यादां फौजा दियां

फौजियां दियां जिंदगियां दे बारे च असां जितणा जाणदे, तिसते जादा जाणने दी तांह्ग असां जो रैंह्दी है। रिटैर फौजी भगत राम मंडोत्रा होरां फौजा दियां अपणियां यादां हिंदिया च लिखा दे थे। असां तिन्हां गैं अर्जी लाई भई अपणिया बोलिया च लिखा। तिन्हां स्हाड़ी अर्जी मन्नी लई। हुण असां यादां दी एह् लड़ी सुरू कीती है, दूंई जबानां च। पेश है इसा लड़िया दा उण्त्तुआं मणका।

.....................................................................

समाधियाँ दे परदेस च 

 
जिंञा कि मैं इस सिलसिले दी पिछली कड़ी च दस्सेया था मिंजो ब्रिगेडियर अमर जीत सिंह बहल (रि) होराँ दे हेडकुआटर च कम्म करने दा मौका मिल्लेया था। सिलसिले दी एह् कड़ी इंडियन डिफेंस रिव्यु (जुलाई 2014-सितंबर 2014) च छपेह्यो ब्रिगेडियर अमर जीत सिंह बहल (रि) होराँ दे लेख "1962 वॉर - बैटल ऑफ नामका चू – ऐज आई सॉ इट" पर मुनहसर है। सन् 1962 दे भारत-चीन जंग च तदकणे सेकिंड लेफ्टिनेंट अमर जीत सिंह बहल 17 पैराशूट फील्ड रेजिमेंट दे 'ई' ट्रूप दे 'गन पोजिशन ऑफिसर' (जीपीओ) थे। तिस ट्रूप दे कमाँडर कैप्टन एच. एस. तलवार थे। भारत दी फौज दे तोपखाने दे तिस ट्रूप दी जिम्मेदारी तदकणे नेफा दे कामेंग फ्रंटियर डिवीज़न दे नामका चू च तैनात 7 इन्फैंट्री ब्रिगेड जो मदत देणा थी। ऑपरेशनल प्लान दे मुताबक 7 इन्फैंट्री ब्रिगेड जो थागला रिज पर हमला करी नैं चीनियाँ जो तित्थू ते नह्ठाणा था। तोपखाने की 36 हैवी मोर्टार रेजीमेंट दी इक बैट्री तित्थू पहले ते ही तिन्हाँ दिया मदता ताँईं तैनात थी। तित्थू तोपखाने दी तैनाती जो मजबूत करने ताँईं 17 पैराशूट फील्ड रेजिमेंट दे 'ई' ट्रूप जो एयर लिफ्ट कित्ता गिया था।
 
'ई' ट्रूप दे दो अफसर, दो जेसीओ कनै पंजताळी जुआन 30 सितंबर सन् 1962 दे दिन आगरा ते एयर फोर्स दे इक एएन-12 कनै तिन्न सी-119 होआई जहाजाँ च उड़े थे। तिन्हाँ व्ह्ली संयुक्त राज्य अमेरिका च बणिह्याँ चार 75 एमएम पैक हॉवित्जर तोपाँ थियाँ कनै सोगी तिन्हाँ दा 'इक फर्स्ट लाइन' गोळा बारूद था। सैह् सारी टुकड़ी हेडकुआटर, 4 इन्फैंट्री डिवीजन, तेजपुर च जायी रही थी। तित्थू तिन्हाँ जो जरूरी जाणकारी दित्ती गयी थी कनै नक्शे नीं होणे दिया वजह ते इलाके दे ब्लू प्रिंट दित्ते गै थे। तिन्हाँ ब्लू प्रिंटां च मैकमोहन लाइन जो थागला रिज दे कन्नै-कन्नै चलदा दस्सेया गिह्या था जेह्ड़ी नामका चू दे उत्तर बक्खी पोंदी है। 7 इन्फैन्ट्री ब्रिगेड जो नामका चू दे आसैं-पासैं तैनात कित्ता गिह्या था, जेह्ड़ा लड़ाई दे लिहाज ते कतई सही नीं था। सारे दा सारा ब्रिगेड ऊंचाई पर लग्गेह्यो चीनी फौज दे हथियाराँ दिया मारा च था।
 
