फौजियां दियां जिंदगियां दे बारे च असां जितणा जाणदे, तिसते जादा जाणने दी तांह्ग असां जो रैंह्दी है। रिटैर फौजी भगत राम मंडोत्रा होरां फौजा दियां अपणियां यादां हिंदिया च लिखा दे थे। असां तिन्हां गैं अर्जी लाई भई अपणिया बोलिया च लिखा। तिन्हां स्हाड़ी अर्जी मन्नी लई। हुण असां यादां दी एह् लड़ी सुरू कीती है, दूंई जबानां च। पेश है इसा लड़िया दा पंजवां मणका।
...............................................................................
सहीदां दियां समाधियां दे परदेसे च
राती दे तकरीबन डिड्ढ बजणा लग्गेयो थे। मिंजो अपणे तंबूये बाहर किछ छेड़ सुणोह्यी। बाहर आई करी मैं चानणिया च दिक्खेया फील्ड रेजिमेंट दे कमांडिंग अफसर
सैह् मराठा कर्नल मिंजो ही तोपणा लग्गेयो थे। तिन्हां दे पिच्छें लाइट रेजिमेंट दे सीओ भी थे। मैं तुरत सावधान होई करी तिन्हां जो सलूट दित्ता था। तिन्हां सलूटे दा जवाब देई नै मिंजो ते पुच्छेया था, 'भगत,
कुछ है तो नहीं?(भगत,
किछ है तां नीं?)' 'नहीं सर, मेरे पास कुछ नहीं है। हो सकता है कमांडर साहब
के पीए साहब के पास कुछ हो (नहीं सर, मिंजो व्ह्ली
किछ नीं है। होई सकदा कमांडर साहब दे पीए होरां व्ह्ली किछ होए),' मैं जवाब दित्ता था।
तिस वक़्त ब्रिगेड कमांडर साहब होरां दे पीए आर्मी सप्लाई कोर दे इक सूबेदार मेजर साहब
थे। 'वो
कहां मिलेंगे? (सैह्
कुत्थू मिलह्गे?) 'तिन्हां दे पुच्छणे पर मैं तिन्हां जो तिसा चानणिया राती च ब्रिगेड कमांडर
साहब होरां दे कारवां तिकर लई गिया था जित्थू कारवां दी बगल च ही तिन्हां दे पीए होरां
दा शेल्टर था। तिन्हां अपणी-अपणी लोकेसन रपोट ब्रिगेड हैडकुआटर दे 'फायर डायरेक्सन सेन्टर' च पहलैं
ही जमा करी दित्तियो थी।
दोन्हीं देशां दियां फौजां च हद ते ज़ादा सींढो-सींढी होआ दी थी। ठीक तिस वक़्ते पर पाकिस्तान दे तिस टैमें दे राष्ट्रपति जनरल जिया उल
हक जो भारत कनै पाकिस्तान दियां क्रिकेट टीमां च जयपुर च होणे वाळे मैच जो दिखणे दा
सादा भेज्या गिया। पाकिस्तानी राष्ट्रपति जयपुर आये। किछ समझौते होए। दूंहीं मुल्खां दियां
फौजां पिच्छें हटी गइयां। असां दी
फौज मुड़ी नै 'एक्सरसाइज
ब्रास्टैक्स IV' च जुटी गई। तिस जुद्धभ्यास च लग्गियो फौजा जो दो हेस्सेयां च बंडी दित्ता
गिया। इक हेस्से दा नां 'ब्लू लैंड फोर्सेज' कनै दूजे दा 'रेड लैंड फोर्सेज' रक्खेया गिया। म्हारा ब्रिगेड हैडकुआटर 'ब्लू लैंड फोर्सेज' च सामल था। एह् फौजां इक-दूजे पर हमला कनै जवाबी हमला करा दियां थियां। कुण कुत्थू जित्तेया कनै कुण कुत्थू हारेया इसदा फैसला करने तांईं अंपायरां
दियां टीमां बणियां थियां।
मिंजो इक दिन दोपहरां जो ब्रिगेड मेजर साहब
