यादां फौजा दियां

 

फौजियां दियां जिंदगियां दे बारे च असां जितणा जाणदे, तिसते जादा जाणने दी तांह्ग असां जो रैंह्दी है। रिटैर फौजी भगत राम मंडोत्रा होरां फौजा दियां अपणियां यादां हिंदिया च लिखा दे थे। असां तिन्हां गैं अर्जी लाई भई अपणिया बोलिया च लिखा। तिन्हां स्हाड़ी अर्जी मन्नी लई। हुण असां यादां दी एह् लड़ी सुरू कीती है, दूंई जबानां च। पेश है इसा लड़िया दा ठाह्उआं मणका।

.....................................................................

समाधियाँ दे परदेस च  

'समाधियाँ दे परदेस च' अपणियाँ यादाँ दे सिलसिले जो हकीकी/तथपरक बणाणे ताँईं जाह्लू मैं 1962 दे भारत-चीन जंग दे बारे च इंटरनेट च तोप-ठुंड करा दा था ताँ मेरी नजर भारत दी फौज दे तोपखाने दे इक तदकणे सेकिंड लेफ्टिनेंट दी कहाणिया पर पयी।  मैं तिस लेख जो झटपट पढ़ी सट्टेया।  मिंजो तिस फौजी अफसर दी कमाँड च नौकरी करने दा मौका मिल्लेह्या था — सैह् थे ब्रिगेडियर अमर जीत सिंह बहल। जिंह्ञा कि मैं अपणियाँ यादाँ च मती बरी जिक्र कित्तेह्या कि अरुणाचल प्रदेश दे लुम्पो च तैनात इक फील्ड रेजीमेंट च शामिल होणे ते पैह्लैं मैं राजस्थान च इक ब्रिगेड हैडकुआटर च कम्म करदा था। तिस तोपखाना ब्रिगेड दे कमाँडर ब्रिगेडियर अमर जीत सिंह बहल ही थे। बाहर ते कड़क कनैं अंदर ते नरम सभाओ वाळे ब्रिगेडियर बहल लाल पगड़ी पैह्नदे थे।  जिसते पता लगदा था कि सैह् तोपखाने दी पैराशूट रेजीमेंट नै ताल्लुक रखदे थे। फौज च कई रंगां दियाँ टोपियाँ कनै पगड़ियाँ पहनियाँ जाँदियाँ हन्न। तोपचियाँ दी टोपी जाँ पगड़ी दा रंग नीला होंदा है। लाल टोपी जाँ पगड़ी पैह्नणे दा हकदार सैह् ही होंदा है जिन्नी इक मुकर्रर गिणती च पैराशूट जम्प कित्तेह्यो होंण। 

एह् वाक्या तिस ब्रिगेड हैडकुआटर च मेरी टेन्युर दे खीरी दिनाँ दा है। डिविजनल हैडकुआटर ते इक चिट्ठी आइह्यो थी जिस च ब्रिगेड कमाँडर होराँ जो अपणी परिओडीकल मेडीकल इंस्पेक्शन तिस डिवीजन दी फील्ड एम्बुलेंस च करवाणे ताँईं मौजूद रहणे दी गल्ल लिक्खिह्यो थी। ब्रिगेड कमाँडर होराँ तिसा चिट्ठिया पर डीएएजी (डिप्टी असिस्टेंट एडजुटेंट जनरल) ताँईं 'स्पीक' लिक्खेह्या था। जाह्लू डाक मिंजो व्ह्ली वापस आयी ताँ मैं नियमा दे मुताबिक तिसा चिट्ठिया जो डीएएजी साहब व्ह्ली ब्रिगेड कमाँडर कन्नै 'स्पीक' करने ताँईं किह्ला नीं भेजदे होयें तिसा कन्नै ब्रिगेड कमाँडर दी मौजूदगी दसदा होया इक जवाब भी बणायी करी लगाई दित्ता। डीएएजी होराँ ब्रिगेड कमाँडर साहब कन्नै गल्ल कित्ते बगैर तिस जवाब पर साइन करी दित्ते। फाइल मिंजो व्ह्ली बापस आई गयी कनै सैह् साइन कित्तेह्या जवाब डिस्पैच होयी गिया। जाह्लू ब्रिगेड कमाँडर होराँ अगले दिनैं 'फ्लोट फाइल' च सैह् जवाब दिक्खेया ताँ सैह् बड़े नाराज होये। तिन्हाँ डीएएजी दे ऑफिस च आई करी तिन्हाँ जो खूब डाँट लगाई। तिन्हाँ दा नाराज होणा जायज था। गलती दी जड़ मैं था कनै डाँट डीएएजी साहब जो पई गयी थी। ब्रिगेड कमाँडर होराँ मेरे ऑफिस च भी आये थे। तिन्हाँ कन्नै डीएएजी समेत दूजे स्टाफ अफसर भी थे। कमरे च औंदेयाँ ही तिन्हाँ गुस्सें होई करी मिंजो बक्खी इशारा करदे होयाँ गलाया था, "मैं इसदी शक्ल नीं दिक्खणा चाँहदा। जित्थू इसदी पोस्टिंग आइह्यो तित्थू इस जो फौरन दफा करी दिया।" 