जाह्लू सेकंड लेफ्टिनेंट अमरजीत सिंह बहल तेजपुर होआई अड्डे ते दिरंगा (भुटान) ताँईं उड़ाण भरने दी निहागा च थे ताँ तित्थू तिन्हाँ जो 4 कोर दे कमाँडर लेफ्टिनेंट जनरल ब्रिज मोहन कौल होराँ अप्पू व्ह्ली सद्दी ने ऑर्डर दित्ता था कि तिन्हाँ जो 10 अक्तूबर ते पहलैं त्संगधार च पोह्चणा होंगा नीं ताँ सैह् (बहल) मुसीबता च पई सकदे थे।
 
बहल कनै बाकी दे पैराट्रूपर इक औटर होआई जहाज च बैठी करी तेजपुर ते भूटान दे दिरंगा पोंहचे थे। तित्थू तिन्हाँ रात कट्टी कनै अगलिया भ्यागा हेलीकॉप्टर च बैठी नै ज़िमीथांग (नेफा-अरुणाचल प्रदेश) च हेडकुआटर, 7 इन्फैंट्री ब्रिगेड च जाई रैह् थे। अगले दिन बहल अपणे ट्रुप कन्नै कारपोला दर्रे ते होई करी त्संगधार ताँईं पैदल चली पै थे। तिस दर्रे दी ऊंचाई सोळह हजार फुट ते ज्यादा है। बहल कनै तिन्हाँ दा ट्रुप तित्थू दे होआ-पाणी च ढळे बगैर तिसा ठाहरी जाई रैह् थे। 8 अक्तूबर दिया संझा जो सैह् त्संगधार 'गन एरिया' च पोंह्ची गै थे। इस तरहाँ सैह् लेफ्टिनेंट जनरल कौल होराँ दे तै कित्ते गै दिन ते पहलैं ही दस्सिह्या ठाहरी जाई रैह् थे।
 
तिन्हाँ अपणे ट्रूप कमाँडर दे हुक्म पर 'गन पोजीशन' दो दिनाँ च तैयार करी लई थी। कारपोला-भूटान पगडंडी तिन्हाँ दे खब्बे पासैं थी कनै नामका चू (नदी) तिन्हाँ दे साह्म्णे ते होई करी बग्गा दी थी। तित्थू तिन्हाँ दियाँ तोपाँ कनै तिन्हाँ दा गोळा बारूद डकोटा होआई जहाजाँ दे जरिए तेजपुर ते उठाई करी 'एयर ड्रोप' कित्ता गिया था। तित्थू होआई जहाजाँ ताँईं मुड़ने दी घट जगह थी जिस दिया वजह ते तिन्हाँ ते सट्टेह्या बहोत सारा समान चीनियाँ दे हत्थ लगी गिया था। होआई जहाजाँ ते गिराये गै समान जो बिणने ताँईं सेकंड लेफ्टिनेंट बहल जो एक्स्ट्रा मेन पॉवर मुहैया कराई गयी थी। सैह् चौहाँ ते दो तोपाँ कनै अट्ठ सौ ते सिर्फ अस्सी राउंड एम्युनिशन रिकवर करने च कामयाब रैह् थे।
 
18 अक्तूबर सन् 1962 तिकर तिन्हाँ दे ट्रूप दे दो जेसीओ कनै इक ट्रूप हवलदार मेजर बीमार पोणे दिया बजह ते तित्थू ते कड्ढी नै पिच्छैं भेजणा पै थे। नर्सिंग असिस्टेंट दी बीमारी दिया बजह ते मौत होयी गयी थी। ट्रूप कमाँडर कैप्टन तलवार हेडकुआटर, 7 इन्फैंट्री ब्रिगेड च चले गैह्यो थे।
 
होआं च विश्वास दी कमी तरा दी थी। चीनियाँ पर हमला करने दे ऑर्डर रद्द करी दित्ते गै थे कनै भारत दी फौज जो डिफेंसिव रुख अख्तियार करने ताँईं बोल्या गिया था।
 
