मुंबई डायरी

 

 अपणिया जगह छड्डी लोक मुंबई पूजे। न अपणे ग्रां भुल्ले, न शैह्र छुट्या। जिंदगी पचांह् जो भी खिंजदी रैंह्दी कनै गांह् जो भी बदधी रैंह्दी। पता नीं एह् रस्साकस्सी है या डायरी। कवि अनुवादक कुशल कुमार दी मुंबई डायरी पढ़ा पहाड़ी कनै हिंदी च सौगी सौगी। किस्त छे। 

 

................................

 काळे समुद्दर

(मुंबई च 1909 च पैह्ली काळी-प्यूळी टैक्सी चल्ली थी कनैं 1920 दे आस्सें-पास्सें वाया कराची हिमचलियां दे पैर मुंबई दी धरती पर पई चुक्यो थे। मुम्बई च असां दी एह् यात्रा अज भी जारी है। असां एत्थू अपणी इक लग पच्छैण बी बणाइयो कनैं अपणिया भासा कनैं संस्कृति जो भी जीन्दा रक्खेया।)

कमलेश्वर जी दा इक नावल है ‘समुद्र में खोया हुआ आदमी’। तिस च इक्की माह्णुए  दे चाणचक समुदरे च गुआची जाणे दी कथा है। प्हाड़ां च मुंबई जो भी समुदर ही मनया जांदा। इत्थू इक समुदर खारे पाणिये दा ता है ही, होर बी मते सारे हन। माह्णुंआं दा  समुदर,  गरीबिया-अमिरिया दा समुदर, कितणे की गिणने। जिञा सारियाँ नदियां-नालू समुदरे च गुआची जांदे तिञा ही ऐत्थू सारे समुदर गुआच्यां माह्णुंआं नै ही भरोयो हन। एह् जिसदी गल्ल है तिस दा गुआचणा क्या -ता मिलणा क्या? सैह् पैह्लें ही अपणे आप्पे ते गुआची चुक्या था। सैह् पुतरां दमागी बमारिया दे लाजे तांई ही मुंबई अन्दया था। एह् लग गल है कि छड़यां दे डेरयां च लग ही मस्ती कनैं लापरवाही होंदी। इस साह्बें तिन्हां बुजुर्गां दा गुआचणा लाजमी ही था। इक रोज सैह् घरे ते निकळे कनैं हटी नै नीं आये।

तिन्हां जो ठेट ग्रांचड़ पहाड़िया ते लावा होर कोई भासा नीं औंदी थी। सैह् कुत्थू चली गै कनैं तिन्हां कने क्या होया होंगा? लोक तिन्हां ते कुछ पुच्छदे होंगे सैह् तिन्हां जो समझा नी औंदा होणा कनैं तिन्हां दा गल्लाया भी कुसी जो समझा नी ओआ दा होणा। सैह् कितणा, कुत्थू कनैं किञा जिये होंगे। कुन्नी कुछ खाणे जो भी दित्ता होंगा कि भुक्खे ही मरी गै होंगे। मेरे बाल मने पर एह् सुआल देह्या लखोया कि मटोंदा ही नीं।

मतयां सालां बाद इक अधेड़ जणासा कन्ने बी एह् देई घटना होई गयी थी। सैह् बी बचारी मानसिक लाजे ताईं आइयो थी। गलतिया नै दराजा खुल्ला रइया कनैं बेध्यानिया च सैह् काह्लू बाह्र निकळी गई पता ही नीं लग्गा। पजां-दसां मिंटा च हादसा होई गिया। उसते बाद सारियां संभव कोससां कनै संचार दे साधन होणे दे बावजूद तिसा दा कुछ पता नीं लग्गा। तिसा दे बारे च ता सोची ही नीं होंदा। पाणिए दा समुदर ता डुब्यां माह्णुआं दे जिस्मां बाहर सटी दिंदा। माह्णुआं दा समुदर ता साबतयां ही निगळी जांदा। इक शराब कन्नैं नशयां दा भी समुदर है। सैह् बी अंदरे ते नचोड़ी जिस्मां दे खोखयां छडी जांदा।

