फौजियां दियां जिंदगियां दे बारे च असां जितणा जाणदे, तिसते जादा जाणने दी तांह्ग असां जो रैंह्दी है। रिटैर फौजी भगत राम मंडोत्रा होरां फौजा दियां अपणियां यादां हिंदिया च लिखा दे थे। असां तिन्हां गैं अर्जी लाई भई अपणिया बोलिया च लिखा। तिन्हां स्हाड़ी अर्जी मन्नी लई। हुण असां यादां दी एह् लड़ी सुरू कीती है, दूंई जबानां च। पेश है इसा लड़िया दा दसुआंं मणका।
........................................................................
सहीदां दियां समाधियां दे परदेसे च (दसमीं कड़ी)
जिंञा कि मैं इसा गल्ला दा ज़िकर पहलैं भी कित्तेह्या कि इक दो बरी देह मौके भी आए थे जाह्लू मेरा दिल फ़ौज दी नौकरी छडणे जो कित्ता था। पहली बरी फ़ौज छडणे दा वचार मेरे दमाके च बेसिक मिलिट्री ट्रेनिंग दे टैमें आया था।
मैं जुलाई सन् 1975 च बेसिक मिलिट्री ट्रेनिंग तांईं आर्टिलरी ट्रेनिंग सेन्टर हैदराबाद गिया था। ट्रेनिंग दे दौरान असां जो इक दिन फैरिंग दा भ्यास करुआया जा दा था। हथियार था—कार्बाइन मसीन 9 एमएम। मुठभेड़ दिया लड़ाइया तांईं एह् बड़ा कारगर हथियार होंदा था। इक नायक रैंक दे उस्ताद दी देखरेख च फैरिंग होआ दी थी। तकरीबन सौ गज पिच्छें इक जेसीओ भी बैठेयो थे। खब्बा पैर अग्गें कनै सज्जा पैर पिच्छें रखी करी हथियारे जो लक्के कन्नै लाई नै थोड़ी कि दूर लग्गेह्यो टारगेटां पर गोळियां चल्ला दियां थियां। हर रंगरूट दे साह्म्णे तिन्न-तिन्न टारगेट लग्गेह्यो थे। पहले टारगेटे पर गोळी चलाणे दे परंत अगला पैर टकाई करी रखदे होयां पिच्छले पैरे कन्नै हरकत करनी थी कनै अगले टारगेटे गास नसाणा लई करी गोळी चलाणी थी। मैं सिक्खायो तरीके कन्नै गोळियां चला दा था पर पता नीं उस्ताद होरां जो मेरे फैर करने दे तरीके च क्या नुक्स नज़र आया कि तिन्हां लकड़ी दे इक निक्के देहे पर पैनें पॉइंटरे कन्ने मेरिया तुंबिया पर हुचका मारी दित्ता। मैं पीड़ा कन्नै तिलमिलाई गिया था। मैं गुस्से च आई करी अपणे हथियार दी मैगजीन च बाकी बचियां तिन्नों गोळियां जो उस्ताद दिया छातिया च तुआरी देणे दी सोची लई थी। तिस तांईं मैं अपणे हथियारे दे चेंज लीवर जो 'आर' ते 'ए' पर खसकाई दित्ता था मतलब तिस दे परंत बाकी तिन्नों गोळियां इक बर्स्ट दे तौर पर इक सार निकळनियां थियां।
साइद उस्ताद होरां मेरे चेहरे दे भाओ पढ़ी लै थे। सैह् फोरन मेरिया पिट्ठी पिच्छें होई गै कनै तिन्हां मिंजो 'भूमि शस्त्र' दा ऑर्डर देई ता मतलब मिंजो हथियार थल्लैं जमीना पर रखी देणा था। मेरी किस्मत खरी थी कि मैं तिन्हां दा ऑर्डर मन्नी लिया था कनै हथियार जो जमीना पर रखणे ते पहलैं हथियार दे चेंज लीवर जो 'ए' ते 'एस' मतलब 'स्टॉप' पर करी दित्ता था। तिन्हां मिंजो सजा दे तौर पर हत्थ उप्पर करी नै पूरे मैदाने दे दस चक्कर लगाणे दा ऑर्डर दित्ता। चंद सकिंटां च घटियो इसा घटणा दी मेरे साथी रंगरूटां जो होआ तिकर नीं लग्गी थी।