दा स्नेहा मिल्लेया। तिस स्नेहे च ऑडर था कि मैं अपणे ट्रक 3 टन शक्तिमान, जिस च ऑफिस लद्दोया था, जो खाली करी नै तिन्हां ब्ली भेजी दयूं। मिंजो एह् स्नेहा किछ अटपटा देहा लगेया। मैं ब्रिगेड मेजर होरां नै गल्ल करना गिया तां दिक्खेया कि ब्रिगेड दा 'फायर डायरेक्सन सेन्टर' समेटेया जाह्दा था। पुच्छणे पर ब्रिगेड मेजर होरां दस्सेया कि म्हारी पोजिसन पर रेड लैंड
फोर्सेज दा कुसी भी वक़्त हमला होई सकदा था इस करी नै ब्रिगेड हैडकुआटर दूजिया पोजिसना
पर जाह्दा था। गड्डियां दी घाट होणे दिया बजह ते असां दी गड्डी वापस लैणे दी नौबत आई
गइयो थी। मैं जाह्लू तिन्हां ते पुच्छेया कि मेरा कनै मेरे तिन्न साथियां दा क्या
होंगा तां तिन्हां दस्सेया कि असां जो तिसा जगह ही रात कटणा पौणी थी। कनै तिन्हां राती
हुशियार रहणे दी सलाह दित्ती किञा कि रेड लैंड फोर्सेज असां जो जंगी कैदी बणाई सकदियां
थियां। मैं चुपचाप मुड़ी आया। गड्डी खाली करी नै भेजी दित्ती। इतणे च संझ ढळी गई। न्हेरा
होई गिया था। असां जो एह् भी पता नीं था कि असां सांहीं होर कितणेयां जो तित्थु छडितेया था। मैं अपणे साथियां जो सारी गल्ल समझाई कनै राती हुशियार रहणे दी हिदायत
दित्ती।
बाहर किछ रौळा सुणी करी धरातें मेरी निंदर चांणचक्क
खुली गई। मिंजो लगा 'रेड लैंड फोर्सेज' दा हमला होई गिया। मैं अपणे
साथियां जो झंझोड़ी करी निंदरा ते जगाया। असां टेंट
ते बाहर निकळी करी हालात दा जायजा लैणा लगे। रौळा असां ते तकरीबन
100-150 गज परें इक उच्चे टिल्ले दे पासे ते औआ दा था।
मैं दिनै दिक्खेया था, तित्थु कम्युनिकेसन बणायी रखणे तांईं ब्रिगेड सिग्नल कंपनी दी इक छोटी
जेही टुकड़ी थी। तिन्हां तित्थू इक बड़ा उच्चा एंटीना लगाया था। दो-तिन
जणेयां दियां गड्डमड्ड वाजां औआ दियां थियां। समझ नीं औआ था कि भई सैह् 'बचाओ..बचाओ' बोला दे थे कि 'बचो...बचो'। ठीक तिस वक़्त ब्रिगेड़ हैडकुआटर कैम्प दा इक जुआन दौड़दा-दौड़दा मिंजो ब्ली आई करी गलाणा लग्गा, 'सर,
सूबेदार मेजर साहब ने आपके लिए मैसेज भेजा है
कि जितना जल्दी हो सके एक लालटेन जला कर उसे लम्बे डंडे से बांध कर हिलाना शुरू कर
दें (सर, सूबेदार मेजर साहब होरां तुसां तांईं इक स्नेहा
भेज्या कि जितणी सताबी होई सके तुसां इक लालटेन जगाई करी तिसा जो लम्मे डंडे कन्नै
बन्हीं करी ल्हाणा शुरू करी दिया)।' मैं तुरत हुक्म दा पालण कित्ता। लालटेन कड्ढी करी जगाई कनै टेंट दे फालतू पेह्यो डंडे कन्नै बन्हीं करी
अपणे इक साथिये जो ल्हाणे तांईं देई दित्ती। दरअसल होया एह् था कि तिसा राती असां दी ब्लू लैंड फोर्सेज दी इक टैंक
रेजिमेंट दे टैंक, बरोधी
फौजां दा दवाओ नीं झेली पाणे दिया बजह ते पिच्छें हटणा लगेयो थे। अपणे टैंक जाह्लू राती जो
चलदे तां सब्भ ते अग्गें टोही टैंक चलदा कनै तिसदे पिच्छें दूजे टैंक सिद्धे तिस रस्ते