मैं अपणी गलतिया पर शर्मिंदा था। ब्रिगेड कमाँडर होराँ दे चले जाणे ते परंत मैं डीएएजी साहब होराँ व्ह्ली जाई नै अपणी भुल ताँईं माफी मंगी थी। डीएएजी मिश्रा साहब लेफ्टिनेंट कर्नल दे रैंक दे इक सुळझे होए अफसर थे।  तिन्हाँ मिंजो तसल्ली दिंदेयाँ होयाँ गलाया था, "कोई गल्ल नीं भगत, गलती मेरी भी है।" 

"सर, हुण मिंजो अपणी नोंईं युनिट च चली जाणा चाहिदा।" 

"हाँ, एह् ठीक रैह्णा, तुसाँ दे जाणे दा बग्त आई गिह्या है। कमाँडर साहब दी पोस्टिंग भी आई गइह्यो सैह् भी जाह्दे हन्न।" 

"अपर सर, मैं जाणा किंह्ञा? मीडियम रेजीमेंट दी सैह् गुम होइयो क्लासिफाइड फाइल ताँ हुण तिकर मिल्ली ही नीं। तिसा दा बहोत वबाळ मचणा है। तिस ताँईं "कोर्ट ऑफ इन्क्वायरी" ऑर्डर होणी कनै जेकर मैं नोंईं यूनिट च चला जाँदा है ताँ मिंजो पूछताछ ताँईं वापस सद्देया जाणा है।" 

"भगत, मैं सैह् फाइल कमाँडर साहब जो दित्ती थी। तिसा मिलणा जरूर है। तुसाँ बेफिक्र होई करी जा। तुसाँ इक कम्म करा, मिंजो व्ह्ली तिसा फाइला लई ओआ जिस च गुआचिया फाइला दा फॉरवार्डिंग लेटर है।" 

मैं तिस फाइल जो डीएएजी साहब व्ह्ली लई आया था। तिन्हाँ गुआचियो फाइला दे फॉरवार्डिंग लैटर गास अंग्रेजी च इक रिमार्क लिक्खी करी दस्तखत करी दित्ते थे। तिस रिमार्क दे मुताबिक तिन्हाँ सैह् गुआचियो फाइल मिंजो ते लई लइह्यो थी। हुण तिसा क्लासिफाइड फाइला दे गुआचणे दा इल्जाम मिंजो पर नीं लग्गी सकदा था। मैं बेफिक्र होई गिया था अपर मिंजो डीएएजी साहब दी फिक्र सताणा लगी पई थी। 