19/20 अक्टूबर दिया राती चीनियाँ नामका चू दे पारले कंढे पर घैने बळाई रखे थे। बहल होराँ जो तिसदे पिच्छे दी वजह दे बारे च कुसी ते किछ भी पता नीं चली सकेया था। तिन्हाँ अपणे गन एरिया दे संतरियाँ जो चेक कित्ता कनै सोणा चली गै थे। अगलिया भ्यागा 'स्टैंड टू' ते पहलैं ही चीन दे पासे ते भारी गोलाबारी शुरू होयी गयी थी। तिन्हाँ दे दो जुआन, गनर अवतार सिंह कनै रेडियो ऑपरेटर बुरे हालैं जख्मी होयी गै थे। भारी गोलाबारी दे चलदेयाँ सैह् तिन्हाँ जो एडवाँस्ड ड्रेसिंग स्टेशन नीं लई जाई सके थे जेह्ड़ा तित्थू ते करीबन तिन्न सौ गज दरेडैं था। तिन्हाँ उन्हाँ देयाँ जख्माँ ते अपणे हत्थां नै बमाँ दियाँ किरचां कढियाँ कनै जख्माँ पर ब्राँडी पाई करी पट्टी करी दित्ती थी। सैह् दोह्यो तकरीबन तिन्न महीने बाद चीन दे जंगी कैदी कैंप च पूरी तरहाँ ठीक होई गै थे।
 
तिस बग्त तिकर दिने दे 9 बजणा लगी पैह्यो थे। रेडियो पर तिन्हाँ दा कुसी ने कोई मिलाप नीं होयी पाह्दा था। सप्लाई डिपो कनै भी कोई गल-बात नीं होआ दी थी। जिंञा कि कुसी नै कोई गल-बात नीं होआ दी थी, ओपी ऑफिसर कैप्टन तलवार होराँ कोई फायर स्पोर्ट नीं मंगी सकदे थे। कैप्टन तलवार होराँ 7 इन्फेंट्री ब्रिगेड कमाँडर ब्रिगेडियर जेपी दलवी कन्नै ब्रिगेड हेडकुआटर ते हाथुंगला दे पासैं पिच्छैं हटणा लगी पैह्यो थे।
 
सेकंड लेफ्टिनेंट बहल होराँ व्ह्ली अपणिया मर्जिया नै 'डायरेक्ट शूटिंग' करने दे इलावा होर कोई चारा नीं था। तिन्हाँ शुरू च अपणी दूंहीं तोपाँ जो खब्बे पासैं ब्लैक रॉक दे इलाके पर डायरेक्ट फायरिंग दा हुक्म दित्ता कनै तिस पासैं हरेक तोपें तकरीबन बीह राउंड फायर कित्ते। तिन्हाँ, जिंञा कि गन पोजीशन दी फ्हाजत ताँईं अक्सर कित्ता जाँदा है, इक तगड़ी चौतरफा फ्हाजत दा बंदोबस्त कित्तेह्या था।
 
सेकंड लेफ्टिनेंट बहल होराँ इक छोटी गश्ती पार्टी एह् दिखणे ताँईं भेजी कि तिस हेलीकॉप्टर दा क्या होया जेह्ड़ा थोड़ी देर पहलैं तिन्हाँ ते थोड़ी दरेड़ा पर उतरेया था। तिन्हाँ जो दस्सेया गिया था कि लाल पगड़ी वाळे इक मेजर कनै इक स्क्वाड्रन लीडर, हेलिकॉप्टर दे नेडैं मरेह्यो पैह्यो थे। हेलीपैड तिन्हाँ दी गन पोजिशन ते तकरीबन चार सौ गज दूर था। अगले दिन तिन्हाँ जो पता चलेया था कि तिन्हाँ दो मृतकां च इक 4 डिवीजन सिग्नल रेजिमेंट दे सेकेंड-इन-कमाँड मेजर राम सिंह कनै दूजे भारत दी होआई फौज दे स्क्वाड्रन लीडर विनोद सहगल थे। बहल होराँ चीनी फौज दे जंगी कैदी बणी जाणे परंत अपणे किछ जुआनाँ दिया मदता नै तिन्हाँ जो तित्थू दफनाई दित्ता था। तिन्हाँ दे घर वाळेयाँ जो जेह्ड़ियाँ ताराँ भेजियाँ गइह्याँ थियाँ तिन्हाँ च लखोह्या था, ".....मिसिंग, बिलीव्ड डेड" अपर जाह्लू सन् 2014 च ब्रिगेडियर अमर जीत सिंह बहल (रि) दा उप्पर दस्सेह्या लेख छपेया ताँ तिन्हाँ दे घरे वाळे तिन्हाँ (बहल) कन्नै मिलणा आये थे। तदी जाई ने उप्पर दस्से दूंहीं अफसराँ दी वीरगति पाणे दी खबर तिन्हाँ दे घर वाळेयाँ जो मिल्ली थी। पचूंजा वरिह्याँ ते ज्यादा समै ते परंत तिन्हाँ जो एह् जाणी करी तसल्ली होइयो होंगी कि ब्रिगेडियर बहल होराँ तिन्हाँ दूंहीं अफसराँ जो तित्थू दफनाई दित्तेह्या था।
 
