यादां फौजा दियां

 फौजियां दियां जिंदगियां दे बारे च असां जितणा जाणदे, तिसते जादा जाणने दी तांह्ग असां जो रैंह्दी है। रिटैर फौजी भगत राम मंडोत्रा होरां फौजा दियां अपणियां यादां हिंदिया च लिखा दे थे। असां तिन्हां गैं अर्जी लाई भई अपणिया बोलिया च लिखा। तिन्हां स्हाड़ी अर्जी मन्नी लई। हुण असां यादां दी एह् लड़ी सुरू कीती है, दूंई जबानां च। पेश है इसा लड़िया दा छबुआं मणका।

.....................................................................

समाधियाँ दे परदेस च 

मिंजो बीड़ी पीणे दी खराब लत बहोत छोटी उम्र ते ही लगी गयी थी। शायद तिस बग्त मैं छेमी क्लास च पढ़दा था।  मैं पंजमीं क्लास तिकर दी पढ़ाई अपणे ग्राँएं दे नेडैं पौणे वाळे सरकारी प्राइमरी स्कूल, संघोल च कित्ती थी।  अग्गे दी पढ़ाई ताँईं मैं सरकारी हाई स्कूल, सरी-मोलग च छेमीं क्लास च दाखला लिया था।  सैह् स्कूल मेरे घरे ते तकरीबन छे मील दूर था।  हर रोज स्कूल ओणे-जाणे च बारह मील पैदल सफर करना पौंदा था।  सड़काँ थियाँ नीं, इस वजह ते सारा रस्ता बण कनैं  खड्डाँ च बणिह्याँ बत्ताँ ते होई करी कदमाँ नै नापणा पौंदा था।  कुआळू चढ़ने-उतरने पौंदे थे। रस्ते च होरनाँ ग्राँ ते औणे वाळे पढ़ाकू भी मिलदे जाँदे थे कनै असाँ सारे छोटी-छोटी छुंडियाँ बणाई करी रस्ता गाँह्दे थे।  तिस लम्मे रस्ते च  असाँ जो कुसी दा भी डर नीं होंदा था न घरवाळेयाँ दा न ही मास्टराँ दा।  सैह् रस्ता नादान बच्चेयाँ जो बिगड़ने ताँईं इक बद्धिया माहौल मुहैय्या कराँदा था।  इक दूजे ते बुरियाँ आदताँ बच्चे असानिया नै सिक्खी लैंदे थे। 

मैं भी होरनाँ जो दिक्खी नै बीड़ी पीणा सिक्खी लई थी। किछ जागत बणे च लुक्की रैंह्दे थे कनै स्कूल कदी-कदायें ही जाँदे थे।  मैं कदी बणे च नीं लुक्केया। किछ मूंडू  एहो जेहे भी थे जिन्हाँ न ताँ बीड़ियाँ पीणे दी आदत पाळी कनै न बणे च छुपणा ही सिक्खेया था।  तिस रस्ते ते होयी करी दो जाँ तिन्न बिटियाँ भी जाँदियाँ थियाँ। बिटियाँ दे पासैं कोई मूंडू दिक्खणे तिकर दी  हिम्मत भी नीं करदा था। 

मैं अपणी जिंदगी च तकरीबन अठाई-तीह साल धूं पीतेया कनै अखीर च तिस बुरी लत जो 1 अगस्त सन् 1995 जो म्हेसा ताँईं छड़ी दित्तेया था। तिस बग्त मैं सूबेदार दे रैंक च इक सर्विस सिलेक्शन बोर्ड च जेसीओ टेस्टर था।  धूं पीणा छड़णे दी कहाणी कदी फिरी सही।   हुण ताँ मैं फौज च अपणे शुरुआती दिनाँ च धूं पीणे दिया बजह ते कित्ती गयी इक डरौणी भुल दा जिक्र करना लगेया। 