जिसा यूनिटा दी सैह् फाइल थी, उसा जो पता था कि ब्रिगेड कमाँडर कनै मैं, दोह्यो ही दूजी जगह पोस्टिंग जाह्दे थे। सैह् यूनिट हर रोज इक चिट्ठी लिक्खी करी तिसा फाइल जो वापस मंगा दी थी। तिसा फाइला जो ब्रिगेड हेडकुआटर च आइह्या जो इक साल होयी गिह्या था। शुरू-शुरू च इक दिन जद डीएएजी लेफ्टिनेंट कर्नल मिश्रा साहब कुसी पार्टी जाँ मीटिंग ताँईं 'गन हाउस' गैह्यो थे ताँ तिन्हाँ कमाँडर साहब कन्नै तिस फाइल दी चर्चा कित्ती थी।  ब्रिगेड कमाँडर साहब होराँ तिन्हाँ जो अपणे स्टडी रूम च जाई करी तिस फाइल जो तोपणे ताँईं गलाया था अपर डीएएजी साहब जो सैह् फाइल तित्थू नीं मिल्ली थी। तिसते पैह्लैं ब्रिगेड कमाँडर जो भी सैह् फाइल 'गन हाउस' च नीं मिल्ली थी। तिन्हाँ दिनाँ च ब्रिगेड हेडकुआटर दी सब्भना ब्राँचाँ दी डाक हर रोज ब्रिगेड कमाँडर जो दसणे ताँईं 'गन हाउस' जाँदी थी। 

मिंजो याद है तैह्ड़ी शनिचर था। मिंजो नोंईं यूनिट च जाणे ताँईं मूवमेंट ऑर्डर मिली गिह्या था। तैह्ड़ी दोपहराँ परंत ब्रिगेड कमाँडर साहब होराँ ब्रिगेड हेडकुआटर च तैनात सारेयाँ क्लर्कां जो अपणे रेजिडेंस च चाह पार्टी ताँईं सद्देह्या था। जाह्लू मेरे साथी हौळदार क्लर्क जी.एस. राओ होराँ मिंजो नै तिस पार्टी च जाणे दे बारे च गल्ल कित्ती ताँ मैं तिन्हाँ जो गलाया था, "दिक्ख राओ, मेरे हत्थैं मूवमेंट ऑर्डर है। हुण मैं इस ब्रिगेड हेडकुआटर दा हेस्सा नीं रहा।  मैं नीं जाणा है। तुसाँ जा।  इक कम्म करनेयों, कमाँडर साहब कन्नै तिस फाइल दे बारे च गल्ल करी नै दिक्खनेयों। होयी सकदा है सैह् मिली जाऐ।" 

संझा दे पंज बजणे जो थे।  हौळदार राओ दी साईकल मेरे क्वार्टर दे दरबाजे दे साह्म्णे आई रुकी थी। मैं बाहर निकळी नै दिक्खेया तिन्हां दे हत्थ च सैह् गुआचियो फाइल थी। पार्टी खत्म होणे पर सैह कमाँडर साहब दे रेजिडेंस ते सिद्धे मिंजो व्ह्ली आह्यो थे। तिन्हाँ मिंजो दस्सेया था कि तिन्हाँ जो दिक्खी नै कमाँडर होराँ पुच्छेया था, "तेरा गुरू पार्टिया च कैंह नीं आया?" 

"सर, हौळदार क्लर्क भगत राम ब्रिगेड हेडक्वार्टर ते एस.ओ.एस (स्ट्रक ऑफ स्ट्रेंग्थ) होई चुक्केह्यो हन्न।" 

"फिरी भी सैह् अज्हैं स्टेशन च ही ताँ है। तिस जो ओणा चाहिदा था।" 

मिंजो भी लग्गेया था, मिंजो तिसा पार्टिया च जाणा चाहिदा था। मिंजो तिसा गल्ला दा पछता हुण तिकर है। तिस बग्त मैं हौळदार राओ जो हिदायत दित्ती थी, "राओ, हुण तुसाँ सिद्धे डीएएजी साहब दे घरें जा कनै इसा फाइला जो तिन्हाँ जो हैंडओवर करी दिया।" 