जेकर तिहाड़ी तैस च आई करी मैं तिस उस्तादे जो गोळी मारी दित्तिह्यो होंदी तां मेरी जिंदगी इक नरक बणी गइयो होंदी। मैं इक सानदार जिंदगी जीणे ते महरूम रही जांदा।
तिन्हां दिनां च फ़ौज दे उस्तादां दा रंगरूटां पर हत्थ ठुआणा इक आम गल्ल होंदी थी। अपणी ट्रेनिंग पूरी करी नै यूनिट च जाणे दे परंत मिंजो पता लगेया कि कुसी रंगरूटे पर जुल्म ढाणे दिया बजह ते तिस उस्तादे दा कोर्ट मार्शल होया था कनै तिसजो फ़ौज ते बरखास्त करी दित्ता गिया था।
तिस बग्त फ़ौज च भर्ती होई करी नै फिरी छुटकारा पाणा तकरीबन नामुमकिन था। इस करी नै मेरे मने च फ़ौज ते भगौड़ा होणे दा ख्याल आया था पर फ़ौज च भर्ती होणे दे टैमे भर्ती अफसर दी दित्तिह्यो सलाहें मिंजो भगौड़ा होणे ते बचाई लिया था।
दरअसल फ़ौज च मेरा भर्ती होणा आम आदमी ते थोड़ा हटी नै, लग्ग देहा था। सन् 1975 दे मार्च महीने दा खीरी हप्ता था। मैं धर्मशाला ते घरे जो औआ दा था। पालमपुरे दे पराणे बस अड्डे पर उतरी करी मैं भर्ती अफसर कन्नै मिलणे तांईं सिद्धा ब्रांच रिक्रूटिंग ऑफिस गिया। तिस बग्त भर्ती दफ्तर घुग्गर दे नाळे पर बणिह्यो पुळिया ते जरा की उपरले पासें था। भर्ती दफ्तर दे गेटे पर खड़ोतेयो संतरियें मिंजो अन्दर नीं जाणा दित्ता। मेरियां मिन्नतां दा तिस पर कोई असर नीं होया। निरास होई करी मैं घरे तांईं बस पकड़ी लई। मैं संघोल खड्ड च बस ते उतरी करी अपणे घर (चम्बी) जाणे दे बजाय सिद्धा संघोल पोस्ट ऑफिस जाई रिहा। तित्थू इक पोस्टकार्ड खरीदी करी तिस पर ब्रांच रिक्रूटिंग ऑफिसर, पालमपुर दे नाँयें इक दरखास्त लिखी करी मैं लैटर बॉक्से च पाई आया। आठ-नौ दिनां परंत मिंजो भर्ती अफसर लेफ्टिनेंट कर्नल जी. ए. डेविड होरां दा इक पोस्टकार्ड मिल्लेया। तिन्हां मिंजो पालमपुर आई नै मिलणे तांईं लिक्खेह्या था। भर्ती दफ्तर दे अंदर जांदे टैमें मैं सैह् पोस्टकार्ड अपणे हत्थें पकड़ी रक्खेह्या था। गेटे पर खड़ोतेयो संतरियें पोस्टकार्डे पर लग्गिह्यो भर्ती अफसर दी मोहर दिक्खी नै मिंजो अंदर जाणा दित्ता।
भर्ती अफसर दे दफ्तर दे दरबाजे च खड़ोई करी, ''मे आई कम इन, सर'' बोली नै मैं अन्दर जाणे दी इजाज़त मंगी। अन्दर ते इक भारी रौबदार उआज सुणोह्यी थी, ''वेट''। किछ देर निहाळणे दे परंत मैं फिरी अन्दर जाणे दी इजाज़त मंगी। तिसा बारिया मिंजो इजाज़त मिली गई। फ़ौजी बर्दिया च सज्जेयो लेफ्टिनेंट कर्नल जी.ए. डेविड होरां बड़े ध्यानें कन्नै मिंजो अन्दर ओंदे जो दिक्खा दे थे। मैं अपणे हत्थे च पकड़ेह्या सैह् पोस्टकार्ड तिन्हां साह्म्णे मेजे पर रखी दित्ता। तिस पोस्टकार्डे पर इक नज़र मारी करी तिन्हां मिंजो ते पुच्छेया, "मुझ से क्या चाहते हो?'' ("मिंजो ते क्या चांह्दे?")