हेवी मोर्टार बैटरी दा हवलदार मेजर तिन्हाँ दी खंदक च एह् जाणने ताँईं आया कि तित्थू क्या होआ दा था। सैह् तिन्हाँ दिया खाइया च खड़ोतेया था कनै जाह्लू बहल होराँ दुश्मण पासैं इशारा करा दे थे ताहलू गोलियाँ दी इक बौछार आई कनै सैह् मारेया गिया। बहल होराँ दुश्मण गास फायरिंग करदे जाह्दे थे जेह्ड़ा तिस बग्त ब्लैक रॉक इलाके दे नेडैं था कनै तिन्हाँ दे पिच्छले पासैं भी। तिन्हाँ डायरेक्ट फायरिंग मोड च अपणी हरेक तोप ते तकरीबन बीह राउंड होर फायर कित्ते कनै तिसदे कन्नै ही तिन्हाँ दा गोळा बारूद मुकी गिया था। लड़ाई खूब तेज होंदी जाह्दी थी।
 
तिन्हाँ दे दो जुआन वीरगति जो प्राप्त होए कनै तिन्न होर जख्मी होयी गै थे। चीनी नेडैं ओंदे जाह्दे थे। सैह् भारत दी फौज दे सप्लाई पॉइंट तिकर आई रैह् थे। बहल होराँ दियाँ तिन्नों लाइट मशीनगनाँ लगातार फायरिंग करा दियाँ थियाँ कनै सैह् अपणे पर्सनल हथियाराँ दा इस्तेमाल भी करा दे थे। दोपहर होयी गैह्यो थे। भारत दी फौज पिच्छैं हटा दी थी। सप्लाई डिपो कनै फॉरवर्ड डिफेंस लाइन दे जुआन, तिन्हाँ दी गन पोजीशन दे नेडैं लगदी, भूटान दे पासैं जाणे वाळी पगडंडिया पर दौड़दे जाह्दे थे कनै तिन्हाँ जो तित्थू ही रुकणे कनै फायरिंग जारी रखणे ताँईं ग्लाह्दे थे। बहल होराँ बड़े फक्रे कन्नै ग्लाँदे हन्न कि तिन्हाँ दे कुन्हीं भी जुआनें तिस बग्त एह् सलाह नीं दित्ती थी कि तिन्हाँ जो पिच्छैं हटी जाणा चहीदा। सैह् अपणी पोजीशन पर डटी रैहे कनै पूरा जोर लगाई नै भरपूर आत्मविश्वास कन्नै लड़दे रैह् थे।
 
तिस बग्त तोपाँ कन्नै डायरेक्ट फायरिंग करना मुमकिन नीं था कैंह् कि जंग दे इलाके च भारत कनै चीन दे फौजियाँ दी भीड़ थी कनै म्हारे तोपचियाँ व्ह्ली गोळा बारूद भी मुकी गिह्या था। दोपहराँ परंत तिन्हाँ दी डटेह्याँ रैह्णे दी जिद तकरीबन-तकरीबन खत्म होयी गयी थी जाह्लू चीनियाँ तिन्हाँ जो चौंह पासेयाँ ते घेरा पाया दित्ता था। चीनी लाउडस्पीकर पर सरेंडर करने ताँईं रौळा पाह्दे थे। तिन्हाँ म्हारे पैराट्रूपर तोपचियाँ जो अपणी राइफलों दे बट कन्नै मारना शुरू करी दित्ता था। गर्वीले पैराट्रूपर्स ते ताह्लू सैह् चीनी जंगी कैदी बणी गै थे। सेकंड लेफ्टिनेंट बहल होराँ ताँईं सैह इक बहोत बड़ा सदमा था। तिस लड़ाई च तिन्हाँ अपणे तिन्न जुआन गुआई दित्ते थे कनै पंज जख्मी होई गै थे।
 