गल्ल सन् 1975 दी है।  अपणी बेसिक मिलट्री ट्रेनिंग दे दौरान मैं आर्टिलरी ट्रेनिंग सेंटर, हैदराबाद च सेंटर दे रंगरूटाँ दी फायरिंग टीम दा मेंबर था।  तिसैं टीमें  निशाणेबाजी दे मुकाबले च हिस्सा लैणा था जिस च मुकाबला करने वाळियाँ टीमाँ थियाँ ―सिकन्दराबाद दे आर्मी आर्डिनेंस कोर कनै ई.एम.ई  सेंटराँ दे रंगरूटाँ दियाँ टीमाँ।  म्हारी टीम दी तैयारी जोर शोर कन्नै चलिह्यो थी।  असाँ हर रोज भ्यागा फायरिंग रेंज च चले जाँदे थे कनै तिन्नों छोटे हथियाराँ मतलव कार्बाइन मशीन 9 एमएम,  सेल्फ लोडिंग राइफल 7.62 एमएम कनै लाइट मशीन गन 7.62 एमएम ते प्रति रंगरूट औसतन 40-50 राउंड फायर करी नै निशाणेबाजी दा भ्यास करदे थे। 

सैह् भ्यास तकरीबन इक महीने तिकर चलेया था। तकरीबन हर हफ्तें हथियाराँ दी 'ज़िरोइंग' कित्ती जाँदी थी। 'ज़िरोइंग' करी नै अपणे हथियार जो अपणी निशाणा लगाणे दी तकनीक दे मुताबिक ढाळी करी बेहतर नतीजे हासिल कित्ते जाँदे हन्न। निशाणा लगाणे दा बेसिक उसूल है हथियार दी 'फोर साइट' दी नोब जो 'बैक साइट' दे 'आप्रेचर होल' कनै टारगेट दे बीचों बीच रखी करी गोळी चलाणा। अपर सारे अजेहा नीं करदे। निशाणा लगाँदे बग्त किछ लोक आदतन 'फोर साइट' दी नोब जो 'बैक साइट' दे 'आप्रेचर होल' कनै टारगेट दे बीचों-बीच न रखदे होये थोड़ा उप्पर-थल्लैं जाँ दायें-बायें रखदे हन्न जिसते दुरुस्त निशाणा नीं लगदा। हथियार दी 'ज़िरोइंग' करना इस मर्ज दा इलाज है।  

हथियार दी 'ज़िरोइंग' करने ताँईं तिस खास आदमी जो तिस हथियार ते तिन्न गोळियाँ, इक वर्ग फुट दे टारगेट पर,  इक तय दूरी ते, फायर करना होदियाँ हन्न।  तिन्नों गोलियाँ दे कित्ते गये छींडेयाँ ते जेह्ड़ी त्रिभुज बणदी है तिस दा गभला बिंदु पता करी नै हथियार विशेषज्ञ (आरमौरर) टारगेट दे गभले बिंदु ते तिस दी दूरी कनै दिशा नापी नै हथियार दी सेटिंग च बदलाव करदा है।  जेकर गोळियाँ दे छींडेयाँ कन्नै बणिह्यो त्रिभुज दा बिचला बिंदु टारगेट दे बिचले बिंदु दे उप्पर जाँ थल्ले पासैं होये ताँ हथियार विशेषज्ञ 'फोर साइट' दी नोब जो अपणे हिसाबे दे मुताबिक अपणे संदर कन्नै सिलसिलेवार थल्लैं जाँ उप्पर करदा है। इञां ही दायें-बायें दे दोष जो, बैक साइट दे 'आप्रेचर होल' जो एडजस्ट करी नै, हथियार विशेषज्ञ दुरुस्त करदा है।  एडजस्टमेंट सही होयी जाँ नीं, एह् चेक करने ताँईं  तिस कार्रवाई जो मुड़ी दोहराया जाँदा है। 