होया एह् था कि हौळदार राओ होराँ, पार्टिया ते परंत, कमाँडर साहब होराँ नै तिस फाइल दे बारे च गल्ल कित्ती थी। तिन्हाँ राओ जो गलाया था कि सैह् तिसा फाइला जो तिन्हाँ दे स्टडी रूम च जाई नै तोपे। राओ तिस फाइल दे आकार-प्रकार कन्नै वाकिफ थे। तिन्हाँ स्टडी रूम च जाई नै, ब्रिगेड कमाँडर होराँ दी पर्सनल फाइलां नै तलमल भरोइयो अलमारिया च सैह् पतळी जेही फाइल तोपी निकाळी थी। 

(सन् 1962 च तदकणे सेकिंड लेफ्टिनेंट अमर जीत सिंह बहल होराँ अगले मोर्चे पर 'गन पोजीशन अफसर' दी जिम्मेदारी निभांदे होये दुश्मण नै जंगी कैदी बणाई लै थे।  सैह् कहाणी अगली कड़ी च।) 

 

.....................................................................

समाधियों के प्रदेश में (अट्ठाइसवीं कड़ी) 

'समाधियों के प्रदेश में' अपनी यादों के सिलसिले को तथ्यपरक बनाने के लिए जब में 1962 के भारत-चीन युद्ध के बारे में इंटरनेट में उपलब्ध जानकारी को खंगाल रहा था तो मेरी नज़र भारतीय सेना के तोपखाने के एक तत्कालीन नौजवान सेकिंड लेफ्टिनेंट की कहानी पर पड़ी।  मैंने उस लेख को तुरंत पढ़ डाला।  मुझे उस सैन्य अधिकारी के अधीन काम करने का सौभाग्य प्राप्त था ― वह थे ब्रिगेडियर अमर जीत सिंह बहल।  जैसे कि मैंने अपनी यादों में कई जगह उल्लेख किया है कि अरूणाचल प्रदेश के लुम्पो में स्थित एक फील्ड रेजीमेंट में शामिल होने से पहले मैं राजस्थान में एक तोपखाना ब्रिगेड के मुख्यालय में सेवारत था।  उस तोपखाना ब्रिगेड के कमाँडर ब्रिगेडियर अमरजीत सिंह बहल ही थे।  बाहर से कड़क और भीतर से नरम स्वभाव के चुस्त दरुस्त सिख सैन्य अधिकारी ब्रिगेडियर बहल, लाल पगड़ी पहनते थे, जिससे पता चलता था कि वह तोपखाने की पैराशूट रेजीमेंट से सम्बंध रखते थे। सेना के विभिन्न अंगों में विभिन्न रंग की टोपियाँ और पगड़ियाँ पहनी जाती हैं। तोपचियों की टोपी अथवा पगड़ी का रंग नीला होता है। लाल टोपी अथवा पगड़ी पहनने के लिए वही अधिकृत होता है जिसने निश्चित संख्या में पैराशूट जम्प किये हों। 

यह वाक्या उस ब्रिगेड मुख्यालय में मेरे सेवाकाल के अंतिम दिनों का है। डिविजनल मुख्यालय से एक पत्र आया था जिसमें ब्रिगेड कमाँडर से अपना नियत कालीन स्वस्थ निरीक्षण उस डिवीजन की फील्ड एबुलैंस में करवाने के लिए उपलब्ध रहने की बात कही गई थी। ब्रिगेड कमाँडर ने उस पत्र पर डीएएजी (डिप्टी असिस्टेंट एडजुटेंट जनरल) के लिए 'स्पीक' लिखा था।  जब डाक मेरे पास वापस आयी तो मैंने नियमानुसार उस पत्र को डीएएजी साहब के पास ब्रिगेड कमाँडर के साथ 'स्पीक' करने के लिए अकेला न भेजते हुए उसके साथ ब्रिगेड कमाँडर की उपलब्धता दर्शाता हुआ जवाब भी लगा दिया।  डीएएजी साहब ने ब्रिगेड कमाँडर साहब से बात किये बिना उस जवाब को हस्ताक्षरित कर दिया। फाइल मेरे पास बापस आ गयी और वह हस्ताक्षरित जवाब डिस्पैच हो गया।  जब ब्रिगेड कमाँडर साहब ने अगले दिन 'फ्लोट फाइल' में उस जवाब को देखा तो वह बहुत नाराज हुए। उन्होंने डीएएजी के ऑफिस में आ कर उन्हें खूब डाँट लगाई।  उनका नाराज होना स्वाभाविक था।  गलती की जड़, मैं था और डाँट डीएएजी साहब को पड़ गयी थी। ब्रिगेड कमाँडर साहब मेरे ऑफिस में भी आये थे।  उनके साथ डीएएजी सहित अन्य स्टाफ अफसर भी थे।  कमरे में घुसते ही उन्होंने क्रोधित हो कर मेरी ओर इशारा करते हुए कहा था, "मैं इसकी शक्ल नहीं देखना चाहता।  जहाँ इसकी पोस्टिंग आई है वहाँ इसे फौरन दफा कर दो।" 

