दयार ब्लॉगे दे पंद्रह सालां दे सफर च कोई धूम-धड़ाका नीं रेह्या। बिल्हि्या लकड़िया नै अग बाळणे दी कोशिश है। घ्याना नीं बळी सकदा। इस सफरे च इस बरी गल सुणा पिछले साले दी।
साल 2025 भी मुकी गया। पिछले साल 9 जनवरी दे गल सुणा च मैं हिमाचल मित्र पत्रिका कनै दयार ब्लॉगे दे चौह्दां सालां दे सफर दा चेता कीता था।
इस बरी मैं 2025 जो पचांह् मुड़ी नै दिखणे दी कोसस करा दा। बारहां म्हीनयां च असां पंद्रा पोस्टां पाइयां। हर म्हीनें घटा ते घट इक पोस्ट ता पेयी पर अक्तूबर म्हीना सुक्का ही रेह्या।
2024 च कुशल कुमार नै मुंबई डायरी लिखणा शुरू कीती थी। एह् डायरी पहाड़ी कनै हिन्दी दूं भाषां च छपा दी है। 25 जुलाई जो पैह्ली किस्त छपी थी। हिमाचली लोक मुंबई महानगरे च सौ साल पैह्लें लगे थे औणा। हौळें हौळें इक समाज एत्थू आई बसेया। इन्हां लोकां दियां संघर्ष गाथां अणमुक हन। कुशल होरां तिन्हां ही जिंदगियां दियां कथां सुणांदे। एह् डायरी मठी-मठी इस साल भी चली रैह्यी। छपियां सिर्फ तिन किस्तां पर पढ़ियां गइयां सबते जादा। पंज सौ ते जादा पाठकां एह् डायरी खोली नै दिक्खी।
इस साल समीक्षां भी तिन ही छपियां। आशुतोष गुलेरी नै विनोद भावुक दे गजल संग्रह पर गल कीती। सैह् करीब अस्सी पाठकां पढ़ी। रमेश मस्ताना दे पहाड़ी साहित्य इतिहास पर भगतराम मंडोत्रा कनै राम लाल पाठक दी लोकगीतों में जीवन कताबा पर कुशल कुमार नै समीक्षा लिक्खी। एह् समीक्षां सौ-सौ ते जादा पाठकां पढ़ियां।
पूरे साले च असां छे कवि छापे। दुर्गेश नंदन, तेज सेठी, राजीव त्रिगर्ती, भूपेंद्र भूपी, अशोक दर्द कनै रवींद्र शर्मा। इन्हां कवियां जो चार सौ ते जादा पाठक मिल्ले। इस साल असां अनंत आलोक दी इक कहाणी भी छापी।
मैं दो बरी गल सुणा लिखी। इक्की च दयारे पर गल कीती थी। दूइया च अपणी कविता लिखणे दे बारे च विचार कीता था। मिंजो भी तकरीबन दो सौ पाठकां पढ़ेया।
एह् भी सच है भई एह् कोई पक्का नीं गलाई सकदा भई जिनीं दयारे दी पोस्ट खोह्ली, तिनीं पोस्ट पढ़ी भी लई होऐ।
इस बरी कुल पंदरा पोस्टां पइयां। चौदह सौ पाठक आए। हुण तिन्हां रचना पूरी पढ़ी कि अधूरी ; सिर्फ फेरी ही पाई या झाती मारी नै हटी गै ; असां किछ नीं गलाई सकदे। मन्नेया जे अद्धेयां यानी सत्त सौ सजनां भी ब्लॉग पढ़ेया होऐ ; या इक चौथाई यानी तिन्नां सौआं ही पढ़ेया होऐ, तां भी असां जो संतोष ही है। असां दिया भाषां दियां कताबां बिकदियां नीं, बंडोदियां ही हन। तिन्हां पर गल बात भी घट–घट ही हुंदी। लेखक मित्तर भी संगड़ोई नै बह्यी रैंह्ंदे। तिस स्हाबें ता एह् ट्रैफिक ठीक ही है।
जेह्ड़े साहित्य प्रेमी दयारे पर फेरी पांदे, सैह् चुपचाप ही निकळी जांदे। कमेंट नीं करदे। खरा-बुरा कमेंट पाह्न ता अप्पू चियें वार्तालाप शुरु होणे दे हालात बणदे। असां जो पता लगदा असां कदेह्या कम करा दे, होर क्या करना चाहिदा। लेखकां जो भी तजा-नजा लगी सकदा भई सैह् कदेह्या लिखा दे।