इक दिन मेरी, हिमाचल प्रदेश दे रैह्णे वाळे इक दूजे रंगरूट कन्नै, मैगज़ीनाँ च गोळियाँ भरने दी ड्यूटी लगिह्यो थी। सेल्फ लोडिंग राइफल 7.62 एमएम कन्नै फायर होआ दा था।  असाँ 'बट पॉइंट' ते तकरीबन अस्सी-नब्बैं गज पिच्छैं एम्यूनीशन दे डब्बे लई करी बैठेह्यो थे।  इंस्ट्रक्टर के हुक्म दे मुताबिक असाँ  मैगज़ीनाँ च दस्सिह्यो गिणती च गोळियाँ भरदे जाह्दे थे।  'बट पॉइंट' ते कोई रंगरूट ओंदा था कनै भरियाँ मैगज़ीनाँ जो चुक्की नै लई जाँदा था।  फायर होयी जाणे ते परंत सैह् खाली मैगज़ीनाँ कनै गोळियाँ दे खाली खोखे  असाँ व्ह्ली जमा करी जाँदा था कनै भरियाँ मैगज़ीनाँ जो अगली 'डिटेल' ते फायर करवाणे ताँईं लई जाँदा था।  असाँ गोळियाँ दे खोखे गिणी नै लोहे दे डब्बेयाँ च पाँदे जाह्दे थे।  फौज च भ्यास दे दौरान फायर कित्ती गयी गोळियाँ दे खाली खोखे गिणी नै रखे जाँदे हन्न। जेकर कोई खोखा गुआची जाए ताँ तिस्सेयो हर हालत च तोपणा पोंदा है।  इक खोखे दे गुआचणे दा मतलब है इक जिंदा राउंड दा गुआची जाणा।  जिसदे कई घातक नतीजे होई सकदे हन्न इस ताँईं खोखेयाँ दी गिणती लाजिमी होंदी है। 

सेल्फ लोडिंग राइफल 7.62 एमएम ते फायर करने दी कार्रवाई खत्म होई गयी।  तिसदे परंत कार्बाइन मशीन 9 एमएम ते फायरिंग दी बारी आयी गयी कनै असाँ दूंहीं जो तिसदी मैगज़ीनाँ च गोळियाँ भरने दा हुक्म मिली गिया। 7.62 एमएम गोळियाँ दे खाली डब्बे जो साह्म्णे  ते सरकाँदे बग्त मेरी नजर तिस च बची इकमात्र जिंदा गोळिया पर पई। तिस बग्त तिस गोळी दे बचे रैह्णे दी असली वजह जेह्ड़ी भी रहिह्यो होये, असाँ दूंहीं तिस्सेयो अपणी भुल्ल दा नतीजा मन्नी लिया था।  असाँ दोह्यो परेशान होई गै, तिस गोळी दा क्या कित्ता जाए। मैं हुण सोचदा कि असाँ जो सैह् गोळी बापस जमा करी देणा चाहिदी थी।  तिसदा नतीजा ज्यादा से ज्यादा एही होंदा कि थोड़ी-बहोत डाँट झेलणा पौंदी कनै पंज-दस 'फ्रंट रोल' लगाणा पई जाँदे।  अपर मैं तिस बग्त इक गलत फैसला लई लिया था।  मैं तिसा गोळिया जो कार्ट्रिज दे पासे ते अपणे सज्जे हत्थ दी मुठ्ठी च कस्सी नै पकड़ेया कनै बुलेट जो दंदा नै पकड़ी करी इक्की झटके नै कार्ट्रिज ते अलग कर दित्ता। बुलेट जो परे सटी दित्ता कनै कार्ट्रिज च मौजूद थोड़ा जेहा बरूद अपणे साह्म्णे खलारी नै पैरां कन्नै रेती च खरा की मिलाई दित्ता। खाली कार्ट्रिज जो खाली खोखेयाँ दे डब्बे च पाई दित्ता।  तिस बग्त मैं अपणी चतुराइया पर बहोत खुश होया था। 