टीम इंडिया सेंटिनल्स दी 16 फरवरी सन् 2023 जो यू ट्यूब च पायी गयी 'सैंडी वॉर्स' शो दी कड़ी च, सैन्य इतिहासकार कनै इंडिया सेंटिनल्स दे रणनीतिक मामलेयाँ दे संपादक संदीप मुखर्जी होराँ ब्रिगेडियर अमर जीत सिंह बहल (रि) कन्नै 1962 दे भारत-चीन जंग दे दौरान नॉर्थ-ईस्ट फ्रंटियर एजेंसी च नामका-चू दी लड़ाई पर चर्चा कित्ती थी। तिस कड़ी च ब्रिगेडियर अमर जीत सिंह बहल (रि) होराँ अपणी आपबीती कनै दिक्खी सुणांदे होयाँ दस्सेया था, "ब्रिगेडियर जेपी दलवी होराँ अपणी किताब 'द हिमालयन ब्लंडर' (पेज 382) च लिक्खेया है कि तिन्हाँ मेरी तोपाँ जो खुली जगहाँ पर डायरेक्ट फायरिंग मोड च फायरिंग करदे दिक्खेया था कनै गन पोजीशन च बणे रहणे ताँईं मेरी टुकड़ी दी सरहाणा कित्ती थी।" ब्रिगेडियर अमर जीत सिंह बहल (रि) होराँ एह् भी दस्सेया था कि उन्हाँ दी यूनिटें अडिग साहस कनै वीरता ताँईं उन्हाँ ताँईं 'महावीर चक्र' दी सिफारिश कित्ती थी अपर लेफ्टिनेंट जनरल कुमारमंगलम होराँ एह् बोली करी सैह् सिफारिश रद्द करी दित्ती थी कि इक पैराट्रूपर ते बहादुरी दी मीद रखणी चाहीदी।
 

.....................................................................

समाधियों के प्रदेश में (उनतीसवीं कड़ी)

 
जैसा कि मैंने इस श्रृंखला की पिछली कड़ी में बताया था मुझे ब्रिगेडियर अमर जीत सिंह बहल (रि) के मुख्यालय में काम करने का सौभाग्य प्राप्त हुआ था। शृंखला की यह कड़ी इंडियन डिफेंस रिव्यु (जुलाई 2014-सितंबर 2014) में छपे ब्रिगेडियर अमर जीत सिंह बहल (रि) के लेख "1962 वॉर - बैटल ऑफ नामका चू – ऐज आई सॉ इट" पर आधारित है। सन् 1962 के भारत-चीन युद्ध में तत्कालीन सेकिंड लेफ्टिनेंट अमर जीत सिंह बहल 17 पैराशूट फील्ड रेजिमेंट के 'ई' ट्रूप के 'गन पोजिशन ऑफिसर' (जीपीओ) थे। उस ट्रूप के कमाँडर कैप्टन एच. एस. तलवार थे। भारतीय सेना के तोपखाने के उस ट्रूप की जिम्मेदारी तत्कालीन नेफा के कामेंग फ्रंटियर डिवीज़न के नामका चू में तैनात 7 इन्फैंट्री ब्रिगेड को सहायता प्रदान करना था। ऑपरेशनल प्लान के अनुसार 7 इन्फैंट्री ब्रिगेड को थागला रिज पर आक्रमण करके चीनियों को वहाँ से खदेड़ना था। तोपखाने की 36 हैवी मोर्टार रेजीमेंट की एक बैट्री वहाँ पहले से ही उनकी सहायता के लिए तैनात थी। वहाँ तोपखाने के सुदृढ़ीकरण करने के लिए 17 पैराशूट फील्ड रेजिमेंट के 'ई' ट्रूप को एयर लिफ्ट किया गया था।
 
'ई' ट्रूप के दो अफसर, दो जेसीओ और पैंतालीस जवान 30 सितम्बर सन् 1962 को आगरा से वायु सेना के एक एएन-12 और तीन सी-119 विमानों में उड़े थे। उनके पास संयुक्त राज्य अमेरिका में निर्मित चार 75 एमएम पैक हॉवित्जर तोपें थी और साथ में उनका 'एक फर्स्ट लाइन' गोला बारूद था। वह पूरी टुकड़ी मुख्यालय, 4 इन्फैंट्री डिवीजन, तेजपुर में जा पहुंची थी। वहाँ उन्हें ज़रूरी जानकारी से अवगत कराया गया और नक्शे उपलब्ध न होने के कारण क्षेत्र के ब्लू प्रिंट दिये गये थे। उन ब्लू प्रिंटों में मैकमोहन रेखा को थागला रिज के साथ-साथ चलते हुए दिखाया गया था जो नामका चू के उत्तर में है। 7 इन्फैन्ट्री ब्रिगेड को नामका चू के पास तैनात किया गया था, जो सामरिक दृष्टि से कतई सही नहीं था। समस्त ब्रिगेड ऊंचाई पर स्थापित चीनी सेना के हथियारों की जद में था।
 
