बुक दे ज़रिये 'ज़रा सुनिए तो' करी नैं कदी-कदी किछ न किछ सुणादे रैंहदे हन।