तिह्नां बुजुर्गां दे दूईं पुतरां दे ब्याह होए, बच्चे भी होए। पर सैह् दुनिया ते जल्दी चले गै। हालांकि ग्रां-घराँ दे कठेवे च दुःखां दे दिन बी रामे कनै ही सुखे नैं कटोई जांदे। बच्चे भी गांह् बधी जांदे। पर इन्हां दूई दियाँ लाड़िया भाल न कोई रोजगार था, न कमाईया दा कोई जरिया, न सूह्लत थी। फिरी भी इन्हां मुंबई नी छड्डी। एत्थू रही नैं याण्या दी जिन्दगी बणी जाणी एह् ही सोच्या होणा। अंगरेजिया दा भूत तेह्ड़ी बी जोरे पर था। खैर औखी-सोखी कट्टी दोह्यो चली गइयां।

एह् लगदा कि हुण ता माड़ा देह्या बदलाव आई गिया पर सोचा ता क्या होंदी कुड़ियां दी जिन्दगी? कुड़ियां जो या ता राज मिलदा या फ्हिरी तिन्हां दी अन्दरली सैह् कुड़ी बी इक डरौणे बणे च गुआची जांदी। कुच्छ होर ही होई जांदियां कुड़ियां। लोक बोलदे भाग-तकदीर किछ नी होंदे पर एह् ता भागां दी गल है कि कुड़ियां जो ब्याहे ते बाद कदेई जिन्दगी मिलदी है। मेरे ब्याहे कनै-कनै ब्याह होया था। सैह् दुईं-चौंही मीह्नयां च जळी ने मरी गई थी।

अपराधां ते ता दुनिया दा कोई पास्सा नीं छुट्या। शैह्रां च, खास करी गरीबां कनैं घट कमाइया आळयां दियां बस्तियां च ता जादा ही कोप होंदा। उपरे ते तेह्ड़ी उतर भारत च चंबल कनैं डाकुआं दा जोर था। ओत्थू दे लोग राजेयां-महाराजेयां साही डाकुआं दियां भादरिया दा बखान कर दे थे। एह् देइयां फिल्मां दा दौर ता हाली बी गिया नीं। इस ते भी बच्यां दे कोरयां मना कनैं सोचा पर क्या असर पौंदा होणा। कुल मलाई नैं सार एह् निकलदा भई, अपराधी बुरा इंसान नीं, भादर होंदा कनैं कई बरी इसा व्यवस्था च अपराधी होणा मजबूरिया सौग्गी-सौग्गी जरूरी भी होई जांदा।इन्हां बस्तियां च रैह्णे आळेयां बच्चयां दा इसा अपराधां दिआ दुनिया ते बचणा बड़ा जरूरी होंदा। जे इसा ते बची भी जाह्न ता नशयां दा लग फेर है। हुण ता ड्रग्स भी शामिल होई गिओ।

इक ता इन्हां बस्तियाँ च रैहणे वाळे कमियां, दुखां कने मुस्कलां दी जिंदगी जिया दे होंदे। तल्खी कनैं गुस्सा जादा होंदा। लड़ाई झगड़े झट गुनाह वणी जांदे। शराबे दियां भठियां-अड्डे, जूए दे अड्डे, लाटरिया साही मटका नांए दा इक जुआ है। हुण ता घटी ईया पर पैह्लें इस जुए दे शकीन शराबियां ते बी ज्यादा थे। पड़दे पचांह बैठ्या माफिआ गिरोह इस जो बड़े ही व्यवस्थित कारोबारे साही चलांदे थे। इस च लोग नंबरां पर पैसे लांदे थे। जिस दे छीं दे छे नम्बर निकली जाह्न तिस जो चुआनिया दे दो हजार मिल दे थे। इस ते अलावा माफिया करोबारां च जुआ, गैरकनूनी शराब, समग्लिंग, बन्दरगाह चोरी, फिल्मा दे टिकटां दी  काळाबजारी, रंगदारी साही कम्मां च बड़े खूंखार कनैं नामी गिरोह थे। इन्हां दे सरगने फौजी कमांडरां ते बी गांह बधी नै अज के कारपोरेट साही बपार करदे थे। देशां दिआं फौजां साही लाक्यां पर कब्जयां ताईं इन्हां दे अप्पू च युद्ध भी छिड़यो ही रैंह्दे थे। इन्हां सरगनयां कनैं गिरोहां तांई एह् बस्तिआं नौयां रंगरूटां जो भरती करी अपराधी बणाणे दी टरेनिंग देणे दा केंदर थिआं।