जब सेकंड लेफ्टिनेंट अमरजीत सिंह बहल तेजपुर हवाई अड्डे से दिरंगा (भुटान) के लिए उड़ान भरने का इन्तजार कर रहे थे तो वहाँ मौजूद 4 कोर के कमाँडर लेफ्टिनेंट जनरल ब्रिज मोहन कौल ने उन्हें बुला कर निर्देश दिये थे कि उन्हें 10 अक्तूबर से पहले त्संगधार में पहुंचना होगा नहीं तो वह (बहल) मुसीबत में पड़ सकते थे।
 
बहल और शेष पैराट्रूपर एक औटर हवाई जहाज में बैठ कर तेजपुर से भूटान के दिरंगा पहुंचे थे। वहाँ उन्होंने रात काटी और अगली सुबह हेलीकॉप्टर द्वारा ज़िमीथांग (नेफा-अरुणाचल प्रदेश) में स्थित मुख्यालय, 7 इन्फैंट्री ब्रिगेड में जा पहुंचे थे। अगले दिन बहल अपने ट्रुप के साथ कारपोला दर्रे से हो कर त्संगधार के लिए पैदल चल दिये थे। उस दर्रे की ऊंचाई सोलह हजार फुट से अधिक है। बहल और उनका ट्रुप बिना अनुकूलन के ही उस जगह जा पहुंचे थे। 8 अक्तूबर की संध्या को वे त्संगधार 'गन एरिया' में पहुंच गये थे। इस प्रकार वे लेफ्टिनेंट जनरल कौल द्वारा तय की गई समय सीमा से पहले ही नियत स्थान पर पहुंच गये थे।
 
उन्होंने अपने ट्रूप कमाँडर के आदेश पर 'गन पोजीशन' दो दिन में तैयार कर ली थी। कारपोला-भूटान पगडंडी उनके बायीं ओर थी और नामका चू (नदी) उनके सामने से होकर बह रही थी। वहाँ उनकी तोपें और उनका गोला बारूद डकोटा विमानों द्वारा तेजपुर से उठा कर 'एयर ड्रोप' किया गया था। वहाँ विमानों के मुड़ने के लिए कम जगह थी जिसके फलस्वरूप उनके द्वारा गिराया गया बहुत सा सामान चीनियों के हाथ लग गया था। विमानों द्वारा गिराये गये सामान को इकट्ठा करने के लिए सेकंड लेफ्टिनेंट बहल को अतिरिक्त जनशक्ति उपलब्ध कराई गयी थी। वे चार में से दो तोपें और आठ सौ में से मात्र अस्सी राउंड एम्युनिशन पुनः प्राप्त करने में सफल रहे थे।
 
18 अक्तूबर सन् 1962 तक उनके ट्रूप के दो जेसीओ और एक ट्रूप हवलदार मेजर बीमार पड़ने की वजह से वहाँ से निकालकर पीछे भेजे जा चुके थे। नर्सिंग असिस्टेंट की बीमारी की बजह से मृत्यु हो चुकी थी। ट्रूप कमाँडर कैप्टन तलवार मुख्यालय, 7 इन्फैंट्री ब्रिगेड में चले गये थे।
 
हवाओं में विश्वास की कमी तैर रही थी। चीनियों पर आक्रमण करने के आदेश रद्द कर दिये गये थे और भारतीय सेना को रक्षात्मक स्थिति अख्तियार करने के लिए कह दिया गया था।
 
19/20 अक्टूबर की रात चीनियों ने नामका चू के उस पार अलाव जला रखे थे। बहल को उसके पीछे की वजह के बारे में किसी से कुछ भी पता नहीं चल पाया था। उन्होंने अपने गन एरिया के संतरियों को चेक किया और सोने चले गये थे। अगली सुबह 'स्टैंड टू' से पहले ही चीन की ओर से भारी गोलाबारी शुरू हो गयी थी। उनके दो जवान, गनर अवतार सिंह और रेडियो ऑपरेटर बुरी तरह घायल हो गये थे। भारी गोलाबारी के कारण वे उन्हें एडवाँस्ड ड्रेसिंग स्टेशन नहीं ले जा सके थे जो करीब तीन सौ गज की दूरी पर स्थित था। उन्होंने उनके घावों से अपने हाथों से बमों की किरचें निकालीं और घावों पर ब्राँडी डाल कर पट्टी कर दी थी। वे दोनों करीब तीन महीने बाद चीन के युद्धबंदी शिविर में पूरी तरह से स्वस्थ हो गये थे।
 