पर चलदे। रति भी सज्जें-खब्बें नीं। टैंकां
दे रस्ते च जे किछ औंदा, चिह्लोई जांदा। जे टोही
टैंक जो लौ दसह्ण तां सैह् समझी जांदा कि अग्गें अपणे जुआन हन कनै सैह् अपणा रस्ता
बदळी लैंदा। तिसा राती असां सूबेदार मेजर साहब होरां दिया सलाह पर लो दस्सी कनै असां
चल्होणे ते बच्ची गै। तिस जुद्धभ्यास च टैंकां हेठ आई करी जुआना दे मारे जाणे दी इक
बारदात पहलैं होई चुक्कियो थी।
सन्
1987 दे मार्च महीने च एह् जुद्धभ्यास पूरा होणे
पर असां मुड़ी अपणियां-अपणियां पक्कियां ठाहरीं पर आई
गै थे।
सन्
1988 दे सितम्बर महीने दी गल्ल है। इक दिन सैह् कर्नल
साहब होरां ब्रिगेड हैडकुआटर च आए तां बड़े गंभीर होई नै मिंजो बोलणा लगे, 'देख भगत! तुम्हारी इस ब्रिगेड में टेन्युर पूरी हो चुकी
है। तुम्हें किसी न किसी यूनिट में जाना ही पड़ेगा।। मेरी यूनिट नेफा (अरुणाचल प्रदेश का पुराना नाम) जा रही है। मैं तुम्हें अपनी यूनिट में लेना चाहता हूँ। अगर तुम राजी हो तो मैं तुम्हारी पोस्टिंग अपनी यूनिट में करवाने की
कार्रवाई शुरू करूँ (दिक्ख भगत, तेरी इस ब्रिगेड च टेन्युर पूरी होई गईयो। तिज्जो कुसी न कुसी यूनिट
च जाणा ही पौणा है। मेरी यूनिट
नेफा (अरुणाचल
प्रदेशे दा पराणा नां) जाह्दी। मैं तिज्जो
अपणी यूनिट च लैणा चांहदा। जेकर तू राजी होए तां मैं तेरी पोस्टिंग अपणी यूनिट च करुआणे
दी करवाई शुरू करां)।"
मैं तिन्हां जो बड़िया नरम्याइया कन्नै जवाब
दित्तेया था, 'सर, आपकी यूनिट में काम करना मेरा सौभाग्य होता
पर मैं अपने बेटे की सेंट्रल स्कूल में एडमिसन दिलाने के बाद ही इस जगह से जाना चाहता
हूँ। आपकी यूनिट अभी जाने वाली है और बेटे की एडमिसन के लिए 6 महीने बाकी हैं। अभी इधर से जाना मेरे हित में
नहीं है। मुझे माफ कर दीजियेगा (सर, तुसां
दिया यूनिटा च कम्म करना मेरे भले भाग होंदे पर मैं अपणे जागते जो सेंट्रल स्कूल च
दाखिला दुआणे ते परंत ही इस जगह ते जाणा चांहदा। तुसां दी यूनिट हुण जाणे वाळी है कनै मुन्नुये दे दाखले तांईं अज्हें 6 महीने बाकी हन। हुण एत्थू ते जाणे च मेरा भला
नीं होणा। मिंजो माफ करी दिन्नेह्यो)।' कर्नल साहब होरां अपणे हसमुख लहजे च
बोले थे, 'देख
यार तेरी छाती पर सिर्फ एक ही मैडल का रिब्बन लगा है। मेरे साथ चलता तो दो मैडल और
मिल जाते, एक
हाई अल्टीटीयूड मैडल और दूसरा सैन्य सेवा
(नेफा) मैडल। चलो कोई बात नहीं जहां भी रहो, खुश रहो (दिक्ख यरा तेरिया हिक्का पर सिर्फ इक ही मैडल
दा रिब्बन लगेया। मिंजो सौगी चलदा तां दो मैडल होर मिली जाणे थे, इक हाई अल्टीटीयूड मैडल कनै दूजा सैन्य सेवा (नेफा) मैडल। चल कोई
गल्ल नीं जित्थू भी रैह्, खुस रैह्)।'
...............................................................................