जेह्ड़ियां रचना असां छापियां, तिन्हां पर असां तब्सिरा नीं करदे । एह् जिम्मेवारी सुधी लेखकां कनै पाठकां दी है। उमीद असां हाली छड्डी नीं है। इक दिन सैह् भी अपणी गल जरूर करगे। जिन्हां लेखक मितरां वादे कीत्तेयो सैह् इस पूरे करगे।
पोस्टां कनै जेह्ड़ियां तस्वीरां, चित्तरकारियां या फोटो असां दिंदे, सैह् कुछ सुमनिका दियां बणाहि्यां हुंदियां, कुछ इंटरनेट ते लैंदे। पिछले कुछ टैमे ते देहरादून ते असां दे प्रेमी शशि भूषण बडोनी दे रेखांकन असां जो मिल्ला दे हन। तिन्हां दा धन्नवाद। इसा बारिया उप्पर सुमनिका दी चित्रकृति है।
कामना है अगला साल तुसां सारयां ताईं खुशहाली ल्यौये। असां दी भाषा रचनात्मकता
नै समृद्ध होऐ। असां जो खूब नौइयां-नौइयां रचनां मिल्लण। दयार भी रचनात्मकता नै
घणा हुंदा जाये।
नौआं साल मुबारक।
.jpeg) |
| अनूप सेठी हिन्दी कविता संग्रह: जगत में मेला, चौबारे पर एकालाप, चयनित कविताएं, अनुवाद: नोम चॉमस्की -सत्ता के सामने |
अनूप जी असां इह्हीयॉ जोशे-जोशे च शुरू किता था दयार ब्लाग। टैमे कनैं सारयां दा जोश ठंडा पौंदा गिया पर तुसां अज भी तिसी जोशे नैं पहाड़ी भासा दी सेवा कनैं सांभ करी जा दे। तुसां दे जज्बे जो सलाम है।
ReplyDeleteमेरे ते भी तुसां इतणा लखाई लैंदे। एह् तुसां दा सनेह् कनैं प्यारे दे कारण ही लखोई गिया।
अडियो-विड़ियो, कट-पेस्ट,फेसबुक, इंस्टाग्राम,दिखावे-ट्रोलिगं दे अज के वग्ते च ब्लाग पर तुसां गैहरी गल कनैं विमर्श दी कोसिस करा दे एह् बड़ी बडी गल्ल है।
तुसां जो कनैं दयार जो नौंए साले दिया शुभ कामनां।
कुशल कुमार
आखिर च ऐही लगदा कुशल जी, होर मतेयां कम्मं साही असां पढ़ने लिखणे दा कम्म भी अप्पू ताईं ही करदे। अपणिया खुसिया कनै अपणे संतोष ताईं।
Deleteतुसां बाल लाई रखदे ता एह् माड़ा-मोटा कम्म होई जांदा।
ऑडियो-वीडियो अपणिया जगह ठीक हन, पर पुराणे माध्यम भी सौगो-सौगिया चली रैंह्ंदे।
नौएं साले च कुछ होर नौआं भी हुंगा, एह् मीद लाई रखिए।
एह् पोस्ट अपणे फेसबुक पर पाइयो थी। ओह्थी कुछ मितरां कमेंट कीते। मैं सोचेया एत्थी रखी दिंदा है। गल गांह् भी बधी सकदी।
ReplyDeleteVinod Das
सपरिवार आपको नए साल की हार्दिक शुभकामनाएं
Durgesh Nandan
खरी गल सुणाई । तुसां दी एह चिंता बाजिव है कि खाली झाती ही बजा दी कि पढ़ोआ दा भी है ।
Ishita Rajan to Durgesh Nandan मैंने तो पूरा पढ़ा, अबकी बार!
Ishita Rajan
कांगड़ी भाषा पढ़ने से तो समझ आती है! परन्तु लिखने बोलने में बहुत आसान नहीं लगती! तो कमेंट हिन्दी में ही कर पाऊँगी! वहाँ भी कमेंट हो नहीं पाया, पता नहीं, लॉग इन नहीं कर पाई! मेरी तरह के लोग सम्भवतः इन्हीं कारणों से कमेंट नहीं कर पाते होंगे!
भाषा कांगड़ी होने से पाठकों का दायरा सीमित तो हो ही जाता है!