असाँ दोह्यो 9 एमएम गोलियों नै कार्बाइन मशीन दी मैगज़ीनाँ भरने च मग्न होई गै।  थोड़ी कि देर परंत मिंजो बीड़ी पीने दी तलब महसूस होई। मेरा साथी मेरी तिस आदत ते वाक्म था। अग्गैं फायरिंग चलिह्यो थी कनै सारे तिसा च मग्न थे।  मैं अपणे साथी दी ओट च बैठी करी बीड़ी पीणे दा फैसला लिया।  मैं सोचेया कि झुकी नै बीड़िया दे कस खिंजणे कनै थोड़ा-थोड़ा धूं छडणा जिसते कुसी जो पता नीं लगणा।  मैं अपणे साथी दी आड़ च सिर झुकाई करी बीड़ी सुलगाई कनै जिंञा ही माचिस दी तीली थल्लैं सट्टी चाणचक इक धमाका जेहा होया कनै रेत दे बारीक कण मेरे चेहरे पर तेज स्पीड नै आई लग्गे।  खून ताँ नीं निकळेया अपर सारे चेहरे पर रेत दे कणां कन्नै हल्के लाल दाग पई गै कनै मिंजो जलण बझोणा लगी।  गनीमत एह् रही कि तिस बग्त मेरियाँ हाखीं बंद थियाँ किंञा कि बीड़ी सिगरेट सुळगाँदे बग्त आमतौर पर हाखीं अपणे-आप बंद होई जाँदियाँ हन्न। सैह् सब्भ तिस गोळी दे, जमीना पर खिंडरेयो बरूद जो अग्ग लगणे दिया वजह ते होया था। जेकर असाँ दे नजदीक पैह्यो एम्यूनीशन जो अग्ग लगी जाँदी ताँ पता नीं क्या होई जाँदा। तैह्ड़ी मेरी तिस घातक गलती दिया वजह ते इक डरौणा हादसा होंदा-होंदा रही गिया था।  मेरे साथी दे इलावा तिस घटणा दी कुसी जो भणक नीं पई थी।  

तिस हादसे दा जितणा पछतावा मिंजो हुण होंदा है उतणा तिस बग्त नीं होया था। 

 

.....................................................................

समाधियों के प्रदेश में (छब्बीसवीं कड़ी) 

मुझे बीड़ी पीने की बुरी लत बहुत छोटी उम्र में ही लग गयी थी। संभवतः उस समय मैं छटी कक्षा में पढ़ता था।  मैंने पाँचवीं कक्षा तक की पढ़ाई अपने गाँव के समीप स्थित राजकीय प्राथमिक स्कूल, संघोल में की थी।  आगे की पढ़ाई के लिए मैंने राजकीय उच्च स्कूल, सरी-मोलग में छठी कक्षा में प्रवेश लिया था।  वह स्कूल मेरे घर से लगभग छः मील दूर था।  हर रोज स्कूल आने-जाने में बारह मील पैदल सफर करना पड़ता था।  सड़कें थी नहीं अतः सारा रास्ता जंगल और खड्डों में बनीं पगडंडियों से होकर कदमों से नापना पड़ता था।  कुआळू (चढ़ाइयां) चढ़ने-उतरने पड़ते थे। रास्ते में दूसरे गाँवों से आने वाले विद्यार्थी भी मिलते जाते थे और हम सभी छोटे-छोटे ग्रुप बना कर रास्ता तय करते थे। उस लंबे रास्ते में हमें किसी का डर नहीं होता था न  घरवालों का न ही अध्यापकों का।  वह रास्ता नादान बच्चों को बिगड़ने के लिए एक बढ़िया वातावरण उपलब्ध कराता था।  एक दूसरे से बुरी आदतें बच्चे आसानी से सीख लेते थे। 