मैं अपनी भूल पर शर्मिंदा था।  ब्रिगेड कमाँडर के चले जाने के बाद मैंने डीएएजी साहब के पास जाकर भूल के लिए क्षमा माँगी थी। डीएएजी मिश्रा साहब लेफ्टिनेंट कर्नल के रैंक के एक सुलझे हुए अफसर थे।  उन्होंने मुझे साँत्वना देते हुए कहा था, "कोई बात नहीं भगत, गलती मेरी भी है।" 

"सर, अब मुझे अपनी नई यूनिट में चले जाना चाहिए।" 

"हाँ, यह ठीक रहेगा आपके जाने का वक़्त आ गया है। कमाँडर साहब की पोस्टिंग भी आ गयी है वह भी जा रहे हैं।" 

"लेकिन सर, मैं जाऊं कैसे? मीडियम रेजीमेंट की वह गुम हुई क्लासिफाइड फ़ाइल तो अभी तक मिली ही नहीं। उसका बहुत वबाल मचेगा।  उस के लिए "कोर्ट ऑफ इन्क्वायरी" ऑर्डर होगी और अगर मैं नई यूनिट में चल जाता हूँ तो मुझे पूछताछ के लिए वापस बुलाया जाएगा।" 

"भगत, मैंने वह फ़ाइल कमाँडर साहब को दी थी। वह मिलेगी ज़रूर।  आप निश्चिंत हो कर जाइये। आप एक काम करो, मेरे पास उस फ़ाइल को ले आओ जिसमें उस गुमशुदा फ़ाइल का फॉरवार्डिंग लेटर है।" 

मैं उस फ़ाइल को डीएएजी साहब के पास ले आया था।  उन्होंने गुमशुदा फ़ाइल के फॉरवार्डिंग लैटर पर अंग्रेजी में एक रिमार्क लिख कर हस्ताक्षरित कर दिया था।  उस रिमार्क के मुताबिक उन्होंने वह गुमशुदा फ़ाइल मुझ से ले ली थी।  अब उस बर्गीकृत फ़ाइल के गुम होने का आक्षेप मुझ पर नहीं लग सकता था।  मैं निश्चिंत हो गया था परंतु मुझे डीएएजी साहब की चिंता सता रही थी। 

जिस यूनिट की वह फ़ाइल थी, उसे पता था कि ब्रिगेड कमाँडर और मैं, दोनों ही अन्यत्र पोस्टिंग जा रहे थे। वह यूनिट हर रोज एक पत्र लिख कर उस फ़ाइल को वापस माँग रही थी।  उस फ़ाइल को ब्रिगेड हेड क्वार्टर में आये हुए एक वर्ष से अधिक का समय हो गया था। शुरू-शुरू में एक दिन जब डीएएजी  लेफ्टिनेंट कर्नल मिश्रा साहब किसी पार्टी अथवा मीटिंग के लिए 'गन हाउस' गये थे तो उन्होंने कमाँडर साहब से उस फ़ाइल का जिक्र किया था।  ब्रिगेड कमाँडर साहब ने उन्हें अपने स्टडी रूम में जाकर उस फ़ाइल को खोजने के लिए कहा था परंतु डीएएजी साहब को वह फ़ाइल वहाँ नहीं मिली थी। उससे पहले ब्रिगेड कमाँडर को भी वह फ़ाइल 'गन हाउस' में नहीं मिली थी। उन दिनों ब्रिगेड मुख्यालय की सभी शाखाओं की डाक हर रोज ब्रिगेड कमाँडर के अवलोकनार्थ 'गन हाउस' में जाया करती थी।  