''सर, मैं आर्मी
में जाना चाहता हूँ।''
("सर, मैं आर्मी च जाणा चांह्दा।")
''देखो, मैं तुम्हें
दो तरीके से एनरोल कर सकता हूँ―एक आर्मी
एजुकेशन कोर में हवलदार और दूसरा आर्मी में सिपाही क्लर्क के तौर पर। बताओ तुम्हें
कहाँ जाना है?''
("दिक्ख, मैं तिज्जो दो तरीकेयां नै एनरोल करी सकदा—इक आर्मी एजुकेशन कोर च हौळदार कनै दूजा आर्मी च सिपाही क्लर्क दे तौर पर। दस तिज्जो कैस च जाणा है?")
''सर, आप मुझे इन दोनों में से पहले क्या बना सकते हो?'' ("सर, तुसां मिंजो इन्हां दूंहीं च पहलैं क्या बणाई सकदे?") मैं बड़िया नरमियां कन्नै पुच्छेया था।
'अभी तो
मैं तुम्हें क्लर्क बना सकता हूँ। एजुकेशन हवलदार बनने के लिए तीन महीने बाद जुलाई
में आना पड़ेगा।'
("इस बग्त तां मैं तिज्जो क्लर्क बणाई सकदा। एजुकेशन हौळदार बणने तांईं तिन्न महीने परंत जुलाई च औणा पौणा।")
मैं तिस बग्त सोच्चेया कि जुलाई महीनें मिंजो कुन्नी भर्ती दफ्तर दे अन्दर औणा देणा है कनै क्या पता कर्नल साहब तिस बग्त तित्थू होणे भी कि नीं होणे। इस करी नै मैं तरंत जवाब दित्ता था, "सर, मुझे क्लर्क बनना है"। ("सर, मिंजो क्लर्क बणना है।")
'ओके, कपड़े
उतारो और बाहर लगी उस लाइन में लग जाओ।'
("ओके, कपड़े उतार कनै बाहर लगियो उसा लैणी च खड़ोई जाह्।")
 |
| युवा भगतराम मंडोत्रा |
जाह्लू लैणी च मिंजो गांह् तिन-चार मुंडू रही गै ताह्लू लेफ्टिनेंट कर्नल साहब अप्पू बाहर निकळी करी मीदवारां दा नाप-तोल करना लगी पै। मेरे अग्गे दे सारेयां मुंडुआं छड्डी तिन्हां मेरिया छातिया पर ही 'फिट' दा नसाण लगाया था। तिस ते परंत सैह् अन्दर जाई नै अपणिया कुर्सिया च बैठी गै थे कनै सूबेदार मेजर साहब होरां फिरी अपणा कम्म संभाळी लिया था।
मैं, किछ देरा परंत, तिसा ही हालता च, तिन्हां दे दफ्तर च जाई नै तिन्हां ते पुच्छेया था कि तिस ते अग्गें मिंजो क्या करना है। तिन्हां अपणे साह्म्णे बैठेयो इक कैप्टन साहब होरां बक्खी इसारा करी नै मिंजो ग्लाया, ''अब डॉक्टर साहब आपका मेडिकल चेकअप करेंगे। सामने दाईं तरफ इनका ऑफिस है वहां जाकर बाहर खड़े हो जाओ।'' ("हुण डाक्टर साहण होरां तुसां दा मेडिकल चेकअप करना है। साह्म्णे सज्जे पासें इन्हां दा दफ्तर है ओत्थू जाई नै बाहर खड़ोई जा।") थोड़ी कि देरा बाद डॉक्टर साहब होरां आई नै मेरा मेडिकल चेकअप करी के मिंजो फ़ौज तांईं 'फिट' लिक्खी दित्ता था।