मैंने भी दूसरों को देख कर बीड़ी पीना सीख लिया था। कुछ लड़के जंगल में छुपे रहते थे और स्कूल कभी कभार ही जाते थे।  मैं कभी जंगल में नहीं छुपा। कुछ लड़के ऐसे भी थे जिन्होंने न तो बीड़ी पीने की आदत डाली और न जंगल मे रुकना ही सीखा था।  उस रास्ते से होकर दो या तीन लड़कियाँ भी जाती थीं।  लड़कियों की तरफ कोई लड़का देखने तक का साहस नहीं करता था। 

मैंने अपने जीवन में लगभग अठाई-तीस वर्ष धूम्रपान किया और अंत में उस बुरी लत को 1 अगस्त सन् 1995 को सदा के लिए तिलांजलि दे दी थी।  उस समय मैं सूबेदार के रैंक में एक सर्विस सिलेक्शन बोर्ड में कनिष्ठ परीक्षक था।  धूम्रपान त्यागने की कहानी कभी फिर सही। अभी तो मैं सेना में अपने शुरुआती दिनों में धूम्रपान की वजह से की गयी एक भयंकर भूल का उल्लेख करने जा रहा हूं। 

बात सन् 1975 की है।  अपनी बेसिक मिलट्री ट्रेनिंग के दौरान मैं आर्टिलरी ट्रेनिंग सेंटर, हैदराबाद में सेंटर के रंगरूटों की फायरिंग टीम का सदस्य था।  उस टीम ने निशानेबाजी की प्रतियोगिता में भाग लेना था जिसमें प्रतिस्पर्धी टीमें थी―सिकन्दराबाद स्थित आर्मी आर्डिनेंस कोर व ई.एम.ई  सेंटरों के रंगरूटों की टीमें।  हमारी टीम की तैयारी जोर शोर के साथ चल रही थी।  हम प्रतिदिन सुबह फायरिंग रेंज में चले जाते थे और तीनों छोटे हथियारों अर्थात कार्बाइन मशीन 9 एमएम,  सेल्फ लोडिंग राइफल 7.62 एमएम और लाइट मशीन गन 7.62 एमएम से प्रति व्यक्ति औसतन 40-50 राउंड फायर कर के निशानेबाजी का अभ्यास करते थे। 

वह अभ्यास लगभग एक माह तक चला था। तकरीबन हर सप्ताह हथियारों की 'ज़िरोइंग' की जाती थी। 'ज़िरोइंग' से अपने हथियार को अपनी निशाना लगाने की तकनीक के अनुरूप ढाल कर बेहतर परिणाम प्राप्त किए जाते हैं। निशाना लगाने का आधारभूत नियम है हथियार की 'फोर साइट' की नोब को 'बैक साइट' के 'आप्रेचर होल' और टारगेट के बीचों बीच रख कर गोली चलाना। परंतु सभी ऐसा नहीं करते। निशाना लगाते समय कुछ लोग आदतन 'फोर साइट' की नोब को 'बैक साइट' के 'आप्रेचर होल' और टारगेट के बीचों-बीच न रखते हुए थोड़ा ऊपर-नीचे या दायें-बायें रखते हैं जिससे सटीक निशाना नहीं लग पाता। हथियार की 'ज़िरोइंग' करना इसी मर्ज का इलाज है।

हथियार की 'ज़िरोइंग' करने के लिए व्यक्ति विशेष को उस हथियार से तीन गोलियाँ, एक वर्ग फुट के टारगेट पर, निश्चित दूरी से, फायर करनी होती हैं।  तीनों गोलियों द्वारा किए गये छिद्रों से जो त्रिभुज बनती है उसका केंद्र बिंदु ज्ञात करके हथियार विशेषज्ञ (आरमौरर) टारगेट के केंद्र बिंदु से उसकी दूरी नाप कर हथियार की सेटिंग में परिवर्तन करता है।  अगर गोलियों द्वारा बनाई गयी त्रिभुज का केंद्र बिंदु टारगेट के केंद्र बिंदु के ऊपर अथवा नीचे की ओर है तो हथियार विशेषज्ञ 'फोर साइट' की नोब को अपनी गणना के अनुसार अपने औजार से  क्रमशः नीचे या ऊपर करता है। इसी प्रकार दायें-बायें के दोष को, बैक साइट के 'आप्रेचर होल' को समायोजित करके, हथियार विशेषज्ञ द्वारा दूर किया जाता है।  समायोजन सही हुआ या नहीं, यह चेक करने के लिए  उस प्रक्रिया को फिर से दोहराया जाता है। 