मुझे याद है उस दिन शनिवार था।  मुझे नई यूनिट में जाने के लिए संचालन आदेश मिल गया था।  उसी दिन दोपहर बाद ब्रिगेड कमाँडर साहब ने ब्रिगेड मुख्यालय में तैनात सभी क्लर्कों को अपने रेजिडेंस में चाय पार्टी पर बुलाया था।  जब मेरे साथी हवलदार क्लर्क जी.एस. राओ ने मुझ से उस पार्टी में जाने के बारे में बात की  तो मैंने उनसे कहा था, "देखो राओ, मेरे हाथ मे मूवमेंट ऑर्डर है।  अब मैं इस ब्रिगेड हेडक्वार्टर का हिस्सा नहीं रहा।  मैं नहीं जाऊंगा। आप जाओ।  एक काम करना, कमाँडर साहब से उस फ़ाइल के बारे में बात करके देखना। हो सकता है वह मिल जाए।" 

संध्या के पांच बजने को थे।  हवलदार राओ की साईकल मेरे क्वार्टर के दरबाजे के सामने आ रुकी थी।  मैंने बाहर निकल कर देखा उसके हाथ में वह खोई हुई फ़ाइल थी। पार्टी की समाप्ति पर वह  कमाँडर साहब के रेजिडेंस से सीधा मेरे पास आये थे।  उन्होने मुझे बताया था कि उन्हें देख कर कमाँडर ने पूछा था, "तेरा गुरू पार्टी में क्यों नहीं आया?" 

"सर, हवलदार क्लर्क भगत राम ब्रिगेड हेडक्वार्टर से एस.ओ.एस (स्ट्रक ऑफ स्ट्रेंग्थ) हो चुके हैं।" 

"फिर भी वह अभी तक स्टेशन में ही तो है।  उसे आना चाहिए था।" 

मुझे भी लगा था मुझे उस पार्टी में जाना चाहिए था। मुझे उस बात का खेद अभी तक है।  उस समय मैंने हवलदार राओ को निर्देश दिया था, "राओ, अभी आप सीधे डीएएजी साहब के घर जाओ और इस फ़ाइल को उन्हें हैंडओवर कर दो।" 

हुआ यह था कि हवलदार राओ ने पार्टी की समाप्ति पर कमाँडर साहब से उस फ़ाइल के बारे में बात की थी।  उन्होंने राओ से कहा था कि वह उस फ़ाइल को उनके स्टडी रूम में जाकर ढूंढे।  राओ उस फ़ाइल के आकार-प्रकार से परिचित थे।  उन्होंने स्टडी रूम में जाकर ब्रिगेड कमाँडर की व्यक्तिगत फाइलों से तलमल भरी अलमारी में वह पतली सी फ़ाइल खोज निकाली थी। 

(सन् 1962 में तत्कालीन सेकिंड लेफ्टिनेंट अमरजीत सिंह बहल अगले मोर्चे पर 'गन पोजीशन अफसर' की जिम्मेदारी निभाते हुए दुश्मन द्वारा जंगी कैदी बना लिये गये थे।  वह कहानी अगली कड़ी में।) 

हिमाचल प्रदेश के जिला काँगड़ा से संबन्ध रखने वाले भगत राम मंडोत्रा एक सेवानिवृत्त सैनिक हैं। उनकी  प्रकाशित पुस्तकें हैं ―       जुड़दे पल, रिह्ड़ू खोळू, चिह्ड़ू मिह्ड़ू, परमवीर गाथा.., फुल्ल खटनाळुये दे, मैं डोळदा रिहा, सूरमेयाँ च सूरमे और हिमाचल के शूरवीर योद्धा। यदाकदा 'फेस बुक' पर 'ज़रा सुनिए तो' करके कुछ न कुछ सुनाते रहते हैं।