मैं पूरे कपड़े पहनी करी कर्नल साहब होरां कन्नै फिरी मिल्लेया कनै अगली करवाई दे बारे च पुच्छेया। तिन्हां मिंजो दस्सेया कि अगले सोमवारे जो लिक्खुऐं मतिहान होणा है। तिस मतिहाने च तिस बग्ते दिया दसमीं जमाती दे सिलेबसे दे मुताबिक अंग्रेजिया दा पर्चा दो घंटे च लिखणा था। तिन्हां मिंजो एह् गल्ल भी साफ करी दित्ती थी कि तिस मतिहाने च तिन्हां मेरी कोई मदत नीं करनी है।
तय कित्ते दिनैं 28 मीदवार मतिहान देणा बैठे। सारेयां जमीना पर लैणी च बैठी करी नै मतिहान दित्ता। कर्नल साहब होरां तित्थू इक चक्कर मारेया। सैह् बड़ी देर तिकर मेरे बक्खें खड़ोई नै मिंजो पर्चा लिक्खदेयो दिक्खदे रैह् थे।
मतिहान खत्म होणे दे परंत सारे मीदवार अपणे-अपणे घरां जो जाणे तांईं तियार खड़ोतेह्यो थे। तिस बग्त कर्नल डेविड साहब होरां अपणा अर्दली भेजी करी मिंजो अपणे दफ्तर सद्दी करी पुच्छेया, "कैसा हुआ तुम्हारा पेपर?" (कदेहा होया तेरा पर्चा?) "सर, अठाइस कैंडिडेट्स में अगर एक भी पास हुआ तो वो मैं हूँगा।" ("सर, ठाइयां मीदवारां ते जेकर इक भी पास होया तां सैह् मैं होणा है।") कर्नल साहब होरां मुस्कराई नै ग्लाया था, "अब जाओ और रिजल्ट का इंतज़ार करो।" ("हुण जा कनै रिजल्ट दी निहाळ कर।")
जाह्लू मिंजो तकरीबन तिन्न महीने तिकर कोई खबर नीं मिल्ली तां मैं पता करने तांईं भर्ती दफ्तर पालमपुर गिया पर मिंजो अन्दर जाणा नीं दित्ता गिया। दिन बीतदे गै। खीर च जुलाई महीने दे पैह्ले हफ्तें मिंजो इक तार मिल्ली जिस च पास होई जाणे कनै 14 जुलाई जो ऑरिजिनल सर्टिफिकेटां कन्नै भर्ती दफ्तर च रपोट करने तांईं बुलावा था। तिस मतिहाने च सिर्फ दो ही मुंडू पास होयो थे जिन्हां च इक मैं था। मिंजो तोपखाना ट्रेनिंग सेन्टर हैदराबाद जाणा था। राहदारी कनै रेलवे वारंट लई नै मिंजो कर्नल साहब होरां नै मिलणे तांईं भेजेया गिया। तिन्हां मिंजो फ़ौज दी पहली तनखाह दे तौर पर 20 रुपइए दिंदिया बारिया ग्लाया था, "बेटा मैंने तुम्हें भर्ती तो कर लिया है पर तुम कभी फ़ौज से भगौड़ा हो कर मुझे शर्मिंदा मत करना।" ("बेटे मैं तिज्जो भर्ती तां करी लिया पर दिक्खेयां कदी फ़ौज ते भगौड़ा होई नै मिंजो सर्मिंदा मत करदा।"
लेफ्टिनेंट कर्नल जी.ए. डेविड साहब होरां दी तिस हिदायत पर मैं म्हेसा अमल करदा रिहा।
........................................................................