अपनी भाषा न होने से, पढ़ने का प्रवाह भी थोड़ा बाधित होता है! बहुत लम्बा कुछ न हो तो कांगड़ी में लिखा मैं पढ़ लेती हूँ! फिर मुझमें अभी बहुत पुरानापन है, काग़ज़ पर पढ़ना ही आसान लगता है!
सुमनिका जी बहुत ही सुन्दर चित्र बनाती हैं, उन्हें बधाई!
Anup Sethi to Ishita Rajan जी, सुमनिका तक आपकी बधाई पहुंचा दूंगा।
Anup Sethi to Ishita Rajan आपने पढ़ने के लिए मेहनत की, यह क्या कम है। आभार। कमेंट करने के लिए लॉगिन करना पड़ता है और फिर मुझे वह मॉडरेट करना होता है। उसके बाद ही ब्लॉग पर कमेंट दिखता है। बीच में कुछ अनचाहे संदेश अधिक संख्या में आने लगे थे इसलिए मॉडरेशन की एक जाली लगा दी है। जाहिर है कमेंट करने वाले को इसमें थोड़ी तो असुविधा होती होगी।
Rekha Vashisht to Anup Sethi नया साल बहुत बहुत मुबारक हो
Sumitra Agrawal to Sumanika aap ch9trà bhi banàti hain
Anup Sethi to Sumitra Agrawal जी थोड़ा बहुत।
Tejkumar Sethi
शुद्ध प्हाड़िया च लिखणा कनै प्हाड़ी भासा च लिखेयो जो पढ़ने तईयें काळजे च भासा दे वास्तैं बड़े गाढ़े प्रेमे दी अग्नि चाहिदी । जाह्लु जे प्हाड़ी पञ्ची बाट्स ऐप्प नुआड़ेया था तिस वेल्लैं प्हाड़ी पञ्चाँ च जिसा किस्मा दा उच्छाह था कनै पञ्चीया च हिस्सा लैणे दी कदेह्यी धोळ-धफरोळ मचिह्यो थी । इहिन्यां बझोन्दा था भई प्रेम कनै भाईचारे दी त्रवेणी वगी पह्यीयो होयै कनै हर कोई तिसा च चुब्भी लाणे यों काह्ळा बज्झेया होयै ।
ताह्लु द्विवेन्द्र द्विज होरां म्हात्तड़ -हट्टे तिह्ड़ु-मिह्डु कठेरे कनैं प्हाड़िया भासा दा घियान्ना बाळी त्ता ।
मैं भी लयी पेया लिखणा :
" लगणी नी थी अप्पूं अग्ग किह्ले ठेलुये जो
तिहडु-मिह्ड़ुआं दीया संगती बळदा रेह्या फिरी" ।
प्हाड़ी दयारे दे इस घियान्ने दिया अग्गी भखदिया रैह्णा जे असां तिस प्रेमे ने लगातार अपणिया बोल्लिया दे छोटे मोटे त्रींगडू, सुनियाह्ड्डु, टण्ढे कनैं पच्चरू लान्दे रैंह्गे ।
ए नि सोचणा भई असां दिया भासा दे छटियांगळु होच्छे या लम्मढींग या बड़े त्रयाट-ब्याट जेह्ये हन, अपर
जे भी हन सैः प्हाड़िया भासा दे थि:न्दड़े कनैं भोलपणे दे मिट्ठड़े धन्दडुआं साह्यीं सुआदले हन ।
प्हाड़ी दियार तांई पैहलो-पैहल्लिया मिह्णत लगणी ही है ।
फिरी हौळैं-हौळैं दियारैं अपणा कद उच्चा चक्कणा ई चक्कणा।
" मिहण्तीं दा 'मैल' भरेया सबरां दे गत्तां बिच्च मैं
सज्जणां दी सेजळु नै गळदा रेह्या फिरी" ।
लाया मैं अपणें अगणैं बूट्टा सच्चाईया दा था
फुल्लेया ता देरीया ते फळदा रेह्या फिरी" ।
सेठी होरां ता हाखीं मिट्टी लगेयो रह्दे म्हारिया पाहडिया दे बिस्तारे तांईं। । कुशल होरां भी अपणे कम्में लगयो रहदें। होर साथी भी टां पा करदे ही रहदे, ताहीं म्हारी पाह्डी लिखोआदी भी कन्नै दुस्सा दी भी। तुसां सारयां जो बधाई. कन्नै कन्नै नोयें साले दी भी बधाई।
ReplyDelete