एक दिन मेरी, हिमाचल प्रदेश से संबंध रखने वाले एक अन्य  रंगरूट के साथ, मैगज़ीनों में गोलियाँ भरने की ड्यूटी लगी हुई थी। सेल्फ लोडिंग राइफल 7.62 एमएम से फायर चल रहा था।  हम 'बट पॉइंट' से तकरीबन अस्सी-नब्बे गज पीछे एम्यूनीशन के डिब्बे लेकर बैठे थे।  इंस्ट्रक्टर के निर्देशानुसार हम मैगज़ीनों में निर्धारित संख्या में गोलियाँ भरते जा रहे थे।  'बट पॉइंट' से कोई रंगरूट आता था और भरी हुई मैगज़ीनों को उठा कर ले जाता था।  फायर हो जाने के बाद वह खाली मैगज़ीनें और गोलियों के खाली खोखे  हमारे पास जमा कर जाता था और भरी हुई मैगज़ीनों को अगली 'डिटेल' से फायर करवाने हेतु ले जाता था।  हम गोलियों के खोखे गिन कर लोहे के डिब्बों में डालते जा रहे थे।  सेना में अभ्यास के दौरान फायर की गयी गोलियों के खाली खोखे गिन कर रखे जाते हैं। अगर कोई खोखा गुम हो जाए तो उसे हर हालत में ढूंढा जाता है।  एक खोखे के गुम होने का अर्थ है एक जिंदा राउंड का खो जाना।  जिसके कई घातक परिणाम हो सकते हैं अतः खोखों की गिनती अत्यावश्यक होती है। 

सेल्फ लोडिंग राइफल 7.62 एमएम से फायर करने की प्रक्रिया समाप्त हो गयी।  उसके बाद कार्बाइन मशीन 9 एमएम से फायरिंग की बारी आ गयी और हम दोनों को उसकी मैगज़ीनों में गोलियाँ भरने का आदेश मिल गया। 7.62 एमएम गोलियों के खाली डिब्बे को सामने से सरकाते समय मेरी नज़र उसमें बची एकमात्र जिंदा गोली पर पड़ी। उस समय उस गोली के बच जाने का वास्तविक कारण जो भी रहा हो, हम दोनों ने उसे अपनी गलती का परिणाम मान लिया था।  हम दोनों चिंतित हो गए कि उस गोली का क्या किया जाए। अब सोचता हूँ कि हमें उस गोली को वापस जमा कर देना चाहिए था।  परिणामस्वरूप ज्यादा से ज्यादा थोड़ी बहुत डाँट सहनी पड़ती और पाँच-दस 'फ्रंट रोल' लगाने पड़ जाते।  लेकिन मैंने उस समय एक गलत फैसला ले लिया था।  मैंने उस गोली को कार्ट्रिज की तरफ से अपने दायें हाथ की मुठ्ठी में कस कर पकड़ा और बुलेट को दांतों से पकड़ कर एक झटके से कार्ट्रिज से अलग कर दिया। बुलेट को फेंक दिया और कार्ट्रिज में मौजूद थोड़ा सा बारूद अपने सामने उंडेल कर पैरों से अच्छी तरह से रेत में मिला दिया। खाली कार्ट्रिज को खाली खोखों के डिब्बे में डाल दिया।  उस समय मैं अपनी चतुराई पर बहुत खुश हुआ था। 