शहीदों की समाधियों के प्रदेश में
रात के लगभग डेढ़ बज रहे थे। मैंने अपने तंबू के बाहर कुछ आहट सुनी। बाहर आकर मैंने चांदनी में देखा 'फील्ड रेजिमेंट' के कमांडिग अफसर वह मराठा कर्नल मुझे ही ढूंढ
रहे थे। उनके पीछे 'लाइट
रेजिमेंट' के
सीओ भी थे। मैंने तुरंत सावधान हो कर उन्हें सेल्यूट किया था। उन्होंने सेल्यूट के जवाब के साथ मुझ से पूछा था, 'भगत, कुछ
है तो नहीं?' 'नहीं सर, मेरे पास कुछ नहीं है। हो सकता
है कमांडर साहब के पी ए साहब के पास कुछ हो'
मैंने जवाब दिया था। उस समय ब्रिगेड कमांडर
साहब के पीए आर्मी सप्लाई कोर के सूबेदार मेजर साहब थे। 'वो कहां मिलेंगे?' उनके पूछने पर मैं उन्हें उस चांदनी रात में
ब्रिगेड कमांडर के कारवां तक ले गया जहां कारवां के बगल में ही उनके पीए का शेल्टर
था। उन्होंने अपनी-अपनी लोकेशन रिपोर्ट ब्रिगेड हैडक्वाटर के 'फायर डायरेक्शन सेन्टर' में पहले ही जमा कर दीं थी।
दोनों देशों की सेनाओं के बीच तनाव चर्म पर
था तभी पाकिस्तान के तत्कालीन राष्ट्रपति जनरल जिया उल हक को जयपुर में भारत और पाकिस्तान
की क्रिकेट टीमों के बीच होने वाले मैच को देखने के लिए बुलावा भेजा गया। पाकिस्तानी राष्ट्रपति जयपुर आये और कुछ समझौते हुए। दोनों देशों की
सेनाएं पीछे हटीं। हमारी सेना फिर से 'एक्सरसाइज ब्रास्टैक्स IV' में जुट गई। उस युद्धाभ्यास में शामिल सेना को दो भागों में बांट दिया
गया था। एक भाग का नाम 'ब्लू लैंड फोर्सेज' और दूसरे भाग का नाम 'रेड लैंड फोर्सेज' रखा गया था। हमारा ब्रिगेड मुख्यालय 'ब्लू लैंड फोर्सेज' में शामिल था। ये सेनायें एक दूसरे पर आक्रमण
और प्रतिआक्रमण कर रहीं थीं। कौन जीत रहा था और किसकी हार हो रही थी इसका निर्णय करने
के लिए अंपायरों की टीमें नियुक्त की गईं थीं।
एक दिन दोपहर को मुझे 'ब्रिगेड मेजर' का एक संदेश मिला। उस संदेश में आदेश था कि
मैं अपने ट्रक 3 टन
शक्तिमान, जिसमें
ऑफिस लदा था, को
खाली करके उनके पास भेज दूं। मुझे यह
संदेश कुछ अटपटा सा लगा। मैं ब्रिगेड मेजर साहब के पास गया तो देखा ब्रिगेड का 'फायर डायरेक्शन सेंटर' समेटा जा रहा था। मेरे पूछने पर ब्रिगेड मेजर ने बताया था कि हमारी पोजीशन पर रेड लैंड फोर्सेज किसी भी समय आक्रमण कर सकती
थीं इसलिए ब्रिगेड मुख्यालय वैकल्पिक पोजीशन पर जा रहा था। क्योंकि गाड़ियों की कमी