मिंजो कने स्कूले च इक दबंग पूरबिया मुंडू था। मार कटाई च गांह रैह्णे दे कारण छोरुआं दा हीरो था। तिस ते पढ़ाई ता पूरी होई नीं। बुढ़ें रेलवे च नौकरिया लगवाई ता। इस जो अंदर बैठणे ते जादा लोकला दिया छत्ती पर बही नै जाणे च जादा मजा औंदा था। ब्याह पैह्लें ही होया था इक बिट्टी भी थी। साहब भाई बणीं नौकरिया छडी लाका संभलणा लगी पै। तिस दिया अर्थिया च मैं पैह्ली बरी जब तक सूरज चांद रहेगा………..। नारा सुणया था। अज भी हर साल इक गणपती पंडाल च तिसदी तसवीर टंगोईयो मिलदी। तिस दी जिन्दगी ता गई पर तिस कनैं चार होर जींदे ही मरी गे।

इक बड़े पैसे आळे दा पुतर था। तिस जो मौज मस्ती करने जो पैसे घट पोंदे थे। ता सैह् अपणिया कारा च राती जो लुट मार करदा था। तिस दे फेरे च मेरा इक पहाड़ी मित्तर वकालत पढ़ी ने बकील बणदा-बणदा जेह्ला च पूजी गिया।

तुसां सोचा दे होणे गुआचयां माह्णुआं दियां कथाँ दा गुनाहां दे किस्सेयां ने क्या मेल है। मेल ता कोई नीं है पर गलाई नीं सकदे कुसी जो कुत्थू क्या मिली जाऐ। समुदरे च इक बरी पैरां हेठे ते रेत जमीन खिसकी जाए ता माह्णुए दा कोई बस नी चलदा।

लेह्रां तिस जो कुसी भी कनारें लई जांदिआं। कनारे पर जीन्दा बची नैं लग्गै या मरी ने, तकदीरा दे हत्थें ही होंदा। पहाड़ा ते इक नौईं जिंदगी भ्याग तोपणा ओणें आळे कई इस समुदरे दे भी शकार बणे। इकना दुईं इसा दुनिया पर भी राज किता कनैं उसते बाद खरी जिंदगिया दा भी नन्द लिया। अज भी मौजां च हन कनैं कुछ जुआनिआ च ही जान गुआई चले गै। इक ता बचारा दो चार दिन पैह्लें ही आया था। तिस बचारे जो कोई होर समझी नैं ही मारी ता था।

एह् बड़े ही दुःखे आळी गल है कि एह् कथा बी हिन्दी फिल्मां साही राजी-खुशी वाळे मोडे़ पर लगभग पूजदी आईयो थी। इक्की माऊ दे दो पुतर थे। इक्की दी पढ़ी लिखी ठीक ठाक नौकरी लगी गइयो थी। दुआ डरैबर बणी गिया था। पर इसा कहाणिया दे किरदारां जो गुनाहां दे समुदरे दियां लैह्रां खिंजी नैं लई गइयां।

लाके दा कोई गुंडा तिह्नां जो तंग करदा था। इक रोज गल बधी गई कनैं मार कटाइया च सैह् मरी गिया। तिनों जेह्ला च पूजी गै। इक बरी जेह्ड़ा चिकडे़ च फसी जाऐ सैह् मंडोंदा ही चला जांदा। तिन्नों बाहर आये फ्हिरी कुछ होया। मा तिस सदमे कनैं बमारिया नै चली गई। पुत्तर जेह्ला च। एह् देह्या कुसी ने कुत्थी भी होई सकदा। मती बरी परिस्थितियां लचार करी दिंदियां पर माह्णुए दी अपनी सोच भी ता जिम्मेवार होंदी। मेद है तिह्नां कनैं गांह् सब ठीक होऐ। सैह् सुखी, स्वस्थ कनैं अपराध मुक्त जिंदगी जीण।

  

................................