शहीदों की समाधियों के प्रदेश में (दसवीं कड़ी)
मैं जुलाई सन् 1975 में बेसिक मिलिट्री ट्रेनिंग के लिए तोपखाना प्रशिक्षण केन्द्र, हैदराबाद पंहुचा था। प्रशिक्षण के दौरान हमें एक दिन फायरिंग का अभ्यास करवाया जा रहा था। हथियार था―कार्बाइन मशीन 9 एमएम। मुठभेड़ की लड़ाई के लिए यह बड़ा कारगर शस्त्र हुआ करता था। एक नायक रैंक के प्रशिक्षक की देखरेख में फायरिंग चल रही थी। तकरीबन सौ गज पीछे एक जेसीओ भी बैठे थे। बायाँ पैर आगे और दायाँ पैर पीछे रख कर हथियार को कमर से सटा कर कम दूरी पर स्थापित टारगेटों पर गोलियां चलाई जा रहीं थी। हर प्रशिक्षु के सामने तीन-तीन टारगेट स्थापित किए गए थे। पहले टारगेट पर गोली चलाने के बाद अगला पैर स्थिर रखते हुए पिछले पैर से हरकत करनी थी और अगले टारगेट पर निशाना साध कर गोली चलानी थी। मैं सिखाए गए ढंग से गोलियां दाग रहा था पर प्रशिक्षक महोदय को मेरे फायर करने के तरीके में न जाने क्या गलती नज़र आई कि उन्होंने लकड़ी से बने एक छोटे से नुकीले पॉइंटर से मेरी गर्दन के पिछले भाग में प्रहार कर दिया। मैं दर्द से तिलमिला उठा था। मैंने क्रोध में आकर अपने हथियार की मैगज़ीन में शेष बचीं तीनों गोलियां उस प्रशिक्षक के छाती में उतारने की सोच ली। उसके लिए मैंने हथियार के चेंज लीवर को 'आर' से 'ए' पर कर दिया अर्थात् उसके उपरांत बाकी तीनों गोलियां एक बर्स्ट के रूप में एक साथ निकलनीं थीं।
संभवतः उन प्रशिक्षक महोदय ने मेरे चेहरे के भावों को पढ़ लिया था। वे तुरंत मेरी पीठ के पीछे हो लिए और उन्होंने मुझे 'भूमि शस्त्र' का आदेश दे दिया अर्थात् मुझे शस्त्र ज़मीन पर रख देना था। मेरी किस्मत अच्छी थी कि मैंने आदेश का पालन किया और शस्त्र को ज़मीन पर रखने से पहले चेंज लीवर को 'ए' से 'एस' अर्थात् 'स्टॉप' पर कर दिया। उन्होंने मुझे, दंड स्वरूप, हाथ ऊपर उठा कर उस भूखंड के दस चक्र लगाने का आदेश दिया। चंद क्षणों में घटित इस घटना की मेरे साथी रंगरूटों को हवा तक नहीं लगी थी।
अगर मैंने उस दिन क्षणिक आवेश में आकर उस प्रशिक्षक पर गोलियां दाग दीं होतीं तो मेरा जीवन नरक बन गया होता। मैं एक शानदार जिंदगी जीने से महरूम हो जाता।
उन दिनों सेना में प्रशिक्षकों का रंगरूटों पर हाथ उठाना एक आम बात हुआ करती थी। अपना प्रशिक्षण पूरा करके यूनिट में जाने के उपरांत मुझे पता चला था कि किसी रंगरूट को हद से ज्यादा तंग करने पर उन प्रशिक्षक महोदय का कोर्ट मार्शल हुआ था और फलस्वरूप उन्हें सेना से बरखास्त कर दिया गया था।
उस समय फ़ौज में भर्ती होकर फिर उससे छुटकारा पाना लगभग असम्भव था। अतः मेरे मन में सेना से भागने का विचार आया था पर सेना में भर्ती होने के समय भर्ती अफ़सर द्वारा दी गई नसीहत ने मुझे भगौड़ा होने से रोक लिया था।