थी इसलिए हमारी गाड़ी वापस लेने की जरूरत पड़ गई थी। मैंने जब उनसे पूछा कि मेरा और मेरे तीन साथियों का क्या होगा तो उन्होंने
बताया कि हम लोग रात को उसी जगह पर रहें,
पर सावधान रहें क्योंकि हमें 'रेड लैंड फोर्सेज' द्वारा जंगी कैदी बनाया जा सकता था। मैं चुपचाप लौट आया। गाड़ी को
खाली करके भेज दिया। इतने में
शाम ढल गई। अंधेरा हो गया। हमें ये
भी पता नहीं था कि हमारी तरह और किस किस को उस जगह पर छोड़ दिया गया था। मैंने अपने साथियों को स्थिति से अवगत कराया और रात को चौकन्ना रहने
की हिदायत दी।
मध्य रात्रि को मेरी नींद बाहर कोलाहल सुन कर
अचानक खुल गई। मैंने सोचा 'रेड लैंड फोर्सेज' का हमला हो गया। मैंने अपने साथियों को झकझोर कर नींद से जगाया। हम टेंट से बाहर आकर वस्तुस्थिति का जायजा लेने लगे। शोर हमसे तकरीबन
100-150 गज दूर स्थित एक ऊंचे रेत के टीले से आ रहा
था। वहां पर संचार व्यवस्था के लिए ब्रिगेड सिगनल कंपनी की एक छोटी सी टुकड़ी तैनात
थी। उन्होंने वहां ऊंचा सा एंटीना लगा रखा था। दो तीन आदमियों की अस्पष्ट आवाजें सुनाई दे रहीं थी। समझ नहीं आ रहा
था वे 'बचाओ.. बचाओ' चिल्ला रहे थे या 'बचो..बचो'। तभी ब्रिगेड मुख्यालय कैम्प का एक जवान दौड़ता हुआ आया और मुझ से कहने
लगा, 'सर, सूबेदार मेजर साहब ने आपके लिए मैसेज भेजा है
कि जितना जल्दी हो सके आप एक लालटेन जला कर उसे लम्बे डंडे से बांध कर हिलाना शुरू
कर दें।' मैंने तुरंत आदेश का पालन किया। लालटेन निकाली और उसे जला कर टेंट के फालतू पड़े डंडे के साथ बांध कर
अपने एक साथी को हिलाने के लिए दे दिया। दरअसल
हुआ ये था कि उस रात को हमारी 'ब्लू लैंड फोर्सेज' की एक टैंक रेजिमेंट के टैंक,
विरोधी सेनाओं का दवाव न झेल पाने के कारण, पीछे हट रहे थे। अपने टैंकों का रात को जब संचलन होता है तो सबसे आगे टोही टैंक चलता
है और उसके पीछे-पीछे
दूसरे टैंक उसके द्वारा चिह्नित मार्ग पर चलते
हैं। थोड़ा सा भी इधर-उधर नहीं। टैंकों
के मार्ग में जो भी आता है, कुचला जाता है। अगर हम
टोही टैंक को रोशनी दिखाते हैं तो वो समझ जाता है कि यहां सैनिक हैं और अपना मार्ग
बदल लेता है। उस रात को सूबेदार मेजर साहब की सलाह पर हमने रोशनी दिखाई और हम टैंकों
द्वारा कुचले जाने से बाल-बाल बच गए। उस युद्धाभ्यास
में अपने ही टैंकों द्वारा कुछ सैनिकों के कुचले जाने की एक बारदात पहले हो चुकी थी।