 काळे समंंदर

(मुंबई में 1909 में पहली काली-पीली टैक्सी चली थी और 1920 के आसपास वाया कराची हिमाचलियों के चरण मुंबई की धरती पर पड़ गए थे। उसके बाद मुंबई में हमारी जो यात्रा आरंभ हुई वह आज भी जारी है। हमने यहां अपनी एक अलग पहचान भी बनाई है और अपनी भाषा के साथ-साथ संस्कृति को भी जीवित रखा है।)

कमलेश्वर जी का एक उपन्यास है ‘समुद्र में खोया हुआ आदमी’। उसमें एक इंसान के अचानक समुद्र में खो जाने की कहानी है। पहाड़ों में मुंबई को भी समुद्र ही माना जाता है। यहां एक खारे पानी का समंदर तो है पर और भी बहुत सारे समंदर हैं। इंसानों का समुद्र, गरीबी-अमीरी का समुद्र, कितनों के नाम गिनें। जिस तरह सारी नदियां और नाले समुद्र में आ कर गुम हो जाते हैं, उसी तरह ये सारे समुद्र भी गुम हुए इंसानों से ही भरे हुए हैं। जिसकी यह कथा है। उसका गुम होना क्या, तो मिलना क्या?  वह पहले ही अपने आप से गुम हो चुका था।उसके बेटे दिमागी बीमारी के इलाज के लिए उसे मुंबई ले कर आए थे। यह अलग बात है कि परिवार से अलग समूह में रहने वाले युवाओं के घरों में अलग ही मस्ती और लापरवाही होती है। इस हिसाब से उन बुजुर्ग का गुम होना लाजमी था। एक रोज वे घर से निकले और वापस नहीं आए। उन्हें ठेठ ग्रामीण पहाड़ी के अलावा और कोई भाषा नहीं आती थी। वे कहां चले गए और उनके साथ क्या हुआ होगा? लोग उनसे जो पूछते होंगे वह उन्हें समझ नहीं आता होगा और वे जो बोलते होंगे, वह भी किसी को समझ में नहीं आ रहा होगा। वे कितना, कहां और कैसे जिए  होंगे? किसी ने उन्हें खाने को भी कुछ दिया होगा या भूखे ही मर गए होंगे। मेरे बाल मन पर यह सवाल ऐसे छपे कि आज भी मिटे नहीं हैं।

बहुत साल बाद ऐसी ही मानसिक स्थिति वाली एक अधेड़ महिला के साथ भी ऐसी ही घटना हो गई थी। वह भी मानसिक बीमारी के इलाज के लिए आई थी। गलती से दरवाजा खुला रह गया और वह कब बाहर निकल गई पता ही नहीं चला। 5-10 मिनट में ही यह हादसा हो गया। उसके बाद सभी संभव कोशिशों और संचार के सारे साधन होने के बावजूद उसका कुछ पता नहीं चल सका। उसके बारे में तो सोच कर ही डर लगता है। पानी का समंदर तो डूबे हुए इंसानों के जिस्मों को बाहर फेंक देता है लेकिन इंसानों का समंदर पूरे के पूरे इंसान को ही निगल जाता है। इसके अलावा शराब और नशों का एक और समुद्र है। वह भी इन्सान को अंदर से निचोड़ कर शरीर के खोखे को छोड़ जाता है।