उस समय तक दिन के 9 बज रहे थे। रेडियो पर उनका किसी से कोई संपर्क नहीं हो पा रहा था। सप्लाई डिपो से भी कोई संवाद नहीं था। चूंकि किसी के साथ कोई संपर्क नहीं था, ओपी ऑफिसर कैप्टन तलवार द्वारा कोई फायर स्पोर्ट नहीं माँगी जा सकती थी। कैप्टन तलवार ने 7 इन्फेंट्री ब्रिगेड कमाँडर ब्रिगेडियर जेपी दलवी के साथ ब्रिगेड हेडक्वार्टर से हाथुंगला की ओर पीछे हटना शुरू कर दिया था।
 
सेकंड लेफ्टिनेंट बहल के पास अपनी मर्जी से 'डायरेक्ट शूटिंग' करने के अतिरिक्त कोई विकल्प नहीं बचा था। उन्होंने शुरू में अपनी दोनों तोपों को बायीं ओर ब्लैक रॉक क्षेत्र की ओर डायरेक्ट फायरिंग करने का आदेश दिया और उस दिशा में प्रत्येक तोप ने लगभग बीस राउंड फायर किए। उन्होंने, जैसा कि गन पोजीशन की सुरक्षा के लिए अक्सर किया जाता है, एक सुदृढ़ चौतरफा सुरक्षा का प्रबंध कर रखा था।
 
सेकंड लेफ्टिनेंट बहल ने एक छोटा गश्ती दल यह देखने के लिए भेजा कि उस हेलीकॉप्टर का क्या हुआ जो थोड़ी देर पहले उनसे थोड़ी दूरी पर उतरा था। उन्हें बताया गया था कि लाल पगड़ी वाले एक मेजर और एक स्क्वाड्रन लीडर हेलिकॉप्टर के पास मृत पड़े हैं। हेलीपैड उनकी गन पोजिशन से तकरीबन चार सौ गज की दूरी पर था। अगले दिन उन्हें ज्ञात हुआ था कि उन दो मृतकों में से एक 4 डिवीजन सिग्नल रेजिमेंट के सेकेंड-इन-कमाँड मेजर राम सिंह और दूसरे भारतीय वायु सेना के स्क्वाड्रन लीडर विनोद सहगल थे। बहल ने चीनी सेना के युद्धबंदी के रूप में अपने कुछ जवानों की सहायता से उन्हें दफना दिया था। उनके घर वालों को जो टेलीग्राम भेजी गई थी उसमें लिखा था, ".......मिसिंग, बिलीव्ड डेड" लेकिन जब सन् 2014 में ब्रिगेडियर अमर जीत सिंह बहल (रि) का उपरोक्त लेख प्रकाशित हुआ तो उनके घर वाले उनसे मिलने आये थे। तब जाकर उपरोक्त दोनों अधिकारियों की वीर गति को प्राप्त हो जाने की सूचना उन्हें मिली थी। उन्हें पचपन से अधिक वर्षों के बाद यह जान कर कुछ तो सकून मिला होगा कि ब्रिगेडियर बहल ने उन दोनों अफसरों को वहाँ दफना दिया था।
 
हेवी मोर्टार बैटरी का हवलदार मेजर उनकी खंदक में यह जानने के लिए आया कि वहाँ क्या घट रहा था। वह उनकी खंदक में खड़ा था और जब बहल दुश्मन की ओर इशारा कर रहे थे तभी गोलियों की एक बौछार आई और वह मारा गया। बहल दुश्मन पर फायरिंग करते जा रहे थे जो उस समय ब्लैक रॉक इलाके के पास था और उनके पीछे की ओर भी। उन्होंने डायरेक्ट फायरिंग मोड में अपनी प्रत्येक तोप से लगभग बीस राउंड और फायर किए और उसके साथ ही उनका गोला-बारूद समाप्त हो गया था। लड़ाई काफी तेज होती जा रही थी।
 