मार्च 1987 को ये युद्धाभ्यास
समाप्त होने पर हम वापस अपनी-अपनी जगह पर आ गए थे।
सितम्बर 1988 के एक दिन जब उन कर्नल
साहब का ब्रिगेड मुख्यालय में आना हुआ तो बड़े गंभीर हो कर मुझ से कहने लगे "देख भगत! तुम्हारी इस ब्रिगेड में टेन्युर पूरी हो चुकी
है। तुम्हें किसी न किसी यूनिट में जाना ही पड़ेगा। मेरी यूनिट नेफा (अरुणाचल प्रदेश का पुराना नाम) जा रही है। मैं तुम्हें अपनी यूनिट में लेना
चाहता हूँ। अगर तुम राजी हो तो मैं तुम्हारी पोस्टिंग अपनी यूनिट में करवाने की कार्रवाई
शुरू करूँ।"
मैंने उन्हें विनम्रता से जवाब दिया था, "सर, आपकी यूनिट में काम करना मेरा सौभाग्य होता
पर मैं अपने बेटे की सेंट्रल स्कूल में एडमिशन दिलाने के बाद ही इस जगह से जाना चाहता
हूँ। आपकी यूनिट अभी जाने वाली है और बेटे की एडमिशन के लिए 6 महीने बाकी हैं। अभी इधर से जाना मेरे हित में
नहीं है। मुझे माफ कर दीजिएगा"। फिर कर्नल अपने चिर-परिचित लहज़े में हंसते हुए बोले थे, "देख यार, तेरी छाती पर सिर्फ एक मैडल का रिब्बन है। मेरे
साथ चलता तो दो मैडल और मिल जाते, एक हाई अल्टीटीयूड मैडल दूसरा सैन्य सेवा (नेफा) मैडल। चलो कोई बात नहीं जहां भी रहो, खुश रहो"।
भगत राम मंडोत्रा हिमाचल प्रदेश दे जिला कांगड़ा दी तहसील जयसिंहपुर दे गरां चंबी दे रैहणे वाल़े फौज दे तोपखाने दे रटैर तोपची हन। फौज च रही नैं बत्ती साल देश दी सियोआ करी सूबेदार मेजर (ऑनरेरी लेफ्टिनेंट) दे औद्धे ते घरे जो आए। फौजी सर्विस दे दौरान तकरीबन तरताल़ी साल दिया उम्रा च एम.ए. (अंग्रेजी साहित्य) दी डिग्री हासिल कित्ती। इस ते परंत सठ साल दी उम्र होणे तिकर तकरीबन पंज साल आई.बी. च, 'असिस्टेन्ट सेंट्रल इंटेलिजेंस अफसर' दी जिम्मेबारी निभाई।
लिखणे दी सणक कालेज दे टैमें ते ही थी। फौज च ये लौ दबोई रही पर अंदरें-अंदरें अग्ग सिंजरदी रही। आखिर च घरें आई सोशल मीडिया दे थ्रू ये लावा बाहर निकल़ेया।
हाली तिकर हिमाचली पहाड़ी च चार कवता संग्रह- जुड़दे पुल, रिहड़ू खोळू, चिह्ड़ू-मिह्ड़ू, फुल्ल खटनाळुये दे, छपी चुक्केयो। इक्क हिंदी काव्य कथा "परमवीर गाथा सेकंड लेफ्टिनेंट अरुण खेतरपाल - परमवीर चक्र विजेता" जो सर्वभाषा ट्रस्ट, नई दिल्ली ते 'सूर्यकांत त्रिपाठी निराला साहित्य सम्मान 2018' मिली चुकेया।
हुण फेस बुक दे ज़रिये 'ज़रा सुनिए तो' करी नैं कदी-कदी किछ न किछ सुणादे रैंहदे हन।