बुजुर्ग के दोनों बेटों के विवाह हुए, परिवार बसा और बच्चे भी हुए। हालांकि गांव में घरों के कठेवे में दुखों के दिन भी आराम से और सुख से कट जाते हैं। बच्चे भी आगे बढ़ जाते हैं पर उन दोनों की पत्नियों के पास न तो कोई रोजगार था न कमाई का कोई जरिया और न कोई सहूलियत। इसके बावजूद इन्होंने मुंबई नहीं छोड़ी। शायद बच्चों की जिंदगी बनाने के बारे में सोचा होगा। अंग्रेजी का भूत उस समय भी जोरों पर था। खैर, किसी तरह एक संघर्ष की जिंदगी काट कर दोनों चली गईं।

ऐसा लगता है कि अब थोड़ा सा बदलाव आया है। सच में देखा जाए तो लड़कियों की जिंदगी क्या होती है? लड़कियों को या तो राज मिलता है या फिर उनके अंदर की वह लड़की भी एक डरावने वन में खो जाती है। कुछ और ही हो जाती हैं लड़कियां। लोग कहते हैं कि भाग्य और तक़दीर कुछ नहीं होता है पर यह तो भाग्य की ही बात है। एक लड़की को विवाह के बाद कैसा जीवन मिलेगा। मेरे विवाह के साथ-साथ एक लड़की का विवाह हुआ था। उसने दो-चार महीने में ही आत्महत्या कर ली थी।

अपराधों से दुनिया का कोई हिस्सा नहीं छूटा है। शहरों में, खासकर गरीब और कम कमाई वालों की बस्तियों में इनका ज्यादा ही प्रकोप रहता है। उस समय उत्तर भारत में चंबल और डाकुओं का बड़ा जोर था। वहां के लोग मिर्च-मसाला लगा कर डाकुओं की बहादुरियों का बखान करते थे। ऐसी फिल्मों का दौर अभी भी जारी है, जिनमें नायक अपराधों की दुनिया से आते हैं। इससे भी बच्चों के कोरे मन पर और सोच पर क्या असर होता होगा? कुल मिलाकर सार यह निकलता है कि भई अपराधी बुरा इंसान नहीं, बहादुर होता है और कई बार व्यवस्था में अपराधी होना मजबूरी के साथ-साथ जरूरी भी हो जाता है। इन बस्तियों में रहने वाले बच्चों का अपराधों की इस दुनिया से बचना बहुत जरूरी होता है। इससे बच भी जाएं तो नशों का एक अलग जाल है। अब तो ड्रग्स भी शामिल हो गई हैं।

एक तो इन बस्तियों में रहने वाले कमियों, दुखों और मुश्किलों की जिंदगी जी रहे होते हैं। तल्खी और गुस्सा ज्यादा होता है। छोटे-मोटे लड़ाई झगड़े झट से गाली गलौज और गुनाह में बदल जाते हैं। शराब की भट्टियाँ और अड्डे, जुए के अड्डे, लॉटरी की तरह मटका नाम का एक जुआ है। जो अब तो कम हो गया है लेकिन उस समय इसके शौकीन शराबियों से भी ज्यादा थे। पर्दे के पीछे बैठे माफिया सरगना इसको बड़े ही व्यवस्थित व्यापार की तरह चलाते थे। इसमें लोग एक से छह नंबरों पर दाव लगाते थे। जिसके छह के छह नंबर निकल जाते थे उसे चार आने के 2000 मिलते थे। इसके अलावा माफिया कारोबारों में स्मगलिंग, बंदरगाह चोरी, सिनेमा के टिकटों की काला बाजारी, रंगदारी जैसे अपराधों में लिप्त बड़े खूंखार और नामी गिरोह थे।