दरअसल फ़ौज में मेरा भर्ती होना आम आदमी से थोड़ा हट कर, अलग सा था। सन् 1975 के मार्च महीने का अन्तिम सप्ताह था। मैं धर्मशाला से घर आ रहा था। पालमपुर के पुराने बस अड्डे पर उतर कर मैं भर्ती अफ़सर से मिलने की मंशा ले कर सीधा शाखा भर्ती कार्यालय में गया। उस समय भर्ती कार्यालय घुग्गर के नाले पर बनी पुलिया से थोड़ा ऊपर की ओर स्थित था। मेरे द्वारा की गई मिन्नतों के बावजूद मुझे गेट पर तैनात संतरी ने अन्दर जाने नहीं दिया। निराश होकर मैंने घर के लिए बस पकड़ ली। मैं संघोल खड में बस से उतर कर अपने घर (चम्बी) जाने के बजाय सीधा संघोल पोस्ट ऑफिस गया। वहां से एक पोस्टकार्ड खरीद कर उस पर शाखा भर्ती अफ़सर, पालमपुर के नाम एक अर्जी लिख कर उसे लेटर बॉक्स में डाल आया। आठ-नौ दिन गुज़र जाने के बाद मुझे भर्ती अफ़सर लेफ्टिनेंट कर्नल जी.ए. डेविड महोदय का एक पोस्ट कार्ड मिला। उन्होंने मुझे पालमपुर आकर मिलने के लिए लिखा था। मैंने शाखा भर्ती कार्यालय में प्रवेश करते समय वो पोस्ट कार्ड हाथ में पकड़ रखा था। गेट पर तैनात सन्तरी ने पोस्टकार्ड पर भर्ती अफ़सर की मोहर देख कर मुझे अंदर जाने दिया।
मैंने भर्ती अफ़सर के ऑफिस के दरवाजे पर खड़े हो कर ''मे आई कम इन, सर'' कह कर अन्दर जाने की इजाज़त मांगी। अन्दर से एक भारी भरकम आवाज आई, ''वेट''। कुछ देर प्रतीक्षा करने के उपरांत मैंने फिर से अन्दर जाने की आज्ञा मांगी जो मुझे मिल गई। सैनिक वर्दी में सजे लेफ्टिनेंट कर्नल जी.ए. डेविड महोदय मुझे अन्दर आते हुए ध्यान से देख रहे थे। मैंने अपने हाथ में पकड़ा उनका पोस्ट कार्ड उनके सामने रख दिया। उन्होंने उस पोस्ट कार्ड पर नज़र डाल कर मुझ से प्रश्न किया था, ''मुझ से क्या चाहते हो?''
''सर, मैं आर्मी में जाना चाहता हूँ।''
''देखो, मैं तुम्हें दो तरीके से एनरोल कर सकता हूँ―एक आर्मी एजुकेशन कोर में हवलदार और दूसरा आर्मी में सिपाही क्लर्क के तौर पर। बताओ तुम्हें कहाँ जाना है?''
''सर, आप मुझे इन दोनों में से पहले क्या बना सकते हो?'' मैंने विनम्रता से पूछा था।
'अभी तो मैं तुम्हें क्लर्क बना सकता हूँ। एजुकेशन हवलदार बनने के लिए तीन महीने बाद जुलाई में आना पड़ेगा।'
मैंने उस समय सोचा था कि जुलाई महीने में मुझे भर्ती दफ्तर के अंदर कौन आने देगा और क्या पता कर्नल साहब उस समय वहां होंगे भी या नहीं। मैंने तुरन्त जवाब दिया था, 'सर, मुझे क्लर्क बनना है।'
'ओ के, कपड़े उतारो और बाहर लगी उस लाइन में लग जाओ।'
उनके ऑफिस के बरामदे के पास भर्ती उम्मीदवारों की एक लम्बी सी लाइन नज़र आ रही थी। मैं कपड़े उतार कर कच्छे में सब से पीछे जा कर खड़ा हो गया। मैं उस समय पतला-दुबला सा था। मेरे आगे मोटे-तगड़े पहलवान सरीखे लड़के थे। मैं सोच रहा था काश मैं भी उन जैसा होता। भर्ती अफ़सर के ऑफिस के दरवाजे के ठीक सामने बरामदे की कड़ी से भारतोलन मशीन लटक रही थी। उम्मीदवार अपनी बारी आने पर उससे लटक रहे थे। सूबेदार मेजर साहब मशीन के कांटे को ध्यान से देख रहे थे। फिर वे फीते से उम्मीदवार की छाती को बिना फुलाए और फुलाने के बाद नाप रहे थे। उसके उपरांत वे चाक से उम्मीदवार की छाती पर 'फिट' या 'अनफिट' का निशान लगा रहे थे।
जब लाईन में मेरे आगे तीन-चार लड़के रह गए थे तब लेफ्टिनेंट कर्नल साहब स्वयं बाहर आकर उम्मीदवारों का नाप-तोल करने लग पड़े थे। उन्होंने उनमें से मुझे ही 'फिट' घोषित किया था। उसके बाद वो अंदर जा कर अपनी कुर्सी पर बैठ गए और सूबेदार मेजर साहब ने अपना काम पुनः संभाल लिया था।