उनके दो जवान वीरगति को प्राप्त हुए और तीन अन्य घायल हो गए थे। चीनी करीब आते जा रहे थे। वे भारतीय सेना के सप्लाई पॉइंट तक पहुंच गये थे। बहल की तीनों लाइट मशीनगनें लगातार फायरिंग कर रही थीं और वे अपने निजी हथियारों का इस्तेमाल भी कर रहे थे। दोपहर हो चुकी थी। भारतीय सेना पीछे हट रही थी। सप्लाई डिपो और अग्रिम रक्षा पंक्ति के लोग, उनकी गन पोजीशन के पास से होकर गुज़रती, भूटान की तरफ जाने वाली पगडंडी पर दौड़े जा रहे थे और उन्हें वहीं रुकने और फायरिंग जारी रखने के लिए कह रहे थे। बहल गर्व के साथ कहते हैं कि उनके किसी भी जवान ने उस समय यह सुझाव नहीं नहीं दिया कि उन्हें पीछे हट जाना चाहिए। वे अपनी पोजीशन पर डटे रहे और अपनी सर्वश्रेष्ठ क्षमता और पूर्ण आत्मविश्वास के साथ लड़ते रहे थे।
 
उस समय तोपों से डायरेक्ट फायरिंग करना संभव नहीं था क्योंकि युद्ध क्षेत्र में भारतीय और चीनी सैनिकों का जमघट था और हमारे तोपचियों का गोला बारूद भी समाप्त हो चुका था। उनका प्रतिरोध दोपहर बाद लगभग साढ़े तीन बजे समाप्त हो गया जब चीनियों ने उन्हें चारों ओर से घेर लिया था। चीनी लाउडस्पीकर पर आत्मसमर्पण के लिए चिल्ला रहे थे। उन्होंने हमारे पैराट्रूपर तोपचियों को अपनी राइफलों के बट से मारना शुरू कर दिया था। गर्वित पैराट्रूपर्स से तब वे चीनी युद्ध बंदी बन गये थे। सेकंड लेफ्टिनेंट बहल के लिए वह बहुत बड़ा सदमा था। उस लड़ाई में उन्होंने अपने तीन जवान खो दिये थे और पाँच घायल हो गये थे।
 
टीम इंडिया सेंटिनल्स द्वारा 16 फरवरी सन् 2023 को यू ट्यूब में डाली गई 'सैंडी वॉर्स' शो की कड़ी में, सैन्य इतिहासकार और इंडिया सेंटिनल्स के रणनीतिक मामलों के संपादक संदीप मुखर्जी ने ब्रिगेडियर अमर जीत सिंह बहल (रि) के साथ 1962 के भारत-चीन युद्ध के दौरान नॉर्थ-ईस्ट फ्रंटियर एजेंसी में नामका-चू की लड़ाई पर चर्चा की थी। उस कड़ी में ब्रिगेडियर अमर जीत सिंह बहल (रि) ने अपनी आपबीती और देखी सुनाते हुए बताया था, "ब्रिगेडियर जेपी दलवी ने अपनी पुस्तक 'द हिमालयन ब्लंडर' (पृष्ठ 382) में लिखा है कि उन्होंने मेरी तोपों को खुली जगहों पर डायरेक्ट फायरिंग मोड में फायरिंग करते देखा था और उन्होंने गन पोजीशन में बने रहने के लिए मेरी टुकड़ी की प्रशंसा की थी।" ब्रिगेडियर अमर जीत सिंह बहल (रि) ने यह भी बताया था कि उनकी यूनिट ने अडिग साहस और वीरता के लिए उनके लिए 'महावीर चक्र' की सिफारिश की थी परंतु लेफ्टिनेंट जनरल कुमारमंगलम ने यह कह कर वह सिफारिश रद्द कर दी थी कि एक पैराट्रूपर से बहादुरी की उम्मीद रखनी चाहिए।

 हिमाचल प्रदेश के जिला काँगड़ा से संबन्ध रखने वाले भगत राम मंडोत्रा एक सेवानिवृत्त सैनिक हैं। उनकी  प्रकाशित पुस्तकें हैं ―       जुड़दे पल, रिह्ड़ू खोळू, चिह्ड़ू मिह्ड़ू, परमवीर गाथा.., फुल्ल खटनाळुये दे, मैं डोळदा रिहा, सूरमेयाँ च सूरमे और हिमाचल के शूरवीर योद्धा। यदाकदा 'फेस बुक' पर 'ज़रा सुनिए तो' करके कुछ न कुछ सुनाते रहते हैं।