इनके सरगना फौजी कमांडरों से भी आगे बढ़कर आज के कारपोरेट की तरह व्यापार करते थे। देश की फ़ौजों की तरह इलाकों पर कब्जे के लिए उनके बीच युद्ध छिड़े रहते थे। इन सरगना और गिरोहों के लिए यह बस्तियां नए रंगरूटों की भर्ती करने और उन्हें अपराधी बनाने का प्रशिक्षण देने का केंद्र हुआ करती थीं। मेरे साथ स्कूल में एक दबंग लड़का था। मारपीट में हमेशा आगे रहने के कारण वह आवारा लड़कों का हीरो था। उससे पढ़ाई तो पूरी हुई नहीं पर पिता ने रेलवे में नौकरी लगवा दी। इस को लोकल में अंदर बैठने के बजाए छत पर ज्यादा मजा आता था। विवाह पहले ही हो चुका था एक लड़की भी थी।यह साहब नौकरी छोड़कर भाई बन गए और इलाका संभालने लगे। मैंने उसकी अंतिम यात्रा में पहली बार जब तक सूरज चांद रहेगा…  यह नारा सुना था। आज भी हर साल एक गणपति पंडाल में उसकी तस्वीर टाँगी जाती है। उसका जीवन तो गया साथ में चार और जीते जी मर गए।

 

एक बड़े पैसे वाले का बेटा था। उसको मौज मस्ती करने के लिए पैसे कम पढ़ते थे तो वह अपनी कार में रात को लूट मार करता था। उसके चक्कर में मेरा एक पहाड़ी मित्र वकालत पढ़कर वकील बनते-बनते जेल में पहुंच गया था।

आप सोच रहे होंगे कि खोए हुए आदमियों की कथाओं के साथ गुनाहों के क़िस्सों का क्या तुक है? कुछ कहा नहीं जा सकता है। जिंदगी में किसको कहाँ क्या मिल जाए? समुद्र में एक बार पैरों के नीचे से रेत खिसक जाए तो आदमी का कोई बस नहीं चलता है। लहरें उसे किसी भी किनारे पर ले जाती हैं। अब किनारे पर वह जिंदा पहुंचे या उसका मृत शरीर, सब तकदीर के हाथ होता है। पहाड़ों से एक नई जिंदगी की तलाश में आने वाले कई इस समुद्र के भी शिकार बने। दो चार ने इस दुनिया पर राज भी किया और उसके बाद अच्छी जिंदगी का आनंद भी लिया। आज भी मौज में हैं और कुछ जवानी में ही जान गवां कर चले गए। एक बेचारा तो दो-चार दिन पहले ही आया था, उसे कोई और समझ कर मार डाला गया था।

यह बड़े ही दुख की बात है कि यह कथा भी हिंदी फिल्मों की तरह राजी खुशी वाले मोड़ पर पहुंच रही थी। एक मां के दो बेटे थे। एक की पढ़ लिख कर ठीक-ठाक नौकरी लग गई थी, दूसरा ड्राइवर बन गया था। परंतु इस कहानी के किरदारों को गुनाहों के समुद्र  की लहरों ने अपनी तरफ खींच लिया।

इलाके का कोई गुंडा मां बेटे को तंग करता था। एक रोज बात बढ़ गई और  मारपीट में वह गुंडा मर गया। तीनों जेल में पहुंच गए। एक बार जो कीचड़ में फंस जाता है, वह और फँसता ही जाता है। वे तीनों जेल से बाहर आए और फिर से कुछ ऐसा ही हो गया। उसके बाद सदमे और बीमारी से माँ का देहान्त हो गया और बेटे जेल में हैं।

यह महज़ एक संयोग ही है। ऐसा किसी के साथ कहीं भी हो सकता है। कई बार परिस्थितियाँ लाचार कर देती हैं लेकिन इंसान की अपनी सोच भी कुछ हद तक तो जिम्मेदार होती होगी। उम्मीद है आगे सब ठीक हो। वे सुखी, स्वस्थ और अपराधमुक्त  जिंदगी जीएं।

(चित्रकृति : एडवर्ड मंच। इंटरनेट से साभार)

मुंबई में पले बढ़े कवि अनुवादक कुशल कुमार
2005-2010 तक मुंबई से हिमाचल मित्र पत्रिका का संपादन किया।
चर्चित द्विभाषी कविता संग्रह मुठ भर अंबर।