मैंने कुछ देर के बाद उसी हालत में उनके कार्यालय में जा कर उनसे पूछा कि उसके आगे मुझे क्या करना है। उन्होंने अपने सामने बैठे एक कैप्टन साहब की ओर इशारा करते हुए मुझ से कहा, 'अब डॉक्टर साहब आपका मेडिकल चेकअप करेंगे। सामने दाईं तरफ इनका ऑफिस है वहां जाकर बाहर खड़े हो जाओ।' थोड़ी देर बाद डॉक्टर साहब ने आकर मेरा मेडिकल परीक्षण करके मुझे सेना के लिए फिट पाया था।
मैं पूरे कपड़े पहन कर फिर से कर्नल साहब से मिला और अगली प्रक्रिया के बारे में पूछा। उन्होंने मुझे बताया कि अगले सोमवार को मेरी लिखित परीक्षा होगी। उसमें तब की दसवीं कक्षा के पाठ्यक्रम के अनुसार अंग्रेजी का प्रश्नपत्र दो घण्टे में हल करना था। उन्होंने मुझे इस बात से अवगत कराया कि वे उस परीक्षा में मेरी कोई सहायता नहीं कर पाएंगे।
निर्धारित दिन को 28 अभ्यर्थी परीक्षा देने बैठे थे। सभी ने जमीन पर लाइनों में बैठ कर परीक्षा दी। कर्नल साहब ने वहां एक चक्कर लगाया। वे काफी देर तक मेरे पास खड़े हो कर मेरे पर्चे को देखते रहे थे।
परीक्षा समाप्त होने पर सभी अभ्यर्थी अपने-अपने घर लौटने को तैयार खड़े थे। तब कर्नल डेविड साहब ने अपना अर्दली भेज कर मुझे अपने ऑफिस में बुला कर पूछा था, "कैसे हुआ तुम्हारा पेपर?" "सर, 28 कैंडिडेट्स में अगर एक भी पास हुआ तो वो मैं हूँगा।" मैंने उत्तर दिया था। कर्नल साहब ने मुस्करा कर कहा था, "अब जाओ और रिजल्ट का इंतज़ार करो।"
जब मुझे लगभग तीन महीने तक कोई सूचना नहीं मिली तो मैं पता करने के लिए भर्ती दफ्तर पालमपुर गया पर मुझे अन्दर नहीं जाने दिया गया। दिन बीतते गए। आखिर जुलाई के पहले सप्ताह में मुझे एक टेलीग्राम मिली जिसमें सफल घोषित होने पर मुझे 14 जुलाई को ऑरिजिनल सर्टिफिकेटों के साथ भर्ती कार्यालय में रिपोर्ट करने को कहा गया था। उस परीक्षा में केवल दो ही लड़के उत्तीर्ण हुए थे जिनमें एक मैं था। मुझे तोपखाना प्रशिक्षण केन्द्र, हैदराबाद जाना था। राहदारी और रेलवे वारंट लेकर मुझे कर्नल साहब से मिलने भेजा गया। उन्होंने सेना की पहली तनख्वाह के रूप में मुझे राह ख़र्च के लिए 20 रूपए देते हुए कहा था, "बेटा मैंने तुम्हें भर्ती तो कर लिया है पर तुम कभी फ़ौज से भगौड़ा हो कर मुझे शर्मिंदा मत करना।"
लेफ्टिनेंट कर्नल जी.ए. डेविड साहब की इस नसीहत का मैं हमेशा पालन करता रहा। (चित्र:इंटरनेट से साभार)
लिखणे दी सणक कालेज दे टैमें ते ही थी। फौज च ये लौ दबोई रही पर अंदरें-अंदरें अग्ग सिंजरदी रही। आखिर च घरें आई सोशल मीडिया दे थ्रू ये लावा बाहर निकल़ेया।
हाली तिकर हिमाचली पहाड़ी च चार कवता संग्रह- जुड़दे पुल, रिहड़ू खोळू, चिह्ड़ू-मिह्ड़ू, फुल्ल खटनाळुये दे, छपी चुक्केयो। इक्क हिंदी काव्य कथा "परमवीर गाथा सेकंड लेफ्टिनेंट अरुण खेतरपाल - परमवीर चक्र विजेता" जो सर्वभाषा ट्रस्ट, नई दिल्ली ते 'सूर्यकांत त्रिपाठी निराला साहित्य सम्मान 2018' मिली चुकेया।
हुण फेस बुक दे ज़रिये 'ज़रा सुनिए तो' करी नैं कदी-कदी किछ न किछ सुणादे रैंहदे हन।
No comments:
Post a Comment