हम दोनों 9 एमएम गोलियों से कार्बाइन मशीन की मैगज़ीनें भरने में व्यस्त हो गए।  थोड़ी देर बाद मुझे बीड़ी पीने की तलब महसूस हुई। मेरा साथी मेरी उस आदत से परिचित था। आगे फायरिंग चल रही थी और सभी उसमें व्यस्त थे।  मैंने अपने साथी की ओट में बैठ कर बीड़ी पीने का निर्णय लिया।  मैंने सोचा कि झुक कर बीड़ी का कश खींचूंगा और थोड़ा-थोड़ा करके धुंआ छोड़ूंगा जिससे किसी को पता नहीं चलेगा।  मैंने अपने साथी की आड़ में सिर झुका कर बीड़ी सुलगाई और जैसे ही माचिस की तीली नीचे फैंकी अचानक एक विस्फोट सा हुआ और रेत के बारीक कण मेरे चेहरे पर तीव्र गति से आ लगे।  खून तो नहीं निकला पर सारे चेहरे पर उन रेत के कणों से हल्के लाल दाग पड़ गए और मुझे जलन महसूस होने लगी।  गनीमत यह रही कि उस समय मेरी आंखें बंद थीं क्योंकि बीड़ी सिगरेट सुलगाते समय अक्सर आंखें अपने-आप बंद हो जाती हैं। यह सब उस गोली के जमीन में बिखरे बारूद को आग लगने के कारण हुआ था। अगर हमारे पास पड़े एम्यूनीशन में आग लग जाती तो न जाने क्या हो जाता। उस दिन मेरी उस घातक गलती के कारण एक भयानक हादसा होते-होते रह गया था।  मेरे साथी के अतिरिक्त उस घटना की किसी को भनक नहीं लगी थी। 

उस हादसे का जितना पछतावा मुझे अब होता है उतना उस समय नहीं हुआ था।

       भगत राम मंडोत्रा हिमाचल प्रदेश दे जिला कांगड़ा दी तहसील जयसिंहपुर दे गरां चंबी दे रैहणे वाल़े फौज दे तोपखाने दे रटैर तोपची हन।  फौज च रही नैं बत्ती साल देश दी सियोआ करी सूबेदार मेजर (ऑनरेरी लेफ्टिनेंट) दे औद्धे ते घरे जो आए। फौजी सर्विस दे दौरान तकरीबन तरताल़ी साल दिया उम्रा च एम.ए. (अंग्रेजी साहित्य) दी डिग्री हासिल कित्ती। इस ते परंत सठ साल दी उम्र होणे तिकर तकरीबन पंज साल आई.बी. च, 'असिस्टेन्ट सेंट्रल इंटेलिजेंस अफसर' दी जिम्मेबारी निभाई।

      लिखणे दी सणक कालेज दे टैमें ते ही थी। फौज च ये लौ दबोई रही पर अंदरें-अंदरें अग्ग सिंजरदी रही।  आखिर च घरें आई सोशल मीडिया दे थ्रू ये लावा बाहर निकल़ेया।

     हाली तिकर हिमाचली पहाड़ी च चार कवता संग्रह- जुड़दे पुल, रिहड़ू खोळू, चिह्ड़ू-मिह्ड़ू, फुल्ल खटनाळुये दे, छपी चुक्केयो। इक्क हिंदी काव्य कथा "परमवीर गाथा सेकंड लेफ्टिनेंट अरुण खेतरपाल - परमवीर चक्र विजेता" जो सर्वभाषा ट्रस्ट, नई दिल्ली ते 'सूर्यकांत त्रिपाठी निराला साहित्य सम्मान 2018' मिली चुकेया।

    हुण फेस बुक दे ज़रिये 'ज़रा सुनिए तो' करी नैं कदी-कदी किछ न किछ सुणादे रैंहदे हन।